საქართველოში კორონავირუსით გასული 24 საათის განმავლობაში არავინ გარდაცვლილა
სამთავრობო საიტზე, stopcov.ge-ზე გამოქვეყნებული მონაცემებით, გასულ 24 საათში ჩატარებული 25 626 ტესტირებიდან დადასტურებულია კორონავირუსით ინფიცირების 223 შემთხვევა. გამოჯანმრთელდა 399 ადამიანი.
21 აპრილის დილის მონაცემებით, ტესტირების დადებითობის მაჩვენებელია:
დღიური - 0.87 %; ბოლო 7 დღის - 1.16%; ბოლო 14 დღის - 1.26%.
2020 წლის 26 თებერვლიდან, როცა საქართველოში კორონავირუსით ინფიცირების პირველი ფაქტი დადასტურდა, ტესტირებით აღრიცხულია 1 653 915 შემთხვევა. COVID-19-ით გარდაცვლილია 16 794 ადამიანი.