Новости за 12.12.2019

Европан адамийн бакъонашкахула йолчу кхелехь ду Нохчийчохь 2016-2017-чу шерийн Iай тоьпаш тоьхна вийначу 27 вахархочун гергарчийн аьрзнаш. «Бакъонан инициатива» ("Правовая инициатива") юкъараллера юристаш бу орзахойн агIолоцуш. Гергарчара дийцарехь, церан доьзалхой 2016-чу шеран тIаьххьарчу – рогIерчу шеран юьххьерчу муьрехь Нохчийчуьрчу полицин белхахоша герзаш диттина байина. Динчу зуламах лаьцна литкъина нах махкарчу омбудсмене Нухажиев Нурдига а, прокуратуре а, Талламан комитете а. Зулам дарца доьзна бехктакхам ца айбина Iедалхоша... Читать дальше...

«Минеральные Воды» аэропортан белхахоша сацийна Стамбулерчу  кеманара воьссина Нохчийчоьнан вахархо. 11 коча уллу зIе а, пхьаьрсах тосу дашо хьоз а – 224 грамм деши, 64 кортали даьккхина цуьнгара, хаамбо "ЧП Чечня" паблико. «Минеральные Воды» аэропортан дозанхошлахь Нохчийчоьнан цIарх пассажираш тергалбечу Сабанчиев Эмдис бахарехь, «цо ша гергарчу наханна совгIаташ дохьуш вогIу аьлла, …амма цуьнгахь йолчу ларчаша гайтина иза йохка хIуманаш йохьуш вогIуш хилар». Деши дIадаьккхина пассажирера,... Читать дальше...

Хангошвили вийна киллер цхьалха ца хилла, Песков: Европа – террористийн хIусам, Ташаева Маремна совгIат делла (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Соьлжа-гIалахь ханна петарш лоьцучаьрца къийсам латторхьама шаьш йолийна программа йовзийтина пачхьалкхан "Грозный" телеканало. Хьовсархошка доьху телехьожийло, де-буьйса даккха шайн луларчу хIусам чу баьхкинчара къепе йохош меттиг хилахь, шайга хамбар.

Нохчийн къомо а, Кавказерчу кхечу къаьмнаша а шен эшаршка бовхачу безамца ладугIучу Ташаева Маремна «Оьрсийчоьнан хьакъдолу артист» цIе совгIатйина. «Даймехкан синбахамалла, пачхьалкхерчу исбаьхьаллин хазнаш деборна» елла Ташаевана и сийлахь цIе, Москвара кхаьчначу документо бахарехь. 40 шо ду Ташаева Марем, композитор, дешнийн автор, эшаршлакхархо, эстрадехь йолу. Дукха зама хьалха дуьйна а ду халкъанна цуьннан похIма товш а, лаккхара мах хадош а. ТIехьа-Мартанарчу ВаларгтIера ю Ташаева Марем. Читать дальше...

Оьрсийчоьнан президентан пресс-гIоьнчас Песков Дмитрийс бахарехь, Къилбаседа Кавказехь талораш дарца, шайн махкахой а байийна, Европехь къайлабевлла лела вуно дукха нах. "Царна цхьацца меттигашкахь тховкIело ло, мехкийн паспорташ ло. Дийнан делккъехь, могIарчу бахархошна юкъахь лела и нах. Царех дукхаболучара дина зуламаш охкуш хьийза талламчаш, и нах Оьрсийчоьнан Федераце схьахьовсабайта гIерташ» - иштта ду  "Газета.Ru" портало далийна Песковн дешнаш. Журналисташа шега, Берлинехь вийна Хангошвили... Читать дальше...

Харц хир дац, нагахь Керла шо даздар бераллехь суна уггар дукхадезаш хилла де дара аьлча. Иза тIекхочуш суна а, сан йижаршна а, вежаршна а луш хиллачу мерзачу совгIатийн хьожано тахана а ойланца вуьгу со цу, дIоггара токхе ца хиллехь а,  ирсечу замане. Iаьржа а, кIайн а шоколадаш, юкъахь хьечийн а, Iежийн а, кхечу а тайп-тайпанчу стоьмийн повидал йолу кемпеташ, мел яхарх хьожа кIордор йоцу печенеш, пиряндагаш, цу марзаллашна юкъахь цIен а, дашон а басаршца богу Iаж... ЦIазамашна тӀе хьерчийна хьуьлу бесара кехаташ а... Читать дальше...

Краснодар-махкахь еарийн буса доьхначу тIеман Ми-8 беракема чудоьжча велла ши пилот. Оьрсийчуьрчу агенталлаша, тIеман министраллерчу хаамашна тIе а тевжаш, дийцарехь, лаккхара эпсарш бу белларш, шиннах цхьаъ авиацин декъан буьйранчин гIовс а волуш. Бахьана долучух тера ду буса юькъа дохк лаьттина хилар, беракема доьхна стигал хьаладолучу муьрехь. Бохам хилла аэродром лаьттачу Кореновск гIалина уллехь.

Немцойн талламчашна хетарехь, нохчо Хангошвили Зеламха вийнарг ша цхьаъ хилла хуьлийла дац – лаххара а, бухахь, Берлинехь, веха цхьа гIоьнча эшна хила веза цунна. Ишта бу Германин бундестаган чоьхьарчу гIуллакхийн комитето, Федералан прокуратурин векал декъахь а волуш, къевлинчу хьелашкахь дIаяьхьначу кхеташонехь бовзийтина хьажам, хаам бо Deutsche Welle телегойтийло.   Дойче Прессе-Агентур агенталлица къамел динчу хьостано бахарехь, Варшавера Берлине киллер веана ша зулам дале де хьалха, ткъа... Читать дальше...