Новости за 26.08.2017

ՄԱԿ-ում ԱՄՆ-ի մշտական ներկայացուցիչ Նիքի Հեյլին ՄԱԿ-ին կից Ատոմային էներգիայի միջազգային գործակալությանը (ՄԱԳԱՏԷ) կոչ է արել ստուգել Իրանի ռազմակայանները՝ պարզելու, թե արդյո՞ք խախտվում են Թեհրանի միջուկային ծրագրի շուրջ ստորագրված համաձայնագրի դրույթները: Ինչպես հայտարարել է Հեյլին Վիեննայից վերադառնալուց հետո, որտեղ գտնվում է ՄԱԳԱՏԷ-ի կենտրոնակայանը, ինքը վստահում է այդ գործակալությանը, սակայն այն գործ ունի «մի երկրի հետ, որը հայտնի է ստի և միջուկային գաղտնի ծրագրերի իրականացման պատմություններով»... Читать дальше...

Բելառուսական ընդդիմության առաջնորդներից Նիկոլայ Ստատկևիչը 5 օրով կալանավորվել է: Այս մասին «Ազատություն» ռադիոկայանին հայտնել է նրա կինը՝ Մարինա Ադամովիչը: Օգոստոսի սկզբին դատարանը Ստատկևիչին 15 օրով կալանավորելու «հեռակա որոշում» էր կայացրել: Այսպիսով՝ առայժմ հայտնի չէ, թե քանի օր է ընդդիմադիր գործիչն անցկացնելու ճաղերի ետևում: Ստատկևիչը մեղադրվում է հունիսի 3-ին Մինսկի կենտրոնում չթույլատրված հավաքի մասնակցելու մեջ: Բելառուսի անկախության օրը շուրջ 200 մարդ բողոքի երթ էին կազմակերպել՝ ընդդեմ ռուսաստանյան... Читать дальше...

Սևան քաղաքի բնակիչ Սևակ Ոսկանյանի հաղորդման հիման վրա Հատուկ քննչական ծառայությունը քրեական գործ է հարուցել՝ իրավապահների կողմից քաղաքացուն խոշտանգելու և բռնության գործադրմամբ ցուցմունք տալուն հարկադրելու հիմքով։

Դեսպան Հոգլանդի հայտարարությունը վկայում է, որ Միացյալ Նահանգներն անհնար է համարում Լեռնային Ղարաբաղի վերադարձը Ադրբեջանի կազմ: Այսօր «Ազատության» հետ զրույցում նման դիտարկում արեց Լեռնային Ղարաբաղի նախագահի աշխատակազմի ղեկավարի տեղակալ Դավիթ Բաբայանը: Ըստ նրա, «ակնհայտ է նաև», որ նման հայտարարությամբ՝ Վաշինգտոնն անընդունելի է համարում հակամարտության կարգավորման ուժային տարբերակը: «Վաշինգտոնը չի տեսնում Արցախը որպես Ադրբեջանի մաս: Սա, կարծում եմ՝ հստակ երևում է բոլոր այդ ձևակերպումներից»,- նշեց Բաբայանը... Читать дальше...

Իրաքի բանակը «Իսլամական պետություն» ահաբեկչական խմբավորման զինյալներից ազատագրել է Մոսուլից ոչ հեռու գտնվող Թալ-Աֆար քաղաքի կենտրոնը: Իրաքյան բանակի տվյալներով, Թալ-Աֆարի մի քանի շրջաններ դեռևս ջիհադիստների վերահսկողության տակ են: Իրաքում «Իսլամական պետության» վերահսկողության տակ գտնվող վերջին քաղաքի՝ Թալ-Աֆարի ազատագրման գործողությունները սկսվել են շուրջ մեկ շաբաթ առաջ: Մոտ 200 հազար բնակչություն ունեցող այդ քաղաքում, որոշ տեղեկություններով, շուրջ 1000 իսլամիստ զինյալներ կան: Իրաքի բանակի հետ... Читать дальше...

«Ազատության» «Տեսակետների խաչմերուկ» հաղորդաշարի հերթական թողարկման հյուրերը քննարկում են Մինսկի խմբի ամերիկացի ժամանակավոր համանախագահ Ռիչարդ Հոգլանդի՝ օրերս հրապարակած փաստաթուղթը, որում, ըստ միջնորդի, ներկայացված են ԼՂ խնդրի կարգավորման հիմնական տարրերը: Տարածաշրջանային հետազոտությունների կենտրոնի առաջատար վերլուծաբան Դավիթ Շահնազարյանն արձանագրելով, որ ամերիկացի միջնորդի հրապարակած փաստաթղթում «չի ասվել բացառապես ոչ մի նոր բան», և որոշ ժամանակ առաջ նույն [Մադրիդյան] սկզբունքները հրապարակել... Читать дальше...

Հաղորդվում է, որ հրթիռներն արձակվել են Ճապոնական ծովի ուղղությամբ: ԱՄՆ խաղաղօվկիանոսյան հրամանատարությունը հայտարարել է, որ արձանագրել են փոքր հեռահարության երեք բալիստիկ հրթիռների արձակում: Ընդ որում՝ դրանցից մեկը պայթել է արձակումից անմիջապես հետո, իսկ մյուս երկուսը «ձախողվել են» թռիչքի ընթացքում: Ամերիկացի զինվորականների խոսքով՝ հրթիռներն ուղղված չեն եղել ամերիկյան Գուամ կղզու վրա: Փհենյանը, հիշեցնենք, վերջերս սպառնացել էր հարվածներ հասցնել ամերիկյան այդ կղզուն: Ճապոնիայում էլ հայտարարել են... Читать дальше...

Աֆղանստանի առողջապահության նախարարությունը հայտնում է, որ Քաբուլում շիա մզկիթի վրա կատարված հարձակման զոհերի թիվը հասել է 28-ի և կարող է ավելանալ: Օգոստոսի 25-ին տեղի ունեցած ահաբեկչական գործողության հետևանքով վիրավորվել է 50 մարդ, այդ թվում տասնյակ կանայք և երեխաներ: Հարձակման պատասխանատվությունը ստանձնել է «Իսլամական պետություն» ահաբեկչական խմբավորումը: Ոստիկանության հաղորդմամբ՝ երկու մահապարտ իրենց պայթեցրել են մզկիթի մուտքի մոտ, ևս երկու հոգի կրակ են բացել մզկիթի ներսում: Ուժայինների հետ նրանց փոխհրաձգությունը տևել է շուրջ մեկ ժամ... Читать дальше...

Ռուսաստանի արտաքին գորրծերի նախարարությունը Մոսկվայում Մոլդովայի դեսպան Անդրեյ Նեգուցին հանդիպման է հրավիրել: Պատճառը Մերձդնեստրի տարածքից ռուսական զորքը դուրս բերելուն միտված՝ Քիշնևի նախաձեռնությունն է: Ռուսական դիվանագիտական գերատեսչության կայքէջում տեղադրված հաղորդագրության համաձայն՝ զորքի դուրսբերումը բացասաբար կանդրադառնա ռուս-մոլդովական համագործակցության և Մերձդնեստրում իրավիճակի կարգավորման վրա: Ավելի Վաղ Մոլդովան պահանջել էր Մերձդնեստրից ռուսաստանյան զինստորաբաժանումների դուրսբերման հարցը ներառել ՄԱԿ-ի Գլխավոր Ասամբլեայի օրակարգում... Читать дальше...

Ղըրղըզստանի խորհրդարանը հաստատեց Սապար Իսակովի թեկնածությունը երկրի վարչապետի պաշտոնում: Նախկին վարչապետ Սորոնբայ Ժեենբեկովը շաբաթասկզբին հրաժարական էր տվել՝ երկրի նախագահական ընտրություններին իր թեկնածությունն առաջադրելու համար: Ղրղըզստանի նախագահական ընտրությունները տեղի են ունենալու առաջիկա հոկտեմբերի 15-ին:

Ուրբաթ օրը Բրյուսելում երկու զինվորականների վրա կատարված հարձակումը ոստիկանությունը հետաքննում է որպես ահաբեկչություն: Բելգիական լրատվամիջոցները հաղորդում են, որ ծագումով Սոմալիից 30-ամյա տղամարդը հարձակման ժամանակ բացականչել է «Ալլահ աքբար»: «Ռոյթերզ»-ի փոխանցմամբ՝ ձերբակալման գործողության ժամանակ հարձակվողը վիրավորվել է, ավելի ուշ՝ մահացել: Նախնական տեղեկություններով՝ գրոհի թիրախ դարձած զինվորականները լուրջ վնասվածքներ չեն ստացել: Նշվում է, որ հարձակվողը նախկինում աչքի չի ընկել ահաբեկիչների հետ կապերով... Читать дальше...

Նախօրեին Լոնդոնում Բուքինգհեմյան պալատի ոստիկանների վրա դանակով հարձակում գործած անձը կալանավորվել է: 26-ամյա տղամարդու կալանքը հիմնավորվել է ահաբեկչության դեմ պայքարի մասին օրենքի պահանջներով: Ոստիկաննները պալատի մոտ կայանած նրա մեքենայում մեծ դանակ էին նկատել և որոշել են ձերբակալել վարորդին: Այնուհետև տղամարդը հարձակվել է ոստիկանների վրա և թեթև վնասվածքներ պատճառել: BBC-ի փոխանցմամբ՝ հարձակվողը նույնպես վնասվածքներ է ստացել: Վերջին ամիսներին Մեծ Բրիտանիայում մի շարք ահաբեկչական գործողություններ... Читать дальше...

Մամուլը շարունակում է քննարկել Մինսկի խմբի ամերիկացի համանախագահ Ռիչարդ Հոգլանդի հրապարակած փաստաթուղթը, որում, ըստ միջնորդի, ներկայացված են ԼՂ խնդրի կարգավորման հիմնական տարրերը: Լրատվամիջոցներն արձագանքում են նաև ԱՄՆ Այովա նահանգի կողմից Հայոց ցեղասպանության իրողության ճանաչմանը:

Երեկ երեկոյան արտակարգ իրավիճակների նախարարություն տեղեկություն է ստացվել, որ նույն օրը ժամը 16:30-ի սահմաններում սուր աղիքային վարակի ախտանիշով Սյունիքի մարզի Գորիս քաղաքի ԲԿ-ի մանկական բաժանմունք է տեղափոխվել զբոսաշրջության նպատակով ԼՂՀ մեկնած 12 երեխա: ԱԻՆ-ից «Արմենպրես»-ին տեղեկացրել են, որ մանրամասները ճշտելու նպատակով Գորիսի ԲԿ է մեկնել հրշեջ-փրկարարական ջոկատի օպերատիվ խումբը:

«Ազատություն»․ - ԵԱՀԿ Մինսկի խմբում ամերիկացի համանախագահ Հոգլանդը հրապարակեց տարրեր, որոնք վերցված են մադրիդյան սզկբունքներից: Արդյոք Ռիչարդ Հոգլանդի հրապարակածն այժմ բանակցությունների սեղանին է: Ռիչարդ Միլզ․ - Նախ՝ թույլ տվեք շնորհակալություն հայտնել այս զրույցի համար: Այո, դեսպան Հոգլանդը երեկ խոսել է և վերահաստատել՝ տևական ժամանակ գոյություն ունեցող սկզբունքները, որ մենք՝ որպես ԵԱՀԿ Մինսկի խմբի համանախագահող երկիր, որպես ԱՄՆ կառավարություն ասել ենք՝ դրանք հիմք կհանդիսանային Լեռնային Ղարաբաղի հակամարտության որևէ կարգավորման համար... Читать дальше...