Новости за 15.04.2023

საქართველოს საპატრიარქოს საზოგადოებასთან ურთიერთობის სამსახური ავრცელებს ტექსტს მართლმადიდებელი ეკლესიის მეთაურის, ილია მეორის 2023 წლის სააღდგომო ეპისტოლესი, რომლის ბოლო ნაწილიც მიემართება მსოფლიოში ამჟამად შექმნილ ვითარებას.   "ჩვენ ვცხოვრობთ რთულ პერიოდში, ფეთქებადსაშიშ დროში, როდესაც ბირთვული კატასტროფის საფრთხე რეალურია; ამიტომაც განსაკუთრებით ვფიქრობთ მშვიდობაზე, რომელიც არის ძვირფასი საღვთო ძღვენი. 'ნეტარ არიან მშვიდობის მყოფელნი, რამეთუ ისინი ძედ ღვთისად იწოდნენ,'- გვასწავლის უფალი და ჩვენ... Читать дальше...

ბოლო 24 საათის განმავლობაში რუსეთის არმია განაგრძობდა აღმოსავლეთ უკრაინის არეალების ინტენსიურ დაბომბვას - იუწყება უკრაინის არმია 15 აპრილს. ქალაქ სლოვიანსკში საცხოვრებელ სახლზე თავდასხმას ბოლო მონაცემებით ემსხვერპლა 11 ადამიანი. 15 აპრილს უფრო ადრე გავრცელებულ კიდევ ერთ განცხადებაში უკრაინის გენრალური შტაბი იუწყებოდა, რომ რუსეთის არმიამ დონეცკის რეგიონში სლოვიანსკს და ახლოს მდებარე კრამატორსკს ესროლა 13 S-300-ის ტიპის რაკეტა. სლოვიანსკიც და კრამატორსკიც უფრო და უფრო ინტენსიური შეტევის ქვეშაა ქვეყანაში შეჭრილი რუსეთის ძალების მხრიდან... Читать дальше...

16 აპრილს ფინეთი აამუშავებს Olkiluoto 3-ის (OL3) სახელით ცნობილ ბირთვულ რეაქტორს, რომელიც უდიდესი იქნება ევროპაში - რაც გააუმჯობესებს ჩრდილოეთის ამ ქვეყნის ენერგეტიკულ უსაფრთხოებას, რუსეთის მხრიდან ენერგიის მიწოდების შეწყვეტის ფონზე.   OL3 დააკმაყოფილებს ფინეთის ელექტროენერგიის საჭიროების დაახლოებით 14 პროცენტს, და ამით შემცირდება იმპორტის საჭიროება შვედეთიდან და ნორვეგიიდან - აცხადებს სადგურის ოპერატორი. ევროპის ქვეყნები მზარდ ძალისხმევას მოახმარენ თავიანთი ბირთვული ენერგიის მრეწველობის გაფართოებას... Читать дальше...

29 აპრილის შუალედურ/რიგგარეშე არჩევნებამდე ზუსტად ორი კვირა რჩება. 15 აპრილს გამართულ ბრიფინგზე ცესკოს პრესსპიკერმა, ნათია იოსელიანმა განაცხადა, რომ 29 აპრილის არჩევნებში მონაწილეობის მისაღებად, ეტლით მოსარგებლე ამომრჩევლებს, რომლებიც მონაწილეობას იღებენ შუალედურ არჩევნებში, შეუძლიათ, მოითხოვონ შესაბამისი მაჟორიტარული საარჩევნო ოლქის ტერიტორიაზე არსებული ნებისმიერი ადაპტირებულ/მისაწვდომი საარჩევნო უბანი. ამისათვის მათ არა უგვიანეს 21 აპრილის 18:00 საათამდე უნდა მიმართონ შესაბამის საოლქო ან საუბნო... Читать дальше...

მკაცრად გასაიდუმლოებული სამხედრო დაზვერვის დოკუმენტების ინტერნეტში გაჟონვა არ ასახულა ვაშინგტონის თანამშრომლობაზე მის პარტნიორებთან და მოკავშირეებთან - თქვა აშშ-ის სახელმწიფო მდივანმა, ენტონი ბლინკენმა 15 აპრილს.  ვიეტნამის დედაქალაქ ჰანოიში გამართულ პრესკოფერენციაზე ბლინკენმა განაცხადა, რომ აშშ-მა ამ საკითხზეც იმუშავა თავის პარტნიორებთან და მოაკავშირეებთან.  13 აპრილს დააკავეს აშშ-ის საჰაერო დანაყოფის 21 წლის წევრი, რომელსაც ბრალად ედება მკაცრად გასაიდუმლოებული სამხედრო დაზვერვის მონაცემების გავრცელება. Читать дальше...

უნგრეთის პრემიერ-მინისტრის, ვიქტორ ორბანის მოკავშირეები - მათ შორის ამჟამინდელი და ყოფილი ოფიციალური პირები - მალე შესაძლოა გახდნენ აშშ-ის ახალი სანქციების სამიზნე, კორუფციაში მონაწილეობის შესახებ ინფორმაციის გამო, - უთხრეს წყაროებმა რადიო თავისუფლების უნგრულ სამსახურს. ეს ცნობა შესაძლოა მოასწავებდეს კავშირების გაუარესებას ვაშინგტონსა და ბუდაპეშტს შორის. აშშ-ის ოფიციალურმა პირებმა, რომლებიც სანქციების პროექტს გაეცნენ, მაგრამ თავიანთი ვინაობის ანონიმურად დატოვება აირჩიეს, რადიო თავისუფლებას უთხრეს... Читать дальше...

აშშ-ის სახელმწიფო მდივნის, ენტონი ბლინკენის თქმით, აშშ-ის საკონსულოს თანამშრომლებს არ ეძლევათ საშუალება მოინახულონ Wall Street Journal-ის რეპორტიორი, ევან გერშკოვიჩი, რომელიც რუსეთში დააკავეს.  15 აპრილს, ვიეტნამში ვიზიტისას ბლინკენმა დასძინა, რომ მოსკოვმა საკონსულოს თანამშრომლები ჟურნალისტთან "ახლავე" უნდა შეუშვას.  გერშკოვიჩი პირველი ამერიკელი ჟურნალისტია, რომელიც ცივი ომის დასრულების შემდეგ რუსეთში ჯაშუშობის ბრალდებით დააკავეს. თავად გერშკოვიჩი და მისი გამოცემა უარყოფენ მის მონაწილეობას ჯაშუშურ საქმიანობაში. Читать дальше...

თბილისში, ნუცუბიძის ქუჩაზე, საცხოვრებელ კორპუსში გაჩენილ ხანძარს ერთი ადამიანი სიცოცხლე შეეწირა. ადგილობრივების ინფორმაციით, დაღუპული ხანდაზმული ქალია, რომელიც საცხოვრებელ სახლში მარტო უნდა ყოფილიყო. თვითმხილველების მიერ გავრცელებულ ვიდეოკადრებში ჩანს, რომ ცეცხლი კორპუსის ბოლო სართულზე მდებარე ბინაში გაჩნდა. საგანგებო სიტუაციების მართვის სამსახურში გვითხრეს, რომ ხანძარი ლიკვიდირებულია. თუმცა მისი გაჩენის მიზეზი ჯერ უცნობია.

იერუსალიმში, ქრისტეს აღდგომის ტაძარში წმინდა ცეცხლის გარდამოსვლის რიტუალი შესრულდა. მაცხოვრის საფლავზე აღმართული სამლოცველოდან, კუვუკლიადან, წმინდა ცეცხლი იერუსალიმისა და სრულიად პალესტინის პატრიარქმა თეოფილე მესამემ გამოიტანა. წმინდა ცეცხლის გადმოსვლისთვის აღდგომის ტაძარში მომლოცველები მსოფლიოს სხვადასხვა ქვეყნიდან ჩავიდნენ. მათ შორის არიან მომლოცველები საქართველოდანაც. როგორც წესი, ცეცხლი იერუსალიმიდან თბილისშიც ჩამოაქვთ ხოლმე.  მართლმადიდებელთა რწმენით, ეს არის უდიდესი საიდუმლო, რომელიც ყოველწლიურად დიდ შაბათს... Читать дальше...

საფრანგეთის პრეზიდენტმა, ემანუელ მაკრონმა 15 აპრილს ხელი მოაწერა კამათის საგნად ქცეულ საპენსიო რეფორმის კანონს, მიუხედავად სამი თვის განმავლობაში მიმდინარე საპროტესტო აქციებისა და პროფკავშირების წარმომადგენელთა თხოვნისა, ეს კანონმდებლობა არ დანერგილიყო. შესწორებები კანონად გადაიქცა ტექსტის საფრანგეთის ოფიციალურ გამოცემაში გამოქვეყნების შემდეგ. მანამდე კანონმდებლობის არსს მხარი დაუჭირა საკონსტიტუციო საბჭომ - ის მიემხრო, მათ შორის, საპენსიო ასაკის გაზრდას 62-დან 64 წლამდე.

დღეიდან, 15 აპრილიდან, თელავში მუნიციპალური ტრანსპორტით მგზავრობა ფასიანი გახდა და 0.70 ლარი ეღირება. ამუშავდა ე.წ. კონტროლირების სისტემაც. თელავის მერიაში რადიო თავისუფლებას უთხრეს, რომ ტრანსპორტით უფასოდ იმგზავრებენ მუნიციპალიტეტის ადმინისტრაციულ საზღვრებში არსებული საჯარო და კერძო სკოლების მოსწავლეები, ხოლო შეღავათიანი ტარიფით, 40 თეთრად, ისარგებლებენ შემდეგი სტატუსის მქონე პირები: პენსიონერები; იძულებით გადაადგილებული პირები - დევნილები; ომისა და თავდაცვის ძალების ვეტერანები; შეზღუდული... Читать дальше...

პირები, რომლებიც ქალებს ჰიჯაბის მოხსნისკენ მოუწოდებენ, სასამართლოში გასამართლდებიან და არ ექნებათ განაჩენის გასაჩივრების შესაძლებლობა, - ირანის გენერალური პროკურორის მოადგილის ეს სიტყვები 15 აპრილს ვრცელდება. მისი განცხადებების ფონია სულ უფრო მეტი ქალის მიერ გამოცხადებული დაუმორჩილებლობა ირანში მოქმედი ჩაცმის სავალდებულო წესების მიმართ - ქალები ჰიჯაბის გარეშე ჩნდებიან სავაჭრო ცენტრებში, რესტორნებში, მაღაზიებში, ქუჩებსა და სხვა საჯარო ადგილებში.

რადიო თავისუფლების ევროპის ბიუროს რედაქტორი რიკარდ იოზვიაკი ტვიტერზე წერს, რომ ევროკავშირის ელჩები მომავალ კვირას მოლდოვის დესტაბილიზაციის მცდელობაში მონაწილე პირების სანქცირებას „მწვანე შუქს“ აუნთებენ: „ევროკავშირის ელჩები მომავალ კვირას მხარს დაუჭერენ სანქციების ახალ რეჟიმს, რომელიც მიზნად ისახავს იმ ადამიანებისა და სუბიექტებისათვის სანქციების დაწესებას, რომლებიც მოლდოვაში დესტაბილიზაციას ცდილობენ. ევროკავშირის საგარეო საქმეთა მინისტრები გეგმავენ, რომ 24 აპრილის შეკრებაზე დაამტკიცონ ჩარჩო [დოკუმენტი]. Читать дальше...

„ნაციონალური მოძრაობის“ წევრი გიორგი ბოტკოველი აცხადებს, რომ სიცრუეა, თითქოს ნიკა მელიას ახალგაზრდა მხარდამჭერებისთვის პარტიაში ადგილი არ არის - ჟურნალისტებთან საუბრისას ბოტკოველმა თქვა, რომ თუ ვინმესთვის მიუღებელია ის ბრძოლა, რომელშიც „ნაციონალური მოძრაობაა“ ჩართული, „გზა ფართოა და შეუძლია ნებისმიერ სხვა პარტიაში წავიდეს“. „აბსოლუტური სიცრუეა ის, რომ "ნაციონალური მოძრაობის" ოფისში ვინმე ვინმეს არ უშვებს. არჩევნების შემდეგ, რომელშიც ლევან ხაბეიშვილმა გაიმარჯვა, არავის არავისთვის უთქვამს, რომ ოფისი და პარტია უნდა დაეტოვებინათ... Читать дальше...

ფარმაცევტული კომპანიების ასოციაცია  საკუთარ ფეისბუკზე გავრცელებულ განცხადებაში წერს, რომ გარკვეული მედიკამენტების მოწოდება თურქი მომწოდებლების მიზეზით შეიზღუდა. ასოციაცია მოსახლეობას სთხოვს, ამ ფაქტს გაგებით მოეკიდოს. ასოციაცია წერს, რომ ამ პროცესს ადგილობრივი კომპანიები არ მართავენ. შესაბამის მარეგულირებელ ინსტიტუტს კი მოუწოდებს, რომ  „მოსახლეობისთვის მიწოდებული ეს ინფორმაცია არ იქნეს გამოყენებული მათი მხრიდან სექტორის უმიზეზო ბრალდებისთვის, როგორიცაა საბოტაჟი თუ ხელოვნური დეფიციტის შექმნა, რასაც სამწუხაროდ მრავალჯერ ჰქონდა ადგილი“. Читать дальше...

შვედეთის ქალაქ გოტენბურგის პოლიციამ 14 აპრილს განაცხადა, რომ ჯაშუშობის ბრალდებით დაკავებულია რუსეთის მოქალაქე ქალი. შვედეთის ენერგეტიკული კომპანია Preem-ი აცხადებს, რომ მისი თანამშრომელი, რუსეთის მოქალაქე - რომლის სახელს არ აკონკრეტებენ - ერთი დღით ადრე დააკავეს კომპანიის ერთ-ერთ ნავთობგადამამუშავებელ ობიექტზე.  იანვარში ირანული წარმოშობის დაზვერვის ყოფილ ოფიცერს სტოკჰოლმში სამუდამო პატიმრობა მიესაჯა რუსეთის სამხედრო დაზვერვისთვის ჯაშუშური საქმიანობის გამო, 2011-21 წლებში. ამ კაცის უმცროს ძმას ცხრა წლით მიესაჯა პატიმრობა... Читать дальше...

იტალიაში იძიებენ როგორ გაიქცა შინაპატიმრობიდან რუსი ბიზნესმენი საიმისოდ, რომ თავი აერიდებინა აშშ-ში ექსტრადიციისთვის, სანქციების დარღვევის ბრალდების საფუძველზე. იუსტიციის მინისტრმა, კარლო ნორდიომ გასცა ბრძანება, გამოძიებულ იქნეს სასამართლოს წარმომადგენელთა გადაწყვეტილება - ბიზნესმენი არტიომ უსი ციხიდან შინაპატიმრობაში გადაეყვანათ, მილანთან ახლოს მდებარე ქალაქში, სანამ მისი ექსტრადიციის თხოვნა განიხილებოდა. უსი აშშ-ის მიერ გაცემული ორდერის საფუძველზე ოქტომბერში დააკავეს, და ნოემბერში გადაიყვანეს შინაპატიმრობაში. Читать дальше...

ორგანიზაცია ჰიუმან რაიტს უოჩი (HRW) რუსეთის ხელისუფლებას მოუწოდებს, "დაიყოვნებლივ და უპირობოდ" გაათავისუფლოს ვლადიმირ კარა-მურზა, კრემლის კრიტიკოსი, რომელსაც 25 წლით ემუქრება პატიმრობა ბრალდებებით, რომლებსაც თავად უარყოფს. 41 წლის კარა-მურზას წაყენებული აქვს სამშობლოს ღალატის და უკრაინაში რუსეთის არმიის შესახებ ყალბი ინფორმაციის გავრცელების ბრალდებები. ჟურნალისტი და რუსეთის მთავრობის ცნობილი ოპონენტი, კარა-მურზა ორჯერ გადაურჩა მოწამვლას, რაშიც თავად ის კრემლს ადანაშაულებს. კარა-მურზა საპატიმროში რჩება ერთი წლის წინ მისი დაკავების შემდეგ... Читать дальше...

საავტომობილო გზების დეპარტამენტის ხელმძღვანელი გიორგი წერეთელი აცხადებს, რომ აღდგომის დღესასწაულის გამო მოძრაობა რიკოთზე დატვირთულია. დაწესებული შეზღუდვები კი  კვლავ მოქმედებს. 15 აპრილს, დილის 7:00 საათიდან მოძრაობა ისევ აღდგა მსუბუქი სატრანსპორტო საშუალებებისთვის, ხოლო  19:00 საათის შემდეგ მსუბუქი ავტომობილები მოძრაობას გომი-საჩხერე-ჭიათურის გზაზე გააგრძელებენ. გიორგი წერეთელი აცხადებს, რომ 24-საათიან რეჟიმში მიმდინარეობს გზის მონიტორინგი და ამ პროცესში ჩართულია როგორც სამშენებლო კომპანია,... Читать дальше...

15 აპრილს, სამხრეთ-აღმოსავლეთის ქალაქ ვაკაიამაში გამოსვლისას იაპონიის პრემიერ-მინისტრ ფუმიო კიშიდას ასაფეთქებელი ნივთიერებები ესროლეს. არავინ დაშავებულა. ღონისძიება კი ჩაიშალა. აფეთქება მაშინ მოხდა, როდესაც პრემიერ-მინისტრი მმართველი პარტიის კანდიდატს ესაუბრებოდა, რომლის მხარდასაჭერადაც მივიდა ღონისძიებაზე. იაპონიის პრემიერ-მინისტრი ფუმიო კიშიდა პარლამენტის ქვედა პალატის შუალედური არჩევნების კამპანიის ფარგლებში ამომრჩევლებს ხვდებოდა. ინციდენტის შემდეგ კიშიდა შემთხვევის ადგილიდან გაიყვანეს, პოლიციამ კი თავდამსხმელი დააკავა. Читать дальше...

საქართველოს ეროვნულ გმირს, რუსეთ-საქართველოს 2008 წლის ომში წამებით მოკლულ გიორგი ანწუხელიძეს, მშობლიურ სოფელში, ახმეტის მუნიციპალიტეტის სოფელ ქვემო ალვანში, ბიუსტს დაუდგამენ. საჭირო ფინანსები მოქალაქეებმა შეაგროვეს. თუშეთის განვითარების ფონდის ინფორმაციით, შემოწირულებების მიღება დასრულდა და ერთი თვის განმავლობაში იმაზე მეტი თანხა შეგროვდა, ვიდრე ბიუსტის დამზადებისთვის არის საჭირო. „ბიუსტის დამზადება და დადგმა ჯდება 15,360 ლარი, შეგროვდა 13,097 ლარი, 4,290 ევრო და 850 დოლარი. დარჩენილი თანხა... Читать дальше...

პირველი სამი სახარების (მარკოზი, მათე და ლუკა) მიხედვით, იესო ჯვარს ეცვა 15 ნისანს, პასექის დღესასწაულის პირველ დღეს. იოანეს სახარების მიხედვით, იესო ჯვარს აცვეს 14 ნისანს, პასექის დღესასწაულისთვის მომზადების დღეს. ვინაიდან ჯვარცმის თარიღის სხვადასხვაობა მნიშვნელოვან ისტორიულ პრობლემას წარმოადგენს (ისტორიკოსები დღემდე დავობენ, რომელი თარიღია სანდო), მე ყოველთვის მაინტერესებდა, რას ფიქრობდნენ ამის შესახებ ქრისტიანების პირველი თაობები. ამ გამოცანაზე პასუხს დიდ ხანს ვეძებდი, სანამ არ მივხვდი, რომ მის ამოსახსნელად კითხვა სხვანაირად უნდა დამესვა... Читать дальше...

თეთრი სახლი ავრცელებს აშშ-ს პრეზიდენტის, ჯო ბაიდენის განცხადებას ეროვნული უსაფრთხოების ინფორმაციის გაჟონვის საქმეზე ეჭვმიტანილის დაკავების შესახებ - განცხადებაში  ნათქვამია, რომ ჯო ბაიდენმა სამხედრო და სადაზვერვო სამსახურებს დაავალა, დამატებითი ზომები მიიღონ მგრძნობიარე ინფორმაციის დაცვის მიზნით. "სანამ ამ დოკუმენტების ნამდვილობა დადასტურდება, მე მივმართე ჩვენს სამხედრო და სადაზვერვო საზოგადოებას და მოვუწოდე მათ გადადგნა ნაბიჯები ამ სენსიტიური ინფორმაციის შემდგომი უსაფრთხოებისა და გავრცელების შესაზღუდად. Читать дальше...

რუსეთის პრეზიდენტმა ვლადიმერ პუტინმა ხელი მოაწერა განკარგულებას, რომელიც ამარტივებს უკრაინის ოკუპირებული რეგიონებსა და რუსეთის საზღვრისპირა რეგიონებში სამხედროების, ოფიციალური პირებისა და მაცხოვრებლების დაღუპულად ან დაკარგულად აღიარებას. დოკუმენტის მიხედვით, დაკარგულად შეიძლება ჩაითვალოს პირი, რომლის ადგილსამყოფელი ექვსი თვის განმავლობაში უცნობია. გარდაცვლილად - თუ ის გაუჩინარდა სიკვდილის საფრთხის შემცველ გარემოებებში ან "გარკვეული შემთხვევის" შედეგად ექვსი თვის წინ. ადრე ამისათვის საჭირო იყო... Читать дальше...

რუსეთის ჯარებმა დონეცკის ოლქის ქალაქ სლავიანსკზე სარაკეტო შეტევა მიიტანეს, რის შედეგადაც რვა ადამიანი დაიღუპა და 21 დაშავდა. ინფორმაციას დონეცკის რეგიონალური სამხედრო ადმინისტრაციის ხელმძღვანელი პაველ კირილენკო ავრცელებს. „რუსებმა ერთდროულად რამდენიმე დარტყმა მიაყენეს ქალაქის საცხოვრებელ უბნებზე, დაანგრიეს მაღლივი კორპუსები, დააზიანეს სკოლა. ერთ-ერთი სახლის ნანგრევების ქვეშ ისევ არიან ადამიანები, მათ შორის ბავშვი. სამაშველო ოპერაცია გრძელდება“,  - დაწერა კირილენკომ საკუთარ ფეისბუქზე. წინასწარი მონაცემებით... Читать дальше...