მარიუპოლიდან ევაკუაცია დღეს უნდა გაგრძელდეს
დღეს, 21 აპრილს უნდა გაგრძელდეს ბავშვების, ქალების და მოხუცების ევაკუაცია უკრაინის ქალაქ მარიუპოლიდან. უკრაინის ვიცე-პრემიერ ირინა ვერეშჩუკის ინფორმაციით, ჰუმანიტარული დერეფანი 14:00 საათიდან უნდა გაიხსნას. ვერეშჩუკი ტელეგრამ-არხზე წერს, რომ 20 აპრილს მარიუპოლიდან ხალხი 4 ავტობუსით გაიყვანეს, მათ ღამე ბერდიანსკში გაათენეს და დღეს ზაპოროჟიესკენ მიემგზავრებიან. რუსულ არმიას მარტის დასაწყისიდან ბლოკადაში ჰყავს დონეცკის ოლქის ქალაქი მარიუპოლი, რომელიც სარაკეტო და საავიაციო დარტყმების შედეგად, პრაქტიკულად, მთლიანად განადგურებულია. Читать дальше...