Новости за 09.02.2019

Оьрсийчохь уггар кIезиг доьзалш дӀасакъаьста меттиг ю Къилбаседа Кавказ. Цунах лаьцна хаам бина Росстато. Цо далочу терахьашца, цу регионехь а уггар бертахь доьзалш беха Нохчийчохь. Иштта Нохчийн Республикехь 1000 доьзал кхоллалуш дӀасакъаьстинарг бац 2018-чу шарахь 122 доьзал а бен. ГIалгIайчохь и гайтам бу – 211.  Цуьнца цхьаьна, Къилбаседа Кавказерчу республикашна юкъахь Къилбаседа ХIирийчоь бен яц дукха доьзалш боьхна меттиг. Цигахь хIора 1000 доьзалх дӀасакъаьстина 500. Дусташ аьлча, Оьрсийчоь ерриг а схьаэцча... Читать дальше...

Statista компанин говзанчаша таллам бина, уггаре лакхара электромагнитан тохар дон смартфонаш билгалйохуш. Цуьнан жамIаш арахецна цу юкъараллан Twitterехь. Антирейтинган хьалхара меттиг дIалаьцна 2017-чу шарахь юкъаяьллачу Xiaomi Mi AI смартфоно, хIора цхьана кийланна 1,75 ватт электромагнитан тохар гайтам а болуш. ШолгIачу меттехь ю OnePlus 5T смартфон (1,68 ватт), ткъа кхоалгIачу меттехь – Xiaomi Mi Max 3 (1,58 ватт). Хьалхарчу пхеа смартфонан могIа берзабо OnePlus 6T а, HTC UI2 Life а. Антирейтинг... Читать дальше...

Дагестанерчу Гумбетан кIоштара бахархой дуьхьал бу Нохчийчоьнца долу шайн доза хийца мегаш хиларна, яздо "Цензуры.нет" зорбанан хьастано. Дийцарехь, Нохчийчоьнна дIаяла мегаш ю 100 гектар даьхни дожийла. И бахьана долуш МехIелта эвлахь леррина гулам дIабаьхьна цу хаттаро синтем байинчу бахархоша, хаам бина цу эвлан куьйгалхочо Абдулнасыров Мохьмада. Цу цхьаьнакхетарехь бахархоша шаьш реза цахилар хаийтина доза хийцарна, латтанца доьзна хаттар ХIинжа-ГIалахь къасто дагахь бу уьш, хаам бо «МБХ медиа» хьастано.

Нохчийчоьнан куьйгалхочуьнан ГIирмерчу векалан гIоьнча Саидов Мурад бехке ван мегаш ву стаг лачкъорна. Талламхошна хиъна Саидовс йиттина бизнесхо нуьцкъала лаьцна латтош хилла хилар, бизнес лело бакъо яларна ахча доьхуш, яздо Ura.news сайто. "QIWI (Киви) олу бохча дузучу автоматийн долахо Алиев ИбраьхIим, тIехула догIа а тоьхна, сауни чувоьллина хилла. Дийцарехь, Саидовс хIора баттахь 1 миллион сом доьхуш хилла шена и бизнес лелайоьйтург", - хаам бо "Говорит Москва" радионо. Цо шен сайта тIехь зорбане даьккхина Саидовс а... Читать дальше...

Самарерчу колонехь 17 стаг лазийна, тутумакхаш вовшахлатар бахьана долуш. Уьш берш а дарбанан хIусамашка охьабехкина, хаам бо "Интерфаксо". Чубоьхкинчеран дов даьлла пIераскана сарахь. ХIумакхоллуш бахаман хьашташ кхочуш дечу тобанна юкъар цхьа тутмакх сийсаз бан волавелла хIумакхалла баьхкинарш. Уьш аралилхина, цу стагана етта дагахь. Тутмакхийн аьтто баьлла бахаман тоба ехачу хIуcамна чубовла. Вовшахлеташ тутмакхаш ягийна гоьнаш а, юргIанаш а.    Цу латарехь цхьаболчу тутмакхашна чевнаш хилла... Читать дальше...

Эккхаза авиабомба карийна ТIехьа-Мартанан кIоштарчу Бумматана гергахь хуьнхахь. Говзанчаша бинчу хаамца, иза ю ФАБ-500 олу ах тонн йозалла йолу фугасан бомба. Гарехь, иза кхоьссина хилла Оьрсийчоьнан тIеман кемано Нохчийчохь хьалхара тIом боьдуш. Орцаллин министраллан белхахочунна тIе а тевжаш, "Кавказский узело" дийцарехь, и кхераме герз сапераша эккхийтина, леррина цу гIуллакхна кечйинчу меттиге а яьхьна.

Оьрсийчоьнан Пачхьалкхан Думан депутато Делимханов Адама кхочушдина Кадыров Рамзана шена тIедиллина декхар. Цо къастийна ГIирмехь Саки гIаларчу "Встреча" ресторанехь нохчий латар. "Шина нохчочуьнан дов далар бизнесца доьзна а ду, дахаран хьолан чулацам болуш а ду. Карарчу хенахь ши а бизнесхо куьйге ваха кийча ву. Цо аьтто бийр бу дов сихха дIадерзо. Цу Iалашонца Кадыров Рамзанан векал полицица юкъаметтигаш латтош ву", - хаам бина Делимхановс Нохчийчоьнан куьйгалхочуьнга, яздо "Комсомольская правада" газето. Читать дальше...

Керла гIашсалтийн 2 дивизи кхуллуш ю Оьрсийчоьнан тIеман министралло Къилба тIеман гонехь. Цунах лаьцна хаам бо "Интерфаксо", шен хьостана тIе а тевжаш Болчу хаамца, ша лаьттачу гIашсалтийн 2 бригадех йийр ю 2 дивизи. Дуьххьара дивизин бараме ялор ю Буру-гIалахь штаб йолу 19-гIа бригада, цул тIаьхьа – 58-чу армина юкъара 136-гIа бригада (Буйнакск). Карарчу хенахь Къилбан тIеман гонна (ЮВО) юкъахь ю гIашсалтийн 2 дивизи. Хьалхара 42-гIа дивизи дакъа ду Нохчийчохь дIатарйинчу 58 армин, ткъа шолгIаниг... Читать дальше...