Новости за 16.04.2023

ბრაზილიის პრეზიდენტი, ლუის ინასიუ ლულა და სილვა კიდევ ერთხელ გამოვიდა მოწოდებით რუსეთ-უკრაინის ომთან კავშირის არმქონე ქვეყნებისგან შეიქმნას ჯგუფი, რომელიც მშვიდობის დამყარებისთვის იმუშავებს და თქვა, რომ მიმდინარე კვირაში მან ეს საკითხი განიხილა ჩინეთის პრეზიდენტთან, სი ძინპინთან.  "ვფიქრობ, მაგიდას უნდა მივუსხდეთ და ვთქვათ - 'საკმარისია, მოდით ლაპარაკი დავიწყოთ', რადგან ომს არასოდეს მოუტანია და არც არასოდეს მოუტანს რაიმე სარგებელს კაცობრიობისთვის" - თქვა ლულამ, რომელიც კრიტიკულად აფასებს აშშ-ს და ევროკავშირს კონფლიქტში მათი როლისთვის.

ირანში პატიმრობა მიუსაჯეს შეიარაღებული ძალების 10 წევრს, ბრალდებებით, რომლებიც უკავშირდება 2020 წელს უკრაინის თვითმფრინავის ჩამოგდებას, რასაც 176 ადამიანი შეეწირა - ამ ცნობას ირანის სასამართლოს ვებსაიტი ავრცელებს.   Mizan Online-ი 16 აპრილს იუწყება, რომ ერთ-ერთ მეთაურს 10 წლით მიესაჯა პატიმრობა, კიდევ ცხრა პირს - ერთიდან სამ წლამდე ვადით.  "ბოლო წლებში ქვეყანაში ამ საქმის გამოძიება იყო ერთ-ერთი ყველაზე მნიშვნელოვანი, მგრძნობიარე და კომპლექსური სასამართლო პროცესი" - ვკითხულოთ ვებსაიტზე. იქვე ნათქვამია... Читать дальше...

წლევანდელი დიდი მარხვა - 27 თებერვლიდან 15 აპრილამდე - ქვეყნის ცხოვრებაში მღელვარე პერიოდს დაემთხვა: "აგენტების კანონის" საწინააღმდეგო აქციები, სავალდებულო სამხედრო სამსახურის შემოღების წინააღმდეგ საპროტესტო გამოსვლები, ლაზარე გრიგორიადისის საქმე. მღვდლები ამ მოვლენებს ქრისტიანულად ყველაზე მნიშვნელოვან, წინასააღდგომო პერიოდში ეხმიანებოდნენ. წლევანდელ ქადაგებებში, რომლებსაც ასობით ადამიანი ესწრება, და კიდევ უფრო მეტი ონლაინ უსმენს, რამდენიმე ძირითადი გზავნილი გამოიკვეთა. რა ხდება ქადაგებაზე კვირაობით... Читать дальше...

რუსეთის პრეზიდენტი, ვლადიმირ პუტინი 16 აპრილს მოსკოვში შეხვდა ჩინეთის თავდაცვის მინისტრს, ლი შანფუს. შეხვედრის დროს მხარეები მიესალმნენ სამხედრო თანამშრომლობას ორ ქვეყანას შორის, რომლებსაც გამოცხადებული აქვთ "ულიმიტო" პარტნიორობა. გასულ თვეში რუსეთის პრეზიდენტს მოსკოვში შეხვდა ჩინეთის პრეზიდენტი, სი ძინპინი. რუსეთი და ჩინეთი აღრმავებენ კავშირებს ეკონომიკის, პოლიტიკის და სამხედრო სფეროებში მას შემდეგ, რაც მოსკოვმა ათი ათასობით სამხედრო გაგზავნა უკრაინაში შეჭრისთვის, 2022 წლის თებერვალში.

ირანის ისლამური რევოლუციის გუშაგთა კორპუსმა (IRGC) დააკავა უცხოური ხომალდი, რომელსაც, როგორც ჩანს, სპარსეთის ყურეში კონტრაბანდული საწვავი გადაჰქონდა - იუწყება ირანის საინფორმაციო სააგენტო Tasnim-ი 16 აპრილს.  გავრცელებული ცნობით, ხომალდის ეკიპაჟი დაკავებულია. სააგენტო არ აკონკრეტებს დეტალებს ხომალდზე, რომელიც, როგორც იუწყებიან, 1.45 მილიონ ლიტრამდე მოცულობის საწვავით იყო დატვირთული, არ აცხადებენ არც სახელმწიფოს, სადაც ხომალდი რეგისტრაციაშია გატარებული. იმის გამო, რომ საწვავი ირანში ძლიერადაა სუბსიდირებული... Читать дальше...

უკრაინის საგარეო საქმეთა მინისტრი, დმიტრო კულება 17 აპრილს ეწვევა ერაყის დედაქალაქს, ბაღდადს - იუწყება უკრაინის საგარეო საქმეთა სამინისტრო.  კულება განიხილავს პოლიტიკური დიალოგის განვითარებას, ვაჭრობის მოცულობის ზრდას და ურთიერთობას საერთაშორისო ორგანიზაციებში - ვკითხულობთ განცხადებაში. ერაყის საგარეო საქმეთა სამინისტროს პრესმდივნის, აჰმად ალ-საჰაფის თქმით, კულებას ვიზიტის მიზანია გაღრმავდეს ორმხრივი ურთიერთობები და განხილულ იქნეს მიდგომები სხვადასხვა რეგიონულ და საერთაშორისო საკითხთან.

16 აპრილს ჩეხეთის ათასობით მოქალაქემ მიიღო მონაწილეობა პრაღის ცენტრში გამართულ დემონსტრაციაში, რომლითაც მთავრობას გადადგომისკენ მოუწოდებდნენ, მაღალი ინფლაციის და ენერგიის ფასების ზრდის გამო.  აქციის ორგანიზატორი იყო არასაპარლამენტო პოლიტიკური პარტია PRO, რომელიც აკრიტიკებს პრემიერ-მინისტრ პეტრ ფიალას მემარჯვენე-ცენტრისტული მთავრობის მოქმედებას რუსეთის მხრიდან უკრაინაში შეჭრის შემდეგ ევროპაში შექმნილ  ენერგიის კრიზისთან მიმართებით. PRO მთავრობას მწვავედ აკრიტიკებს სიტყვის თავისუფლების მდგომარეობის გამოც... Читать дальше...

პოლონეთმა 16 აპრილს განაცხადა, რომ უკრაინის მარცვლეულისთვის და სოფლის მეურნეობის სხვა პროდუქციისთვის დაწესებული აკრძალვა შეეხება მხოლოდ იმ საქონელს, რომელიც პოლონეთის ტერიტორიაზე გაივლის. პოლონეთმა და უნგრეთმა ერთი დღით ადრე გამოაცხადეს ამგვარი იმპორტის აკრძალვის შესახებ, ადგილობრივი ფერმერების ფასების ვარდნისგან დასაცავად, რასაც მიწოდების გაზრდა იწვევს. პოლონეთის განვითარებისა და ტექნოლოგიის მინისტრმა, ვალდემარ ბუდამ ტვიტერით დაწერა, რომ ორი მხარე მოლაპარაკებას გამართავს იმის უზრუნველსაყოფად, რომ სატრანზიტო საქონელი პოლონეთში არ დარჩება. Читать дальше...

ბრიტანეთმა, აშშ-მა, კანადამ, იაპონიამ და საფრანგეთმა შექმნეს ალიანსი, რომელმაც მიწოდების საერთო ქსელები უნდა განავითაროს ბირთვული საწვავისთვის. განცხადება, რომელიც 16 აპრილს, დიდი შვიდეულის (G7) მოლაპარაკებებზე გაკეთდა იაპონიის ქალაქ საპოროში, მიემართება რუსეთის განდევნას ენერგიის საერთაშორისო ბაზრიდან - აცხადებს ბრიტანთის ენერგეტიკული უსაფრთხოების დეპარტამენტი.  ხუთი ქვეყანა გამოიყენებს სამოქალაქო მიზნებისთვის მოქმედ ბირთვული ენერგიის სექტორს საიმისოდ, რომ ძირი გამოეთხაროს რუსეთის ძალაუფლებას... Читать дальше...

ევროკომისიის განცხადებით, მიუღებელია პოლონეთისა და უნგრეთის გადაწყვეტილება უკრაინული ხორბლის იმპორტის დროებითი შეჩერების თაობაზე. ევროკომისიის მიერ გავრცელებულ განცხადებაში ნათქვამია, რომ „სავაჭრო პოლიტიკა ევროკავშირის ექსკლუზიური კომპეტენციაა და ამიტომ ერთმხრივი გადაწყვეტილებები მიუღებელია“: „ასეთ რთულ დროს, უკიდურესად მნიშვნელოვანია, რომ ყველა გადაწყვეტილების კოორდინირება და შეთანხმება მოხდეს ევროკავშირის ფარგლებში“, - ვკითხულობთ ევროკომისიის განცხადებაში. 16 აპრილს ცნობილი გახდა, რომ პოლონეთმა... Читать дальше...

ღია წყაროთა პროექტი, რომელსაც ერთობლივად ამუშავებენ BBC და ვებსაიტი Mediazona, ადასტურებს, რომ უკრაინაში ომს ემსხვერპლა რუსეთის 20 000-ზე მეტი სამხედრო მოსამსახურე, და მათი დაახლოებით მესამედი მოდის გასამხედროებული ჯგუფის, "ვაგნერის" მიერ დაქირავებულ მებრძოლებზე.  პროექტს აღრიცხული აქვს სიკვდილის 20,451 შემთხვევა მას შემდეგ, რაც რუსეთი სრულმასშტაბიანად შეიჭრა უკრაინაში, 2022 წლის თებერვალში. ბოლო ორი კვირის განმავლობაში დაღუპულია 1,820 ადამიანი. რუსეთის ხელისუფლება მწირ ინფორმაციას ასაჯაროებს... Читать дальше...

აღდგომის დღესასწაულთან დაკავშირებით, მოქალაქეებს სასაფლაოების მიმართულებით გადაადგილება უფასოდ შეეძლებათ. თბილისის სატრანსპორტო კომპანიის ინფორმაციით, 16 და 17 აპრილს სასაფლაოების მიმართულებით, დამატებითი მარშრუტები დაინიშნა. მეტროსადგური „დიდუბე“ -მუხათგვერდისა და ვაშლიჯვრის სასაფლაოების მიმართულებით; მეტროსადგური „დელისი“ - საბურთალოს სასაფლაოსკენ; მეტროსადგური „მარჯანიშვილი“ და „სადგურის მოედნიდან“ კუკიის სასაფლაოს მიმართულებით; ჭიჭინაძის ქუჩა - ვერის სასაფლაოსკენ; „სარაჯიშვილის“ მეტრო... Читать дальше...

პატიმრობაში მყოფი საქართველოს მესამე პრეზიდენტის დედა, გიული ალასანია ამბობს, რომ მიხეილ სააკაშვილის ჯანმრთელობის მდგომარეობა კვლავ რთულია. მისი თქმით, მიხეილ სააკაშვილი ძირითადად წევს და „ვიზუალურად მძიმე სანახავია“: „გუშინ მოსულები იყვნენ მასთან, ეზოდან მიულოცეს და ძალიან ესიამოვნა. ისევ მოლოდინში ვართ. იქნებ რაიმე დადებითად გადაწყდეს. ვნახოთ, სტრასბურგში რა შედეგი მოჰყვება საჩივარს. ჯანმრთელობის მდგომარეობის კუთხით, ისევ იგივე ვითარებაა: სიცხე, წნევა და სისუსტე გრძელდება. როდესაც წამოიწევა მძიმე შთაბეჭდილებას ტოვებს. Читать дальше...

კრემლთან დაკავშირებული ბიზნესმენი, ევგენი პრიგოჟინი - ხელმძღვანელი გასამხედროებული ჯგუფისა "ვაგნერი", რომელიც წამყვან როლს ასრულებს აღმოსავლეთ უკრაინაში მიმდინარე ბრძოლაში - აცხადებს, რომ უკრაინაში ხანგრძლივ კონფლიქტს შესაძლოა რუსეთის დაშლა მოჰყვეს.  15 აპრილს, ტელეგრამით გამოქვეყნებულ განცხადებაში პრიგოჟინმა მოსკოვს მოუწოდა უკრაინაში თავისი მიზნები "მიღწეულად" გამოაცხადოს და დაასრულოს იქ მიმდინარე ბრძოლა. პრიგოჟინის თქმით, "ბევრი მათგანი, ვინც გუშინ მხარს უჭერდა საგანგებო ოპერაციას, დღეს ან ეჭვებშია... Читать дальше...

უკრაინის პრეზიდენტი, ვოლოდიმირ ზელენსკი ითხოვს დაუყოვნებელ, "ეფექტიან უსაფრთხოების გარანტიებს" უკრაინისთვის, იმ ფონზე, როცა გრძელდება სამაშველო სამუშაოები დონეცკის რეგიონის ქალაქ სლოვიანსკში, სადაც საცხოვრებელ სახლზე რუსეთის მიერ მიტანილ იერიშს ემსხვერპლა სულ მცირე 11 სამოქალაქო პირი.  ყოველდღიურ ვიდეომიმართვაში 15 აპრილს ზელენსკიმ თქვა, რომ 90 წუთის განმავლობაში ტელეფონით ესაუბრა საფრანგეთის პრეზიდენტს, ემანუელ მაკრონს, და ორი ლიდერი შეთანხმდა "პრინციპებზე, რომლებიც აერთიანებს მთელ ჩვენს ანტი-საომარ კოალიციას". Читать дальше...

16 აპრილის ღამეს გერმანიამ გამორთო ქვეყანაში მოქმედი უკანასკნელი სამი ატომური ელექტროსადგური. ეს გადაწყვეტილება მიღებულ იქნა 2011 წელს, მას მერე, რაც იაპონიაში ფუკუშიმის კატასტროფა მოხდა. პირველმა ატომურმა ელექტროსადგურმა გერმანიაში მუშაობა დაიწყო 1961 წელს. 2000-იან წლებში ქვეყანაში მოქმედებდა 19 ატომური ელექტროსადგური. ფუკუშიმის კატასტროფის შემდეგ, ანგელა მერკელის ხელისუფლებამ განაცხადა, რომ ატომური ენერგეტიკა მეტად სახიფათოა და ელექტროსადგურების ეტაპობრივი გაჩერების გადაწყვეტილება მიიღო. უკანასკნელი სამი რეაქტორის დახურვა... Читать дальше...

უკრაინის პრეზიდენტის ოფისის ხელმძღვანელი, ანდრეი ერმაკი 130 უკრაინელი ტყვის დაბრუნების შესახებ ავრცელებს ინფორმაციას. ერმაკის ცნობით, ისინი ტყვეთა გაცვლის გზით ბრუნდებიან უკრაინაში: „ტყვეების დიდი სააღდგომო გაცვლა. ვაბრუნებთ 130 ადამიანს. დაბრუნების პროცესი ბოლო დღეების განმავლობაში, რამდენიმე ეტაპად განხორციელდა. სამხედროები, მესაზღვრეები, ეროვნული გვარდიის წარმომადგენლები, მეზღვაურები...რიგითები და სერჟანტები, რომლებიც ტყვედ აიყვანეს ბახმუტის, სოლედარის, ზაპოროჟიესა და ხერსონის მიმართულებით. Читать дальше...

16 აპრილის ღამეს, სუდანში, გასამხედროებულ დაჯგუფება „სწრაფი რეაგირების ძალებსა“ და ქვეყნის რეგულარულ არმიას შორის დაპირისპირების შედეგად სულ ცოტა 56 ადამიანი დაიღუპა. დაშავდა - 600. Reuters-ი სუდანის ექიმთა კავშირის ინფორმაციაზე დაყრდნობით იტყობინება, რომ 56 დაღუპულიდან ყველა სამოქალაქო პირია. დაღუპული სამხედროების ზუსტი რაოდენობა უცნობია. მედიაში „ათობით“ დაღუპულზე ვრცელდება ინფორმაცია. სუდანის არმიამ დედაქალაქის მიმდებარედ, ომდურმანში, საჰაერო დარტყმები განახორციელა „სწრაფი რეაგირების ძალების“ ბაზებზე. Читать дальше...

უკრაინის პრეზიდენტმა ვოლოდიმირ ზელენსკიმ მოსახლეობას აღდგომის დღესასწაული მიულოცა. მისალოც სიტყვაში უკრაინის პრეზიდენტი ამბობს, რომ უკრაინის დროშა მალე ქვეყნის მთელ ტერიტორიაზე აფრიალდება, კანონის უზენაესობა და სამართლიანობა იზეიმებს და დაისჯება ყველა, ვინც გასცა და აღასრულა დანაშაულებრივი ბრძანება. „დღეს ჩვენ აღვნიშნავთ უფლის აღდგომის დღესასწაულს. მისი მთავარი სიმბოლოა გამარჯვება: სიკეთის გამარჯვება, სიმართლის გამარჯვება, სიცოცხლის გამარჯვება... ერთი წლის წინ, ამ დღეს, ჩვენ ყველა ვლოცულობდით, რომ უკრაინას გაეძლო. Читать дальше...

16 აპრილის ღამეს, რუსეთის შეიარაღებული ძალების მიერ ნიკოლაევის ოლქზე თავდასხმას 2005 წელს დაბადებული ორი მოზარდი ემსხვერპლა. ინფორმაციას ოლქის ხელმძღვანელი ვიტალი კიმი ავრცელებს. მისი სიტყვებით, დაბომბვის ქვეშ მოყვნენ საცხოვრებელი სახლები, საავადმყოფო და კულტურის სახლი. კიმის ინფორმაციით, დარტყმები განხორციელდა საზენიტო-სარაკეტო სისტემა C-300-დან. 16 აპრილის ღამეს რუსეთის სამხედრო ძალებმა შეტევა განახორციელეს ზაპოროჟიეზეც. კამიშევახეში დაზიანდა ადგილობრივი ეკლესია, სადაც წირვა არ მიმდინარეობდა. Читать дальше...

16 აპრილის ღამეს ფინეთში ექსპუატაციაში შევიდა ევროპაში უდიდესი ბირთვული რეაქტორი  Olkiluoto 3-ის (OL3). ის არის კუნძულ ოლკილუოტოზე ატომური ელექტროსადგურის მესამე ენერგობლოკი. რეაქტორის სიმძლავრე შეადგენს 1600 გიგავატს. ის ქვეყნის ელექტროენერგიის საჭოროების 14%-ს დაფარავს. ფინელი ენერგეტიკოსები იმედოვნებენ, რომ რეაქტორის ამოქმედება ფინეთში ელექტროენერგიაზე ფასს დაწევს და შეამცირებს მეზობელი ქვეყნებიდან, ნორვეგიიდან და შვედეთიდან ელექტროენერგიის იმპორტის წილს. წლის განმავლობაში რეაქტორი გამოიმუშავებს 12 ტერავატ საათ ელექტროენერგიას... Читать дальше...

16 აპრილის ღამეს რუსეთის სამხედრო ძალებმა შეტევა განახორციელეს ზაპოროჟიეზე. ინფორმაციას საოლქო ადმინისტრაციის ხელმძღვანელი იური მალაშკო ავრცელებს. მისი სიტყვებით, კამიშევახეში დაზიანდა ადგილობრივი ეკლესია, სადაც წირვა არ მიმდინარეობდა. დაზიანდა მიმდებარე შენობებიც. ქალაქ ზაპოროჟიეში რუსეთის სამხედრო ძალების თავდასხმის არეალში მოხვდა მწვანე ზონა. მალაშკოს განცხადებით, მიმდინარეობს აფეთქების ტალღისგან მიყენებული ზიანის აღრიცხვა.

კიევის პოლიციის საზოგადოებასთან ურთიერთობის სამსახურის ინფორმაციით, შაბათ საღამოს, საქალაქო პოლიციის განყოფილებაში შევიდა შეტყობინება, რომ მილოსლავსკის ქუჩაზე გაისმა აფეთქების ხმა. წინასწარი მონაცემებით, აფეთქდა ყუმბარა, რის შედეგადაც ქალმა და მამაკაცმა სხეულის დაზიანებები მიიღეს. დაშავებულები საავადმყოფოში არიან გადაყვანილები.

ამერიკული ანალიტიკური ცენტრის, ომის შემსწავლელი ინსტიტუტის (ISW) მონაცემებით, 14 აპრილს, ლსრ-ის ხელმძღვანელმა, ლეონიდ პასეჩნიკმა, ხელი მოაწერა სამხედრო სამსახურში საგაზაფხულო და საშემოდგომო გაწვევის ბრძანებას ოკუპირებულ ლუგანსკის ოლქში. ბრძანებაში ნათქვამია, რომ საგაზაფხულო გაწვევა ლუგანსკში დაემთხვევა რუსეთში დაგეგმილ სამხედრო გაწვევას - პირველი აპრილიდან 15 ივლისის ჩათვლით. ყოველდღიური ანგარიშის ავტორები წერენ, რომ უცნობია, როგორ გეგმავს ლსრ-ის საოკუპაციო ხელისუფლება მოქალაქეების გაწვევას, რადგან... Читать дальше...

პოლონეთმა აკრძალა მარცვლეულის და სხვა საკვების იმპორტი უკრაინიდან, მას შემდეგ, რაც ადგილობრივმა ფერმერებმა განაცხადეს, რომ ქვეყანაში უკრაინული ნაწარმის დიდი მოცულობით და გადასახადების გარეშე შედინებამ მათი შემოსავალი შეამცირა.  თუმცა, პოლონეთის ლიდერებმა დასძინეს, რომ ეს საკითხი არ აისახება უკრაინის მიმართ მათ პოლიტიკურ და სამხედრო მხარდაჭერაზე.  პოლონეთი უკრაინის ერთ-ერთი ყველაზე ერთგული მოკავშირეა მას მერე, რაც 2022 წლის თებერვალში უკრაინაში რუსეთი შეიჭრა. ვარშავა უკრაინას აწვდის ტანკებს და პირდება საბრძოლო თვითმფრინავებს. Читать дальше...