Новости за 13.10.2019

Курдската администрација во северниот дел на Сирија соопшти дека постигнала договор со владата на Дамаск за распределување на сириски трупи во близина на границата со Турција за да се спротивстави на офанзивата на Анкара. „ За да се спречи оваа агресија, постигнат е договор со сириската влада... за сириската армија да може да се распореди по должина на сириско-турската граница за да им помогне на сириските демократски сили,“ соопшти курдската администрација на својата Фејсбук странија, јавува новинската агенција Франс Прес.

Германија и Франција бараат од Турција итно да престане со воената операција во Сирија. Германската канцеларка Ангела Меркел во телефонски разговор со турскиот претседател Реџеп Таип Ердоган побарала итно прекинување на воените дејствија затоа што и покрај легитимните безбедносни интереси на Турција, операцијата се заканува со можно раселување на локалното население, дестабилизација на регионот и оживување на ќелиите на екстремистичката организација Исламска држава, соопшти владиниот портпарол. Претходно... Читать дальше...

Најмалку 33 мртви и над 20 исчезнати е засега билансот кој го евидентирале јапонските спасувачи по тајфунот кој ја зафати земјата. Владината агенција за управување со кризи вели дека во болниците се примени околу 200 повредени а над 1200 домови се целосно поплавени додека делумно се оштетени над 500 домови.Тајфунот ги погоди северниот и централниот дел наЈапонија во сабота вечер со поројни дождови и силен ветер.

Турските воени трупи се приближуваат кон курдскиот клучен град во североисточниот дел на Сирија, каде што започнаа и судирите со курдските борци кои дозволија стотици приврзаници на Исламската држава да побегнат од кампот. Американски воен претставник за новинската агенција Асошиетет прес изјави дека ситуацијата во тој дел од Сирија „ брзо се влошува“ и дека американските воени сили биле отсечени од сириските Курди кои претходно беа нивни сојузници. Воениот претставник кој како што јавува новинската... Читать дальше...

Работната вечера на францускиот претседател Емануел Макрон и германската канцеларка Ангела Меркел, на која се очекува да се разговара и за датумот за приспапни преговори на ЕУ со Северна Македонија и со Албанија, е закажана за денеска во 19 часот.  Според соопштението од кабинетот на Макрон оваа работна вечера е во пресрет на  Европскиот совет на 17 и 18 октомври во Брисел, на која освен за координација ќе се разговара и за заедничката седница на владите на двете земји што треба да се одржи во Тулуз. Читать дальше...

Најмалку 25 луѓе загинале, а најмалку 15-тина се водат како исчезнати, при налетот на тајфунот именуван како Хагибис во Јапонија. Јапонските власти соопштија дека илјадници војниции чамци беа распределени во цела Јапонија со цел спасување на заробените луѓе во поплавените домови. Државната телевизија во Јапонија соопшти дека вкупно 14 реки се поплавени, на некои се излеваат на повеќе од едно место.

Истрагата за рекет е само фарса. Русковска обвинителството прави се само за да ги прикрие трагите кои водат до главата на октоподот, обвини денеска опозициската ВМРО-ДПМНЕ.  Орце Ѓорѓиевски, член на ИК на ВМРО-ДПМНЕ на прес конференција изјави дека шест месеци и биле оставени на Фросина Ременски да влијае на истрагата и да ги чисти доказите.  Според него иронично е таа да остане пратеник кој ќе гласа за буџетот, законот за обвинителство како и закони од областа на безбедноста. „Иронијата да биде уште поголема... Читать дальше...

Премиерот Зоран Заев најави преговори со осигурителните компании за намалување на цената на зелениот картон за возилата при патување во странство. Тој на трибината во Куманово истакна дека како Влада планираат да ги поедностават патарините, регистрацијата на возилата со цел да им заштедат трошоци на граѓаните.

Најмалку 25 косовски службеници од Централната изборна комисија се однесени во болница поради здравствени проблеми откако отвориле 5 гласачки кутии од Србија, соопштија косовските власти.Тие соопштија дека процесот на верификација на гласовите кои пристигнале преку пошта од Србија како дел од предвремените парламентарни избори во Косово, е прекинат поради овој настан. Претставникот на Изборната комисија Бесник Бужала за Радио Слободна Европа, изјави дека засега се врши контрола на местото на настанот... Читать дальше...

Стејт Департманот заклучил дека мистериозната експлозија што се случи по рускиот поморски тест во Белото Море во август настанала при операција на тестирање на ракета со нуклеарен погон. Аналитичарите кои Стејт Департманот ги испратил на терен во својот извештај навеле дека наишле на контрадикторни изјави на локалното населени и федералните претставници на власта во Русија за природата на инцидентот кој настана на 8 август. „САД утврди дека експлозијата е резултат на нуклеарна реакцијаод ракета... Читать дальше...

Министерката за финансии Нина Ангеловска најави нови мерки за сузбивање на сивата економија. Таа во интервју за неделникот „Фокус“ истакна дека по мерката „ Мој ДДВ“ ќе следуваат и други мерки затоа што како што вели „ единствено кога губи сивата економија, добиваат сите“. „ Во Министерството се прават анализи кои ќе покажат какви се ефектите на одделни мерки. Оние за кои проверките ќе покажат дека можеби не ги даваат очекуваните резултати и не ги остваруваат зацртаните цели, ќе се менуваат, укажува Ангеловска во интервјуто. Читать дальше...

Граѓаните на Полска денеска на парламентарни избори гласаат за нова влада. Според анкетите пред изборите се очекува победник да биде владејачката партија на Јарослав Качински.Партијата Законот и правдата ги поларизираше изборите и ги сведе на избор меѓу традиционални католички вредности или либерален поредок што фаворизира неколку и го како што велат, ги поткопува семејните вредности. Гласачите треба да изберат 460 пратеници за Долниот дом на Парламентот и 100 членови на Сенатот

Поранешниот министер за одбрана на САД Џим Матис кој си поднесе оставка поради несогласувања со претседателот Доналд Трамп, предупредува дека екстремистичките групи може да „ воскреснат “ по одлуката на Трамп да ја повлече војскатаод североисточниот дел на Сирија „ Мора да го задржиме притисокот врз Исламската Држава да не закрепнат. Можете да ги повлечете своите трупи како што тоа го научи на потешкиот начин претседателот Барак Обама во Ирка, но ние во војската за тоа вели – тогаш непријателот добива глас. Читать дальше...

Кинескиот претседател Кси Џинпинг пристина во Непал со што стана првиот висок претставник на Кина што по две децении ја посети земјата на Хималаите. На аеродромот беше пречекан од претседателот на Непал, Бидија Деви Бандари и премиерот Шарма Оли.Според владините најави, главна тема на разговор ќе биде договорот за екстрадиција и проектот за изградба на железничка врска меѓу Катманду и Киринг во Тибет.

На социјалните медиуми  пред две недели е објавен нов нелегално прислушуван разговор на кој, како што тврди објавувачот Шеќерим Ахмети познат како Ел Чека, се слуша гласот на вицепремиерката Радмила Шеќеринска и нејзиниот поранешен колега вицепремиерот за евроинтеграции Фатмир Бесими. Станува збор за разговор снимен во 2013 година за време на локалните избори. Во разговорот се слуша како женскиот глас бара од соговорникот нивниот човек во ДИК Субхи Јакупи, како што вели „ принципиелно да гласа по... Читать дальше...

Пакистанскиот премиер Имран Кан ќе допатува в понеделникво шиитескиот дел на Иран а потоа турнејата ќе ја продолжи во Саудиска Арабија каде што ќе се обиде да посредува во повеќедеценискиот спор меѓу регионалните ривали, соопшти пакистанското министерство за надворешни работи. Американскиот претседател Доналд Трамп побара од Кан да одигра улога во намалувањето на тензиите меѓу двете муслимански земји, кои настанаа по нападот на саудиската нафтена компанија. Вашингтон, Западот а и Ријад го обвинуваат Техеран за нападот, но тој тоа го негира. Читать дальше...

Хеликоптери, чамци и илјадници војници беа распределени во цела Јапонија со цел спасување на заробените луѓе во поплавените домови. Бројот на евидентирани жртви од силниот тајфун и поројните дождови засега изнесува 19, а над десетина луѓе се водат за исчезнати. Државната телевизија во Јапонија соопшти дека вкупно 14 реки се поплавени, на некои се излеваат на повеќе од едно место. Изутринава нивото на предупредување е намалено затоа што тајфунот сега е на ниво на тропска бура.

Денеска не очекува убаво и сончево време со слаб јужен ветер. Утринската температура ќе се движи од 6 до 12 степени, а дневната од 20 до 28 степени.  Во Скопје времето ќе биде сончево со слаб јужен ветер. Утринската температура ќе достигне до 10 степени, а дневната до 26 степени.

Со лажни информации членството во НАТО се претставува дека не е добрo за државата. Големите играчи се обидуваат да влијаат врз луѓето за да ги убедат дека државата не е на правилниот пат, изјави во интервју за Радио Слободна Европа, шефот на Канцеларијата за врски со НАТО, Зоран Јанкович.

Вие многу години не инвестирате во модернизација и сега тешко може да кажеме каков вид на опрема треба да купите. Но, се разбира, таа треба да биде интероперабилна со таа на другите земји членки на НАТО, вели шефот на Канцеларијата за врски на НАТО, Зоран Јанкович.