Новости за 25.06.2019

د امریکا د بهرنیو چارو وزیر مایک پامپیو له خبریالانو سره په یوې ناسته کې له ګډون څخه مخکې له افغان ولسمشر او اجرائیه رئیس سره لیدلي دي.

رسنیو ته د طالبانو تر خبرداري وروسته د ناټو عمومي منشي په دې اړه نظر څرګند کړ. په دې خبرې ټولګه کې به دا هم واورئ او وګورئ چې د تهران او واشنګتن اړیکي نورې هم ترینګلي شوي. نن د نړۍ د نامتو سندرغاړي مایکل جکسن تلین دی، د خلکو په زړونو کې د ده مینه لاهم ډيره ژوندۍ ده.

په دغه انتخاباتو کې درې واړه کاندیدان ونه‌توانیدل چې پنځوس جمع یو رأیې ترلاسه کړي او د انتخاباتو دوهم دور د میر افغان صافي او احمد جاوید جیحون ترمنځ ترسره شول.

په پاریس کې د کابل کچن په نوم یو ریستوران خلاص شوی چې چلوونکي یې دوه افغان کډوال او یوه فرانسوۍ ښځه دي. په دغه ریستوران کې بیلا بیل افغان خواړه پخیږي چې ګراکان یې ډېر خوندور بولي. د ګټې یو څه برخه له کډوالو سره پر مرسته هم لګېږي. د اې ایف پي خبري اژانس ویډيويي راپور وګورئ چې ملیحه امیرزاده تیار کړی دی.

په پاریس کې د «کابل کچن» په نوم یو رسټورانټ خلاص شوی چې چلوونکي یې دوه افغان کډوال او یوه فرانسوۍ ښځه دي. په‌دغه رسټورانټ کې بېلابېل افغان خواړه پخېږي چې پیرودنکي یې ډېر خوندور بولي. د ګټې یو څه برخه له کډوالو سره پر مرسته هم لګېږي. د اې ایف پي خبري اژانس ویډيويي راپور وګورئ چې ملېحه امیرزاده تیار کړی دی.

د ناټو عمومي منشي ینس سټولټنبرګ​ د رسنیو پر ضد هر ډول تهدید غندلی دی. ینس سټولټنبرګ نن د سې شنبې په ورځ په بروکسل کې د خبري کنفرانس پر مهال په دې اړه داسې وویل: "موږ ژورنالېستانو ته هر ګواښ محکوموو، ځکه دا یو اساسي ډموکراتیک حق دی چې ژورنالېستان د بیان ازادي ولري. راپور ورکړي او په کومه طریقه چې هغوی غواړي کار وکړي. دا د ناټو لپاره یو اصلي ډموکراتیک ارزښت دی. موږ لیدلي چې په افغانستان او نورو هېوادونو کې خبریالان وژل شوي او دا ډېره مهمه ده چې د هغوی د حقونو لپاره ودرېږو." همداراز په کابل کې د... Читать дальше...

د دغه وزارت ویاند نصرت رحیمي د سې شنبې په ورځ په کابل کې یوې خبري ناستې ته وویل، په تېرو څلورو میاشتو کې ۴۸ پلان شوي مجرمان نیول شوي دي.

يو شمېر افغان سياستوال د يوې څېړنيزې ادارې لخوا پر افغان سولې د خبرو لپاره د جون پر ۲۲مه پاکستان ته تللي وو. د افغانستان د امنيت شورا پخوانی سلاکار او د ولسمشرۍ کانديد حنيف اتمر هم په دې ډله کې شامل و. له نوموړي سره زموږ همکار طاهر خان پر افغان سوله، د پاکستان او افغانستان تر منځ اړيکو او وسله والو په اړه خبرې کړې دي.

يو شمېر افغان سياست‌وال د يوې څېړنيزې ادارې له‌خوا پر افغان سولې د خبرو لپاره د جون پر ۲۲مه پاکستان ته تللي وو. د افغانستان د امنيت شورا پخوانی سلاکار او د ولسمشرۍ کانديد حنيف اتمر هم په‌دې ډله کې شامل و. له نوموړي سره د مشال راډیو خبریال طاهرخان پر افغان سوله، د پاکستان او افغانستان تر منځ اړيکو او وسله‌والو په اړه خبرې کړي دي.

د ایران ولسمشر حسن روحاني د دې هېواد پر ستر مشر ایت‌الله علي خامنه‌اي او یو شمېر نورو جګ‌پوړو پوځي قوماندانانو د ولسمشر ډونالد ټرمپ د ادارې نوي بندیزونه "ظالمانه او احمقانه" وبلل، په تېره بیا پر ۸۰ کلن مذهبي مشر چې هېڅ پلان نه‌لري متحده ایالاتو ته ولاړ شي.

د افغانستان د مشرانو جرګې د اداري پلاوي ځیني غړي، د ولسمشر د دغه حکم په اړه چې د استقلال د بېرته اخیستو د جشن لپاره‌یې ډېره بودجه ځانګړې کړې وايي، جشن ملي موضوع ده او ډېرو لګښتونو ته اړتیا لري.

د کابل ښار غازي سټډیوم چېرته چې د سې شنبې په ورځ د افغانستان د ولسمشرۍ یو شمېر نوماندانو او سلګونه پلویانو يې په افغانستان کې د سرپرست حکومت غوښتنه کوله.

د قزاقستان ولسمشر وايي، په‌دې هېواد کې د مهماتو په یوه ډيپو کې د چاودنو په اړه جنايي تحقیقات پیل شوي دي.

د بنګله‌دېش لوبغاړی شکیب الحسن وایي‌، ډاډه نه و چې افغانستان ته به ماتې ورکوو. شکیب الحسن افغانستان سره په لوبه کې د لوبې غوره لوبغاړی شو. ۵۱ منډې یې وکړې او پنځه افغان لوبغاړي یې هم وسوځول. هغه له لوبې وروسته په خبري کنفرانس کې وویل:"موږ ډاډه نه و چې افغانستان به ماتوو. هغوی یوه خطرناکه لوبډله ده." دا پنځم ځل دی چې بنګله‌دېش په یوې ورځنیو لوبو کې افغانستان ته ماتې ورکوي.

د افغانستان د کرکټ بورډ له لوري د شلو ولایتونو ترمنځ د درېيمې درجې کرکټ پنځوس اوورېزې لوبې تېره ورځ په پکتیا، کندهار او کندز ولایتونو کې پیل شوي دي. د کرکټ بورډ ویاند فرید هوتک نن د سې شنبې په ورځ ازادي راډيو ته وویل چې دغه لوبې به ۱۳ ورځې دوام وکړي: "تېره ورځ د کرکټ لوبې په‌دې لړۍ کې هلمند لوبډلې نیمروز لوبډلې ته د ۸۷ منډو په توپیر ماتې ورکړه، دغه لړۍ به ۱۳ ورځې دوام وکړي." نوموړي وویل، د ولایتونو ترمنځ د لوبو د پیلیدو هدف د کرکټ د لوبې وده او پرمختګ ښودل شوی دی.

د افغانستان د شل کلونو کم عمره د ځوانانو د فوټ‌سال لوبډله په اسیا جام سیالیو کې د دوهم مقام د ترلاسه کولو وروسته نن د سې شنبې په ورځ کابل راستنه شوه. د بدني روزنې د ریاست ویاند عارف پیمان نن د سې شنبې په ورځ  ازادي راډيو ته وویل، د فوټ‌سال افغان لوبډله نن سهار د حامد کرزي په هوايي ډګر کې راښکته شوه او د ښه راغلاست لپاره يې پراخه ترتیبات نیول شوي وو. دی وايي: "د ځوانانو د فوټ‌سال لوبډله تود هرکلي سره هېواد ته راستنه شوه، د دوی د هڅونې لپاره یوه پراخه غونډه هم جوړه شوې وه." د اسیا د فوټ‌سال جام په سږنیو سیالیو کې ۱۲ لوبډلو ګډون کړی و. Читать дальше...

د افغانستان د پوهنې وزارت وايي، وروسته له دې به ښوونځي د انتخاباتي بهیرونو په واک کې نه‌وي.

پولیسو عبدالحمید خراساني نیولی دی. د افغانستان د کورنیو چارو وزارت ویاند نصرت رحیمي ازادي راډيو ته وويل چې خراساني د هېواد او سیمې پر کچه له خطرناکو او لویو مجرمینو څخه یو دی. د رحيمي په وینا خراساني نن تر ماسپښین مخکې په داسې حال کې ونيول شو چې نن يې غوښتل په کابل ښار کې د لاریون پر مهال له پولیسو سره نښته وکړي. د رحیمي په وینا عبدالحمید خراساني د کورنیو چارو وزارت د مجرمینو په لېست کې شامل و او څو ځلي يې له پولیسو سره نښته کړې ده. د کورنیو چارو وزارت په وینا، خراساني له سوداګرو په باج... Читать дальше...

د امریکا خزانې وزیر وویل چې د دغو بندیزونو په لګولو سره به د ایراني رژیم په لسګونه اربه ډالر بند کړي.

ایران نن د سې شنبې په ورځ وویل چې د دې هېواد پر مشرانو د امریکا بندیزونه له واشنګټن سره د تل لپاره د ډیپلوماسۍ د بندېدو څرګندونه کوي.

د افغانستان د کانونو او پټرولیم وزارت وايي، په بېلابېلو ولایتونو کې د کانونو د اېستلو لپاره له کمپینو سره د مذاکراتو مرحلې ته رسېدلي او ډېر ژر به یوې نتیجې ته ورسېږي. د دغه وزارت ویاند عبدالقدیر مطفي نن د سې شنبې په ورځ ازادي راډيو ته وویل چې په‌دې سره به زرګونو کسانو ته د کار زمینې برابرې شي: "موږ د داوطلبۍ له مرحلې مذاکراتو مرحلې ته رسېدلې یو او ډېر ژر به دغه داوطلبو کسانو سره نتیجې ته ورسېږو، په‌دې کې کورني او بهرني شرکتونه موجود دي." نوموړي وویل، دغه کانونه په پروان، کونړ او یو شمېر نورو ولایتونو کې دي.

د افغانستان د کرنې او مالدارۍ وزارت وايي، د وروستۍ سروې له مخې سږکال به د غنمو په حاصلاتو کې ۴۲ سلنه زیاتوالی راشي. د دغه وزارت ویاند اکبر رستمي نن د سې شنبې په ورځ ازادي راډيو ته وویل، د غنمو د حاصلاتو د زیاتوالي دا کچه د ۴۰۰ میلیونه ډالرو په ارزښت له بهره د غنمو له وارداتو مخنیوی کوي: "په ټوله کې د افغانستان اړتیا څه باندې ۶ میلیونه مټریک ټنه ده، خو سږ کال وړاندوینه شوې چې له ۵ عشاریه ۱ میلیونه مټریک ټنه غنم به تولید لرو چې دا د تېر کال په پرتله ۴۲ سلنه ډېروالی ښیې چې په‌دې اساس افغانستان ځان... Читать дальше...

د ولسي جرګې د رئیس لپاره په دوهم پړاو انتخاباتو کې څلورو کسانو خپل ځانونه کانديد کړي دي. فاطمه عزيزي، واقف حکیمي، میرافغان صافي او جاوېد جیهون هغه څلور کاندیدان دي چې د ولسي جرګې د ریاست لپاره به سيالي وکړي. د دې موضوع په اړه نن د سې شنبې په ورځ بیا هم په ولسي جرګه کې بحثونه دوام لري او نن وروسته ښايي د رایو لپاره صندوقونه کېښودل شي. د دوشنبې په ورځ د افغانستان ولسي جرګې یوه ناندریزه رایه باطله وګڼله او اعلان یې وکړ چې نن د سې شنبې په ورځ به د دوو نویو کسانو تر منځ د انتخاباتو دوهم پړاو وشي. Читать дальше...

په کابل کې د امريکا سفیر له طالبانو غوښتي چې افغان خبريالان دې نه تهديدوي. جان بس د سې شنبې په ورځ پر خپله ټويټرپاڼه کې لیکلي چې د خبريالانو او ملکيانو پر وړاندې تاوتریخوالی به افغانستان ته امنیت او فرصت نه راولي او نه به هم له طالبانو سره مرسته وکړي چې خپل سیاسي اهداف تر لاسه کړي. د امریکا سفیر جان بس همدا راز لیکلي چې فعالې رسنۍ د افغانستان د تېرو ۱۸ کلونو د لاسته راوړنو ثبوت دی. ده همدا راز ویلي چې خبريالي جرم نه‌دی او دا په نړۍ کې د ټولنې ګټور خدمت دی. دا وروسته له هغه چې وسله‌ والو... Читать дальше...

د جوزجان امنیه قومانداني وايي، تېره شپه یوه وسله‌وال ولسي پاڅون کوونکي خپل شپږ همکاران وژلي دي. د جوزجان امنیه قوماندان عبدالواحد ازادي راډيو ته وويل چې دا پېښه په قوش تېپه ولسوالۍ کې د ولسي پاڅون‌والو په امنیتي پوسته کې شوې او حمله کوونکی له طالبانو سره یو ځای شوی دی. ده وويل چې په پېښه کې د ولسي پاڅون دوه سرتيري ټپيان شوي دي. د طالبانو ویاند ذبيح الله مجاهد ادعا کړې چې د دې امنیتي پوستې تجهیزات هم د دغې ډلې کسانو ته په لاس ورغلي دي.