Новости за 22.11.2021

(Казан, 22 ноябрь, «Татар-информ»). Россия Президенты Владимир Путин «Спутник Лайт» препараты белән Covid-19га каршы ревакцинация ясаганы турында сөйләде. Бу хакта ул Гамалеи исемендәге эпидемиология һәм микробиология үзәге директоры урынбасары Денис Логунов белән очрашуда хәбәр итте. Путин сүзләренчә, ревакцинациядән соң ул үзен яхшы хис итә. Моннан тыш, РФ Президенты коронавируска каршы назаль вакцина белән вакцинация ясау экспериментында катнашу өчен теләк белдерде.

(Казан, 22 ноябрь, «Татар-информ»). Мәскәүдә Татарстанның Тулы вәкаләтле вәкиллеге ярдәмендә Сара Садыйкованың 115 еллыгына багышланган концерт узды. «Сара Садыйкованы искә алу кичәсендә танылган Татарстан артистлары чыгыш ясады. Иҗат төркеме җитәкчесе Сара Садыйкованың кызы Әлфия Газиз кызы Айдарская булды», — дип хәбәр иттеләр ТР Тулы вәкаләтле вәкиллегенең матбугат хезмәтендә. Шулай ук танылган татар җырчысы, актриса һәм композиторны искә алу өчен Муса Җәлилнең кызы Чулпан Муса кызы Җәлилова да килгән иде. Читать дальше...

(Казан, 22 ноябрь, «Татар-информ»). Татарстанда коронавирустан тагын 13 кеше үлгән. Алар арасында сигез ир-ат бар (1939, 1966, 1957, 1951, 1941, 1942, 1950 1957 елда туган) һәм биш хатын-кыз (1960, 1992, 1930, 1947 һәм 1960 елларда туган). «Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — дип билгеләп үттеләр республика Сәламәтлек саклау министрлыгының матбугат хезмәтендә. Татарстанда коронавирустан барлыгы 1177 кеше үлде.

(Чаллы, 22 ноябрь, «Татар-информ», « Шәһри Чаллы »). Тележурналист, Татарстан язучылар берлеге әһеле Рахман Шәфигуллин «Чаллының рухи манарасы» — «Духовный источник Челнов» дип аталган документаль повестен төгәлләде. Автор 80 нче елларда ТАССР телерадиотапшырулар Дәүләт Комитетының Чаллыдагы корпунктын җитәкләде, шәһәр һәм төбәк тормышын Казан телевидениесе аша бөтен республикага яктыртуга күп көч куйды. 1990 елда Шәһәр Советы депутаты булып сайланды, матбугат, хәбәрдарлык даими комиссиясен җитәкләде. Читать дальше...

(Алабуга, 22 ноябрь, «Татар-информ», « Алабуга нуры »). Федераль дәрәҗәдә һәм республикада эшмәкәрләргә ярдәм чаралары эшләнгән. Шундый чаралар турында АМР Башкарма комитеты җитәкчесенең икътисади үсеш буенча урынбасары Руслан Мусаев сөйләде. Эшмәкәрләрдән ярдәм сорап язган гаризалар 1 ноябрьдән кабул ителә башлады. Федераль дәрәҗәдә РФ хөкүмәте ике төрле төп ярдәм — грантлар һәм «ФОТ.3» ташламалы кредит программасын яңартуны раслады.  Вәкилләре грант алырга мөмкин булган өлкәләр исемлегендә 21 позиция... Читать дальше...

(Азнакай, 22 ноябрь, «Татар-информ», « Азнакай », Тансылу Саниева). Татарстан мәйданында Бөтендөнья юл фаҗигаләрендә һәлак булганнарны искә алу көне уңаеннан хәтер акциясе оештырылды. Анда укучылар да, яшьләр дә актив катнашты. Район буенча ЮХИДИ идарәсе начальнигы Александр Лаврентьев үзенең чыгышында һәркемне юл фаҗигаләрен булдырмый калуда үз өлешләрен кертергә, юл хәрәкәте кагыйдәләрен катгый үтәргә чакырды. «Юкка гына тизлек иртәме-соңмы һәлакәткә китерә дип әйтмиләр. Аварияләрнең күбесе тизлекне арттыру сәбәпле килеп чыга. Читать дальше...