Новости за 06.09.2015

ვარსკვლავთცვენაა ვენეციაში - ქალაქი კინოფესტივალს, მის სტუმრებს და საკონკურსო ნამუშევრების შემქნელებს უკვე მეექვსე დღეა მასპინძლობს. რიგით 72 კინოფესტივალის მთავარი ჯილდოსთვის 21 ფილმი იბრძვის. საკონკურსო ნამუშევრების სიაში შესული ფილმებიდან სამის პრემიერა ერთ დღეს გაიმართა.

ფოთში დევნილთა ნაწილს ზამთრის მოახლოების ეშინია. მშვიდობის ქუჩაზე არსებული დევნილთა საცხოვრებელი დაზიანებულია. დევნილები ამბობენ, რომ ზამთრის მოახლოებასთან ერთად იზრდება შიში და უარესის მოლოდინი. 

დავითიანი კიდევ ერთი სოფელია, რომელსაც უახლოეს პერიოდში მოსახლეობისგან დაცლა ემუქრება. ადგილობრივები ამბობენ, რომ სოფელში გაუსაძლისი პირობებია. მათი თქმით ადგილზე არც ინფრასტრუქტურა და არც საკომუნიკაციო ხაზები არ არის.  

თბილისში ოფიციალური ვიზიტით მყოფი ამერიკის შეერთებული შტატების გენერალ-ლეიტენანტი საქართველო-უკრაინასთან მიმართებაში რუსეთის ქმედებებზე საუბრობს. 

საქართველოში ოფიციალური ვიზიტით იმყოფება ამერიკის შეერთებული შტატების ევროპული სარდლობის მეთაური. ხვალიდან თბილისში ოფიციალური შეხვედრები იწყება მანამდე კი გენერალმა ფედერიკ-ბენ ჰოჯესმა კურიერს ექსკლუზიური ინტერვიუ მისცა. 

სოფლის მეურნეობის სამინისტრო პურზე ფასის ზრდას გამორიცხავს. ამის შესახებ განცხადება ჟურნალისტებთან დრეს მინისტრის მოადგილემ ლევან დავითაშვილმა გააკეთა. 

15 სექტემბრიდან ახალი გზის ნაწილზე ავტომოძრაობა უნდა აღდგეს. მშენებლები სრული დატვირთვით მუშაობენ და ცდილობენ ვადაში ჩტევას.

კიშინიოვის ცენტრში მრავალათასიანი ანტისამთავრობო დემონსტრაცია მიმდინარეობს. ამის შესახებ ადგილობრივი მედია იუწყება. აქცია ორგანიზებულია პლატფორმა ღირსებისა და სიმართლის მიერ, რომლის მონაწილეები გამოდიან მთავრობისა და პრეზიდენტ ნიკოლაი ტიმოფტის წინააღმდეგ, რომლებიც, მათი თქმით, პასუხს აგებენ ქვეყანაში შექმნილ სოციალურ-ეკონომიკურ კრიზისზე.

ზედიზედ მეორე დღეა თბილისის ქუჩებში გველს იჭერენ. გიურზას შემდეგ, ცხოველთა მონიტორინგის სააგენტო დღეს უკვე წითელმუცელას გამო გამოიძახეს.

ამ წუთებში კიშინიოვში მრავალათასიანი ანტისამთავრობო დემონსტრაციები მიმდინარეობს. ქალაქის ცენტრში ასი ათასამდე ადამიანია შეკრებილი.

საცხოვრებლად უვარგისი შენობა-დევნილების თქმით ასეთი დასვნა დადო ლევან სამხარაულის ექსპერტიზის ბიურომ ნადარეიშვილის ქუჩაზე არსებულ შენობაზე, სადაც ამ დროისთვის 18 ოჯახი ცხოვრობს. 

ლაშა მაქაცარიას პროკურატურის მიერ დაკითხვის შემდეგ, ნაციონალური მოძრაობა დაწყებულ გამოძიებას აპროტესტებს. მათი განმარტებით, საქმის ერთ-ერთი ეპიზოდი რუსთაველის მეტროს მიმდებარედ ჯიხურების აღების კანონიერებას ეხება და ცენტრალურ გამზირზე მათი დაბრუნება იგეგმება.

რუსეთში საჰაერო ძალების წვრთნები მიმდინარეობს. მანევრები ასტრახანის რეგიონში იმართება.

აშშ-ის სახელმწიფო მდივანმა რუსეთის საგარეო საქმეთა მინისტრს დაურეკა და სირიაში რუსი სამხედროების რაოდენობის გაზრდის შესახებ გავრცელებულ ინფორმაციაზე ჰკითხა.

მიგრანტების კრიზისთან მიმართებაში ევროპას კონსესუსის მიღწევა უჭირს. ქვეყნების ლიდერები და მსოლიოს წამყვანი საერთაშორისო ორგანიზაციები საკითხის მოგვარების გზებზე მსჯელობენ. 

არალეგალების კიდევ ერთი ნავი ჩაიძირა მალაიზიის სანაპიროსთან. რეზინის ნავი, რომელსაც 60–ზე მეტი მიგრანტი გადაჰყავდა ღია ზღვაში დაზიანდა და ჩაძირვა დაიწყო.

"ერთი კაცის ახირების გამო პარლამენტმა ანტიკონსტიტუციური გადაწყვეტილება მიიღო"- ასე ეხმაურება ერთიანი ნაციონალური მოძრაობის წევრი ლევან თარხნიშვილი პარლამენტის მიერ ეროვნული ბანკის შესახებ მიღებულ გადაწყვეტილებას. 

უკრაინულ ტელეარხ 24-ის საიტზე ჩატარებული გამოკითხვით, მკითხველთა 57 პროცენტი, უკრაინის პრემიერმინისტრის პოსტზე, ოდესის გუბერნატორის - მიხეილ სააკაშვილის ნახვას ისურვებდა. მეორე ადგილი ტელეარხის გამოკითხვაში, ფინანსთა მინისტრმა დაიკავა, მას მკითხველთა 13-მა პროცენტმა დაუჭირა მხარი. 8 პროცენტი პრემიერმინისტრის პოსტზე იულია ტიმოშენკოს დაბრუნების მომხრეა, რომელიც ორჯერ ხელმძღვანელობდა მინისტრთა კაბინეტს. გამოკითხულთა მხოლოდ 6-მა პროცენტმა დაუჭირა მხარი მოქმედი პრემიერის - არსენი იაცენიუკის მუშაობას.

"ეს არის დემაგოგია,"- ასე ეხმაურება საქართველოს პარლამენტის საფინანსო-საბიუჯეტო კომიტეტის ხელმძღვანელი თამაზ მეჭიაური ოპონენტების განცხადებებს მის მიერ შემუშავებულ კანონთან დაკავშირებით, რომლის მიხედვითაც ეროვნულ ბანკს ზედამხედველობის სამსახური გამოეყო. 

"აუცილებელია მეტი თავისუფლების ხარისხი ეკონომიკაში,"-ასე ეხმაურება ქვეყანაში ეკონომიკის კუთხით არსებულ მდგომარეობას  თავისუფალი უნივერსიტეტის ბიზნესის სკოლის და აგრარული უნივერსიტეტის ბიზნესის ფაკულტეტის დეკანი გიგა ბედინეიშვილი. 

ამ წუთებში ხმაურია ფონიჭალაში. რამდენიმე დღის წინ 17 წლის ბიჭის მკვლელობაში ბრალდებულის მამის დასჯის მოთხოვნით აქცია იმართება.

საოკუპაციო ზოლთან მდებარე სოფლების წითელუბნისა და ხურვალეთის მოსახლეობა ხელისუფლებისგან დახმარებასა და კომპენსაციას ითხოვს.

დუშეთის მუნიციპალიტეტის გამგეობის ინიციატივით, სოფელ შატილში სახალხო დღესასწაული შატილობა 2015 გაიმართა, რომელსაც აღმასრულებელი ხელისუფლების წარმომადგენლები ესწრებოდნენ.

განათლების სამინისტროს შიდა აუდიტის დეპარტამენტი საჯარო სკოლის დირექტორებს პროფესიული განვითარების მიზნით ტრენინგებს უტარებს.

სამართალდამცველებმა 4 კილოზე მეტი კანაფის მოყვანისა და შესახვისთვის 1977 წელს დაბადებული დავით წ. მარტვილის რაიონის სოფელ ბანძაში დააკავეს.