Новости за 03.05.2024

Чаллы балалар бакчаларына һәм хастаханәләргә җылылык җибәрәчәкләр. Бу һава температурасы төшүе белән бәйле. Бу хакта «Чаллы җылылык челтәрләре» компаниясендә хәбәр иттеләр, дип яза «Шәһри Чаллы».

Татарстан башкаласында «Җиңү сирене» бөтенроссия акциясе старт алды. Анда 83 номерлы лицейдан, Изге Гурий Казанский православие гимназиясеннән 100дән артык укучы һәм укытучы һәм «Росток» балалар бакчасында тәрбияләнүче балалар катнашачак, дип хәбәр итә Казан мэриясенең матбугат хезмәте.

Бүген, 3 майда, 85 яшендә «Түбән Кама нефть химиясе» ААҖнең элеккеге генераль директоры Гаяз Сәхапов вафат булды. Бу хакта Татарстан Республикасы Сәнәгать һәм сәүдә министрлыгының матбугат хезмәте хәбәр итә.

X Казан марафоны Татарстан башкаласында 10-12 майда узачак. Масштаблы спорт бәйрәме 17 төрле илдән катнашучыларны җыячак. Бу хакта бүген «Татар-информ» матбугат конференциясендә «Казан марафоны» спорт чараларын үткәрү үзәге» коммерцияле булмаган автоном оешмасы директоры Вадим Янгиров хәбәр итте.

Алдан фаразлау буенча, 9 майда Казанда шактый салкынча һава торышы булачак. Көндезге сәгатьләрдә һава +9 градуска кадәр җылыначак. Бу хакта «Татар-информ»га КФУның Экология һәм табигатьтән файдалану институтының метеорология, климатология һәм атмосфера экологиясе кафедрасы доценты Тимур Әүхәдиев хәбәр итте.

22 апрельдә Җиңү көненә багышланган «Минем Герой — минем гаиләм» акциясе старт алганнан бирле Татарстанның «Татмедиа» медиахолдингына кергән массакүләм мәгълүмат чаралары флешмоб турында 334 материал һәм социаль челтәрләрдә 500дән артык басма әзерләгән. Бүгенге көндә, 3 майга шундый мәгълүматлар бар.

Казан үзәгендә Җиңү парады репетициясен үткәрү өчен кирәкле киртәләр аркасында зур «бөке» барлыкка килде. Барлык урамнарда да хәрәкәт авырайды.

Татарстан Республикасының Россия Федерациясендәге Тулы вәкаләтле вәкиллеге 6 майда Бөек Ватан сугышында һәлак булганнар истәлегенә битараф булмаганнарны ел саен уза торган Александров бакчасындагы Мәңгелек утка һәм Маршал Жуков һәйкәленә чәчәкләр салу тантанасына чакыра. Бу хакта Татарстан Республикасының Россия Федерациясендәге Тулы вәкаләтле вәкиллеге хәбәр итә.

27-28 апрельдә Мордовия республикасының Саранск шәһәрендәге «Мордовия» спорткомплексында Рамазан ае тәмамлануга багышланган мини-футбол буенча «Изге Рамазан кубогы» турниры узган. Татарстан Республикасы татар яшьләре бронза лигасында мактаулы 2 урынны яулаган. Бу хакта Бөтендөнья татар конгрессы сайтында хәбәр итәләр

Татарстан автоинспекторлары машина йөртүчеләргә юеш кар һәм бозлавык вакытында үтәлергә тиешле куркынычсызлык кагыйдәләре турында искәртте. Мәгълүмат ведомствоның рәсми телеграм-каналында урнаштырылган.

Россия белән Таҗикстан Президентлары Владимир Путин һәм Эмомали Рахмон телефон аша сөйләшкән. Алар Мәскәүдә Җиңү көненә багышланган тантаналы чараларда бергә катнашу мәсьәләләре турында фикер алышкан. Чараларга республика лидеры чакырулы. Бу хакта Кремльнең матбугат хезмәте хәбәр итә.

Якындагы декадада Казанда һава температурасы климат нормасыннан 4..6 градуска түбәнрәк булачак. Бу хакта «Татар-информ»га КФУ профессоры, география фәннәре докторы Юрий Переведенцев сөйләде.

Татарстан Эчке эшләр министрлыгы линиясе буенча пенсия алучы Бөек Ватан сугышы ветераннары 9 май бәйрәме алдыннан 4 мең сум күләмендә өстәмә түләүләр алачак. Өстәмә матди ярдәм агымдагы айда күрсәтеләчәк.

Россия ислам институтының Гарәп каллиграфиясе үзәге җитәкчесе Рамил Насыйбуллов сүзләренчә, каллиграфия сәнгатен өйрәнергә килгән кешеләрнең күпчелеге укуны ахырына кадәр алып бара алмый. Бу хакта ул «Татар мөселман каллиграфиясен торгызып» дип исемләнгән күргәзмә ачылышында сөйләде.

Россия Президенты Владимир Путин видеоконференция режимында икътисади мәсьәләләр буенча киңәшмә үткәргән. Анда озак сроклы бюджет планнары каралган. Бу хакта Кремльнең матбугат хезмәте хәбәр итә.

ТР Дәүләт җыр һәм бию ансамбле Бөек Ватан сугышында Җиңүнең 79 еллыгына багышлап «Бөек Җиңү – бөек халык!» дип аталган концерт программасын күрсәтәчәк.

Җиңү көне алдыннан Татарстанның Менделеевск районыннан махсус операция зонасына чираттагы ярдәм партиясе җибәрелде.

Кинорежиссер Алексей Барыкин һәм аның командасы махсус хәрби операция барган урыннарда төшерелгән материалларны җәмәгатьчелек мөлкәте буларак Татарстан Кинематографистлар берлегенә һәм «Татаркино»га тапшырачак.

Махсус операция зонасындагы Татарстан хәрбиләре тиздән Казан мэры Илсур Метшин тәкъдим иткән махсус җиһазларның яңа партиясен алачак.

Татарстан кинематографистлары эре тарихи вакыйгалар һәм атаклы шәхесләр турында видеоматериаллар әзерләячәк.

Металл эшкәртү предприятиесендә янгын чыгу сәбәпле Берлинның бер өлешен агулы төтен каплап алган. Шәһәрдә яшәүчеләргә ашыгыч хәбәрләр җибәргәннәр, дип хәбәр итә Berliner Zeitung агентлыгы.

2024 елның 16 апреленә булган мәгълүматлар буенча, Татарстанда 11 157 мең Бөек Ватан сугышы ветераны яши.

Быел республикада җәй дәвамында ачык һавада Архив киносы фестивале узачак. Архив киносы фестивале 15 майда старт ала һәм 30 августка кадәр дәвам итәчәк.

Профессор, тарих фәннәре докторы Надир Дәүләт вафатыннан соң өч ел узды. 30 апрельдә Төркиянең Истанбул шәһәрендә галимнең хатыны Берил Дәүләт һәм якыннары аның каберен зиярәт кылырга барган һәм рухына дога кылган.

Россия ислам институтында «Татар мөселман каллиграфиясен торгызып» дип исемләнгән күргәзмә ачылды. Белгечләр каллиграфияне яңадан торгызуга бәйле фикерләрен җиткерде.