Новости за 15.06.2019

د لوګر د پوهنې ریاست وايي، اته هغه ښوونځي چې د محمداغې ولسوالۍ په دهنو سیمه کې ځايي خلکو تړلي وو، بېرته پرانیستل شول. د لوګر د پوهنې ریاست ویاند شاه پور عرب نن ازادي راډیو ته وویل، دا ښوونځي د پوهنې د ریاست د چارواکو او د سیمې د خلکو ترمنځ له تفاهم وروسته پرانیستل شوي دي. دا ښوونځي چې شااوخوا دولس زره زده کوونکي په کې درس وايي، تېره اوونۍ د دهنو د کلي اوسېدونکو په سیمه کې د امنیتي پوستو پر جوړېدو د اعتراض په توګه تړلي وو. د لوګر والي محمد انور خان اسحاقزي تېره اوونۍ د دې ښوونځیو له تړل کېدو... Читать дальше...

نږدې یوه میاشت کېږي چې د ولسي جرګې په ریاست جنجالونه روان دي، خو دغه جرګه لاهم په نامعلوم وضعیت کې ده.

تر دوه کلن ځنډ وروسته د کندهار خاکرېز ولسوالۍ ته د خلکو تګ راتګ پیل شوى دی. د کندهار چارواکي وايي، دغې ولسوالۍ ته غځېدلې لويه لار يې تازه له وسله والو څخه پاکه کړې او اوس هلته چاڼيز عمليات روان دي. په ورته وخت کې د خاکریز اوسېدونکي وایي، پوره دوه کاله يې ولسوالي د طالبانو په معاصره کې وه او هلته ټول دولتي خدمتونه صفر شوي دي. ویدیو: صادق رښتینی اېډېټ:لېمه هادي

د افغانستان د کرکټ لوبډلمشر ګلبدین نایب وایي، هېڅ څوک نه غواړي چې په نړیوال جام کې خپل ګډون له لاسه ورکړي. نوموړي د محمد شهزاد لرې کېدو په اړه هم خبرې کړې دي. تفصیل یې دې ویډیو کې وګورئ

لوبډلمشر ګلبدین نایب وایي، هېڅ څوک نه غواړي چې په نړیوال جام کې خپل ګډون له لاسه ورکړي. د شهزاد محمدي د لېرې کېدو په اړه نور جزیات په دغه ویډیویي راپور کې وګورئ چې واصل وصال چمتو کړی او ذکریا صفري اډېټ کړی.

په انګلېنډ کې د کرکټ نړيوال کپ سيالۍ دوام لري. په دې سياليو کې د يکشنبې په ورځ د دوو روايتي سيالانو ((پاکستان او هند)) ترمنځ په مانچسټر ښار کې لوبه کېږي. د دواړو لوبډلو مينه وال دغه ښار ته د لوبې کتو لپاره ورغلي او په دې لړ کې يوه دستوره هم شوې.

د ایران ولسمشر حسن روحاني وايي، که چېرې له دې هېواد سره د اټمي تړون لاسلیک کوونکې نور هېوادونه مثبتې نښې ونه ښيي، هېواد به یې د دې تړون په چوکاټ کې له ناچارۍ ځیني اقدامات وکړي او دې تړون ته له خپلو یو شمېر ژمنو به په شا شي. د تاجکستان په پلازمېنه دوشنبه کې د اسیايي هېوادونو په سرمشریزه کې روحاني وویل، ایران پرېکړه کړې چې په ۲۰۱۵ میلادي کال کې د نړۍ د پیاوړو هېوادونو سره به د لاسلیک شوې اټمي تړون ته د خپلو ځینو ژمنو عملي کېدل وځنډوي. نوموړي ونه ویل چې ایران له خپلو کومو ژمنو په شا کېږي او دا چې تهران څه ډول مثبتې نښې غواړي. Читать дальше...

د افغانستان د بهرنیو چارو وزارت وايي، په کابل کې د پاکستان د سفارت کارکوونکي لږ دي او د وېزو اخیستونکو غوښتنو ته رسېدنه نه شي کولی.

د عراق پوځ وايي، د بغداد په شمال کې د عراقي ځواکونو پر هغې پوځي هوايي اډې درې توغندي لګېدلي، چېرې چې امریکايي ځواکونه عراقي سرتېرو ته روزنه ورکوي. د عراق پوځ په یو بیان کې ویلي، د شنبې د ورځې په سهار دا بریدونه د بلاد په هوايي اډه کې د وړې اورلګېدنې سبب شوي، خو مرګ ژوبله نه لري. دا برید په داسې حال کې کېږي چې په منځني ختیځ کې د امریکا او ایران تر منځ ترینګلتیا زیاته شوې ده. په ځانګړې توګه د جون د ۱۳مې نېټې له هغو بریدونو راوروسته چې هورمز تنګي ته نږدې د عُمان په خلیج کې پر دوو تېل وړونکو کېښتیو وشوې او امریکا یې پړه پر ایران واچوله. Читать дальше...

سلطان عاشق له هغو سندر غاړو څخه دی چې په کابل ښار کې خلکو ته ښادي ورکوي او جوپانۍ او دایره غږوي ویدیو او اېډېټ: لېمه هادي

د امريکا د دفاع سرپرست وزير وايي، په منځني ختيځ کې د وضعيت د لا خرابۍ د مخنيوي لپاره احتمالاً د پلانونو جوړولو ته اړتيا ده.

د افغانستان دفاع وزارت وايي، په تېرو ۲۴ ساعتونو کې یې د بېلابېلو پوځي عملیاتو په ترڅ کې ۴۲ وسله وال وژلي دي. دفاع وزارت نن شنبه غرمه مهال په یوې خبرپاڼې کې وویل، د جمعې له ورځې راهېسې یې په څو ولایتونو کې لس تعرضي او چاڼیز عملیات کړي، یواتیا کومانډويي چاپې یې وهلي او د "ترهګرو" پر ځالو یې ۲۲ هوايي بریدونه کړي دي. د دې وزات د خبرپاڼې په وینا، د "د هلمند ولایت په موسی کلا، سنګین او مارجې ولسوالیو کې ۱۵ تنه وسله وال وژل شوي" همدارنګه یې د زابل ولایت په شینکۍ او میزانې ولسوالیو کې هم د ۱۵ وسله والو د وژل کېدو او دوه تنو د نیول کېدو خبر ورکړی. Читать дальше...

افغان چارواکي په خوست کې وایي چې په موسی خېل ولسوالۍ کې یې تر شلو ډېر طالبان نیولي دي. د خوست د والي مرستیال عبدالواحد پټان پرون ناوخته ازادي راډیو ته وویل: "دا ډله چې تاسو ګورئ، د دوی یو مرکز د ملي امنیت د ځانګړو ځواکونو له لوري ونیول شو، هلته یوه اندازه وسلې او مهمات ونیول شول، ۲۳ کسان پکې ونیول شول چې یو یې پاکستانی دی او یو یې وینئ چې د ښځو په جامو کې دی." ښاغلي پټان زیاته کړه چې د عملیاتو پرمهال اووه طالبان چې مقاومت یې کاوه، ووژل شول او د دې عملیاتو پرمهال افغان ځواکونو ته مرګ ژوبله نه ده اوښتې. Читать дальше...

حقیقت څه دی؟ د دې اوونۍ خپرونه د لوګر ولایت وضعیت ته ځانګړې شوې، په لوګر کې امنیتي وضعیت څنګه دی؟

د پاکستان ، افغانستان او هند په ګډون د يو شمېر هېوادونو مشرانو د ترهګرۍ له منځه وړو پر ارزښت ټينګار کړی دی.

د شمالي وزيرستان اوسيدونکي وايي چې له شنه خوړ سیمې د دته خېلو تر خړ کمره په پرلپسې توګه نن په شپږمه ورځ هم پر ګرځېدلو بندیز دی چې له کبله یې ځايي ولس له سختو مشکلاتو سره مخامخ دي.

د پاکستان د احتساب قومي ادارې – نېب – د جون پر ۱۴مه د پخواني ولسمشر اصف علي زرداري خور او د سیند اسمبلۍ غړې فريال تالپور هم په اسلام اباد کې نیولې ده.

د امريکا د دفاع سرفرست وزير پېټرک شناهن وايي چې له ايران سره د کړکېچ زياتېدو له کبله واشنګټن هڅه کوي چې نړيوال ملاتړ ترلاسه کړي.

په کابل کې د پاکستان سفارت مخې ته د مراجعينو وهل ډبول! دا وېډيو چې د ازادي راډیو د يوه مينه‌وال له‌خوا رالېږل شوې، ښيي چې يو شمېر د پوليسو منسوبين په کابل کې د پاکستان سفارت مخې ته ځيني مراجعين وهي ډبوي. ظاهراً دا وېډيو تېره اوونۍ ثبت شوې ده. وړاندې له دې هم په ټولنيزو رسنيو کې په کابل کې د پاکستان سفارت مخې ته د مراجعينو د وهلو ډبولو وېډيو خپره شوه چې د خلکو غبرګونونه‌يې راوپارول.

د افغانستان د خوست چارواکي وايي، د ملي امنیت سرتېرو د یاد ولایت په موسی خېلو ولسوالۍ کې د ځانګړو عملیاتو له لارې د وسله والو طالبانو هغه ۲۳ کسیزه ډله ونیوله، چې غوښتل يې د یو ډله ییز برید له لارې دا ولسوالۍ ونیسي.

په حکومت کې یوه باوري سرچینه وايي چې احتمالاً د ولسمشر محمد اشرف غني د دفتر رئیس سلام رحیمي...

نیویارک ټایمز ورځپاڼې په افغانستان کې د داعش ډلې په حضور باندې یوه مقاله لیکلې ده.

وړاندې په سرمقاله کې راغلي، امریکايي جنرال مک‌کنزي وايي چې داعش په افغانستان کې په رښتینې معنا په یوه خطر بدل شوی.

د افغانستان لپاره د ناټو جګپوړی ملکي استازی وايي چې طالبان باید د سولې لپاره د افغانانو غوښتنو ته غوږ ونیسي.

په ننګرهار ولايت کې ۳۳۶ کيلوګرامه نشه‌يي مواد ونيول شول. د کورنیو چارو وزارت له نشه‌يي موادو سره د مبارزې معينيت وياند اسدالله يادګاري ازادي راډيو ته وويل: "په لومړيو عملياتو کې د ننګرهار ولايت د بهسودو ولسوالۍ امنيه قوماندانۍ پولیسو وکړل، په نتيجه کې يې ۷۹ کيلوګرامه چرس او ۱۹ کيلوګرامه ترياک ونيول شول. په دوهمو عملياتو کې چې په روداتو ولسوالۍ کې د استخباراتي مديریت په همکارۍ وشول، په نتيجه کې يې ۲۳۸ کيلو ګرامه چرس ونيول شول. په پام کې وه چې دا چرس يوه ګاونډي ولايت ته قاچاق شي." د دې نشه‌يي... Читать дальше...