ბრიტანეთმა ბელარუსს სანქციები გაუმკაცრა
ბრიტანეთის მიერ ამოქმედებული სანქციების ახალი პაკეტი მოიცავს აკრძალვას ბელარუსის კალიუმის და ნავთობპროდუექტების ექსპორტზე და სხვა ზომებს, მათ შორის, ბელარუსის თვითმფრინავებისთვის ბრიტანეთზე გადაფრენის, ან ბრიტანეთში დაფრენის არდაშვების მექანიზმებს და ლუკაშენკას "არმიის ან ფუფუნების საჰაერო ტრანსპორტისთვის" ტექნიკური დახმარების აღმოჩენის აკრძალვას.
"ეს სანქციები მოწმობს, რომ დიდი ბრიტანეთისთვის მიუღებელია ლუკაშენკას ნაბიჯები გაყალბებული არჩევნების შემდეგ", - განაცხადა ბრიტანეთის საგარეო საქმეთა მინისტრმა, დომინიკ რააბმა და დასძინა: "ლუკაშენკას რეჟიმი აგრძელებს დემოკრატიის ჩახშობას და ადამიანის უფლებების დარღვევას ბელარუსში".
ბრიტანეთმა თავისი სანქციების სიას ასევე დაუმატა რუსი ბიზნესმენი, მიხაილ გუციერევი, და განაცხადა, რომ ის არის "ერთ-ერთი მთავარი კერძო ინვესტორი ბელარუსში" და ლუკაშენკას ვეტერანი მოკავშირე.