Новости за 09.08.2021

დღეიდან ღია სივრცეში, სადაც 5-ზე მეტი ადამიანი იქნება, პირბადის ტარება სავალდებულო ხდება 10 აგვისტოდან საქართველოში კოვიდრეგულაციები მკაცრდება. გადაწყვეტილება საკოორდინაციო საბჭომ მიიღო. წესდება შემდეგი შეზღუდვები: პირბადის ტარება სავალდებულო ხდება ღია სივრცეში ყველგან, სადაც 5 და მეტი ადამიანი იკრიბება; პირებზე, რომლებსაც გადატანილი აქვთ COVID-19 და არიან ერთჯერადად ვაქცინირებულები, საზღვრის კვეთისას გავრცელდება იგივე რეგულაცია, რაც 2 დოზით აცრილებზე; სხვადასხვა სოციალური ღონისძიების მასპინძლობისთვის... Читать дальше...

მოსკოვში 91 წლის ასაკში გარდაიცვალა რუსი ვეტერანი სამართალდამცველი, რუსეთის კონსტიტუციის ერთ-ერთი ავტორი, სერგეი კოვალიოვი. ამის შესახებ მისმა ვაჟმა დაწერა სოციალურ ქსელში. კოვალიოვი ერთ-ერთი უკანასკნელი წარმომადგენელი იყო საბჭოთა თაობისა, რომელიც ადამიანის უფლებებისთვის იბრძოდა 1950-იან და 1960-იან წლებში. მასთან ერთად ამ ბრძოლაში მონაწილეობდნენ ფიზიკოსი და განიარაღების სფეროს აქტივისტი ანდრეი სახაროვი და მისი მეუღლე ელენა ბონერი, მოსკოვის ჰელსინკის ჯგუფის დამაარსებლები ლუდმილა ალექსეევა, იური ორლოვი და გულაგის მემატიანე ანატოლი მარჩენკო. Читать дальше...

რამდენიმე საათია გადაუღებლად წვიმს შიდა ქართლსა და ოკუპირებულ ცხინვალის რეგიონში. უხვმა ნალექმა ტრანსკავკასიურ მაგისტრალზე, რუსეთ-ცხინვალის დამაკავშირებელი გზის გასწვრივ მეწყრული პროცესები გამოიწვია. ქვაღორღი და ტალახი გზაზე ჩამოწვა და მოძრაობა შეწყდა. „ღვარცოფისა და ქვა-ღორღის გზაზე ჩამოტანის გამო, ავტოტრანსპორტის უსაფრთხო გადაადგილების უზრუნველყოფისთვის ყველა ტიპის ავტომობილების მოძრაობა აკრძალულია ორივე მიმართულებით. ავტომაგისტრალი ორივე მიმართულებით ჩაკეტილია 9 აგვისტოს საღამოს 19:20 საათიდან... Читать дальше...

„ერთიანი ნაციონალური მოძრაობის" წევრი და „ფეისბუკის" ჯგუფის „მედგიდის" დამფუძნებელი სოფო ჯაფარიძე აცხადებს, რომ ჯგუფი მიზანმიმართული შეტევის შედეგად დაბლოკილია. მასში მოქალაქეები სამედიცინო საკითხებზე რჩევებს იღებდნენ. „ჯგუფი აერთიანებდა 103,000 ადამიანს. ყოველდღიურად ათასობით ადამიანის შეკითხვას ეცემოდა პასუხი - მათ შორის მეტწილად ისეთი ადამიანები, რომლებიც ამჟამინდელი რეალობიდან გამომდინარე სახელმწიფოსგან ზურგშექცეულები იყვნენ და ერთადერთ იმედად ჯგუფი „მედგიდი“ რჩებოდათ, რომელიც ფაქტობრივად დისტანციურ... Читать дальше...

უჰანის მესვეურები - ჩინეთის ცენტრში მდებარე ქალაქის, სადაც, გავრცელებული ვარაუდით, კორონავირუსის პანდემია დაიწყო - აცხადებენ, რომ დაასრულეს 11 მილიონზე მეტი მოსახლის ტესტირება COVID-19-ზე, მას შემდეგ, რაც ახლახან კვლავ გაიზარდა ინფიცირების მაჩვენებელი. უჰანის წარმომადგენელმა მაღალჩინოსანმა, ლი ტაომ 8 აგვისტოს გამართულ პრესკონფერენციაზე თქვა, რომ ტესტები, რომელთა გამოყენებაც ხუთი დღით ადრე დაიწყო, "ფაქტობრივად მთელი ქალაქის მოსახლეობას ფარავს", გარდა ექვს წლამდე ასაკის ბავშვებისა. მასობრივი ტესტირების... Читать дальше...

გავრცელებული მოლოდინით, პენტაგონი გაავრცელებს საგანგებო ბრძანებას, რომლის თანახმადაც აშშ-ის არმიის წევრებისთვის სავალდებულო გახდება აცრა COVID-19-ის წინააღმდეგ - ყველაზე გვიან 15 სექტემბერს, და შესაძლოა მანამდეც, სარეგულაციო თუ ეპიდემიოლოგიური ვითარების გათვალისწინებით.  ეს იქნება ამ ტიპის ერთ-ერთი ყველაზე მასშტაბური დავალდებულება მსოფლიოს მასშტაბით, და შეეხება 2 მილიონზე მეტ სამხედროს - როგორც აშშ-ის არმიის წევრებს, ისე რეზერვისტებს.  "დაველოდები პრეზიდენტის თანხმობის მოპოვებას ვაქცინების სავალდებულოდ გადაქცევაზე... Читать дальше...

ეკონომიკის სამინისტროს ცნობით, საქართველოს სამოქალაქო ავიაციის სააგენტოში ავიაკომპანია Silk Way West Airlines-ის მიერ წარდგენილი ფრენის განაცხადის შესაბამისად, პირველი სატვირთო რეისი ჩიკაგო-თბილისი-ბაქოს ხაზზე 10 აგვისტოს შესრულდება. ფრენები ამ მიმართულებით მრავალჯერადად იგეგმება. სააგენტომ აზერბაიჯანულ სატვირთო ავიაკომპანიას ამ მიმართულებით ოპერირების ნებართვა 6 აგვისტოს მიენიჭა. ეკონომიკის მინისტრის ნათია თურნავას განცხადებით, მნიშვნელოვანია, რომ აშშ-იდან თუნდაც სატვირთო ფრენები შესრულდება საქართველოში. Читать дальше...

მეორე დღეა, რაც გორში ძლიერი ქარი შენობებს აზიანებს. 9 აგვისტოს გორში, თარხნიშვილის და ბარნოვის ქუჩებზე ქარმა კორპუსებს სახურავები გადახადა. წაქცეულია სამი ხე, ერთი კომბინატში, ერთი ფერაძის ქუჩაზე და ერთიც 26 მაისის ქუჩაზე. ერთმა წაქცეულმა ხემ ავტომობილი დააზიანა. მოქალაქეებიდან არავინ დაზიანებულა. ქარიშხალი იყო გორში 8 აგვისტოსაც. სტიქიამ გორის მუნიციპალიტეტის სოფელ ორთაშენშიც მოგლიჯა ხეები.

რუსთავში მმართველი პარტიის მერობის კანდიდატის ნინო ლაცაბიძის წარდგენის ღონისძიებაზე პრემიერ-მინისტრმა ირაკლი ღარიბაშვილმა რუსეთ-საქართველოს 2008 წლის ომში წინა ხელისუფლების პასუხისმგებლობის შესახებ ილაპარაკა.  „ეს უმძიმესი ომი ვერ აარიდა წინა ხელისუფლებამ ჩვენს მოსახლეობას, ვერ დაიცვა ჩვენი ხალხი და ჩვენი ქვეყანა. შედეგად ჩვენ მივიღეთ ჩვენი ტერიტორიების 20%-ის ოკუპაცია. ე.წ. აღიარების პოლიტიკა, ათასობით ჩვენი მოქალაქის დევნილობაში გადმოყვანა და რაც მთავარია, ძალიან დიდი მოუშუშებელი ტკივილი - ჩვენი გმირი სამხედროების... Читать дальше...

ალბათ, ყველამ ვნახეთ ჩვენი პრემიერის ქეიფი ოლიმპიურ ჩემპიონთან და, რაც მთავარია, ხალხთან, ხალხურ გარემოში, გაულესავი კედლების ფონზე, გასაშლელ, მრავალ ქორწილ-ქელეხ გამოვლილ გასაქირავებელ სკამ-მაგიდებზე. ვნახეთ იმიტომ, რომ უნდა გვენახა. ასეთი იყო ჩანაფიქრი, რომ ყველას თუ არა, რაც შეიძლება ბევრს გვენახა... და თანაც გვენახა არა მხოლოდ ის, თუ როგორ უხარია პრემიერ-მინისტრს ქართველი სპორტსმენის წარმატება, არამედ ისიც, თუ როგორი სახალხო პრემიერია, როგორი უბრალო და ჯიგარია, როგორ ხარობს "უბრალო ხალხის" სიხარულით... Читать дальше...

აშშ-ის ელჩმა საქართველოში კელი დეგნანმა სამცხე-ჯავახეტში ყოფნისას უპასუხა შეკითხვას, რომელიც ეხებოდა განცხადებებს საქართველოს მთავრობის დასავლური კურსის შესაძლო ცვლილების შესახებ. „მოგეხსენებათ, ახლა უკვე მიმდინარეობს საარჩევნო კამპანია და საარჩევნო კამპანიის პერიოდში ხშირია ასეთი გამომწვევი და ასეთი ტიპის განცხადებები“, - აღნიშნა დიპლომატმა და 19 აპრილს გაფორმებული შეთანხმების შესაძებ ილაპარაკა - „მნიშვნელოვანი ამ სიტუაციაში არის ის, რომ 19 აპრილის შეთანხმება მიღწეულია პოლიტიკური ლიდერებისა და პარტიების მიერ... Читать дальше...

აშშ-მა, ბრიტანეთმა და კანადამ ახალი სავაჭრო და ფინანსური სანქციები დაუწესეს ბელარუსს 9 აგვისტოს, პირველ წლისთავზე ქვეყანაში ჩატარებული საპრეზიდენტო არჩევნებიდან, რომელმაც გაახანგრძლივა ვეტერანი პრეზიდენტის, ალიაქსანდრ ლუკაშენკას მმართველობა და ბიძგი მისცა უპრეცედენტო მასშტაბის საპროტესტო გამოსვლებს ქვეყანაში - ოპოზიციის განცხადებების ფონზე, რომ არჩევნები გაყალბდა.  ლუკაშენკამ, რომელიც ქვეყანას 1994 წლიდან მართავს, აქციებს სასტიკი რეპრესიებით უპასუხა. დააკავეს 32,000-ზე მეტი მოქალაქე, პოლიციამ ქუჩებში და დაკავების შემდეგ სცემა ათასობით პირს... Читать дальше...

რუსეთ-საქართველოს ომის 13 წლისთავის შესახებ ილაპარაკა ამერიკის შეერტებული შტატების ელჩმა საქართველოში კელი დეგნანმა. ის აცხადებს, რომ რუსეთის შეიარაღებულმა ძალებმა უნდა დატოვონ საქართველო. „ეს, რა თქმა უნდა, ძალიან მტკივნეული პერიოდია, წელიწადის ეს დრო, როდესაც ვიხსენებთ წარსულ ამბებს - რამდენი ადამიანის სიცოხლე დაიკარგა ომში და ეს პროცესები კვლავაც გრძელდება იმ მოსახლეობისთვის, რომელიც ცხოვრობს ადმინისტრაციულ გამყოფ საზღვართან. იმისათვის, რომ ამ საკითხების მოგვარების რაღაც იმედი გაჩნდეს, აუცილებელია, პროგრესის იმედი ჰქონდეთ ქართველებს. Читать дальше...

ენათმეცნიერი მარინე ბერიძე ერთ-ერთია, ვინც Covid-19 მძიმე ფორმით გადაიტანა. მას დაავადება ნოემბერში შეხვდა, როდესაც აცრის შესაძლებლობა ჯერ კიდევ არ არსებობდა. რეანიმაციულ განყოფილებაში, სადაც მუდმივად რამდენიმე ათეული ადამიანი ებრძოდა სიკვდილს, რამდენიმე დღის განმავლობაში ის ფაქტობრივად ერთადერთი კონტაქტური ავადმყოფი იყო (ასე უწოდებენ რეანიმატოლოგები პაციენტს, რომელიც არ არის ინტუბირებული და, შესაბამისად, ფხიზელ გონებაზეა). მარინე ამბობს, რომ იქ სხვა სამყაროა, რომლის შესახებ „აქეთ ცხოვრებაში“ არაფერი იციან. Читать дальше...

ააიპ „საქართველოს კულტურის პალატასთან“ არსებული კომისიის გადაწყვეტილებით, ოლიმპიურ ჩემპიონს ლაშა ბექაურს და ვერცხლის პრიზიორს გენო პეტრიაშვილს მათი სახელობის ვარსკვლავებს გაუხსნიან. „საქართველოს კულტურის პალატის“ პრეზიდენტმა დავით ოქიტაშვილმა რადიო თავისუფლებას უთხრა, რომ ბექაურის ვარსკვლავი გაიხსნება თელავში, პეტრიაშვილის - გორში. როგორც ოქიტაშვილი განმარტავს, გადაწყვეტილება მიიღო პროფესიონალებით დაკომპლექტებულმა კომისიამ. „ჩვენ გვყავს კომისიები დარგების მიხედვით", - აღნიშნა მან. „საქართველოს... Читать дальше...

​საქართველოს ჯანდაცვის მინისტრი, ეკატერინე ტიკარაძე ამბობს, რომ ქვეყანაში კორონავირუსით ინფიცირებული პაციენტების კლინიკაში დასაწვენი ადგილების ნაკლებობაა. ამის შესახებ მინისტრმა "რუსთავი 2"-ს განუცხადა. "არის სერიოზული დეფიციტი საწოლფონდის. რა თქმა უნდა, ჯანდაცვის სამინისტრო, თავის მხრივ, ყველანაირად ცდილობს, რომ მაქსიმალური მობილიზაცია იყოს საწოლფონდის... დღეის მდგომარეობით, ჯერ არც ერთი პაციენტი არ დარჩენილა ექიმის ყურადღების გარეშე", - თქვა ტიკარაძემ. მისი თქმით, რეგულაციების გამკაცრებიდან საშუალოდ 10 დღიდან ორ კვირამდეა საჭირო იმისთვის... Читать дальше...

საპატრიარქოს უნივერსიტეტის რექტორი თანამდებობას ტოვებს. სერგო ვარდოსანიძე ამბობს, რომ მიზეზი უნივერსიტეტის განვითარებასთან დაკავშირებით განსხვავებული ხედვებია. "მე პატრიარქთან შეტანილი მაქვს გადადგომის განცხადება. [მიზეზი] განსხვავებული ხედვაა უნივერსიტეტის პერსპექტიული და აკადემიური განვითარების შესახებ... [მეუფე იაკობთან იყო განსხვავებული შეხედულებები] მეც გადავდექი და დეკანიც გადადგა. შეუძლიათ თქვან, რომ არ დააკმაყოფილეს, მაგრამ უკან არ მივბრუნდები... განა, ეს გაბუტვაა, მე სხვა შეხედულება მაქვს... Читать дальше...

„ჩემი გვარის 20% ოკუპირებულია“, - ეს გვარის დაბრუნების კამპანიის ერთ-ერთი მთავარი გზავნილია. საქართველოში მცხოვრები ეთნიკურად აზერბაიჯანელი ახალგაზრდები ამ წუთებშიც გარდაბნის რაიონის სოფელ ვახტანგისში არიან და ხელმოწერებს აგროვებენ პარლამენტში საკანონმდებლო ცვლილების დასარეგისტრირებლად. საჭიროა 25 000 ხელმოწერა იმისათვის, რომ ყველამ, ვისაც ამის სურვილი ექნება, გვარის რუსული დაბოლოება თავისი ძველი, ავთენტური აზერბაიჯანული გვარით შეცვალოს. მამედოვი გახდეს ისევ მამედლი. სადიკოვი - სადიკ. კასიმოვი - კასიმოღლუ. Читать дальше...

ბრიტანეთმა ახალი სავაჭრო და ფინანსური სანქციები დაუწესა ბელარუსს, იმ საპრეზიდენტო არჩევნების პირველ წლისთავზე, რომელსაც ავტორიტარი ლიდერის, ალიაქსანდრ ლუკაშენკას ოპონენტები გაყალბებულად მიიჩნევენ და რომელსაც ქვეყანაში მასშტაბური საპროტესტო გამოსვლები მოჰყვა. ბრიტანეთის მიერ ამოქმედებული სანქციების ახალი პაკეტი მოიცავს აკრძალვას ბელარუსის კალიუმის და ნავთობპროდუექტების ექსპორტზე და სხვა ზომებს, მათ შორის, ბელარუსის თვითმფრინავებისთვის ბრიტანეთზე გადაფრენის, ან ბრიტანეთში დაფრენის არდაშვების მექანიზმებს... Читать дальше...

11 საათი სრულდებოდა. გორის თავზე რამდენიმე ბომბდამშენი გამოჩნდა. ჯერ წითელ მანათობელ მაშხალებს ისროდნენ, მერე მოულოდნელად დაბლა დაეშვნენ და ქალაქის დაბომბვა დაიწყეს.

ისრაელის პრემიერ-მინისტრის, ნაფტალი ბენეტის თქმით, თეირანი და ირანის მომხრე გასამხედროებული ჯგუფი ჰესბოლა ცდილობენ ლიბანის ჩართვას "ისრაელის საწინააღმდეგო ფრონტში", მაგრამ ლიბანის მთავრობამ პასუხისმგებლობა უნდა იკისროს მისი ტერიტორიიდან გახსნილ სარაკეტო ცეცხლზე. "ლიბანის სახელმწიფომ და ლიბანის არმიამ პასუხისმგებლობა უნდა იკისრონ იმაზე, თუ რა ხდება მათ უკანა ეზოში", - უთხრა ბენეტმა თავის მინისტრთა კაბინეტს 8 აგვისტოს. "ლიბანში მძიმე ეკონომიკური და პოლიტიკური კრიზისის დროსაც კი, ირანი და ჰესბოლა... Читать дальше...

კლიმატის ცვლილებების საკითხებში გაეროს უწყება მძიმე გაფრთხილებით გამოვიდა - განაცხადა, რომ მსოფლიო სახიფათოდ მიუახლოვდა სათბურის უკონტროლო ეფექტის წერტილს, და ეს "ცალსახად" ადამიანთა მოქმედების შედეგია.  ატმოსფეროში სათბურის გაზების ეფექტი იმდენად მაღალია, რომ კლიმატის ცვლილებები გარანტირებულია სულ მცირე ათწლეულების განმავლობაში - განაცხადეს მეცნიერებმა 9 აგვისტოს, კლიმატური ცვლილებების საკითხების სამთავრობათაშორისო კომისიის (IPCC) ანგარიშში. ეს პროგნოზი ემატება ექსტრემალურ ამინდს, როგორიცაა სიცხის ტალღები და ქარიშხლები... Читать дальше...

საქართველოს დაავადებათა კონტროლისა და საზოგადოებრივი ჯანდაცვის ცენტრის დირექტორმა, ამირან გამყრელიძემ მედიასთან კომენტარში უარი განაცხადა საქართველოს პრემიერ-მინისტრის, ირაკლი ღარიბაშვილის მიერ ხალხმრავალ სუფრაზე ყოფნის ფაქტის შეფასებისგან. „მე პოლიტიკურ შეფასებებს არ ვაკეთებ“, - უთხრა უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე მან ჟურნალისტებს კითხვაზე, რამდენად მიზანშეწონილი იყო პრემიერის ქმედება. „ამასთან დაკავშირებით ბატონმა პრემიერ-მინისტრმა თვითონ გააკეთა განცხადება. Читать дальше...

ბელარუსის ავტორიტარი ლიდერი, ალიაქსანდრ ლუკაშენკა ქედმოუხრელ პოზიციას გამოხატავს იმ საპრეზიდენტო არჩევნების პირველ წლისთავზე, რომელსაც ოპონენტები გაყალბებულად მიჩნევენ და რასაც ქვეყანაში მასშტაბური საპროტესტო გამოსვლები მოჰყვა. ბელარუსის ოპოზიციის ლიდერი, სვიატლანა ციხანოუსკაია არჩევნების წლისთავზე გამოვიდა ლუკაშენკას რეჟიმისთვის დამატებითი სანქციების დაწესების მოწოდებით.  ლიეტუვის საგარეო საქმეთა მინისტრთან, გაბრიელიუს ლანდსბერგისთან ერთად ვილნიუსში გამართულ პრესკონფერენციაზე გამოსვლისას, ციხანოუსკაიამ თქვა... Читать дальше...