Новости за 08.12.2021

(Казан, 8 декабрь, «Татар-информ»). Яшь, талантлы, креатив дизайнерлар һәм рәссамнар арасында «Театраль Идел буе» округ фестивале өчен иң яхшы афиша һәм плакатка конкурс игълан ителде. 2021-2022 елларда «Театраль Идел буе» яшьләр театр коллективлары фестивале Идел буе федераль округының иҗтимагый проекты яшьләрне театр мохитенә җәлеп итү, мәдәни күзаллауларын киңәйтү, мәдәни һәм әхлакый кыйммәтләрне формалаштыру, яшьләр һәм балалар театр сәнгатен үстерү өчен шартлар һәм стимуллар тудыру максатыннан үткәрелә. Читать дальше...

(Казан, 8 декабрь, «Татар-информ»). Татарстан Республикасы Премьер-министры урынбасары Ләйлә Фазлыева интернет челтәренең Россия сегментын үстерүгә керткән өлеше өчен милли премиянең «Ачык коммуникацияләр» махсус номинациясендә финалист булды. Бу хакта мәгълүмат «Рунет премиясе» рәсми сайтында чыкты. Премиянең жюри әгъзалары Ләйлә Фазлыеваның хакимият һәм гражданнар арасында турыдан-туры диалог институтын ныгытуга, коммуникацияләргә ачыклыкка, проблеманы йомып калмыйча, хәл итүгә әзерлекле булуга зур өлеш кертүен билгеләп үтәләр. Читать дальше...

(Казан, 8 декабрь, «Татар-информ»). Үзбәкстанның Кашкадарья татар-башкорт милли мәдәни үзәге Халыкара инвалидлар көненә һәм Үзбәкстан Республикасы Конституциясе көненә багышланган кичә уздырды.  Татарстанның Үзбәкстан Республикасындагы вәкиллеге матбугат хезмәтендә хәбәр итүләренчә, чарада катнашучылар мәрхүмнәрне бер минут тынлык белән искә алган. Үзәк директоры Фирүзә Ихсанова Халыкара инвалидлар көнен оештыру тарихы, дәүләт һәм җәмгыятьнең инвалидларны реабилитацияләү һәм интеграцияләүгә юнәлдерелгән социаль сәясәте турында сөйли. Читать дальше...

(Казан, 8 декабрь, «Татар-информ», Павел Климчак). РФ Югары судының административ хокук бозулар буенча коллегия карарында әйтелгәнчә, битлек режимын бозу турындагы эшләр буенча тикшерү үткәрмәскә һәм экспертиза билгеләмәскә мөмкин. Моның өчен беркетмә һәм фотофиксация җитә. Бу хакта «РИА Новости» хәбәр итә. Элек суд Люблино районы кибетләренең берсе шикаятен караган иде. Сатучыны битлексез килеш фотода күргәннән соң, суд аңа 100 мең сум штраф сала. Әмма кибет вәкиле штраф белән килешми һәм дәгъва белән Югары судка кадәр бара. Читать дальше...

(Казан, 8 декабрь, «Татар-информ»). Германия социаль-демократик партиясе вәкиле Олаф Шольц ФРГның яңа канцлеры итеп сайланды, дип хәбәр итә ТАСС. Сәясәтчене Бундестагның 395 депутаты хуплады. Хәзер ул ил конституциясе буенча яңа канцлерны билгеләячәк дәүләт башлыгы белән очрашу өчен Бельвю президент сараена юл тота. Президент Франк-Вальтер Штайнмайер белән очрашудан соң Шольц янә парламентка юл тотачак һәм ант кабул итәчәк. 2005 елдан 2021 елга кадәр Германиянең федераль канцлеры вазифасын Ангела Меркель башкарды.

(Казан, 8 декабрь, «Татар-информ», Павел Климчак). Казандагы полиция бүлегенә бер хатын-кыз мөрәҗәгать иткән. Ул «Арт Сити» торак комплексы территориясендә 13 яшьлек кызына билгесез ир-ат бәйләнүен, кызга акча түләп интим тәкъдим иткәнлеген әйткән. Мондый мәгълүмат социаль челтәрләрдә дә барлыкка килде. Татарстан Эчке эшләр министрлыгы матбугат хезмәтендә хәбәр итүләренчә, хәзерге вакытта полиция хезмәткәрләре кызның әнисе гаризасы буенча тикшерү үткәрә. Казанның Совет районында яшәүче бер хатын-кыз... Читать дальше...

(Казан, 8 декабрь, «Татар-информ», Наталья Рыбакова). Бүген Казан Кремлендә Татарстан Республикасы Премьер-министры Алексей Песошин Россия Федерациясе һәм Татарстан Республикасы дәүләт бүләкләрен тапшырды. «Биредә мәгариф, сәламәтлек саклау өлкәсе вәкилләре, сәнгать эшлеклеләре, республика сәнәгате предприятиеләре, дәүләт хакимияте органнары хезмәткәрләре, шулай ук азык-төлек сәнәгате, авыл хуҗалыгы, торак-коммуналь һәм төзелеш тармаклары вәкилләре бар. Намуслы хезмәтегез һәм үз эшегезгә тугры булганыгыз өчен рәхмәт белдерәм»... Читать дальше...

(Казан, 8 декабрь, «Татар-информ», Гөлнар Гарифуллина). Яшүсмерләрне эшкә алырга теләкләре булсын өчен, оешма-предприятиеләргә шартлар тудыру кирәк. Бу хакта яшьләр эшләре министры Тимур Сөләйманов журналистларга Татарстан Дәүләт Советында Яшьләр парламенты утырышы алдыннан әйтте. «Яшьләрнең һөнәри ориентациясе, эшкә урнаштыру — иң актуаль мәсьәләләрнең берсе. Университетны тәмамлагач, студентлардан, иң элек, „нинди тәҗрибәгез бар“ дип сорыйлар. Берничә юнәлештә эш алып барабыз: беренчедән, төзелеш отрядлары. Читать дальше...

(Казан, 8 декабрь, «Татар-информ», Зилә Мөбәрәкшина). Германиянең татар хатын-кызларының «Ханым» берлеге 2022 ел өчен татар календаре әзерләгән. Календарьнең һәр битендә ханымнарның татар бизәге төшерелгән панно белән фотосы, гаиләдәге гореф-гадәтләре турында фикерләре урын алган. «2022 ел „Ханым“ татар календарен иҗат итү өчен 12 илдән төрле милләт кешеләре берләште. Ел дәвамында календарьне Европа һәм Канадада яшәүче алтмыштан артык кеше әзерләде. Һәр ай өчен панно чигүче, модель буларак фотога... Читать дальше...

(Казан, 8 декабрь, «Татар-информ»). Covid-19 инфекциясенә каршы прививкадан соң кешенең туклануы балансланган һәм төрле булырга тиеш. Моннан тыш, иммунитет формалаштыруга тискәре йогынты ясарга мөмкин булган кайбер продуктлардан баш тартырга кирәк. Бу хакта Sputnik радиосы белән әңгәмәдә табиб-терапевт, диетолог Елена Игнатикова хәбәр итте. Әйтик, прививкадан соң, ким дигәндә, өч көн алкоголь кулланырга ярамый. Иң яхшысы - аны ике вакцина дозасы арасындагы чорда тулысынча төшереп калдыру. «Теләсә... Читать дальше...

(Казан, 8 декабрь, «Татар-информ»). Гонконг университеты коронавирус инфекциясенең яңа штаммы - «омикрон» микрофотографиясен бастырып чыгарды. Сурәт электрон микроскоп ярдәмендә эшләнгән, дип хәбәр ителә югары уку йортының матбугат хезмәте. Эшкә патология һәм вирусология өлкәсендә тикшеренүчеләр һәм университетның башка белгечләре җәлеп ителгән. Микрофотографиядә омикрон-штаммы белән авырган маймыл бөерләре күзәнәге (Vero E6) күрсәтелгән. Шул ук вакытта белгечләр фотографияне кечкенә килеш тә һәм зурайтып та тәкъдим иткән. Читать дальше...

(Казан, 8 декабрь, «Татар-информ»). Җомга көнне мөселманнар ял көне итү яклы, әмма мондый карарлар турында җәмәгатьчелек белән фикер алышырга кирәк, диде РИА Новости агентлыгына Россия мөселманнары Дини җыены рәисе, мөфти Әлбир Крганов. «Христианнар, мөселманнар, яһүдиләрнең бәйрәм көннәре җомга, шимбә һәм якшәмбе көннәренә туры килә. Яһүдләрдә ул шимбә, христианнарда якшәмбе - дәүләт ял көннәре, ә җомга - Россиядә эш көне. Җомга көнне ял көне итү үтенече белән язма мөрәҗәгатьләр булмады, әмма сөйләшүләрдә мөселманнар күп тапкырлар... Читать дальше...

(Казан, 8 декабрь, «Татар-информ»). Бүген, 8 декабрь көнне, 13:00 сәгатьтә Казанда «Горки Парк» сәүдә үзәгендә чираттагы намаз уку бүлмәсе рәсми рәвештә ачылачак. ТР Диния нәзарәте матбугат хезмәте хәбәр итүенчә, әлеге чарада Татарстан мөфтие Камил хәзрәт Сәмигуллин, ТР Президенты ярдәмчесе Фәрит Габделганиев, РФ Мөселман эшмәкәрләре ассоциациясе президенты Айдар Шаһимәрданов катнашачак. Намаз уку бүлмәсе Россия Мөселман эшмәкәрләре ассоциациясе көче белән ачыла. Бүгенге көндә ТР Президенты Рөстәм... Читать дальше...

(Казан, 8 декабрь, «Татар-информ»). Коронавирус  инфекциясенең «омикрон» яңа штаммы «дельта»га караганда үпкәләргә ике-өч тапкыр тизрәк барып җитә. Галимнәрнең шундый нәтиҗәләре белән Екатеринбургта Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) «Вектор» вирусология һәм биотехнология үзәге филиалы җитәкчесе Александр Семенов уртаклашты. Белгеч аңлатканча, омикрон-штамм «дельта»га караганда үпкәләргә тизрәк барып җитә һәм пневмония китереп чыгара. Читать дальше...

(Казан, 8 декабрь, «Татар-информ»). 1976 елда һәм аннан соң туган россиялеләр пенсия тупланмаларын формалаштыра ала. Элеккечә үк тупланма пенсияне хатын-кызлар 55 яшьтән һәм ир-атлар 60 яшьтән алу хокукы бар, диделәр «Прайм» агентлыгы белән әңгәмәдә Россия Хезмәт министрлыгының «Бөтенроссия фәнни-тикшеренү институты» учреждениесендә. Бу хакта РИА Новости хәбәр итә. Ведомствода пенсия тупланмалары булган гражданнар нинди түләүләр ала алуын әйттеләр. Сүз тупланма пенсия күләмен исәпкә алып бер тапкыр бирелә торган түләү турында бара. Читать дальше...

(Казан, 8 декабрь, «Татар-информ»). 9 декабрьдән Оренбург мәктәпләре грипп һәм ОРВИ авыруы таралуга бәйле дистанцион укуга күчә. Электрон белем бирү технологияләрен кулланып, дистанцион уку системасына вакытлыча күчү өлкәнең барлык белем бирү учреждениеләренең барлык сыйныф укучыларына да кагылачак. Мәктәпләрдә генә түгел, өстәмә белем бирү учреждениеләрендә дә секцияләр, түгәрәкләр эшчәнлеге вакытлыча туктатыла, дип хәбәр итә РИА Новости.

(Казан, 8 декабрь, «Татар-информ»). Татарстан мөфтие Камил хәзрәт Сәмигуллин Казанның Совет районы мөхтәсибәтендә төзелеп килүче «Рауза» мәчетендә булды. Биредә ул мәчетнең төзелеш барышы белән танышты, бүлмәләрнең урнашу тәртибен карады. Очрашуда Татарстан Республикасы Финанс министры Радик Гайзатуллин, Ислам динен кабул итүгә 1000 ел исемендәге Казан югары мәдрәсәсе җитәкчесе Ильяс хәзрәт Җиһаншин, «Рауза» мәчетенең имамы Илнур хәзрәт Вафин, төзелеш өчен җаваплы затлар катнашты, дип хәбәр итә ТР Диния нәзарәте матбугат хезмәте. Читать дальше...

(Казан, 8 декабрь, «Татар-информ»). 4 декабрьдә Тверь картиналар галереясендә татар мәдәнияте көненә багышланган әдәби-музыкаль кичә узды. Әдәби чарада Тверь өлкәсе автономиясе татарлары катнашты, дип хәбәр ителә Бөтендөнья татар конгрессы матбугат хезмәте хәбәрендә. Тамашачылар татар җырларын тыңлады, татар үзешчән сәнгать ансамбле башкаруындагы милли биюне карады. Язучы Алексей Зиннәтуллин Габдулла Тукай шигырьләрен укыды, диелә хәбәрдә.

(Казан, 8 декабрь, «Татар-информ», Павел Климчак). Бүген иртән көчле буран аркасында Казанда 10 баллы бөкеләр хасил булды. «Яндекс.Бөкеләр» сервисы мәгълүматларыннан күренгәнчә, хәрәкәтнең иң кыенлашкан урыннары Әмирхан, Техник, Зорге, Җиңү проспекты урамнарында күзәтелә. Моннан тыш, «Яндекс.Бөкеләр» сервисында юллар шәһәр үзәгендә, Горький шоссесында, Мамадыш трактында һәм башка урамнарда кызыл төс белән билгеләп үтелгән. Элегрәк «Татар-информ» буран аркасында Татарстанда шәһәрара автобуслар хәрәкәтен вакытлыча япканнар , дип хәбәр иткән иде.

(Казан, 8 декабрь, «Татар-информ», Гөлнар Гарифуллина). Бу атнада пәнҗешәмбедән җомгага кадәр атмосфера басымы күтәрелүне һава торышына аеруча сизгер булган кешеләр сизәчәк. Бу хакта КФУның Метеорология, климатология һәм атмосфера экологиясе кафедрасы доценты Тимур Әүһәдиев «Татар-информ» агентлыгында матбугат конференциясендә әйтте. Ул, шулай ук, ноябрьнең, кояш нурлары аз булып, явым-төшем күп булганлыктан һәм һава басымы кисәк уйнаганлыктан, депрессив ай булганын билгеләп узды. «Кәефе һава торышына... Читать дальше...

(Казан, 8 декабрь, «Татар-информ»). 8 декабрьдә Татарстанда бураннар аркасында һава шартлары яхшырганчыга кадщр шәһәрара автобуслар хәрәкәте вакытлыча туктатылды. Синоптиклар фаразларына караганда, бүген республикада кар, буран, көчле җил һәм юлларда бозлавык көтелә. Республика Дәүләт автоинспекциясе машина йөртүчеләрне торак пунктлардан читкә чыкмаска чакыра. Юлда гадәттән тыш хәлләр булган очракта 8(843)5-333-888 яки 8(843)291-91-74 телефоны буенча мөрәҗәгать итәргә була.

(Казан, 8 декабрь, «Татар-информ»). «Созвездие-Йолдызлык» арт-резиденциясендә «Свет далекой звезды» спектакленең премьерасы булачак. Спектакль рус телендә булачак. Сәхнә әсәре татар әдәбияты классигы Хәсән Туфан тормышы һәм иҗаты турында сөйләячәк. Спектакльның режиссеры — Татарстанның атказанган сәнгать эшлеклесе, Россиянең атказанган артисты Рәшит Заһидуллин. «Спектакль биографик түгел. Хәсән Туфан тормышы һәм иҗаты аша репрессияләрдән зыян күргән барлык иҗат әһелләренең язмышын күрсәтергә телибез», — дип сөйләде Заһидуллин. Читать дальше...

(Казан, 8 декабрь, «Татар-информ»). Татарстан Республикасы Премьер-министры урынбасары — Татарстан Республикасының Россия Федерациясендәге Тулы вәкаләтле вәкиле генерал-майор Равил Әхмәтшин «Россия Федерациясе оборонасын ныгытуга керткән өлеше өчен» медале белән бүләкләнде. Вәкиллек матбугат хезмәте хәбәр итүенчә, бүләкне Россия Федерациясе Оборона белән идарә итү үзәге башлыгы урынбасары вице-адмирал Виктор Калганов тапшырды. Боерыкка Россия Оборона Министры Сергей Шойгу кул куйды. Тантана Татарстанның... Читать дальше...

(Казан, 8 декабрь, «Татар-информ»). Коронавирусның омикрон-штаммы белән зарарланган кешеләрдә «гадәти булмаган» тимгелләр барлыкка килергә мөмкин. Бу хакта, Британия табибы Дэвид Ллойдның сүзләренә сылтама ясап, РИА Новости хәбәр итә. Sky News каналы эфирында медик балалар һәм өлкәннәрдә авыру вакытында кайбер аермалар табылуын әйтте. «Арыганлык, баш авырту һәм аппетит булмау кебек симптомнар, тимгел чыгу — авыру билгеләре», — дип өстәде белгеч. Аның сүзләренчә, Covid-19 белән зарарланучылар арасында тимгел чыгу элек тә очраган... Читать дальше...

(Казан, 8 декабрь, «Татар-информ»). Түбән Кама китапханәләренең 4нче филиалына керү урыны заманча яңартылган. Китапханәчеләр һәм шәһәр халкына бу бүләкне «Түбән Кама Нефтехим» предприятиесе ясаган. Төзекләндерү Түбән Кама шәһәр Советы депутаты, «Корабельная роща — «Түбән Кама Нефтехим» ҖЧҖ директоры Алексей Поляков ярдәме белән башкарылган. Бу турыда Түбән Кама муниципаль районы рәсми сайты нда хәбәр ителгән. Китапханә — микрорайонда яшәүчеләрнең яраткан урыны. Биредә китап укудан тыш, һәркем күңеленә ошаган шөгыль таба, җылы аралаша ала. Читать дальше...