Новости за 30.09.2015

საქართველოს პრემიერმინისტრი დღეს გაეროს 70-ე სესიის გენერალურ დებატებზე სიტყვით გამოვა.

ბათუმიდან იწყებს დღეს ხელისუფლება საჯარო განხილვებს არჩევნებთან დაკავშირებულ საკონსტიტუციო ცვლილების პაკეტზე.

საქართველოს პრეზიდენტი გიორგი მარგველაშვილი ვაშინგტონში ეროვნულ დემოკრატიული ინსტიტუტის ხელმძღვანელებს შეხვდა. 

ზურაბ ადეიშვილი საქართველოდან წამოსვლის შესახებ გადაწყვეტილებას "მძიმეს" უწოდებს. ამის შესახებ მან ნანუკას შოუში განაცხადა. ადეიშვილის განცხადებით მისი საქართველოდან წამოსვლით მან ხელი შეუწყო დასავლური მეთოდით ხელისუფლების გადაბარებას.

2016 წლის გაზაფხული-ზაფხულის კოლექციები. თბილისი მოდის კვირეულის მე–12 სეზონისთვის ემზადება. საქართველოს ყველაზე მოდურ ღონისძიებას კვლავ ვარდების მოედანზე განლაგებული გართობისა და დასვენების ცენტრი უმასპინძლებს, რომელიც გააერთიანებს დიზაინერების შოუ-რუმს, ლაუნჯს და გრანდიოზულ პოდიუმს.

ნინო კაპანაძე თვიდან თვემდე სოციალური და ბავშვებზე მიღებული დახმარებით ცხოვრობს. თანხა 470 ლარამდეა, საიდანაც დიდი ნაწილი ბინის ქირასა და კომუნალურ გადასახადებში იხარჯება. 4 შვილის დედა ამბობს, რომ სახელმწიფოსგან მიღებული დახმარებებით ბინის ქირის გადახდა და ბავშვების გამოკვებაც უჭირს.

არასამთავრობო ორგანიზაცია მერიის საქალაქო სამსახურის უფროსის, ვიცე-პრემიერის ცოლის ძმის სამსახურიდან გათავისუფლებას ითხოვს. მათი ინფორმაციით, მერიის ოფიციალურ ვებგვერდზე გიორგი არეშიძის მიერ მითითებული უმაღლესი სასწავლებელი არ არსებობს.

ავთანდილ სუდაძე თანამდებობიდან გადადგა. ოპოზიციამ მის გადადგომამდე რამდენიმე წუთით ადრე კიდევ ერთი დოკუმენტი გაასაჯაროვა, საიდანაც ირკვევა, რომ კეთილმოწყობის სამსახურმა საგზაო ინფრასტრუქტურის მოწესრიგების მიზნით რამდენიმე მილიონიანი ხელშეკრულება იმ კომპანიასთან გააფორმა, რომლის მფლობელიც გიგი უგულავას საქმეში ერთ-ერთი მთავარი მოწმე ტარიელ ხიზანიშვილია, გადარიცხული თანხის რაოდენობა კი შესასრულებელი სამუშაოების ადეკვატური არ არის.

სირიის ტერიტორიაზე სამხედრო ოპერაციის დაწყების ბრძანება ვლადიმერ პუტინმა ფედერაციის საბჭოს თანხმობის მიღებიდან რამდენიმე საათში გასცა. რუსეთის თავდაცვის უწყების ცნობით, ქვეყნის საჰაერო–კოსმოსურმა ძალებმა წერტილოვანი დარტყმები დაჯგუფება "ისლამური სახელწმიფოს" პოზიციებზე მიიტანეს. ავიაციის სამიზნე მებრძოლების სამხედრო ტექნიკა, იარაღის საწყობები და საკომუნიკაციო ცენტრები გახდა.

The Georgian delegation is preparing for tomorrow"s session in the Council of Europe . After hearing of the annual report of the Monitoring Committee"s the resolution will be voted for.

ევროსაბჭოში ქართული დელეგაცია ხვალინდელი სხდომისთვის ემზადება. მონიტორინგის კომიტეტის ყოველწლიური ანგარიშის მოსმენის შემდეგ ევროპელი დეპუტატები საქართველოს შესახებ რეზოლუციას მიიღებენ.

პრეზიდენტის ვიზიტი შეერთებულ შტატებში გრძელდება. გიორგი მარგველაშვილმა ნიუ-იორკიდან ვაშინგტონში გადაინაცვლა, სადაც დღეს უკვე გამართა მოლაპარაკებები ამერიკელ კონგრესმენებთან.

"ამერიკული პრესის რადარებიდან გამქრალი ქვეყანა" – ასე მოიხსენია ამერიკელმა ჟურნალისტმა საქართველო ქვეყნის პერეზიდენტის წარდგენისას.

The President of Georgia is holding bilateral meetings in Washington. Ambassador of Georgia is not involved in this process. According to the Courier`s information, the Ambassador is in New York with the Prime Minister. Georgia has a separate representation in the UN.

საქართველოს პრეზიდენტი ვაშინგტონში იმყოფება და ორმხრივ შეხვედრებს მართავს. ამ პროცესში კი საქართველოს ელჩი ჩართული არ არის. კურიერის ინფორმაციით ელჩი ნიუ-იორკში პრემიერ-მინისტრთან დარჩა.  მაშინ როდესაც გაეროში საქართველოს ცალკე წარმომადგენლობა ჰყავს. 

All of the so-called "Narushilova" permits have been annuled. According to the Minister"s order, all owners of special passes are to be deprived of the permits and the permits should be destroyed, but at the same time the Ministry will distribute new passes. The Minister vows that secret operational documents will be under strict control.

დღემდე გაცემული ე.წ. "ნარუშილოვკები" გაუქმებულია. მინისტრის ბრძანებით ყველა სპეციალური საშვი მფლობელებს უნდა ჩამოერთვათ და განადგურდეს, თუმცა პარალელურად სამინიტრო ახალ საშვებს დაარიგებს. უწყების ხელმძღვანელი პირობას დებს, რომ საიდუმლო ოპერატიული დოკუმენტების გაცემა მკაცრი კონტროლის ქვეშ იქნება.

სწორედ ამ დოკუმენტებთან დაკავშირებული სკანდალი გახდა მინისტრის გადაწყვეტილების მიზეზი.

"Saakashvili for Ukraine prime minister?" Is the title of an article about the situation in Ukraine published in the newspaper Japan Times .

"სააკაშვილი უკრაინის პრემიერ–მინისტრად?" ამ სათაურით ვრცელ სტატიას ქვეყანაში არსებული ვითარების შესახებ გამოცემა ჯაპან თაიმსი აქვეყნებს.

ეკონომიკური ზრდის წინასწარი შეფასების შედეგები დღეს გამართულ ბრიფინგზე მედიის წარმომადგენლებს ეკონომიკისა და მდგრადი განვითარების მინისტრის მოადგილემ, ირმა ქავთარაძემ გააცნო.

საპარტნიორო ფონდის ხელმძღვანელის თანამდებობაზე დავით საგანელიძეს 28 ათასი ლარი ექნება ხელფასი, თუმცა თავად საგანელიძე ამბობს, რომ  მისი ხელფასი ახალ თანამდებობაზე არა 28 არამედ 21 ათასი ლარი იქნება. ნაციონალური მოძრაობის წევრმა ხათუნა გოგორიშვილმა ჟურნალისტებს სპეციალური დოკუმენტაცია წარუდგინა, რომლითაც ადასტურებს ოპოზიციის ვერსიას 28 ათასი ლარის ოდენობის ხელფასის შესახებ.

Discussion of David Saganelidze`s termination of powers in the Parliament has already taken place. Saganelidze spoke about his salary as the Head of the Partnership Fund and stated that his salary was 21 thousand.

დავით საგანელიძისთვის უფლებამოსილების შეწყვეტასთან დაკავშირებით პარლამენტმა უკვე იმსჯელა. საგანელიძემ საპარტნიორო ფონდის ხელმძღვანელის თანამდებობაზე მის ანაზღაურებასთან დაკავშირებით ისაუბრა და განაცხადა, რომ მისი ხელფასი 21 ათასი ლარია.

Large-scale construction for refugees is to begin in Gori. Eight 10-storey apartment houses for refugees are to be built in 21 months in Moscow street in Gori .
The ceremonyof starting the construction works was attended by the Minister of Refugees.
"Refugees` accomodation problem will be mostly solved this year," - Subari said.

გორში დევნილებისთვის მასშტაბური მშენებლობა იწყება. იძულებით გადაადგილებულ პირთა განსახლების მიზნით მოსკოვის ქუჩაზე 8 ათსართულიანი კორპუსი  21 თვის განმავლობაში უნდა აშენდეს.