Новости за 13.09.2018

Старопромыслан кIоштан кхело Нохчийчуьра вахархо Илес М. бехкевина Iедалан гIуллакхехь волчунна тIелатарна. Талламчийн версица, полисхойн декъе ша валочу заманчохь дуьхьало йина хилла цо ницкъахочунна. Илеса цунна юьхь тIе тоьхначул тIаьхьа, охьавоьжначу полисхочо лаьттах корта тоьхнера шен. Низамаша пхеа шаре кхаччалц набахтехь яккха хан кхачайо цунна.

КIирандийнахь Францерчу къаьмнийн ассоциацийн синбахамаллин гайтамехь дакъалецира нохчаша. Ниццехь, шайнна кечдинчу четарахь вайн къоман векалша вовшахтоьхна суьртийн, духаран, кхачан гайтам баккхийбеш тIеийцира дакъалацархоша. Магомадов Рамзана куьйгалла ден ассоциаци яра вайнехан гайтамах жоп луш.

Оьрсийчоьнан премьер-министрца Медведев Дмитрийца Москох хиллачу цхьанакхетарехь Нохчийчоьнан куьйгалхочо Кадыров Рамзана дийцаредина махкарчу школашкахь бераша кхаа рожехь доьшуш хиларх. Школаш тIехюьзна хиларца "Кавказан республикашкарчу доьшийлашкахь хьал ира лаьтташ хилар" билгалдоккхуш,  Медведевс дош делла, регионна оьшу гIо дан. "Хьоьгара накъосталла хилахь, тхо ларор ду", - аьлла Кадыров Рамзана. Цо бахарехь, таханалерачу дийнахь махкарчу 70 школехь бераш кхаа рожехь доьшуш ду. ТIаьххьарчу... Читать дальше...

Вовшашна гIодархьама цхьаьнабеттало Европера вайнах ГIалгIайчуьра схьаваьллачу 24 шо долчу Алтемиров Ахьмадна Оьрсийчу депорт ян сацамбина Боснин а, ХIерцеговинин а юстицин министралло бахначу беттан юьххьехь. ДецIахь цунна бехкедо Шема тIаме вахар. Оцу хаамо карзахъяьккхина Европера нохчийн диаспора. Сараево жима стаг кхаьчна ша вехачу Истамулера. Туркойчоьнан миграцин низамо тIевеана стаг декхарево шарахь цкъа, цхьана денна ваьлла а, махкара аравала, юха чувеъча ло шарахь ваха бакъо. Пхи шо... Читать дальше...

Соьлжа-ГIаларчу "Мемориал" офисан куьйгалхочун Титиев Аюбан хьокъехь Шеларчу кхелехь рогIера суьдхойн кхеташо ю дIахьош еаридийнахь. 207 грамм марихуана яьккхина цуьнгара аьлла, бехкала воьллина бакъонашларъярхо. Цуьнан гIуллакхан хьокъехь хIинцале барт хаьттина иза бехкевечу 53 теше. Царех дукхахберш Куьршаларчу полисхойн декъан белхахой бу. Еаридийнахь ши теш ву леван кхайкхина. Кхин а шинна тIедиллинера кхеле вар, амма цкъачунна кхачаза ву и шиъ.

Къинхьегаман министраллан векалша даредарца, шо шаре белхазалла лахъелла йогIу Нохчийчохь. Карарчу беттан 1-чу дийнахь динчу зерашца, 8, 7 терахь гойту махкахь. Инвестицин проекташ а, пачхьалкхан программаш а, бизнес кхиор а, ишта вакансийн ярмаркаш дIахьош а аьтто хилла оцу жамIашка кхача аьлла къинхьегаман министраллехь. Официалан хаамашца, тIемаш бирзинчул тIаьхьа Нохчийчохь 76 процент яра белхазалла. "ТIехбоккха кхиам бу йоццачу хенахь белхазаалла оцу терахьашка ерзо аьтто балар. Цу кепара хIума хилла дац я Оьрсийчоьнан а... Читать дальше...

Оьрсийчуьрчу цхьа могIа бахархошна а, Москох тIехIуьттучу Донбассерчу сепаратисташна а дуьхьал яьхна санкцеш кхин а эхашарна дIаяхъйина Евроберто. Еаридийнахь цунах хаамбина Маршо Радион корреспонденто Йозвяк Рикарда. 155 стаг а, 44 компани а ю Iаьржачу тептарехь. ГIирмана аннекси ярца а, Украинан Малхбалерчу конфликтца а боьзна бу уьш. Шайн пачхьалкхашка бахкар а доьхкуш, церан банкашкара чоьташ дIакъевлина Евроберто. Ишта дихкина европхошна аннекси йинчу ахгIайрина инвестицеш хьажор а, цигахь чу-ара ца баккхалун бахам эцар а... Читать дальше...

Ши шо хьалха вайна лерина Шелковск кIоштара Мургустов Муса ирхъоллавелла карийна шен цIа чохь, дуьйцу "Кавказ.Реалии" портало. ГIалгIайчуьра схьаваьлла Мургустов еххачу заманчохь Червленнерчу вино доккхучу заводан автобус тIехь болх бина ву. Цигара воьхча, карабеъана болх беш лийлира иза, шен доьзалца Червленнехь ваха а вехаш. Масийтта шераш хьалха, шен машен юхайохуьйтучу хенахь ларамза шен йоIана тIетоьхнера цо. Цуьнан лулахоша "Кавказ.Реалиига" дийцарехь, оцу меттиегхь еллера йоI. И сингаттам... Читать дальше...

Чатаев Ахьмадан террорхойн тобанна гIо латтийна ву аьлла, Тбилиссин кхело 13 а, 8 шераш тоьхна набахтехь такха Горнакашвили Зурабна а, Чапанашвили Бадурна а. 2017-чу шарахь Гуьржийчуьрчу Исанскан кIоштахь цушиммо теракт кечдеш хилла аьлла, тIечIагIдина кхело, яздо Тбилиссин кхелан информацина тIе а тевжаш InterPressNews хьосто. Теракт вовшахтухучарна юург а, мобилан зIе а латтош хилла цара аьлла ду кхело вовшахтоьхначу материалашкахь. Стохка гурахь спецопераци дIахьочу юкъанна вийра Тбилиссехь Чатаев Ахьмад... Читать дальше...

Чоьхьарчу гIуллакхийн министраллан цхьана декъанна тIелатар дара кечдеш аьлла, дIахьединера Iеждалхоша хIетахь. Йолийначу операцехь верриг а лаьцнарг вара Цоцин-юьртара а, Куьршалара а, Шелара а, Майртуьпара а, Устрада-гIаара а 22 стаг. Дийцарехь, 18 шарера 30 шерашка бовллалц стохка Дечкен-баттахь дIалецначех бу и кегийрхой. WhatsApp-ехула яийтина видео.

Оппозиционер Навальный Алексейга Росгвардин куьйгалхочо Золотов Виктора дов кховдорах вистхилла Нохчийчоьнан зорбан министр Умаров Джамбулата НСН-ан эфирехь. Стаг сийсазвар, аьшнаш вар офицерийн могIаршкахь тергамза дуьтуш дац аьлла, Навальныйга дов кховдош видеокхайкхам Iорабаьккхина Къоман гвардин хьалханчас Золотовс. Цо урхалла дечу Росгвардехь хьарамлонаш лелорах талламаш бинчул тIаьхьа Навальныйс гучудаьккхича, гвардин YouTube-каналехь зорбане яьккхира Золотовс шен видео. Оппозиционерах... Читать дальше...

Iилманчашна Нохчийчоьнан бакъйолу истори язъяр тIедиллина мехкан куьйгалхочо Кадыров Рамзана. Болу хаамаш тешаме ца хета цунна. "Агенташа а, патриоташ ду шаьш бохуш, лелачу наха а хIоттийна хила ца еза нохчийн истори, вайн Iалашо ю - тешаме, бакъ истори язъяр", - аьлла Кадыровс Iилманчийн конгрессехь Соьлжа-ГIалахь. Историкашца къамел хиллачул тIаьхьа сацамбина Кадыровс Iилманчийн юкъаралле кхайкхамбан. Нохчий бу хIорш бохуш, хIирийн а, гIебартойн а элийн суьрташ гайтина историкаша шена аьлла Кадыровс. Читать дальше...

Набахтехь яккха яккхий хенаш йиттина Шела кIоштан кхело Куьршаларчу 14 жимчу стагна. Дийцарехь, 18 шарера 30 шерашка бовллалц стохка Дечкен-баттахь дIалецначех бу и кегийрхой. Чоьхьарчу гIуллакхийн министраллан цхьана декъанна тIелатар дара кечдеш аьлла, дIахьединера Iеждалхоша хIетахь. Йолийначу операцехь верриг а лаьцнарг вара Цоцин-юьртара а, Куьршалара а, Шелара а, Майртуьпара а, Устрада-гIаара а 22 стаг. Кху беттан 11-чохь 9, 8 тIера 10 шаре бовллалц набахтехь яккха хенаш кхайкхийна царна. Читать дальше...