Новости за 28.06.2015

რიგგარეშე ფორმატში გაგრძელდება მსჯელობა პარლამენტში ეროვნული ბანკიდან ზედამხედველობის სამსახურის გამოყოფის საკითხზე.

დღეს უნდა გაირკვეს როდიდან გაიყიდება ევროპის სუპერთასზე დასასწრები ბილეთები. ფეხბურთის ფედერაცია პასუხს უეფასგან ელოდება, რის შემდეგაც დეტალები პრესკონფერენციაზე გასაჯაროვდება.

სირიაში პანკისის ხეობიდან წასული კიდევ ერთი ახალგაზრდა დაიღუპა. 23 წლის თურფალ ბორჩაშვილი სოფელ ძიბახევიდან იყო.

„ამ 220 მეტრიანმა გვირაბმა დაიცვა წყნეთის ქუჩის მარჯვენა მხარის ფერდობი“-ეს განცხადება გადაცემა „განსხვავებულ აქცენტებში“ თსუ-ს ჰიდრომეტეოროლოგიური ლაბორატორიის ხელმძღვანელმა მერაბ ალავერდაშვილმა გააკეთა და აღნიშნა, რომ ვაკე-საბურთალოს ძველი გვირაბის გაგრძელებაზე აშენებული ახალი გვირაბის არსებობამ წყნეთის ქუჩა დიდი რაოდენობით მსხვერპლს გადაარჩინა.  

სამშობლოდან საზღვარგარეთ სამუშაოდ წასული ქართველი ექიმები თანამემამულეების ჯანმრთელობის მდგომარეობაზე სხვა ქვეყნებიდანაც ზრუნავენ.

3 წლის ლილე მხეიძის გარდაცვალების ფაქტზე სისხლის სამართლის საქმე აღიძრა. 21 აპრილს ბავშვი გლანდებისა და პოლიპების პოსტოპერაციული გართულების შედეგად გარდაიცვალა.

გასული წლის 15 დეკემბერს 19 წლის დავით ხარაზიშვილი მოკლეს. მკვლელობას თვითმხილველი არ ჰყავს, თუმცა ცნობილია, რომ იმ დღეს დათოს 2 უცნობი მამაკაცი ეძებდა. მოგვიანებით გაირკვა, რომ დათო ხარაზიშვილის მიმართ განხორციელებული ანგარიშსწორების მიზეზი არასრულწლოვანი გოგონას მიერ დედისთვის მოყოლილი ისტორია იყო, რომელშიც ის პირველ დეკემბერს მის მიმართ განხორციელებულ ძალადობაზე საუბრობს.

17 ივნისს, დაახლოებით შუადღის 14:30-ზე ლევან აბზიანიძეს ტაქსში რამდენიმე მამაკაცი ჩაუჯდა. უცნობებმა მას ქუთაისიდან წყალტუბოში წაყვანა სთხოვეს. იმერეთისა და რაჭა-ლეჩხუმის პოლიციის მთავარ სამმართველოში მოტყუებით მიყვანილი ტაქსის მძღოლი, ცოტა ხანში ნარკოლოგიური შემოწმების გასავლელად დისპანსერში გადაიყვანეს.

ტერორისტული ორგანიზაცია კავკასიაში გაფართოებას აანონსებს. ISIS-ის წარმომადგენლებმა ინფორმაცია ამის შესახებ უკვე გაავრცელეს.

ქართველი მღვდელი, რომელიც წლებია აზერბაიჯანში იქ მცხოვრები ქართველი მართლმადიდებლებისათვის წირავდა, მეზობელ ქვეყანაში არ შეუშვეს. საბაბად ახალი კანონი მოიშველიეს, რომელიც კრძალავს ორმაგ მოქალაქეობას აზერბაიჯანში.

ისლამური სახელწმიფოს გადაწყვეტილბა, რომ კავკასიაში ISIS-ის პროვინცია დაარსდება შემაშფოთებელია ამერიკის შეერთებული შტატებისთვის.

ტერორისტული დაჯგუფება ISIS-ი კავკასიაში განვითარებას გეგმავს. ინფორმაცია მათ ამის შესახებ გასულ კვირას გაავრცელეს. 2 კვირის წინ კი პანკისის ხეობაში სპეცოპერაცია ჩატარდა და ტერორისტულ დაჯგუფებასთან კავშირის ბრალდებით რამდენიმე ადამიანი დააკავეს. 

"ქალს ამოფარებული დუმბაძე საუბრობს, ვასაძე არის გამხმოვანებელი,"- ეს განცხადება "პოსტსკრიპტუმთან" საუბრის დროს ბათუმის საკრებულოს თავმჯდომარემ ირაკლი ჭეიშვილმა გააკეთა. 

სამთავრობო მანქანით თურქეთიდან აჭარის ტერიტორიაზე ნარკოტიკების შემოტანის შესახებ ინფორმაცია ბიძინა ივანიშვილს მურმან დუმბაძემ უამბო. ვიცე-სპიკერი დუმბაძე "პოსტსკრიპტუმთან" საუბრის დროს აცხადებს, რომ კონკრეტული დღე ახსოვს, როცა ივანიშვილს შეხვდა და სკანდალური ინფორმაცია სხვა მნიშვნელოვან ამბებთან ერთად გააცნო. 

აჭარის ავტონომიური რესპუბლიკის უმაღლესი საბჭოს წევრი მედეა ვასაძე ამბობს, რომ 2013 წლის 20 სექტემბერს ირაკლი ჭეიშვილის დახმარებით, რომელიც ახლა ბათუმის საკრებულოს თავმჯდომარეა, სამთავრობო მანქანით საქართველოს ტერიტორიაზე ნარკოტიკული ნივთიერება შემოვიდა. 

ირმა ნიორაძის 20-მდე პორტრეტი გამოიფინა დღეს თბილისში. ორი ათეული წლის წინ გადაღებულ სურათებში მოცეკვავე ყველა იმ ცნობილ პერსონაჟს აცოცხლებს, რომელსაც წლების განმავლობაში სხვადასხვა თეატრის სცენაზე ანსახიერებდა.

ათდღიანი საპროტესტო გამოსვლების შემდეგ ერევნის პოლიცია დღეს ქალაქში წესრიგის აღსადგენად ემზადება.

ვერეს ხეობაში მშენებლობების შესაძლო დაწყებას აპროტესტებენ გარემოს დამცველები. ისინი არასამთავრობო ორგანიზაციის წარმომადგნელებთან ერთად ამ წუთებში საკრებულოს შენობის წინ იკრიბებიან.

ალტერნარიული პირადობის მოწმობის მოთხოვნით აქცია გაიმართა პარლამენტის შენობის წინ.

საქართველოს ძიუდოისტთა ნაკრები ბაქოს პირველ ევროპულ თამაშებზე გუნდურ შეჯიბრებაში მეორე ადგილზე გავიდა.

პაკისტანში გაუსაძლისი სიცხისაგან გარდაცვლილთა რიცხვმა  ათას 100-ს გადააჭარბა. გარდაცვლილთა უმეტესობა უსახლკაროები არიან.

"NATO-ს არ აქვს რუსეთზე თავდასხმის გეგმა და რუსეთი არ უნდა ღელავდეს მის საზღავრთან ალიანსის თავდაცვითი შეიარაღების განთავსების გამო,"- განცხადებას ამის შესახებ შეერთებული შტატების ყოფილი ელჩი რუსეთში მაიკლ მაკფოლი სოციალურ ქსელში აკეთებს.

"რა დროს გადადგომაა, ხომ ხედავთ ვმუშაობთ, "- ასე უპასუხა თბილისის კეთილმოწყობის სამსახურის უფროსმა ავთანდილ სუდაძემ "კურიერის" შეკითხვას, რომელიც მისი თანამდებობიდან წასვლას უკავშირდებოდა. 

4 საათზე მეტი დასჭირდათ მაშველებსა და შინაგან საქმეთა სამინისტროს თანამშრომლებს მდინარე მტკვრისა და ვერეს შესართავთან ნაპოვნი მანქანის ამოსაყვანად.

"ზარალის დათვლა დავასრულეთ, ახლა კომპენსაციაზე ვმუშაობთ,"- ეს განცხადება "კურიერთან" საუბრის დროს ვაკის რაიონის გამგებელმა ლაშა აბაშიძემ გააკეთა.