მარიუპოლიდან ევაკუაცია დღეს უნდა გაგრძელდეს
ვერეშჩუკი ტელეგრამ-არხზე წერს, რომ 20 აპრილს მარიუპოლიდან ხალხი 4 ავტობუსით გაიყვანეს, მათ ღამე ბერდიანსკში გაათენეს და დღეს ზაპოროჟიესკენ მიემგზავრებიან.
რუსულ არმიას მარტის დასაწყისიდან ბლოკადაში ჰყავს დონეცკის ოლქის ქალაქი მარიუპოლი, რომელიც სარაკეტო და საავიაციო დარტყმების შედეგად, პრაქტიკულად, მთლიანად განადგურებულია. ქალაქის მერის ინფორმაციით, მარიუპოლში დაღუპულია 10 ათასზე მეტი სამოქალაქო პირი. ადგილობრივი ხელისუფლების ინფორმაციით, ქალაქში უმძიმეს პირობებში რჩება 100 ათასზე მეტი ადამიანი. ომის დაწყებამდე მარიუპოლის მცხოვრებთა რიცხვი 400 ათასს აჭარბებდა.