«Минем Герой – минем гаиләм» акциясе башланганнан бирле 350гә якын материал чыккан
22 апрельдә Җиңү көненә багышланган «Минем Герой — минем гаиләм» акциясе старт алганнан бирле Татарстанның «Татмедиа» медиахолдингына кергән массакүләм мәгълүмат чаралары флешмоб турында 334 материал һәм социаль челтәрләрдә 500дән артык басма әзерләгән. Бүгенге көндә, 3 майга шундый мәгълүматлар бар.
Соңгы ике көндә генә дә республика басмалары сайтларында 90га якын хикәя чыккан. Алар татарстанлыларның ата-бабаларының Бөек Ватан сугышы вакытында фронтта һәм тылдагы батырлыклары турында сөйли.
Социаль челтәрләрдә 2 һәм 3 майда тагын да күбрәк – якынча 150 яңа хикәя барлыкка килгән. Язмаларда журналистларның да, Татарстан авылларында һәм шәһәрләрендә яшәүче башка геройларның да туганнарының тарихлары һәм фотолары урнашкан.
Татарстанда башлап җибәрелгән Бөек Ватан сугышында Җиңүнең 79 еллыгына багышланган онлайн-флешмоб 9 майга кадәр дәвам итәчәк. Төбәк халкы үз гаиләләренең геройлары турындагы сугыш еллары тарихлары белән уртаклаша. Аннан соң бу язмалар массакүләм мәгълүмат чараларындагы сюжетларда һәм яңалыкларда чыга. Акция «Үлемсез полк»ка өстәмә булып бара.
Флешмобка кушылу өчен татарстанлылар Бөек Ватан сугышында катнашкан туганнарына (фронтовикларга да, тыл хезмәтчәннәренә дә) багышланган постлар чыгарырга тиеш. Басмада геройның фотосы һәм #МойГеройМояСемья хештегы булуы шарт.