Новости за 02.02.2019

Газан компанин белхахошка шена къинтIера довлар дехна Ватс Аппехула Хьалха-Мартанарчу вахархочо. Хьалхо церан харцонаш Iорайохуш аудиохаам баржийнера цо. Ша меттигерчу телевизионе а валийна, юхьIаьржа хIоттавале аьлла, юкъара вас дIаяккха гIоьртина иза аьлла, тешна бу махкара бахархой. Маршо Радионо яздира, дахначу шеран 123 миллион декхар схьагулдина шаьш аьлла, кхелан пурстоьпаша дIакхайкхорах. Ахча дIа ца деллачеран газ дIахадайо цара. Байначу беттан тIаьххьарчу дийнахь Ватс Аппан мессенджерехула аудио дIасаяьккхира... Читать дальше...

Украинан миграцин урхалле чуеллачу искна жоп ца лахь, БуьритIера орамаш долчу гIалгIана Мейриев Русланна Оьрсийчу экстрадици ян тарло, хаамбо "Кавказ.Реалиис". Мейриевн адвокато Лапин Александра бахарехь, Инарла прокуратурано тоххарехь дIавелла хир вара иза Оьрсийчоьне, амма миграцин хьукматехь цуьнан гIуллакхах йист яланза хиларна, дIадахдина. Яхначу аьхка тховкIело яла шолгIа дуьхьало йина 34 шо долчу Мейриев Русланна Украинерчу миграцин урхалло. 2012-чу шарахь Оьрсийчуьра аравелира Мейриев,... Читать дальше...

"Нохчийчоь Тахана" агенталло зорбане даьккхина Нохчийчохь вайна леринчу вахархочо Юсупов Бекхана Заводской кIоштарчу прокуроран цIарах яздина кехат. "Байначу беттан 30-чохь "Новая газетано" публикаци йинчу материал тIехь хаамбо, ЛГБТ-н куьйгалхочо Кочетков Игора Оьрсийчоьнан Талламан комитете дIахаийтина, Соьлжа-ГIаларчу полисхойн декъехь низамаш хьоьшуш, лецна нах бу латтош аьлла. Оцу артикл тIехь сан цIе а яьккхина, гей ву аьлла, шеконашца лаьцна ву бохуш. Дуьйцург бакъ дац, даржийна эладитта ду иза... Читать дальше...

Немцов Борис даимна а дагахь вуьтуш, цуьнан иэсан хIоллам хIоттор доьхуш, юкъаралхоша Москохан мэре Собянин Сергейга кхайкхамбар зорбане даьккхина "Новая газетано" пIераскандийнахь. Карарчу беттан 27-чохь 4 шо кхочу Кремлна гергахь оппозицин политик Немцов вийна. Иза вийнарш билгалбаьхна, таIзар токхуш белахь а, Немцов вен кхачийнарш хIинца а карийна бац. Стохка аьтто хилира Немцов ваьхначу цIийнан пена тIе у тоха. Вашингтонерчу майданна а, Вильнюсерчу скверна а Немцов Борисан цIераш техкира... Читать дальше...

Кабо-Верден Iедалша дIалаьцна 11 оьрсийн хIордахо. Панаман байракх бухахь догIучу кеман тIехь хилла уьш, яздо "Новости" агенталло. Болчу хаамашца, гIайрен пачхьалкхан Прая портехь къастазчу бахьанашца кеман экипажан декъахо веллачул тIаьхьа сецна хилла хIордкема. Порте схьакхаьчначул тIаьхьа кеман тIехь полисхошна карийна 9,5 тонн кокаин. Кабо-Вердерчу оьрсийн векалтан хаамашца, оцу бахьанашца дIалаьцна йоллу экипаж. "Талламчашца а, дIалецначаьрца а зIенехь ду тхо. ГIуллакх тхан тергонехь ду. Читать дальше...

Мехкан куьйгалхо Евкуров Юнус-Бек урхаллера дIаваккха аьлла, ГIалгIайчуьрчу жигархоша Оьрсийчоьнан президентан Путин Владимиран администрацига чукхачийначу кехатах сацамбар дIатеттина Кремло. Маршо Радионо яздира, Путин Владимиран администраци баьхкина ГIалгIайчоьнан векалш - къано Барахоев Ахьмад а, бакъонашларъярхо Муцольгов Мохьмад а, Москох веха адвокат Ахильгов Калой а аьлла. Республикерчу 50 эзар вахархочо куьйгъяздина президенте кехат дохьуш баьхкинера уьш. ГIалгIайн къаноша яздинчу кехат... Читать дальше...

Нохчийчуьрчу бахархошна газах 9 миллиард сом декхар дита деза аьлла, кхелахойн сацамна гонах скандал иккхинчу юкъанна меттигерчу кхелан пурстоьпаша дIахьедина, бахархошкара нуьцкъаша газах 123 миллион схьадаьккхина шаьш аьлла. Декхарш схьа ца лучийн газ дIахедайо газан белхахоша. "Дахначу шарахь газах а, тоьках а 265 миллион 560 эзар сом декхар бертаза схьадаьккхина. Оцу ахчанах 123 миллион деккъа газах ду, ткъа 142 миллион 560 эзар сом тоьках", - аьлла, дийцина "Кавказский узел" агенталлан корреспонденте... Читать дальше...

Нохчийн полисхошна динчу тIелатарехь вийна ГIалгIайчуьра вахархо Бельтоев Мансур шайн тIемало вара аьлла, дIакхайкхийна "Исламан пачхьалкх" шех олучу тобанхоша. Маршо Радионо яздира, байначу беттан 28-чохь махкарчу чоьхьарчу гIуллакхийн министралло хаамбарца, де хьалха полисхойн постна тIелеттера аьлла. Урхаллан версица, Аьрга-Хишкан йистерчу постехь автоматаш йиттина, чевнаш йинера шина ницкъахочунна, тIаьхьо вийна карийнера тIелатар дина хилла 24 шо долу ГIалгIайчуьра вахархо Бельтоев Мансур. Читать дальше...