Новости за 10.04.2023

პრეზიდენტი სალომე ზურაბიშვილი „ფეისბუკის" გვერდზე გამოეხმაურა, სავარაუდოდ, „ხალხის ძალის" წევრს ზურაბ ქადაგიძეს, რომელმაც სახელმწიფოს მეთაური დაადანაშაულა, საქართველოს სამართალდამცველების როდიონოვის ჯარისთვის შედარებაში. „არცერთ ჭორს და ცილისწამებას როგორც წესი არ ვპასუხობ, რასაც ალბათ ამ 4 წლის მანძილზე თქვენც შეამჩნევდით… მაგრამ ყველაფერს ზღვარი აქვს! და მაინტერესებს სად, როდის და რა სიტყვებით ოდესმე შემიდარებია როდიონოვის ჩექმა და საქართველოს პოლიცია!!!! ან ასეთი შედარება რომელ ავადმყოფ ტვინში უნდა დაბადებულიყო? Читать дальше...

ჩრდილოეთ ოსეთიდან მობილიზებულებს ხერსონის მიმართულების ერთ-ერთი პოლკის ბატალიონის მეთაური სცემდა. სამხედროების აბუჩად აგდების შესახებ რეგიონის ხელმძღვანელმა სერგეი მენიაილომ განაცხადა, საქველმოქმედო ფონდ "ვიქტორიას გულის" ხელმძღვანელ ვერა ადაევაზე დაყრდნობით, რომელსაც მობილიზებულმა დახმარებისთვის მიმართეს. ადაევას მიერ ტელეგრამის არხზე გამოქვეყნებულ ვიდეოზე მუხლებზე დაჩოქილ მამაკაცს ცემენ. უფლებათდამცველი აცხადებს, რომ ამ კადრში მობილიზებულია აღბეჭდილი. სხვა ვიდეოში, კაცი, რომელმაც თავს აზამატს უწოდებს... Читать дальше...

როცა „ქართული ოცნების“ ხელისუფლება აშშ-ის მიერ „მნიშვნელოვანი კორუფციის“ გამო სანქცირებულ მოსამართლეებს მაქსიმალურად იცავს და მტკიცებულებების არარსებობაზე ლაპარაკობს, ოპოზიციას კანონდარღვევის მრავალი ფაქტი ეგულება და პარლამენტში საგამოძიებო კომისიის შექმნას ცდილობს.

რუსეთის ოპოზიციის ერთ-ერთმა ლიდერმა ვლადიმირ ყარა-მურზამ, რომელსაც ღალატში და რუსული არმიის შესახებ ყალბი ცნობების გავრცელებაში ადანაშაულებენ, ორშაბათს სასამართლოში ბოლო სიტყვა წარმოთქვა. სასამართლოს სხდომაზე, რომელიც დახურული იყო, მან თქვა, რომ უდანაშაულა და რომ ამაყობს იმით, რასაც აკეთებდა. ყარა-მურზას გამოსვლა სრულად მის ტვიტერზე გამოქვეყნდა.   "დღესაც, ჩვენს ირგვლივ არსებულ სიბნელეშიც კი, ამ გალიაში მჯდომს, მე მიყვარს ჩემი ქვეყანა და მჯერა ჩვენი ხალხის. მჯერა, რომ ჩვენ შევძლებთ ამ გზით გავლას,“- წერს ვლადიმირ ყარა-მურზა. Читать дальше...

პარლამენტში საგამოძიებო კომისიის შექმნის საკითხზე რიგგარეშე სხდომის გამართვის მიზნით პრეზიდენტისთვის გაგზავნილი მიმართვის უარყოფის საკითხს გამოეხმაურა ფრაქცია „ერთიანი ნაციონალური მოძრაობის" წევრი ანი წითლიძე. დეპუტატებმა თამარ კორძაიამ და ხათუნა სამნიძემ, სწორედ, წითლიძეს და ენმ-ს თავმჯდომარის, ლევან ხაბეიშვილის უცხოეთში გამგზავრებას დაუკავშირეს რიგგარეშე სხდომის გამართვაზე უარის თქმა. როგორც ანი წითლიძემ დაწერა „ფეისბუკის" პირად გვერდზე, მან საგამოძიებო კომისიის შექმნაზე თანხმობა განაცხადა, მაგრამ თარიღზე ინფორმირებული ნამდვილად არ ყოფილა. Читать дальше...

დაავადებები და ანტისანიტარია ომის მუდმივი თანამგზავრებია. რუსეთში, სადაც ფრონტზე ბევრ პატიმარს აგზავნიან, ვითარებას ამძიმებს ციხეებსა და საპატიმროებში შექმნილი სავალალო სამედიცინო მდგომარეობა.

უკრაინამ და რუსეთმა განახორციელეს სამხედრო ტყვეების მორიგი გაცვლა, რის შედეგადაც სახლში 100 უკრაინელი და 106 რუსი სამხედრო დაბრუნდა. ამის შესახებ უკრაინის პრეზიდენტისა და რუსეთის თავდაცვის სამინისტროს ოფისებში განაცხადეს. "ჩვენ ვაბრუნებთ სახლში ჩვენს ხალხს-ესენი არიან სამხედროები, მეზღვაურები, მესაზღვრეები, ეროვნული გვარდიელები", - განაცხადა უკრაინის პრეზიდენტის ოფისის ხელმძღვანელმა ანდრეი ერმაკმა თავის ტელეგრამის არხში. მისივე თქმით, ტყვეობიდან გათავისუფლებულ უკრაინელ სამხედრო მოსამსახურეებს შორის არიან ისეთებიც... Читать дальше...

პრეზიდენტისგან პასუხის მიღებამდე, ოპოზიციის დეპუტატებმა გადაწყვეტილება შეცვალეს. ოპოზიციის 46 წარმომადგენელი პრეზიდენტს 11 აპრილს რიგგარეშე სხდომის მოწვევას სთხოვდა. როგორც პარლამენტში გამართულ ბრიფინგზე დეპუტატმა თამარ კორძაიამ თქვა, ფრაქცია „ერთიანი ნაციონალური მოძრაობის" წევრები ლევან ხაბეიშვილი და ანი წითლიძე უცხოეთში გაემგზავრნენ, რაც მათთვის უცნობი იყო პრეზიდენტისთვის განცხადების გაგზავნისას. „დღეს მეორედ მივმართავთ საქართველოს პრეზიდენტს. სამწუხაროდ, ჩვენს მიერ გაგზავნილი მიმართვის შემდეგ... Читать дальше...

ანტიდასავლური პროპაგანდა ის უცვლელი იარაღია, რომელიც ყოფილ საბჭოთა კავშირს და დღევანდელ რუსეთს აერთიანებს. ხშირად, ამ პროპაგანდის და დეზინფორმაციის გავრცელებას რუსეთი მის საზღვრებს გარეთაც ახერხებს.

ბელარუსის პრეზიდენტმა, ალიაქსანდრ ლუკაშენკომ, რუსეთის თავდაცვის მინისტრ სერგეი შოიგუსთან სამუშაო შეხვედრის დროს, რუსეთისგან ბელარუსისთვის უსაფრთხოების გარანტიები მოითხოვა. სახელისუფლებო საინფორმაციო სააგენტო „ბელტას“ ცნობით, ლუკაშენკოს აღუნიშნავს, რომ დასავლეთის ქვეყნები არ ასრულებენ შეთანხმებებს უსაფრთხოების გარანტიებზე, რომლებსაც ბირთვული იარაღის გატანის სანაცვლოდ ხელმოწერილი, „ბუდაპეშტის მემორანდუმი“ ითვალისწინებდა. "აქედან გამომდინარე, მე დავაყენე ეს საკითხი [უსაფრთხოების გარანტიების შესახებ] რუსეთის პრეზიდენტთან მოლაპარაკებებში. Читать дальше...

ეუთოს მოქმედი თავმჯდომარე ქვეყნის, ჩრდილოეთ მაკედონიის საგარეო საქმეთა მინისტრი ბუიარ ოსმანი, რომელიც საქართველოში ვიზიტით იმყოფება, შეხვდა საგარეო უწყების ხელმძღვანელს, ილია დარჩიაშვილს. ერთობლივ პრესკონფერენციაზე დარჩიაშვილმა განაცხადა, რომ მხარეებმა ისაუბრეს რუსეთ-საქართველოს კონფლიქტსა და ოკუპირებულ რეგიონებში არსებულ მდგომარეობაზე უსაფრთხოების, ადამიანის უფლებებისა და ჰუმანიტარული კუთხით. ქართულმა მხარემ აღნიშნა, რომ ამ რთულ ვითარებაში კრიტიკულად მნიშვნელოვანია, ეუთომ ორგანიზაციის დღის წესრიგში... Читать дальше...

საქართველოს პრეზიდენტის ადმინისტრაციაში საქართველოს ეროვნული ბანკის საბჭოს წევრობის მსურველებთან გასაუბრების პროცესი დაიწყო. კანდიდატების ვინაობა ადმინისტრაციას არ გაუსაჯაროებია, თუმცა სხვადასხვა მედიასაშუალება აცხადებს, რომ მათ შორის არ არის ფინანსთა მოქმედი მინისტრი ლაშა ხუციშვილი. ერთ-ერთი კანდიდატი, რომელსაც ეროვნული ბანკის საბჭოს წევრობა სურს, ეროვნული ბანკის პრეზიდენტის მრჩეველი გიორგი ბაქრაძეა. "რამდენად ვიმსახურებ, არ ვიცი, ჩემი გადასაწყვეტი არ არის... მე არ ვწყვეტ ამას... საბჭოს წევრის მოთხოვნებს ვაკმაყოფილებ... Читать дальше...

ქუთაისი საქართველოს იმ მუნიციპალიტეტებს შორისაა, სადაც ინფრასტრუქტურის მოსაწესრიგებლად სამუშაოები იწყება, დადგენილ დროს ვერ სრულდება, შემდეგ ვადა რამდენჯერმე იცვლება, შედეგი კი - ისევ არ ჩანს.

რუსეთის ქალაქ კურსკში, "უსაფრთხოების მოსაზრებით", 9 მაისს გამარჯვების დღის აღლუმს არ გამართავენ. ადგილობრივი მედიის ცნობით, ამის შესახებ რეგიონის გუბერნატორმა რომან სტაროვოიტმა განაცხადა. ეს უკავშირდება გამკაცრებული ანტიტერორისტული ზომების შესახებ ოპერატიული შტაბის გადაწყვეტილებას. 9 მაისისთვის დანიშნული სამხედრო აღლუმი გასულ კვირას გაუქმდა ბრიანსკის რეგიონშიც. რეგიონის გუბერნატორმა ვიაჩესლავ გლადკოვმა განაცხადა, რომ არ სურდა "მტრის პროვოცირება ბელგოროდის ცენტრში დიდი რაოდენობით აღჭურვილობისა და სამხედრო პერსონალის კონცენტრაციით.“ ამასთან... Читать дальше...

ჯანდაცვის მინისტრის, ზურაბ აზარაშვილის განცხადებით, რესპუბლიკური საავადმყოფოს რეაბილიტაციაზე გადაწყვეტილებას მაშინ მიიღებენ, როდესაც ექსპერტიზის საბოლოო დასკვნები ექნებათ. ამის შესახებ მინისტრმა დღეს, 10 აპრილს, თბილისის რესპუბლიკური საავადმყოფოს კონცეფციის პრეზენტაციის შემდგომ განაცხადა მედიასთან. აზარაშვილმა ასევე აღნიშნა, რომ სამედიცინო საზოგადოებასთან და რესპუბლიკური საავადმყოფოს თანამშრომლებთან დეტალურად ისაუბრა არსებულ სიტუაციაზე და გამოწვევებზე: "მე მათ ღიად და მკაფიოდ დავუდასტურე, რომ... Читать дальше...

უკრაინელმა სამხედროებმა ავდეევკის მიმართულებით რუსული მი-24 შვეულმფრენი გაანადგურეს, ამის შესახებ რადიო თავისუფლების უკრაინული სამსახური გენერალ მარკ ბეზრუჩკოს სახელობის 110-ე ცალკეული მექანიზებული ბრიგადის ფეისბუკზე დაყრდნობით იუწყება. "დღეს ჩვენი ბრიგადის სამხედრო მოსამსახურეებმა გაანადგურეს მტრის მი-24 ტიპის შვეულმფრენი. მტერი არ წყვეტს ავდეევკის მიმართულებით შეტევითი მოქმედებების მცდელობას, მაგრამ იღებს ღირსეულ პასუხს და განიცდის მძიმე დანაკარგებს ცოცხალი ძალისა და განადგურებული აღჭურვილობის მხრივ"... Читать дальше...

ზუგდიდის სასამართლოში "საქართველოს ბანკის" ფილიალზე ყაჩაღური თავდასხმის საქმეზე ბრალდებული ბადრი ესებუასთვის დანაშაულის დასამტკიცებლად საქართველოს პროკურატურის ერთ-ერთი მტკიცებულება ხმის ექსპერტიზაა. სასამართლოში დღეს დაკითხეს დავით გრატიაშვილი, შინაგან საქმეთა სამინისტროს ექსპერტი.

ირაკლი მელაშვილი, საქართველოს რესპუბლიკის პირველი მოწვევის უზენაესი საბჭოს წევრი ამბობს, რომ კონსენსუსი უმნიშვნელოვანესია: "მუდმივად ერთმა უნდა გაიმარჯვოს, ყველა დანარჩენი წაგებული იყოს და ციხეებში გაუშვას. მერე მეორე უნდა მოვიდეს და იგივე გაიმეოროს. ყოველი შემდგომი სულ უფრო აგრესიული ხდება. ესენი ჯობნიან აგრესიულობაში იმათ, ვინც "ნაციონალურ მოძრაობაში" იყო, "ნაციონალური მოძრაობა" ჯობნიდა იმათ, ვინც "მოქალაქეთა კავშირში" იყო". ირაკლი მელაშვილი თანხმობის მიღწევაში ყველას პასუხისმგებლობაზე ლაპარაკობს... Читать дальше...

სახელმწიფო სათათბიროს სახელმწიფო მშენებლობისა და კანონმდებლობის კომიტეტმა დაამტკიცა ცვლილებები, რომლებიც ღალატის მუხლით უვადო პატიმრობის და ტერორისტული საქმიანობისთვის უფრო მკაცრი სანქციების შემოღებას ითვალისწინებს. კანონპროექტის მეორე მოსმენა ხუთშაბათს, 13 აპრილს, იგეგმება. დღემდე ღალატის მუხლი ითვალისწინებდა 12-დან 20 წლამდე პატიმრობას, სასჯელაღსრულების კოლონიაში მოხდით. საკანონმდებლო ცვლილებით, ტერორისტული აქტის მუხლით განსაზღვრული მაქსიმალური სანქციის ვადა 15-დან 20 წლამდე იზრდება, ხოლო... Читать дальше...

ტვიტერის მფლობელი, ამერიკელი მილიარდერი ილონ მასკი გამოეხმაურა მომხმარებლების კრიტიკას რუსეთის უშიშროების საბჭოს თავმჯდომარის მოადგილის, ყოფილი პრეზიდენტის, დიმიტრი მედვედევის იმ პოსტის სოციალურ ქსელში გამოქვეყნების შესახებ, რომელშიც "უკრაინის გაქრობაზეა“ საუბარი. ტვიტერის მომხმარებლებმა მასკი დაადანაშაულეს, რომ „არ ასრულებს“ რუსეთის წინააღმდეგ დაკისრებულ სანქციებს და რუს პოლიტიკოსებს პლატფორმის გამოყენების უფლებას აძლევს. ტვიტერის მფლობელი მიიჩნევს, რომ ამის შესახებ გადაწყვეტილება ხალხმა თავად... Читать дальше...

საქართველოს უზენაესი სასამართლოს თავმჯდომარე და ამავდროულად იუსტიციის უმაღლესი საბჭოს თავმჯდომარე ნინო ქადაგიძე მადლობას უხდის საქართველოს პრემიერ-მინისტრს, ირაკლი ღარიბაშვილს, მხარდაჭერისთვის. მოსამართლეებსა და პრემიერ-მინისტრს შორის გამართული შეხვედრის დასრულების შემდეგ ქადაგიძემ ერთობლივად გამართულ ბრიფინგზე მხარდაჭერა გამოხატა იმ მოსამართლის მიმართ, რომელიც სანქციების დაწესების გამო აშშ-ს ზეწოლაში ადანაშაულებს.  "დადგა ის ეტაპი, როდესაც მთავრობა უნდა ჩაერიოს რიგ საკითხებში. ყოველ შემთხვევაში... Читать дальше...

საქართველოს პრემიერ-მინისტრი ირაკლი ღარიბაშვილი ამბობს, რომ ქვეყნის სასამართლო სისტემა სამაგალითოა. ამის შესახებ მან იუსტიციის უმაღლესი საბჭოს წევრებთან შეხვედრის შემდეგ გამართულ ბრიფინგზე განაცხადა. "მე ვამაყობ ჩვენი სასამართლოთი, მე ვამაყობ ყველა მოსამართლით, ისინი არიან ძალიან მაღალკვალიფიციური პროფესიონალები, რომლებიც ემსახურებიან ჩვენს ქვეყანას, ემსახურებიან ჩვენი ქვეყნის გაძლიერებას, იცავენ ჩვენს სუვერენიტეტსა და ეროვნულ პოლიტიკას. ამისთვის მინდა მადლობა გადავუხადო ნინო ქადაგიძეს, ყველა მოსამართლეს თქვენი საქმიანობისთვის. Читать дальше...

პრემიერ-მინისტრი ირაკლი ღარიბაშვილი აცხადებს, რომ საქართველოში სასამართლო სისტემა არის "დამოუკიდებელი და თავისუფალი ყოველგვარი ჩარევებისგან". უზენაეს სასამართლოში იუსტიციის უმაღლესი საბჭოს წევრებთან შეხვედრის შემდეგ გამართულ ბრიფინგზე მანვე თქვა, რომ სრულ მხარდაჭერას უცხადებს ყველა მოსამართლეს. "მაქსიმუმს გავაკეთებთ, რათა დავიცვათ სასამართლოს დამოუკიდებლობა. მიუღებელია და არ შეიძლება დავუშვათ სუვერენული ქვეყნის სუვერენულ სასამართლოში ჩარევა, იქნება ეს შიდა, მთავრობის მხრიდან, ასევე სხვა ქვეყნების... Читать дальше...

ხომალდი, რომელშიც დაახლოებით 400 მიგრანტი იმყოფება, ლიბიასა და მალტას შორის არის დრეიფზე. მას ჩაძირვის საფრთხე ემურება. როგორც Reuters-ი იუწყება, ამის შესახებ განაცხადა დახმარების სამსახურმა Alarm Phone-მა. ორგანიზაციის თანახმად, მას დაურეკეს ხომალდიდან, რომელიც ლიბიის ქალაქ ტობრუკიდან გამოვიდა. წყაროს თანახმად, ხომალდში მყოფი ხალხი პანიკითაა მოცული. მათ საწვავი გამოელიათ, ქვედა გემბანზე წყალი ჩავიდა, კაპიტანმა ხომალდი დატოვა. გერმანიის არასამთავრობო ორგანიზაცია Sea-Watch International-ი იტყობინება... Читать дальше...

საქართველოს უზენაესი სასამართლოს თავმჯდომარე და ამავდროულად იუსტიციის უმაღლესი საბჭოს თავმჯდომარე ნინო ქადაგიძე ელის, რომ აშშ მოუხსნის სანქციებს მოსამართლეებს. მან საქართველოს პრემიერ-მინისტრთან შეხვედრის შემდეგ აშშ-ს ამ გადაწყვეტილებას "შეცდომა" უწოდა. "ჩვენს პარტნიორებთან და მეგობრებთან ყოველთვის ვინარჩუნებდი განსაკუთრებულ დამოკიდებულებას, ყოველთვის ვიყავი ფრთხილი და მოზომილი. მე ვთვლი, რომ დადგა ის მომენტი, როცა ვითხოვ უკუგებას მათგან. შეცდომა შეიძლება ყველას მოუვიდეს, არავინ არის დაზღვეული... Читать дальше...