Новости за 07.05.2024

Татарстан Иҗтимагый палатасы рәисе Зилә Вәлиева «Минем Герой - минем гаилә» патриотик флешмобына кушылды. Ул «Татар-информ»га сугыш елларында Сахалинда хезмәт иткән әтисе, шулай ук ире Римзил Вәлиевнең әтисе Салих Вәлиев турында сөйләде.

Төмән өлкәсендә яшәүче милләттәшләребез - Сәйфуллиннар гаиләсе «Мин башкорт, татар киемендә» фотоконкурсында җиңү яулаган. Бу хакта «Татар-информ» хәбәрчесенә Илмар Сәйфуллин сөйләде.

«Казан» бию ансамбле беренче тапкыр Төньяк Кавказда чыгыш ясады. Концертлар 17 апрельдән 23 апрельгә кадәр алты шәһәрдә - Махачкала, Избербаш, Дербент, Грозный, Нальчик һәм Владикавказда узды. Гастроль туры Россия Мәдәният министрлыгының бөтенроссия гастроль-концерт планындагы «Без - Россия» программасы кысаларында узды.

Мошенниклар потенциаль корбанының мәгълүмат базасын җыя, шул исәптән, «социаль сораштыру» һәм маркетинг тикшеренүләрен үткәрү ысулын куллана. Бу хакта «Прайм» агентлыгына Россиянең атказанган юристы Иван Соловьев сөйләгән, дип яза РИА Новости.

2030 елга Россия гражданнарының уртача гомер озынлыгы 78 яшькә кадәр артырга тиеш. Россия Президенты Владимир Путин «Халыкны саклау, сәламәтлеген ныгыту һәм кешеләрнең иминлек дәрәҗәсен күтәрү, гаиләгә ярдәм итү» илкүләм максаты кысаларында шундый бурыч куйды.

Россиянең башка төбәкләреннән килгән гражданнар, Татарстан хәрби комиссариатлары аша теркәлгәндә, Татарстан Хөкүмәтеннән 305 мең сум һәм РФ Саклану министрлыгыннан 195 мең сум алачак. Бу хакта «Татар-информ»га Казанда Контракт буенча хезмәт итүгә сайлап алу пункты офицеры Егор Горячев хәбәр итте.

Россия Президенты Владимир Путин 2030 елга кадәр һәм 2036 елга кадәрге чорда ил үсешенең илкүләм максатларын билгеләде. Карар Кремль сайтында чыкты.

Вице-премьер —Татарстанның Россиядәге Тулы вәкаләтле вәкиле Равил Әхмәтшин, Татарстан мәдәният министры Ирада Әюпова һәм Тәтеш районы башлыгы Рәмис Сафиуллов Бөек Җиңү көненең 79 еллыгын бәйрәм итү алдыннан Мәскәүдә Мәңгелек утка һәм Советлар Союзы маршалы Георгий Жуков һәйкәленә чәчәкләр салды. Бу хакта республиканың Тулы вәкаләтле вәкиле матбугат хезмәте хәбәр итә.

Татарстанда 100дән артык гаилә тораксыз һәм акчасыз калды, алар килешү төзегән йорт салучы вәгъдәсен үтәмәгән. Зыянның гомуми суммасы якынча 300 млн сум тәшкил итә. Бу хакта Татарстан ДТРК яза.

Синоптиклар Татарстанда яшәүчеләрне метеошартлар начарлану турында кисәтә. Бүген кич, шулай ук 8 май төнендә һәм иртәгә көндез төбәктә яшенле яңгыр көтелә. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

72нче аерым мотоукчылар бригадасы хәрби хезмәткәрләре Татарстан Республикасы дәүләт бүләкләре белән билгеләп үтелде. Бу хакта Татарстан Рәисе Рөстәм Миңнеханов телеграм-каналында хәбәр итте.

15 майда 16.00 сәгатьтә Казанның Ленин исемендәге мәдәни-күңел ачу комплексында «Мирас» татар халык хорының 75 еллык юбилей кичәсе һәм хорның баянчысы, җитәкчесе, Татарстанның атказанган сәнгать эшлеклесе Наил Бариевның 85 яшьлегенә багышлана.

Татарстан Рәисе Рөстәм Миңнеханов Россия Президенты Владимир Путинны инаугурация белән котлады, шулай ук дәүләт башлыгына республикага ярдәм иткәне өчен рәхмәт белдерде. Төбәк җитәкчесе Путинның Татарстанга соңгы сәфәрендә төшкән фотографияләр белән Телеграм-каналында уртаклашты.

Татарстандагы «Халык фронты» төбәк башкарма комитеты җитәкчесе, «Ярдәм янәшә! Помощь рядом!» республика хәрәкәте координаторы Ринат Фазылов бүген Россия Президенты Владимир Путин инаугурациясендә катнашты. Ул «Татар-информ»га хис-кичерешләре турында белдерде.

Татарстан мөфтие Камил хәзрәт Сәмигуллин Катарда яшәүче милләттәшләребез белән очрашуда булган.

Берләшкән Гарәп Әмирлекләре Президенты Мөхәммәд Бен Зайд Әл Нахайян Россия Президенты Владимир Путинны инаугурация белән котлады. Бу хакта РИА Новости хәбәр итә.

Дәүләт Думасы депутаты Айрат Фәррахов Владимир Путин инаугурациясе – Россия Президенты вазифасына керешү тантанасын мөһим сәяси вакыйга дип атады. Парламентарий «Татмедиа» Республика матбугат һәм массакүләм коммуникацияләр агентлыгының Мәскәүдәге вәкиле Динә Газалиевага комментарий бирде.

Татарстаннан Россия Герое Рәсим Баксиков бүген Россия Президенты Владимир Путин инаугурациясе тантанасында катнашты. Ул тантанадан хис-кичерешләре белән уртаклашты. Бу турыда «Татар-информ» яза.

Федерация Советы Рәисе Валентина Матвиенко Россия Президенты инаугурациясе көнен ял көне итәргә тәкъдим итте. Бу хакта ТАСС хәбәр итә.

Шәхси торак төзелеше федерациясе җитәкчесе Рамил Усманов агач утырту акциясендә катнашуның төзүчеләр өчен ни дәрәҗәдә мөһим булуын сөйләде. Бу хакта ул «Урманфест» акциясенә багышланган матбугат очрашуында әйтте.

Россия Федерациясе мөселманнары Диния нәзарәте рәисе, мөфти Равил хәзрәт Гайнетдин Россия Президенты Владимир Путинның инаугурация тантанасыннан соң кичерешләре турында «Татмедиа» Республика матбугат һәм массакүләм коммуникацияләр агентлыгының Мәскәүдәге вәкиле Динә Газалиевага сөйләде.

РФ Хөкүмәте Рәисе урынбасары Марат Хөснуллин Владимир Путинны дәүләт башлыгы вазифасына рәсми рәвештә керешүе белән котлады. Вице-премьер мартта узган сайлау нәтиҗәләренең рекордлы булуын билгеләп үтте – бу россиялеләрнең ышанычы һәм зур теләктәшлеге хакында сөйли.

Сигезенче чакырылыш Россия Федерациясе Дәүләт Думасы депутаты Марат Нуриев Россия Президенты Владимир Путин инаугурациясеннән соң фикере белән уртаклашты.

Казан мэры Илсур Метшин Россия Президенты Владимир Путинның инаугурациясенә бәйле фикерләре белән уртаклашты. Шәһәр башлыгы мөһим тарихи вакыйганың шаһиты булуын билгеләп үтте, дип хәбәр итә Казан мэриясенең матбугат хезмәте.

Россиядә бик күп яңа медицина учреждениеләре төзелә, булганнарына капиталь ремонт ясала һәм заманча техника белән җиһазландырыла, тик аларда эшләргә кеше генә юк. РФ Дәүләт Думасы депутаты Илдар Гыйльметдинов «Татар-информ» агентлыгына биргән интервьюсында социаль тармакларда кадрлар кытлыгы һәм кыен хәлдән чыгуны ничек күзаллавы хакында сөйләде.