Новости за 13.04.2023

გამოძიების ფედერალურმა ბიურომ, FBI-მ პენტაგონის საიდუმლო დოკუმენტების უდიდეს გაჟონვაში ეჭვმიტანილი პირი დააკავა. ის მასაჩუსეტსის ეროვნული გვარდიის საჰაერო ძალების სადაზვერვო განყოფილების 21 წლის თანამშრომელი, ჯეკ ტეიშეირი, აღმოჩნდა. წინასწარი მონაცემებით, მან პირადი მონაცემები მეგობრებს ჩათში გაუზიარა. ეჭვმიტანილის დაკავების შესახებ ინფორმაცია Fox News-მა და New York Times-მა გაავრცელეს. მედიის ცნობით, ეჭვმიტანილის დაკავება აშშ-ის გენერალურმა პროკურორმა მერიკ გარლანდმაც დაადასტურა. გამოძიება მიუთითებს იმაზე... Читать дальше...

რუსეთის ჯარების მიერ ოკუპირებულ მელიტოპოლში, აფეთქება ერთ დღეში მეორედ გაისმა. "მოსახლეობა აცხადებს, რომ აფეთქებისა და სროლის ხმა ქალაქის ჩრდილოეთ ნაწილში ისმოდა“, - ამის შესახებ უკრაინის კონტროლირებად ტერიტორიაზე მყოფმა ქალაქის მერმა, ივან ფიოდოროვმა განაცხადა. მანამდე ფიოდოროვმა 13 აპრილის შუადღისას გაავრცელა ინფორმაცია მელიტოპოლის ცენტრში "ძლიერი აფეთქების" შესახებ.  ზაპოროჟიეს რეგიონის ქალაქი მელიტოპოლი რუსეთის ჯარებმა სრულმასშტაბიანი ომის დასაწყისში დაიკავეს. რადიო თავისუფლების რუსული სამსახური... Читать дальше...

საქართველოს პროკურატურა განცხადებით გამოეხმაურა ევროჯასტის მიერ დღეს გავრცელებულ განცხადებას, რამდენიმე ქვეყანაში, მათ შორის საქართველოში ჩატარებულ სპეციალურ ღონისძიებასთან დაკავშირებით, რომელიც მიმართული იყო თაღლითური ონლაინპლატფორმების და დანაშაულში მონაწილე პირთა გამოსავლენად. პროკურატურა მიუთითებს, რომ ერთ-ერთ ასეთი ღონისძიება მიმდინარე წლის მარტში ჩატარდა, დანაშაულში მონაწილე პირთა გამოსავლენად, რომელთა ქმედებების შედეგად 89 მილიონი ევროს ზიანი მიადგა მინიმუმ 33 000 დაზარალებულს, ევროპის სხვადასხვა ქვეყნის მოქალაქეებს. Читать дальше...

თითქმის ერთი თვეა გერმანიაში, ფრანკფურტსა და დარმშტატს შორის, ერთ-ერთ ბენზინგასამართ სადგურთან ათობით ტრაილერი დგას. ქართველი, უზბეკი და ფილიპინელი მძღოლები მარტის ბოლოს  გაიფიცნენ. ისინი დამსაქმებელს, პოლონურ გადამზიდავ კომპანიას  ხელფასებს  სთხოვენ  და არაადამიანურ მოპყრობაში ადანაშაულებენ.

უნგრეთის საგარეო საქმეთა და ვაჭრობის მინისტრის მოსკოვში ვიზიტი დროში დაემთხვა ბუდაპეშტის საერთაშორისო საინვესტიციო ბანკისა (IIB) და მაღალი რანგის ყოფილი თუ მოქმედი ხელმძღვანელებისთვის აშშ-ის მიერ დაწესებულ სანქციებს. ამ ბანკს უნგრეთში რუსეთი აკონტროლებს.

თბილისის საქალაქო სასამართლოს სისხლის სამართლის საქმეთა კოლეგიის მოსამართლემ ბადრი კოჭლამაზაშვილმა ამერიკის შეერთებულ შტატებში სასწავლო ვიზიტით გამგზავრებაზე უარი განაცხადა. მისი აზრით, ვიზიტმა პოლიტიკური მნიშვნელობა შეიძინა, რის გამოც ის აშშ-ში გამგზავრებას აღარ აპირებს. „როგორც მოგეხსენებათ, ამერიკის შეერთებულ შტატებში დაგეგმილი იყო მოსამართლეთა სასწავლო ვიზიტი, სადაც მეც ვმონაწილეობდი. იგი მიზნად ისახავდა მხოლოდ პროფესიულ განვითარებას და მისთვის რაიმე სხვა დატვირთვის მინიჭება საფუძველს მოკლებული იყო. Читать дальше...

სტრასბურგში ვიზიტის საკითხზე პრეზიდენტის ადმინისტრაციის განცხადებას გამოეხმაურა საქართველოს მთავრობის ადმინისტრაცია. როგორც ის აცხადებს, წერილობითი თანხმობა გასცა პრეზიდენტის ვიზიტზე და მისი ადმინისტრაციის მიერ გავრცელებულ ინფორმაციას მცდარს უწოდებს.  „ხაზგასმით ვაცხადებთ, რომ ინფორმაცია იმის შესახებ, რომ საქართველოს მთავრობამ ხელოვნურად გააჭიანურა თანხმობის გაცემის პროცესი, რაც გახდა ვიზიტის გადადების მიზეზი, არის მცდარი და სიმართლეს არ შეესაბამება", - ნათქვამია განცხადებაში. მთავრობის ადმინისტრაცია ასახელებს თარიღებს... Читать дальше...

რუსეთის ჯარებმა განახორციელეს 11 საჰაერო იერიში და 20-ზე მეტის რაკეტა ესროლეს უკრაინის პოზიციებსა და დასახლებებს დონეცკის ოლქში, - ამის შესახებ უკრაინის შეიარაღებული ძალების გენერალური შტაბის 13 აპრილს ღამის ცნობაშია ნათქვამი. შტაბის ინფორმაციით, მნიშვნელოვანი დანაკარგების მიუხედავად, რუსეთის ძალები არ ამბობენ უარს უკრაინის ტერიტორიების ოკუპაციის გეგმებზე და განაგრძობენ შეტევითი მოქმედებების კონცენტრირებას ლიმანსკის, ბახმუტის, ავდიევკისა და მარინკის მიმართულებებზე. "ყველაზე სასტიკი ბრძოლები გრძელდება ბახმუტისა და მარინკის ასაღებად. Читать дальше...

პარლამენტს განსახილველად დაუბრუნდა "დეოლიგარქიზაციის შესახებ" კანონპროექტი, რომელიც ვენეციის კომისიამ შეაფასა და ინიციატორ "ქართულ ოცნებას" შენიშვნებით დაუბრუნა. 12 აპრილს პროექტს მეორე მოსმენით დაუჭირა მხარი იურიდიულ საკითხთა კომიტეტმა.

„სოფელში აღარ წავალ“, „რიკოთზე გამვლელი მე არა ვარ“, „ნეტა ხიდები გამძლეა?“, „ნახვამდის, დასავლეთ საქართველოვ!“ - მარტის თვიდან მოყოლებული, სოციალურ ქსელში უამრავ ასეთ გამოხმაურებას ნახავთ, რიკოთზე, ჯერ მთის ფერდის ჩამოშლის, შემდეგ კი ზედიზედ ორჯერ, ქვათა ცვენისა და მეწყრის გამო. მიუხედავად იმისა, რომ გზა რამდენჯერმე ჩაიკეტა, ხელისუფლება ირწმუნება, რომ საშიში არაფერია, გააქტიურებული მეწყრული პროცესი ხშირი წვიმების ბრალია და არა რიკოთზე მიმდინარე აღმოსავლეთ-დასავლეთის ჩქაროსნული მაგისტრალის მშენებლობის. Читать дальше...

საქართველოს პრეზიდენტის ადმინისტრაცია სტრასბურგში სალომე ზურაბიშვილის დაგეგმილი ვიზიტის გადადების საკითხზე განცხადებას აქვეყნებს. ის ევროპარლამენტის წინაშე პრეზიდენტის სიტყვით გამოსვლის გადადებას მთავრობის მხრიდან თანხმობის მიღების პროცესის ხელოვნურად გაჭიანურებას ასახელებს.  „საქართველოს მთავრობის მხრიდან ხელოვნურად გაჭიანურებული თანხმობის მიღების პროცესის გამო, საქართველოს პრეზიდენტმა მიიღო გადაწყვეტილება გადაედო უმნიშვნელოვანესი ვიზიტი ქალაქ სტრასბურგში, რადგან პრეზიდენტს მიაჩნია, რომ ეს უნდა იყოს ნაბიჯი დეპოლარიზაციისკენ და არა პირიქით. Читать дальше...

ალექსეი ნავალნიმ, რომელიც სასჯელაღსრულების კოლონიაში იხდის სასჯელს, საქართველოს ხელისუფლებას მოუწოდა, პოლიტიკოსი მიხეილ სააკაშვილი ციხიდან სამკურნალოდ გაათავისუფლოს. როგორც "მედუზა" წერს ნავალნის ასეთი მიმართვის შემცველი პოსტი გამოქვეყნდა სოციალურ ქსელებში გამოქვეყნდა. ოპოზიციონერი რუსი პოლიტიკოსი აღნიშნავს, რომ ის არ იცნობს სააკაშვილს და არც მისი გუნდის წევრებს, ასევე "სუსტი წარმოდგენა აქვს ქართულ პოლიტიკაზე", მაგრამ გადაწყვიტა, გამოეხატა აზრი, „როგორც პიროვნებასა და ქრისტიანს." „საქართველოს ბედნიერი ევროპული მომავლის მჯერა. Читать дальше...

ევროკავშირის საბჭომ უკრაინის შეიარაღებული ძალებისთვის ევროპის სამშვიდობო ფონდის ფარგლებში 1 მილიარდი ევროს ოდენობით დახმარების გამოყოფა დაამტკიცა. ეს გადაწყვეტილება საბჭომ 13 აპრილს გამოაცხადა. აღნიშნული ნაბიჯი შესაძლებელს გახდის ევროკავშირის წევრი ქვეყნებისთვის, მიიღონ კომპენსაცია თავიანთი მარაგებიდან უკრაინისთვის საბრძოლო მასალების მიწოდების ან 2023 წლის 9 თებერვლიდან 23 მაისის განმავლობაში შეცვლილი შეკვეთების სანაცვლოდ. "დღევანდელი ჩვენი გადაწყვეტილებით, ძალაში შედის ევროკავშირის ლიდერების... Читать дальше...

რადიო თავისუფლების ევროპის ბიუროს რედაქტორის, რიკარდ იოზვიაკის ინფორმაციით, სტრასბურგში ევროპარლამენტის პლენარულ სესიაზე პრეზიდენტ სალომე ზურაბიშვილის სიტყვით გამოსვლა ქართულმა მხარემ გააუქმა. როგორც იოზვიაკი წერს, საბოლოოდ საქართველოს პრეზიდენტი არ მიმართავს ევროპის პარლამენტის პლენარულ სესიას სტრასბურგში, რომელიც მომავალ კვირას იყო დაგეგმილი. „ითქვა, რომ ის ქართულმა მხარემ გააუქმა", - აღნიშნა მან. რადიო თავისუფლების წყაროების თანახმად, პრეზიდენტის ვიზიტი კონკრეტული ახსნის გარეშე გააუქმეს. საქართველოს პრეზიდენტის ადმინისტრაციის ცნობით... Читать дальше...

განათლების მინისტრმა გიორგი ამილახვარმა აშშ-ის ელჩთან, კელი დეგნანთან, სამუშაო შეხვედრა გამართა. როგორც სამინისტრო იუწყება, მინისტრმა დიპლომატთან მნიშვნელოვანი საგანმანათლებლო და სამეცნიერო პროექტები განიხილა, რომლებიც ამერიკის შეერთებულ შტატებთან პარტნიორობით ხორციელდება. „გიორგი ამილახვარმა მადლობა გადაუხადა კელი დეგნანს განათლებისა და მეცნიერების სფეროების განვითარების მხარდაჭერისთვის და აღნიშნა, რომ ამერიკის შეერთებული შტატები უკვე მრავალი წელია საქართველოში სხვადასხვა მიმართულებით მასშტაბურ ინიციატივებს ახორციელებს... Читать дальше...

ნორვეგიამ პერსონა ნონ გრატად გამოაცხადა ოსლოში რუსეთის საელჩოს 15 თანამშრომელი. ნორვეგიის მთავრობის ვებგვერდზე ისინი დასახელებულნი არიან დაზვერვის ოფიცრებად, რომლებიც ახორციელებდნენ დიპლომატიურ სტატუსთან შეუთავსებელ საქმიანობას. მათ ქვეყანა უნდა დატოვონ. ნორვეგიის საგარეო საქმეთა მინისტრმა ანნიკენ ჰუიტფელდმა გაძევებას უწოდა "მნიშვნელოვანი ნაბიჯი რუსეთის სადაზვერვო საქმიანობის წინააღმდეგ ბრძოლისა და შემცირების მიმართულებით." შეტყობინებაში მოსკოვი ოსლოსთვის ჯაშუშური საფრთხის მთავარ წყაროდ სახელდება. Читать дальше...

მსოფლიოს რეაქცია სავარაუდოდ უკრაინელი სამხედროს თავის მოკვეთაზე, რაც ამ დღეებში მრავალ სოციალურ ქსელში გავრცელდა, არასაკმარისია,  აცხადებს უკრაინის სახალხო დამცველი დმიტრო ლუბინეცი. დღეს უკრაინელ სამხედრო ტყვეებს ვერ დაიცავს ვერც უკრაინა და ვერც საერთაშორისო კანონმდებლობა, რადგან რუსეთი არ ასრულებს ჟენევის კონვენციებს. ამის შესახებ 13 აპრილს რადიო თავისუფლების პროექტს, "თავისუფლება.დილას", განუცხადა უკრაინის უმაღლესი რადის რწმუნებულმა ადამიანის უფლებათა საკითხებში, დმიტრო ლუბინეცმა. სამშაბათს საღამოს ინტერნეტში გავრცელდა ვიდეო... Читать дальше...

საქართველოს პრეზიდენტის ადმინისტრაციის ცნობით, 18 აპრილს სტრასბურგში პრეზიდენტ სალომე ზურაბიშვილის ვიზიტი გადაიდო. სწორედ ამ დღეს იგეგმებოდა მისი სიტყვით გამოსვლა ევროპარლამენტის წინაშე. ვიზიტის გადადების მიზეზები ადმინისტრაციას არ დაუსახელებია. ზურაბიშვილმა 31 მარტს პარლამენტის ტრიბუნიდან ყოველწლიური მოხსენებით გამოსვლის დროს განაცხადა, რომ 18 აპრილს აპირებდა ევროპარლამენტში სიტყვით გამოსვლას. მან გაიხსენა, რომ 2010 წლის შემდეგ საქართველოს პრეზიდენტი ევროპარლამენტში სიტყვით არ გამოსულა.

მეოთხე დღე დაიწყო, რაც ლარსის საკონტროლო გამშვებ პუნქტზე ასზე მეტი მძღოლი ღამეს მანქანაში ათევს. ისინი საზღვარს ვერ კვეთენ. რუსული მხარის ცნობით, გატეხილია მათი საბაჟოს მონაცემთა ბაზა და შეფერხებულია დოკუმენტების გაფორმება.

თბილისის სააპელაციო სასამართლოს მოსამართლისა და იუსტიციის უმაღლესი საბჭოს წევრის, დიმიტრი გვრიტიშვილის განცხადებით, სამმა მოსამართლემ უარი განაცხადა აშშ-ში სასწავლო ვიზიტზე. მოსამართლემ კოლეგების ეს ნაბიჯი „სოლიდარობის ერთგვარ აქტად" შეაფასა. „მიმდინარე თვეში (22-30 აპრილის განმავლობაში) დაგეგმილია ქართველი მოსამართლეების სასწავლო ვიზიტი აშშ-ში. ჩემთვის, როგორც საქართველოს იუსტიციის უმაღლესი საბჭოს წევრისათვის, ცნობილი გახდა, რომ ამ ვიზიტის მონაწილე სამმა მოსამართლემ: ნანა ჯოხაძემ, თამარ ბეჟანიშვილმა... Читать дальше...

მრავალი წლის განმავლობაში პენტაგონის დოკუმენტების უდიდესი გაჟონვის წყარო აღმოჩნდა ამერიკული სამხედრო ბაზის თანამშრომელი, რომელიც დოკუმენტებს დახურულ ჩათში ე.წ. „გეიმერებისთვის აქვეყნებდა“. როგორც გამოცემა „ვოშინგტონ პოსტი“ წერს, იგი ამ ქაღალდებს აქვეყნებდა, რათა „მოვლენების შესახებ საქმის კურსში ჰყოლოდა ნაცნობები“. გამოცემამ მოახერხა დახურული ჩათის მონაწილეებთან დაკავშირება Discord მესენჯერში, სადაც გამოჩნდა საიდუმლო დოკუმენტები. ჩათი იმ გეიმერებს აერთიანებს, რომლებიც გატაცებულნი არიან იარაღით... Читать дальше...

აღდგომის დღესასწაულთან დაკავშირებით საქართველოს პრეზიდენტმა, სალომე ზურაბიშვილმა 10 მსჯავრდადებული შეიწყალა. ინფორმაციას პრეზიდენტის ადმინისტრაცია ავრცელებს. უწყება განმარტავს, რომ ხუთი მსჯავრდადებული სრულად გათავისუფლდა პენიტენციურ დაწესებულებაში თავისუფლების აღკვეთის სახით დანიშნული სასჯელისგან, სამს პატიმრობის ვადა შეუმცირდა, ორი კი გათავისუფლდა პირობითად ჩათვლილი თავისუფლების აღკვეთის შემდგომი მოხდისაგან. შეწყალებული პატიმრების ვინაობა ცნობილი არ არის.

რუსეთის ფედერალური უშიშროების სამსახურმა ("ეფესბე") უკრაინის 35 წლის მოქალაქე იური დენისოვი დაასახელა, როგორც პროსახელისუფლებო ბლოგერის, ვლადლენ ტატარსკის (მაქსიმ ფომინი) მკვლელობის მცდელობის მონაწილე. ტატარსკი 2 აპრილს მოკლეს პეტერბურგის ცენტრში. რუსეთის სპეცსამსახურის განცხადების თანახმად, დენისოვი ტატარსკის უთვალთვალებდა და მან გაუგზავნა ის ასაფეთქებელი მოწყობილობა, რომელიც მკვლელობის ჩადენისთვის იყო გამოყენებული. "ეფესბეს" გამომძიებლების თქმით, 2023 წლის თებერვალში დენისოვი კიევიდან ლატვიის გავლით ჩავიდა მოსკოვის ოლქში... Читать дальше...

ზუგდიდის საბავშვო სტადიონზე 15 წლის მოზარდის მკვლელობაში ბრალდებულ 17 წლის არასრულწლოვანს პატიმრობა მიუსაჯეს. ზუგდიდის სასამართლოს გადაწყვეტილებით, მას 12 წლის გატარება მოუწევს პატიმრობაში. 2022 წლის 20 ნოემბერს ზუგდიდში, მესხიას ქუჩაზე მდებარე სტადიონზე, 15 წლის საბა მამფორია გულ-მკერდის არეში დაჭრეს. ის საავადმყოფოში მიყვანამდე გარდაიცვალა. ამ შემთხვევას წინ უძღოდა რამდენიმე არასრულწლოვანს შორის დაპირისპირება. მკვლელობაში ბრალდებული 17 წლის ერეკლე ცანავა იმავე დღეს დააკავეს. „მოსამართლემ... Читать дальше...

რუსეთის მიერ ოკუპირებული ცხინვალის რეგიონის დე ფაქტო ხელისუფლება დანარჩენ საქართველოსთან ე.წ. საზღვარს სააღდგომოდ გაუხსნის ჯავის და ახალგორის რაიონების მცხოვრებთ. გადაწყვეტილება დღეს, 13 აპრილს მიიღეს ცხინვალში, ე.წ. სამხრეთ ოსეთის რესპუბლიკის უშიშროების საბჭოს სხდომაზე, რომელსაც დე ფაქტო პრეზიდენტი ალან გაგლოევი ხელმძღვანელობდა. პერევის და რაზდახანის(მოსაბრუნი) ე.წ. გამშვები პუნქტები 14 აპრილს, დილის 8 საათზე გაიხსნება და 18 აპრილს, საღამოს 8 საათზე დაიკეტება. როგორც ცხინვალის ე.წ. სახელმწიფო სააგენტო „რესი“ წერს... Читать дальше...