Новости за 28.10.2020

Донишҷӯёни хориҷие, ки дар Русия таҳсил мекунанд, бо ирсоли номаи боз ба ҳукумати Русия, дархост кардаанд, ки ба онҳо иҷозаи вуруд ба кишвар ва идомаи таҳсил дода шавад. Донишҷӯён дар нома навиштаанд, дарсҳои фосилавие, ки донишгоҳҳо пешниҳод мекунанд, ба талаботи таҳсил ҷавобгӯ нестанд. Сергей Лавров, вазири корҳои хориҷии Русия ҳанӯз дар оғози моҳи сентябр ваъда карда буд, ки "масъала дар фурсатҳои наздик ҳал мешавад". Аммо маҳдудиятҳои вобаста ба вабои коронавирус дар Русия дубора сахттар шуданд. Читать дальше...

Чилу панҷ тан аз кормандони нақби "Киров" дар вилояти Қарағандаи Қазоқистон, ки ба ширкати Altyn Komir Service тааллуқ дорад, корфармои худро ба додгоҳ кашиданд. Даъвогарон мегӯянд, ширкат солҳои тӯлоние ба бунёди нафақа ва бунёди бимаи тиббӣ пардохтҳои коргаронро интиқол надодааст ва ҳамзамон бо гузашти солҳо музди моҳонаи коргаронро боло набурдааст. Дар маҷмуъ, дар ин ширкат наздики 300 кас кор мекунад, аммо на ҳамаи онҳо ҷонибдори тариқи додгоҳ ҳал кардани масъала ҳастанд. Ҳуқуқшинос Александр Пак... Читать дальше...

Котиби давлатии ИМА Майк Помпео аз Никол Пашинян ва Илҳом Алиев даъват кард, ки ҷангро қатъ ва гирди мизи музокира нишинанд. Маркази матбуотии Департаменти давлатии ИМА хабар дод, ки Помпео нимаи дувуми рӯзи сешанбе бо роҳбарони Озарбойҷону Арманистон гуфтугӯи телефонӣ анҷом додааст. Мақомоти Қарабоғи Куҳӣ гуфтанд, шаҳри Лочин тирборон шудааст. Роҳи асосии пайвандкунандаи Арманистон бо Қарабоғ аз ҳамин шаҳр мегузарад. Дар сурате ки агар низомиҳои озарӣ ин роҳро банданд, барои неруҳои арманӣ "мушкили азим" пеш меояд, хабар медиҳанд расонаҳо.

Пулиси Санкт-Петербург ҳудуди 20 муҳоҷири тоҷикро барои сабти тақаллубии ҷойи зист 5 ҳазор рублӣ ҷарима кардааст. Муҳоҷирон рӯзи 25-уми октябр ҳангоми тафтиши пулис боздошт шуданд. Онҳо гуфтанд, намедонистанд, ки сабти ҷойи зисташон қалбакӣ аст.

Сафири Тоҷикистон дар Маскав рӯзи 27-уми октябр ба Радиои Озодӣ гуфт, ки шумораи хоҳишмандони бозгашт аз Русия ба ватан кам шудааст.

Дар Тоҷикистон 41 мавриди дигари собитшудаи бемории COVID-19-ро сабт кардаанд. Ба иттилои расмӣ, рӯзи 27-уми октябр теъдоди умумии мубталоён ба 10860 нафар расид. Тоҷикистон охири моҳи апрел мавҷудияти коронавирусро эътироф кард. Вазорати тандурустии Тоҷикистон мегӯяд, дар ин муддат беш аз 90 дарсад ё зиёда аз 10 ҳазор бемор шифо ёфтаанд. Вазорат рӯзи 27-уми октябр дар сомонаи расмиаш навишт, "дар шабонарӯзи охир 58 кас баъд аз табобат ба хонаҳояшон рухсат дода шуданд." Мақомот талафот аз бемории ҳамагирро 81 нафар шумурдаанд. Читать дальше...

«Букмэн» қаҳрамони нави комикси тоҷикист. Муаллифи он Рустам Орифӣ, коргардон ва муаллифи сенария, кор сари достонро якуним сол пеш оғоз кард. Ҳадафи ӯ ва ҳамкоронаш ҷалби кӯдакон ба китобхонӣ будааст. Рустам Орифӣ рӯзи 27-уми октябр ба Радиои Озодӣ гуфт, «мақсади мо ин буд, то қаҳрамони асосиро эҷод кунем, ки кӯдаконро ба китобхонӣ ҷалб кунад. Яъне, ӯ чӣ қадаре зиёд китоб хонад, ҳамон қадар қуввааш зиёд мешавад. Вақте кӯдак ӯро мебинад, тақлид мекунад ва машғули китобхонӣ мешавад.»   Баъд аз хатми сенария, наққошон корро оғоз карданд. Читать дальше...