Новости за 23.10.2020

Дар ноҳияи Ҳисор сокинони ду маҳаллаи наздик ба маркази шаҳр аз олудагии ҳавои маҳаллашон шикоят доранд. Мақомот мегӯянд, медонанд, вале пандемияи COVID-19 монеъи ҳалли мушкилӣ шудааст.

Сокинони маҳаллаҳои Сохтмочиён ва Кӯчабоғ дар Ҳисор аз фаъолияти як коргоҳи истеҳсоли асфалт дар канори деҳаашон шикоят доранд. Онҳо мегӯянд, дуди ғализе, ки аз корхона берун мешавад, хонаҳояшонро пур аз гард ва ба саломатиашон хатар эҷод кардааст.

Иҷрокунандаи вазифаи президенти Қирғмизистон Содир Ҷабборов (Ҷапаров) тағйирот ба қонуни интихоботро имзо кард, ки таъхир дар баргузории интихоботи парлумониву президентиро иҷоза медиҳад ва айни замон, ба қавли мунаққидон, ба худи ӯ, ки ҳанӯз як моҳ пеш бо иттиҳоми гаравонгирӣ дар зиндон буд, шонси президент шуданро фароҳам мекунад. Ҷабборов дар имзои тағйирот ба қонун хеле шитоб кард ва чанд соат баъди қабули ин тағйирот дар парлумон рӯзи 22-юми октябр қонунро ба тасвиб расонид. Тағйироти нав ба ӯ имкон медиҳад... Читать дальше...

Мақомоти шаҳри Хуҷанд гуфтанд, фаъолияти марказҳои дилхуширо ба хотири риоя накардани қоидаҳои беҳдоштӣ манъ кардаанд. Дафтари матбуоти шаҳрдори Хуҷанд рӯзи 23-юми октябр бо нашри изҳороте гуфт, "масъулини клубҳои шабона тавсияҳои Ситоди шаҳрӣ оид ба пешгирии бемории короновирусро иҷро накардаанд".

Раиси ҷумҳури Амрико Доналд Трамп ва рақибаш аз Ҳизби демократ Ҷо Байден рӯзи 22-юми октябр дар мунозираи дувум ва охирини интихоботӣ дар бораи мубориза бо СОVID-19 ва дигар мушкилоти доғ дар Амрико баҳс карданд.

Раиси ҷумҳури Амрико Доналд Трамп ва рақибаш аз Ҳизби демократ Ҷо Байден рӯзи 22-юми октябр дар мунозираи дувум ва охирини интихоботӣ дар бораи мубориза бо СОVID-19 ва дигар мушкилоти доғ дар Амрико баҳс карданд.

Дар ноҳияи Фархор 10 сол пеш дар як боғе садҳо ниҳол кишт карданду як ду сол себ гирифтанд ва ба ҳар тарафи Тоҷикистон бурданду фурӯхтанд. Ҳоло ба ин боғ биравед, гиряатон меояд. Чаро? Худатон бубинед.

Созмони Дидбони Ҳуқуқи Башар – Human Rights Watch Озарбойҷонро дар истифодаи батактори силоҳҳои манъшуда дар минтақаи аҳолинишини Қаробоғи Кӯҳӣ гунаҳкор кард.

Мусобиқаи навбатии UFC 254 фардо дар пойтахти Аморати Муттаҳидаи Араб доир мегардад, ки дидори Ҳабиб ва Гэтҷи аз муҳорибаҳои асосии он мебошад

Андрей Бабиш, сарвазарии Ҷумҳурии Чех ба вазири беҳдошт Роман Примула шарт гузошт, ки аз вазифа ихтиёран канор биравад, ваё ӯ бо қарори худ ӯро аз вазифа барканор мекунад. Ултиматум ё зарбулаҷали нахуствазир дар ҳоле садо дод, ки вазири беҳдоштро дар шароити шадид шудани меъёрҳои карантин  дар як тарабхона диданд. Дар ду рӯзи гузашта дар саросари Ҷумҳурии Чех наздики 30 ҳазор нафар тоза ба COVID-19  гирифтор шудаанд. Акси Роман Примула ба ҳангоми баргузории як мулоқот дар тарабхонаи Прага ба интернет... Читать дальше...

Ширкати узбекистонии Enter Engineering ба коргарони корхонае, ки аз таъхири чандмоҳа дар пардохти маош даст ба эътирозу беназмиҳо заданд, бозгардони маошро шурӯъ кард. Радио Озодлик – Бахши узбекии Радиои Озодӣ рӯзи 23-юми октябр, бо такя ба як мақомдори узви комиссиюни таҳқиқи эътирози коргарон ва ҳам чанд коргаре, ки дар сохтмони корхонаи Uzbekistan GTL кор мекарданд, гуфт, ки маоши батаъхирафтода дода мешавад. Ин корхона бо истеҳсоли гази моеъ машғул аст ва дар он 12 ҳазор нафар кор мекунанд.... Читать дальше...

Ходимони ҳифзи қонун дар Русия блогнавис Андрей Буримро, ки бо лақаби Mellstroy маъруф аст, ба ҷавобгарии ҷиноӣ кашиданд. Ин мард дар як пахши зиндаи интернетӣ, ки онро 70 ҳазор нафар тамошо мекард, як духтари моделро шадидан латукӯб кард. Парвандаи ҷиноӣ аз рӯи моддаҳои “латукӯб” боз шудааст ва ин модда  ҳадди аксар то 2 соли зиндонро пешбинӣ мекунад. Оҷонсии  “Москва” гуфт, ки блогнавис ариза навиштааст, ки макони зистро тарк намекунад. Модели 19-сола Алёна Ефремова  дар Инстаграми худ як навори видеоиро нашр кард... Читать дальше...

Кумитаи байналмилалии олимпӣ ва Кумитаи тадорукот қоидаҳои беҳдоштиеро, ки зимни Олимпиадаи Токио-2020 бояд риоя шаванд, эълон карданд

Додгоҳи шаҳри Маскав аризаи ҳунарпешаи маъруфи рус Михаил Ефремовро баррасӣ карда, аз ҳукми 8 соли зиндони ӯ шаш моҳашро кам кард. Додгоҳ гуфт, ки 7,5 соли зиндонро Ефремови гунаҳгоршуда дар марги инсон дар як садамаи автомобилӣ дар зиндони низомаш умумӣ пуштисар мекунад. "Медуза" хабар дод, ки додгоҳ пардохти довталабонаи ҷуброни маънавӣ ба зарардидагони ин фоҷеаро ба инобат гирифт. Вале худи Ефремов мехост, ки ҷазош ба чораҳои берун аз ҳабс табдил дода шавад. Вакили Ефремов гуфтааст, ки бозбинии ин ҳукмро ҳам дархост хоҳанд кард. Читать дальше...

Идораи мавсум бо номи Маъмурияти ғизову доруворӣ (FDA) дар Амрико иҷоза дод, ки доруи ремдезивир барои муолиҷаи коронавируси нав истифода шавад. Ин дору бо номи шартии “Веклури” аз 22-юми октябр ба ин сӯ дар ИМА ба истифода иҷоза дода шудааст. Стефен Ҳан, як раҳбари FDA гуфт, ки идора омӯзиши роҳҳои табобати COVID-19-ро идома хоҳад дод. Ӯ гуфт, ки иҷозаи истифодаи ремдизивир баъди санҷидани он дар бисёр муассисаҳои тиббӣ ва ҳам бар пояи хулосаҳои донишмандону олимон имконпазир шуд. Ремдизивир аз... Читать дальше...

Мақомоти интизомии Тоҷикистон эҳтимоли аз зиндон ба маҳбаси сукунатӣ гузарондани хабарнигори тоҷик Далер Шарифовро баррасӣ доранд.

Дар Душанбе рӯзи 22-юми октябр мулоқоти генерали амрикоӣ Фрэнк Маккензӣ, Фармондеҳи Фармондеҳии марказии ИМА бо президенти Тоҷикистон Эмомалӣ Раҳмон баргузор шуд. Дар мулоқот мақомоти баландпояи Вазорати мудофеа ва мақомоти амниятии Тоҷикистон мулоқот карданд. Сафорати ИМА дар Тоҷикистон гуфт, ҷонибҳо дар ҷараёни музокирот мубориза бо терроризм ва амнияти марзҳо ва инчунин роҳҳои идомаи ҳамкории муштараки ИМА ва Тоҷикистон ҷиҳати таҳкими амнияту субот дар минтақаи Осиёи Марказӣ, аз ҷумла дар Афғонистонро баррасӣ карданд. Читать дальше...

Имрӯз, 23-юми октябр, Пеле - машҳуртарин футболбоз, қаҳрамони секаратаи ҷаҳон (Шведсия-1958, Чили-1962, Мексика-1970) 80-солагии худро ҷашн мегирад. Пеле дар ҳайати тими миллии Бразилия 92 бозӣ карда, 77 гол задааст. Аз рӯи шумораи голҳо Пеле то ҳол беҳтарин нишонзан дар таърихи тими миллӣ маҳсуб мешавад. Шоҳи футбол қисми зиёди карйераи худро дар бошгоҳи “Сантос» (1956-1974) гузаронидааст. Дар ҳайати ин бошгоҳ ӯ ду маротиба Ҷоми Либертадорес ва Ҷоми байниқитъавиро ба даст овардааст. Омори Пеле барои ҳамаи мухлисони футбол назаррас аст... Читать дальше...

Сармураббии бошгоҳи футболи "Уфа" Рашид Раҳимов дар бораи таассуроти худ пас аз бозиҳои аввал бо дастаи нав сӯҳбат кард

Доналд Трамп, раиси ҷумҳури Амрико (номзади Ҳизби Ҷумҳурихоҳ) ва Ҷо Байден, муовини раиси ҷумҳури собиқ  (номзади Ҳизби Демократ), рӯзи 22-юми октябр дар дебат ё мунозираи ниҳоӣ иштирок карданд. Ин дар ҳолест, ки ба интихоботи президентии Амрико камтар аз ду ҳафта мондааст. Мунозираи телевизионии 90-дақиқаӣ байни ду рақиб дар интихобот аз мунозираи аввали онҳо бисёр нармтар буд. Трамп, ки дар бештари назарсанҷиҳо аз Ҷо Байден ақибтар аст, аз шеваи назорати бемории ҳамагир дифоъ кард ва он мавзӯи асосии баҳс буд. Читать дальше...

Рӯзи шанбеи 24-уми октябр дар Душанбе, дар маҷмааи варзишии Кумитаи андози Тоҷикистон, бозии сеюми силсилаи ниҳоии Лигаи касбии футзали Тоҷикистон-2020 баргузор мешавад. "Соро компания"-и Душанбе бо "Сипар" -и Хуҷанд бозӣ мекунад. Бозӣ соати 18:00 оғоз меёбад. Ба иттилои дафтари матбуоти Федератсияи футболи Тоҷикистон, пас аз ду бозии силсилаи ниҳоӣ "Сипар" бо ҳисоби 2:0 пешсаф аст ва дар сурати пирӯзӣ дар бозии рӯзи шанбе, ин бошгоҳ бори аввал дар таърихи худ қаҳрамони Тоҷикистон хоҳад шуд. ... Читать дальше...

Дар Аврупо мавҷи дуюми коронавирус дар авҷ аст ва бино ба таҳлилҳои оҷонсии Reuters, дар давоми даҳ рӯзи гузашта омори олудашавиҳо ба вируси нав ду баробар зиёд шудааст. Рӯзи 22-юми октябр шумори олудашавиҳои рӯзона дар Аврупо аз марзи рекордии 200 ҳазор нафар гузашт. Беморхонаҳо дар Аврупо ҳарчанд дар муқоиса бо авҷи беморӣ дар шаш моҳи пеш то нисф пур шудаанд, боз ҳам дар шароити сангин кор мекунанд. Ҷумҳурии Чех яке аз кишварҳои шадидан осебдида аз назари коронавирус тадбирҳои сахти маҳдудкунандаро... Читать дальше...

Бахтигул Карриева, раҳбари намояндагии Созмони ҷаҳонии тандурустӣ дар Тоҷикистон мегӯяд, созишномаи дусолаи ахиран миёни дафтари аврупоии ин созмон ва вазорати беҳдошти Тоҷикистон имзошуда бо ҳадафи роҳандозии тадбирҳои бештари давлатӣ дар бахши беҳдошт дар солҳои 2020-2021 имзо шудааст. Созишнома рӯзи 20-уми октябр ба таври онлайн вазири тандурустии Тоҷикистон Ҷамолиддин Абдуллозода ва аз Аврупо Ҳанс Клуге, раҳбари дафтари аврупоии Созмони Ҷаҳонии Тандурустӣ имзо кардаанд. Дафтари аврупоии СҶТ масъули кор бо Тоҷикистон ҳам мебошад. Читать дальше...

Ҳукумати ИМА гуфт, ки рахнагарони аз ҷониби ҳукумати Русия сармоягузоришуда даҳҳо шабакаҳои давлативу ҳукуматҳои маҳаллиро дар ИМА зарба зада аз дастикам ду сервер маълумот дуздиданд. Дар як машварате, ки рӯзи 22-юми октябр нашр шуд, Бюрои Федеролии Тафтишот (FBI)  ва Оҷонсии амнияти интернетиву зербунёдӣ (CISA) аз чанд намуд фаъолиятҳои рахнагарони мавриди ҳимояти Русия гузориш доданд, ки дастикам аз моҳи сентябр ба қайд гирифта шудааст. Ин оҷонсиҳо гуфтанд, то ҳол далели ин вуҷуд надорад, ки рахнагарон махсус кори низоми ҳавоӣ... Читать дальше...

Федератсияи байналмилалии футбол рейтинги дастаҳои футболи ҷаҳонро нав кард, ки бар асоси он ҷойгоҳи Тоҷикистон низ дар ин рӯйхат тағир ёфтааст