ამერიკული სანქციების სიას რუსეთის 70-მდე ფიზიკური და იურიდიული პირი დაემატა
პირადად მალოფეევი მანამდეც იყო ამერიკული სანქციების სიაში, ამჯერად კი, „ცარიგრადის“ გარდა, სანქციები შეეხო ბიზნესმენის სხვა სტრუქტურებსაც და მის ვაჟს, კირილ მალოფეევს.
უკრაინის წინააღმდეგ ომის გამო, რუსეთისთვის დაწესებული სანქციების სიას დაემატა კიდევ რამდენიმე ბანკის მმართველები. მათ შორის, რუსეთის ცენტრალური ბანკის ხელმძღვანელის მოადგილე ქსენია იუდაევა და ბანკ „ოტკრიტიეს“ ხელმძღვანელი მიხაილ ზადორნოვი.
სანქცია ამოქმედდა „ტრანსკაპიტალ ბანკის“ წინააღმდეგაც, რომელიც რუსეთში ახალშექმნილი საგადასახადო სისტემის, Hello-ს ოპერატორია. უკრაინაზე თავდასხმის გამო რუსეთისთვის საერთაშორისო საგადასახადო სისტემების, Visa-ს და Mastercard-ის დაბლოკვის შემდეგ, სწორედ Hello-ს დახმარებით აპირებდნენ რუსეთის საზღვრებს გარეთ ფულად გადარიცხვებს, მათ შორის უცხოურ ვალუტაში.
აშშ-ის ფინანსთა სამინისტროს თანახმად, სანქციების ახალ სიაში შეყვანილი ფიზიკური და იურიდიული პირები ვაშინგტონის მიერ მანამდე დაწესებული აკრძალვებისთვის გვერდის ავლას ცდილობდნენ.