Новости за 31.01.2019

Тажикстандын башкалаасы Душанбеде үч кабаттуу эки эстакаданын курулушу үстүбүздөгү жылдын этегине чейин бүтөт. Бул тууралуу 31-январда шаардын вице-мэри Махмадсаид Зувайдзода билдирди. «Азаттыктын» тажик кызматынын эстакаданын курулушунан улам  микрорайондордун тургундары «туңгуюкка» кептелип калганы жөнүндө суроосуна Зувайдзода «Эмомали Рахмон ишти 2019-жылдын этегине чейин бүтүрүүгө тапшырма бергенин» айтып жооп берди.  Курулуш жүрүп жаткан аймактагы бир нече микрорайондун 100 миңден ашуун тургуну күнүгө 3-5 чакырым жөө басып... Читать дальше...

Кыргызстан суу тууралуу мыйзамдарын өзгөртүп, "Кумтөр Голд" компаниясын Петров көлүнөн алып жаткан суу үчүн акы төлөтүүнү көздөп жатат.

“Роскомнадзор” мекемеси Британиянын ББС дүйнөлүк жаңылыктар кызматы (BBC World News) Орусиядагы ишмердигинде “мыйзам бузганын” билдирди. Мекеменин басма сөз катчысы Вадим Ампелонский 31-январда  “Роскомнадзор” мекемеси “кандай чара көрөрүн кийинчерек билдирет" - деди. Ошол эле маалда расмий өкүл кандай мыйзам бузуулар табылганын айткан жок.      Бул мекеме жыл башынан тарта ББС кызматы исламчыл экстремисттерди “жарнамалоо” менен Орусиянын "мыйзамын бузду" деген кине боюнча текшерүү баштаган.... Читать дальше...

Германияда мас абалында машина айдап баратып кармалгандар айыппул менен кутулуп кете алабы? Туш келди ташданды ыргыткандарга же балким көчөгө түкүргөндөргө кандай чаралар каралган? “Биз жана дүйнө” берүүсүндө Кыргызстанда талкуу жаратып жаткан жаңы эрежелер боюнча Германия мисалын көрсөтүп беребиз.

Адам укуктары боюнча Европа соту бейшемби күнү Орусияны Грузияга 10 миллион евро төлөөгө милдеттендирди. Тбилиси бул акчаны 2006-жылы Орусиядан депортацияланган грузин жарандарына кенемте катары бөлүштүрүп берүүгө тийиш. Ошентип, грузин жарандары 13 жылдан кийин кенемте алмай болушту. Бир жарым миңдей кишиге 2 миңден 15 миңге чейин евро тиймекчи. Страсбург соту Европа конвенциясынын "коллективдүү депортация", "эркиндиктен мыйзамсыз ажыратуу", "камалганда ырайымсыз, ар намысын тепсеген шартта кармоо" деген беренелери бузулган деп тапты. Читать дальше...

Европанын парламенти оппозициялык лидер Хуан Гуайдону Венесуэланын «жалгыз жана мыйзамдуу утурумдук президенти» деп тааныды. Мурдараак Евробиримдик президент Николас Мадуро сегиз күндүн ичинде мөөнөтүнөн эрте шайлоо жарыялабаса, ушундай кадамга барарын эскерткен. Мадуро европалыктардын мындай талабын кескин четке каккан. Венесуэлада «эркин жана таза шайлоо» өткөргөнгө чейин Гуайдону "утурумдук президент" деп таануу тууралуу чечимди Европарламенттин 439 мүчөсү колдоду, 104 депутат каршы чыгып, 88и арсар добуш берди. Читать дальше...

Ооганстандагы "Талибан” кыймылы “өз жеринде мекендештерине аралашып” жашагысы келерин билдирди. Американын айрым аймактарын арктикалык суук каптады. Венесуэладан чыккан учак Москва аэропортуна келип конду. Буга чейин Борбордук банк 20 тоннадай алтынды болжолу менен Орусияга чыгарууну пландап жатканы айтылган.

Соттор кеңешине караштуу Тартип комиссиясы “судьяларга карата бир эле иш боюнча эки башка чечим кабыл алат, эч кимге отчет бербеген жабык орган” деген дооматтарды четке какты. Комиссия 31-январда Бишкекте өткөргөн басма сөз жыйынында баш-аягы 74 судьяга чара көрүлгөнү белгилүү болду.

Кыргызстанда 1-февралда көпчүлүк аймактарда жаан жаап, карга айланат. Чүй, Ош, Жалал-Абад, Баткен облустарынын тоолуу райондорунда жана Ысык-Көл облусунун чыгышында жаан-чачын катуу жаайт. Жолдор тоңголок, тайгак болот. Тоолуу райондордо кар күрткүсү күтүлөт. Батыштан соккон шамалдын ылдамдыгы секундуна 5-10 метрден, Ысык-Көл, Нарын облустарында 15-20 метрге жетет. Абанын температурасы Чүй өрөөнүндө түнкүсүн -2…-7, күндүз -2…+3; Суусамырда түнкүсүн -20…-25, күндүз -14…-19; Таласта түнкүсүн -2…-7... Читать дальше...

Кара-Суу базарында бир нече жыл мурда дааратканын асты көчүп түшкөнү элдин эсинде. Өмүрдү алган бул кырсык базар ээлерине сабак болбогондой, базардагы дааратканалардын абалы азыр деле аянычтуу. Ал эми Ош шаарында ажаткана жетишсиз. Адистер бул маселе чечилмейинче, түштүк аймактагы туризмди өнүктүрүү иши аксай бере турганын ачык айтып келишет. Биз бул жолу Кыргызстандын экинчи борбору саналган Оштогу даараткана көйгөйүн ачык көргөзүүнү чечтик.

Германия, Франция жана Улуу Британия Иран боюнча АКШнын санкцияларын айланып өтүүчү атайын финансылык механизмди ишке киргизгени жатат.

Жогорку Кеңеште Коомдук телерадиоберүү корпорациясынын (КТРК) Байкоочу кеңешинин мүчөсүн шайлоо талаш-тартыш менен коштолду. Бир эле маселе боюнча эки ирет добуш берилгени, анда эки башка жыйынтык чыкканы парламенттин өз алдынчалыгы тууралуу маселени козгоду.

Жогорку Кеңеште Коомдук телерадиоберүү корпорациясынын (КТРК) Байкоочу кеңешинин мүчөсүн шайлоо талаш-тартыш менен коштолду.

Ош, 31-январь, 2019-жыл. /ca-irnews.com/. 29-январда Алай районунун Жаңы-Алай айылындагы мектептин окуучулары түтүнгө ууланып, ооруканага жеткирилди.

Бүгүн Борбордук шайлоо комиссиясы (БШК) "Өнүгүү-Прогресс" партиясынан шаардык кеңешке талапкер болгон Эдик Досиевдин арызын канааттандырып, ага шаардык кеңештин депутатынын мандатын тапшырды. Бул тууралуу "Азаттыкка" БШКнын басма сөз кызматы кабарлады. "Өнүгүү-Прогрессте" бошогон орунга тизмеде №10 болуп турган Досиев келиши керек эле. Бирок партиянын саясий кеңеши мандатты №23 орунда турган Аллаберди Парпиевге берүүнү чечкен. Досиев буга байланыштуу БШКга арыз менен кайрылган. Бишкек шаардык... Читать дальше...

АКШнын аймактарын артикалык суук каптады. Абанын температурасы айрым жерлерде -50 градуска чейин төмөндөп, мындай аба ырайы кеминде сегиз кишинин өлүмүнө себепчи болду. Метеорологдор ызгаарда элди этият болууга чакырып жатышат.

Аксыдагы Чоңтовар-Сай жаңы конушунун тургундары 10 жылдан бери жарыгы жок жашап жатышат. Окуучулар шам чырак алдында сабак даярдап, жети чакырым алыстыктагы мектепке катташат.

Жаза аткаруу кызматы Апрель окуясы боюнча күнөөлүү катары жазасын өтөп жаткан УКМКнын мурдагы төрагасы Мурат Суталиновду абактан мөөнөтүнөн мурда бошотууну өтүндү.

Германия, Франция жана Британия Иран боюнча АКШнын санкцияларын айланып өтүүчү атайын финансылык механизмди ишке киргизгени жатат. Жаңы механизм европалык фирмаларга Иранда иш жүргүзүүгө жол ачат жана Тегерандын өзөктүк программасы боюнча келишимди сактап калуу максатын көздөйт.  31-январда күчүнө кирип жаткан мехнизмди иштеп чыгуунун башында Германия, Франция жана Британия турат жана аны алгачкылардан болуп Еврошаркеттеги ушул үч мамлекет киргизгени жатат.  "Wall Street Journal" басылмасы жазгандай... Читать дальше...

Өкмөттүн Ысык-Көл облусундагы өкүлчүлүгүнүн “Азаттык” радиосуна билдиргенине караганда жалпы облус боюнча 457 бала эмдөөдөн өтпөй турат. Өкүлчүлүктүн маалыматында алардын ичинен 390 бала диний көз караштан улам, 55 бала эмдөөдөгү коопсуздуктан шек санагандыктан, төрт бала эмдөөнүн пайдасы жөнүндө маалыматы жоктугунан жана сегиз бала ар кандай себептерден улам баш тартканын айтышкан. Социалдык адистердин түшүндүрүү иштеринен соң 390 баланын ичинен 31 баланын ата-энеси балдарын эмдөөдөн өткөргөн. Читать дальше...

"Flight Radar" системасы көрсөткөндөй, Венесуэланын баш калаасы Каракастан чыккан учак Москванын Внуково аэропортуна келип конду.  Орусиянын “Nordwind” компаниясына таандык "Боинг-777" учагы менен ким келгени же анда кандай жүк бар экендиги тууралуу расмий маалымат азырынча жок. Дүйшөмбүдө "Nordwind" компаниясынын эл ташыган учагы Каракаска барган. Авиакомпаниянын өкүлдөрү “Новая газета” басылмасына учак жүргүнчүсүз кеткенин ырастады. "Flight Radar" системасынын маалыматына караганда, учак Каракаска барып конгон. Читать дальше...

Мамлекеттик каттоо кызматы мамлекеттик кадрларды каттоого алуунун автоматташтырылган e-kyzmat маалыматтык системасын түзүп, ишке киргизди. Мамлекеттик кадр кызматы бул системаны "Инфоком" мамлекеттик ишканасы менен чогуу иштеп чыккан.  Маалыматка ылайык, e-kyzmat электрондук системасы учурда 43 мамлекеттик органга жана Бишкек шаарынын мэриясына орнотулду. Ага 12 миң кызматкер катталган. Электрондук система персоналды башкарууга, сынак жарыялоого, кызматкерлердин ишине баа берүүгө жана аларды квалификациясын жогорулатууга багытталган. Читать дальше...

АКШдагы атайын прокурор Роберт Мюллер орусиялык «Конкорд менежмент жана консалтинг» компаниясынын өтүнүчүн канааттандырбоону соттон өтүндү. Орусиялык компаниянын адвокаттары "Москва 2016-жылы АКШдагы шайлоого кийлигишкен болушу ыктымал" деген иш боюнча далилдерди ачыкка чыгарууну өтүнүшкөн. Мюллердин түшүндүргөнү боюнча, далилдерди ачыкка чыгаруу Кошмо Штаттардын улуттук коопсуздугуна шек келтирет. Атайын прокурор ошондой эле орусиялык хакерлер уурдап алып, былтыр октябрда тергөөнүн «жашыруун... Читать дальше...

Былтыр ушул күндөрү Бишкек ЖЭБиндеги кырсыктын чоо-жайы териштириле баштаган. Борбор шаарды бир жума бою жылуулуксуз калтырган өндүрүштүк кырсык алдыда ири жаңжалга айланып, өлкө тарыхында бир иш боюнча эң көп жогорку кызматтагыларды темир торго салары белгисиз болчу.

Евробиримдиктин Кыргызстандагы өкүлү Эдуард Ауэр радикализмдин жана экстремизмдин алдын алуу максатында билим берүү, диний билим берүү, имамдарды окутуу боюнча долбоорлорду чогуу ишке ашырууну сунуш кылды. Ал мындай сунушун 30-январда Дин иштери боюнча мамлекеттик комиссиянын директору Зайырбек Эргешов менен жолуккан учурда айтты. Жолугушууда тараптар диний чөйрөдөгү мамлекеттик саясат, дин тутуу эркиндиги, адам укуктары, экстремизм менен радикализмдин алдын алуу, жарандардын радикалдашуусуна бөгөт коюу максатында дин жаатындагы актуалдуу... Читать дальше...