Новости за 13.09.2015

ამ წუთებში თბილისის დიდ საკონცერტო დარბაზში 4 ბავშვის გადასარჩენად საქველმოქმედო კონცერტი მიმდინარეობს. 

ბათუმში საავტორო კინოს საერთაშორისო ფესტივალი უშუქობის გამო ნახევარი საათით შეწყდა. კინოფესტივალზე მისული სტუმრები საზაფხულო თეატრიდან გამოვიდნენ და ქუჩაში წვიმაში ელოდებოდნენ ელექტროენერგიის მოსვლას. 

მწერალი და დრამატურგი რეზო ჭეიშვილი 82 წლის ასაკში გარდაიცვალა.  ის სხვადასხვა პერიოდში იყო ჟურნალ განთიადის მთავარი რედაქტორი, კინოსტუდია ქართული ფილმის სასცენარო კოლეგიის წევრი, ქუთაისის თეატრის სამხატვრო ხელმძღვანელი და დირექტორი.

ირაკლი ალასანიამ მყინვარწვერი დალაშქრა. თავისუფალი დემოკრატების ლიდერი მყინვარწვერზე მარტო არ ყოფილა. გრძელი გზა ზღვის დონიდან 5050 მეტრზე ალასანიამ მეგობრებთან ერთად გაიარა.

საშემოდგომო სატელევიზიო სეზონი საქართველოში სიურპრიზებით დაიწყო. საეჭვო სასამართლო სარჩელები რუსთავი 2-ის წინააღმდეგ, დახურული პოლიტიკური თოქ-შოუები და გადაცემები. ამ ყველაფერთან ერთად  პირველი არხის ჟურნალისტმა ეკა მიშველაძემ განაცხადა, რომ მას სპეცსამსახურები უთვალთვალებდნენ.

მამის შემდეგ შვილი-ქართულ პოლიტიკაში კიდევ ერთი ივანიშვილის გამოჩენას ვარაუდობენ. ბიძინა ივანიშვილის შვილის, უტა ივანიშვილის შესახებ კოალიცია ქართულ ოცნებაში აქტიურად მსჯელობენ. მმართველ გუნდში მიაჩნიათ, რომ უტა ივანიშვილის პოლიტიკაში მოსვლა 2016 წლიდან დაიწყება.

მონასტერი, რომელმაც ოკუპაცია შეაჩერა უსახსრობის გამო ვეღარ შენდება. 4 წლის წინ სოფელ დვანში ჩაყრილ საძირკველს ბალახი მოედო, არმატურა დაჟანგდა. არადა ჯერ კიდევ აუშენებელმა ტაძარმა რუსულ მცოცავ ოკუპაციას სოფელ დვანის კუთვნილი მიწის ეს ნაწილი წაართვა. 

სოფელ თელოვანში 6 კილომეტრის მანძილზე ტრანსპორტი არ დადის, სკოლა არ არის. ბავშვები სკოლაში სიარულზე გაცილებით მეტ დროსა და ენერგიას ხარჯავენ, ვიდრე სწავლაზე. ნებისმიერ ამინდში ფეხით სამ საათს დადიან. ეს თბილისის პრესტიჟული საბურთალოს რაიონია.

რუსული ბაზრის გამო მოლოდინი ახალ ხელისუფლებასაც მაღალი ჰქონდა და მეღვინეებსაც. რუსულ კრიზისის უკრაინის ომიც დაერთო და ორი უმსხვილესი საექპორტო ბაზარი პრაქტიკულად გაქრა.

კვირაზე მეტია კახეთში ვნებათაღელვა არ ცხრება. გზების გადაკეტვა, აქციები, გასაპროტესტებლად ქუჩაში გამოსული უკმაყოფილო მევენახეები, გლეხების ძალისმიერი დაკავებები, უპასუხოდ დარჩენილი კითხვები და მთავრობის წევრების გაუგებარი ახსნა-განმარტებები, ასე იწყება რთველი 2015.

ქუთაისის ცენტრში ახალგაზრდობის პარკში უკვე ერთი საათია კონცერტი მიმდინარეობს, რომელსაც ათასობით ადამიანი ესწრება.

ამ წუთებში ქუთაისში რუსთავი 2-ის საბავშვო გასართობი ღონისძიებები მიმდინაროებს. პროექტი რუსთავი 2 შენთვის საქართველოს უკვე მეხუთე ქალაქში ჩავიდა.

ახალი გზის მონაკვეთი თამარაშვილის გამზირიდან პოლიციის შენობამდე ხვალიდან ფუნქციონირებას ისევ დაიწყებს.

"მთავრობას არ აქვს გეგმა და ყველაფერს ოპონენტებს აბრალებს,"- ასე გამოეხმაურნენ საპარლამენტო უმცირესობაში სოფლის მეურნეობის მინისტრის მოადგილის, ლევან დავითაშვილის განცხადებას. 

უკრაინაში ქართველი მიგრანტები დააკავეს, რომლებიც ქვეყნის გავლით ევროკავშირში ცდილობდნენ მოხვედრას. ინფორმაციას უკრაინის სასაზღვრო სამსახური ავრცელებს.

უკანა ფშავში ორი მწყემსი მოკლული იპოვეს. გავრცელებული ინფორმაციით, ერთ-ერთ მამაკაცს ჭროლბა ცეცხლსასროლი იარაღით თავში, მეორეს კი გულ-მკერდის არეში აღენიშნება. ადგილობრივების განცხადებით, გატაცებულია ცხვრის ნაწილიც.

პრემიერმინისტრმა პარლამენტში მთავრობის საქმიანობის ანგარიში წარადგინა. საპარლამენტო უმცირესობა მომზადებულ ანგარიშს აკრიტიკებს. უმრავლესობაში კი ფიქრობენ, რომ ანგარიში სწორად უსვამს ხაზს ქვეყანაში არსებულ მდგომარეობას და მასში 2012 წლის შემდეგ სხვადასხვა მიმართულებით წინსვლა შეინიშნება. 

"ეს ადამიანები სხვაგან ცხოვრობენ,"- ასე გამოეხმაურნენ თავისუფალ დემოკრატებში პრემიერმინისტრის მიერ მომზადებულ მთავრობის ანგარიშს, რომელიც ღარიბაშვილმა პარლამენტში წარადგინა. 

"მთავრობა შორს არის რეალობისგან,"- ასე ეხმაურებიან ერთიანი ნაციონალური მოძრაობის წარმომადგენლები პრემეირმინისტრის მიერ პარლამენტში წარდგენილი მთავრობის ანგარიშსს. 

"პროგრესს დაინახავ თუ მტრულად განწყობილი არ ხარ,"- ასე ეხმაურება საქართველოს პრემიერმინისტრის მიერ პარლამენტში წარდგენილ მთავრობის საქმიანობის ანგარიშს უმრავლესობის დეპუტატი ეკა ბესელია.

საქართველოს პრემიერ-მინისტრმა მთავრობის ანგარიში პარლამენტში წარადგინა. დოკუმენტში, რომელიც ჯამში 90 გვერდს ითვლის საუბარია წარმატებებზე მათ შორის ეკონომიკურზე. 

რუსთავი 2 შენთვის-პროექტი ქუთაისში რამდენიმე საათში დაიწყება. მანამდე კი საპარლამენტო ქალაქში ბავშვთა გასართობი ღონისძიებები რამდენიმე წუთში დაიწყება. 

სასწავლო და სააღმზრდელო წლის დაწყებასთან დაკავშირებით კომენტარი გააკეთა დავით ნარმანიამ.

ერაყში ისლამური სახელმწიფოსა და ქურთ მებრძოლების შეტაკებები გრძელდება.

თურქეთის ქალაქ დიარბაკირში კომენდანტის საათი გამოცხადდა. სამხრეთ –აღმოსავლეთ რეგიონის უდიდეს ქალაქში შეზღუდვა მას შემდეგ დაწესდა, რაც ქალაქში სამხედროებსა და ქურთ სეპარატისტებს შორის ბრძოლები განახლდა.