Новости за 17.10.2019

Курдските сириски демократски сили соопштија денеска дека се подготвени да се приклучат кон прекинот на огнот, кој го најавија Вашингтон и Анкара, по девет дневните битки долж северната граница на Сирија.Ваквото соопштение пристигна од штабот на курдската партија откако Турција и САД се согласија денеска да се воспостави петдневен прекин на огнот за да им се овозможи на курдските воени трупи да се повлечат од областите во близина на границата.

Потпретседателот на ВМРО-ДПМНЕ Александар Николовски во гостувањето во емисијата 10 минути на ТВ21 изјави дека очекува в понеделник премиерот Зоран Заев да си поднесе оставка и веднаш да се распишат избори. На новинарското прашање кој датум за избори за нив е прифатлив, Николовски одговори дека сто дена после понеделник е најприфатлив за одржување на избори, односно веднаш. „Очекуваме веднаш да влеземе во процесот на техничка влада и според Уставот и законите, за 100 дена да се оди на предвремени парламентарни избори, “ изјави Николовски. Читать дальше...

Лидерот на ВМРО-ДПМНЕ Христијан Мицкоски од Гевгелија најави дека од денеска опозицијата излегува на улиците и плоштадите. Во своето обраќањекако дел од кампањата „Обнова“ Мицкоски изјави дека како партија му дале шанса на процесот на пристапување во ЕУ и дека „17 октомври е денот кога завршува концесијата“, ден кога завршува трпението на ВМРО-ДПМНЕ и дека денес ги повикува сите да се придружат за, како што рече, да изгрее вистинското сонце на слободата во Македонија. „Од денеска за опозицијата 24 часа на ден домот ќе биде плоштадот... Читать дальше...

Лидерите на ЕУ и британскиот премиер задоволни од договорот за Брегзит, но британската опозиција смета дека овој договор е полош од претходниот. В сабота британските пратеници ќе одлучуваат за новиот договор.

Турција и САД се согласија да ги суспендираат воените акции во Сирија со цел да дозволат курдските воени сили да се повлечат, изјави денеска потпретседателот на САД Мајк Пенс, по денешните разговори со турскиот претседател Реџеп Таип Ердоган во Анкара. Пенс на прес конференција во турскиот главен град изјави дека во наредните 120 часа сите воени акции во североисточниот дел на Сирија ќе бидат суспендирани за да им се дозволи на курдските трупи да се повлечат. „ САД и Турција се взаемно посветени... Читать дальше...

Ние го направивме тоа што тие од нас го побараа и доколку не добиеме датум, тоа не значи дека Албанија потфрлила, зјави албанскиот премиер Еди Рама по средбата со еврокомесарот за проширување Јоханес Хан, во седиштето на Европската комисија во Брисел. „Но, освен тоа што направивме и што треба да направиме, се наоѓаме во ситуација кога Европскиот совет треба да одлучи што сакаат нејзините членови или не сакаат да направат за нивното семејство, бидејќи важен член на семејството бара друг пристап од целото семејство кон овој процес“... Читать дальше...

Автопатот Тетово - Гостивар ретко се санира, а неодржувањето резултирало со лоша состојба на коловозните ленти. Автопатот, кој всушност е експресен пат, треба да се реконструира и да се прошири како вистински автопат.

Чешкиот претседател Милош Земан неколку дена се наоѓа во болница, јавува новинската агенција ДПА. Неговиот престој во болница имал за цел да му помогне да се одмори и да си ја врати својата подготвеност, изјавил неговиот портпарол. Земан кој неодамна го прослави својот 75-ти роденден во болницата добива инфузии со витамини и минерали, додаде портпаролот истакнувајќи дека тоа во никој случај не било поврзано со некој сериозен здравствен проблем. Земан страдал од дијабетес и болест на периферниот нервен... Читать дальше...

Грчкиот премиер Киријакос Мицотакис пред пристигнувањето на самитот во ЕУ изјави дека го подржува евроинтегративниот пат на земјите од Западен Балкан. „Целосно го поддржуваме патот за членство во ЕУ на нашиот северен сосед, тие целосно ги почитуваат меѓународните договори што ги потпишаа, тие го почитуваат владеењето на правото и се разбира ги почитуваат правата на малцинствата“ рече Мицотоакис. Тој посочи дека треба на европско ниво да се посочи проблемот со кој Турција ги уценува Грција и Европската Унија... Читать дальше...

Земјите членки на Европската Унија го одобрија договорот за излез на Велика Британија од Унијата и тој договор треба да стапи во сила на први ноември, јавува новинската агенција Ројтерс.  Претходно на само неколку часа пред почетокот на самитот беше постигнат договор за кој денеска гласаа земјите членки. Претседателот на Европската комисија Жан-Клод Јункер тогаш соопшти дека договорот за Брегзит е „фер и избалансиран“. Договорот треба да биде поддржан од земјите членки на ЕУ и нивните парламенти. Читать дальше...

Бугарски обвинител покрена обвинение против 18 годишен маж поради употребата на расистички знаци за време на натпреварот со Англија на квалификациите за ЕУРО 2020 во Софија. Англија ја победи Бугарија со 6 спрема 0, но натпреварот беше нарушен од домашните навивачи кои гостинските играчи ги навредуваа со нацистички поздрави и со имитирање на мајмуни. Младиот навивач е обвинет за непристојни дела, нарушување на јавен ред и изрази на непочитување кон општеството. Тој е приведен на 72 часа и в петок... Читать дальше...

Претседателот на Европскиот парламент Дејвид Сасоли на прес конференцијата по учеството во Европскиот совет изјави дека на дневен ред се постигнатиот договор за Брегзит, проблемите на сириската граница и турската офанзива како и прашањето за отпочнување на преговори на Северна Македонија и Албанија. „Ние знеме дека за ова има одредени различни позиции. Нашата позиција е дека треба да дозволиме старт на преговори. Ние чуствуваме дека ако ЕУ бара да се направат жртвувања и промени и ако тие жртвувања се имплементираат... Читать дальше...

Францускиот Сенат го усвои во прво читање предлог-законот за ратификација на Протоколот за членство на Република Северна Македонија во НАТО. Предлог-законот беше усвоен без измени на 9 октомври 2019 година од страна на Комитетот за надворешни работи, одбрана и вооружени сили, по извештајот на сенаторката Жоел Гаријо Мајлам. Останува договорот да биде ратификуван и од Националното собрание при второто читање, по што тој дефинитивно ќе биде ратификуван од Франција. Досега 24 земји-членки целосно го завршија процесот на ратификација. Читать дальше...

Новоименуваната претседателка на Европската комисија, Урсула фон дер Лајен изјави пред почетокот на ЕУ самитот, дека нема сигнал оти  на состанокот на лидерите на ЕУ во Брисел ќе биде постигната одлука за процесот на проширување на ЕУ. Таа изрази жалење.  „Длабоко жалам поради тоа, бидејќи верувам дека овие земји направија значителни напори за да се приближат кон ЕУ и затоа многу е важно да им се даде вистински сигнал, изјави Фон дер Лајен при доаѓањето на Самитот на лидерите на ЕУ. Лидерите... Читать дальше...

Турскиот претседател Реџеп Таип Ердоган се сретна со американскиот потпретседател Мајк Пенс во Анкара, кој е дојден во обид да стартува преговори за прекин на огнот во североисточниот дел на Сирија. Пенс и Ердоган прво одржаа ограничена билатерална средба во претседателскиот комплекс, а потоа треба да им се приклучи и американскиот државен секретар Мајк Помпео и други официјални претставници. Претходно Ердоган ги отфрли сите обиди за примирје и рече дека Турција не е загрижена за натамошните санкции. Читать дальше...

Со дела од македонските автори Аврамовски, Андреевска, Зографски и Коларовски, и од класикот Фредерик Шопен, овој петок, на 18 октомври од 20 часот, во Музеј на македонската борба во Скопје, во рамките на фестивалот „Златна лира“, ќе настапи пијанистката Даница Стојанова.

Хрватскиот премиер Андреј Пленковиќ, пред почетокот на Самитот на ЕУ, изјави дека дека може да се расправа за нова методологија на преговарачкиот процес за земјите кандидати, но не и да се менуваат правилата сега. Тој во однос на барањето на Франција за промена на правилата на игра вели дека не е фер додека трае натпреварот да се менуваат правилата, затоа што во прашање го става кредибилитет на целиот процес.  „Новата методологија, која ја сугерира пред сѐ Франција, ќе ги донесе земјите во различни положби... Читать дальше...

ЕУ ќе направи историска грешка ако не дозволи Скопје и Тирана да ги почнат преговорите, изјави бугарскиот премиер Бојко Борисов. А доколку се случи таква грешка, вели тој, тогаш ЕУ не треба да се лути за проблемите што ќе настанат, за тоа ако има џихадисти, влијанија од Русија, Турција или Кина. Тој вели дека Северна Македонија и Албанија треба да добијат датум за преговори. Ако нема датум, тоа ќе биде тежок удар за народите на двете држави кои заслужуваат да им биде дадена европерспектива, изјави... Читать дальше...

Сирија со „сите легитимни средства“ ќе одговори на турската агресија на кој и да е дел од нејзината територија, изјави денеска сирискиот претседател Башар ал Асад, јавуваат тамошните државни медиуми. Официјален Дамаск и сириските демократски сили предводени од Курдите постигнаа договор за спротивставување на турската офанзива во североисточна Сирија.

Турција планира следната година да го зголеми буџетот за одбрана за пет милијарди долари. Предлог-буџетот 2020 година предвидува за одбрана и безбедност да се издвојат 23,9 милијарди долари за финансирање на сите структури поврзани со одбраната и безбедноста. Владата во буџет за 2019 година издвои 18,8 милијарди долари за одбрана, но преку прилагодувања, властите мораше да ги рефинансираат безбедносните сили со уште 3-4 проценти од оригиналната сума. Турските власти велат дека зголемувањето на... Читать дальше...

Невиден број на цивили биле убиени или повредени во Авганистан во периодот од јули до септември, соопштуваат Обединетите нации, велејќи дека насилството е тотално неприфатливо. ОН во извештајот објавен денеска соопшти за три месеци загинати 1.174 луѓе, а 3.139 се повредени, што е за 42 процентни повеќе во однос на истиот временски период лани. Во извештајот како виновници за тоа се посочуваат „антивладините елементи“, како што се талибанците. Само во јули се регистрирани повеќе жртви отколку... Читать дальше...

Советот на Европа ги повикува властите во Босна да ги преместат мигрантите од кампот во Вучјак, бидејќи во него нема услови, нема вода и струја, се наоѓа близу до минирано земјиште и е нехигиенски и небезбеден. Комесарот за човекови права на Советот на Европа, Дуња Мијатовиќ вели дека условите во кампот се жални, а со доаѓањето на зимата ситуацијата може да се влоши. Мијатовиќ рече дека сите мигранти кои се во моментот во Вучјак треба итно да се преместат во објекти со соодветни стандарди. Од 2018 во Босна влегле повеќе од 40 илјади мигранти... Читать дальше...

Потпретседателот на САД Мајк Пенс и државниот секретар Мајк Помпео пристигнаа во Анкара, во обид да обезбедат примирје со кое ќе се стави крај на турската офанзива во Сирија. Пенс и Помпео пристигна со различни авиони. Предвидено е тие да се сретнат со турскиот претседател Реџеп Таип Ердоган, но се уште не се знае дали ќе има средба. Американскиот претседател Доналд Трамп очекува Пенс и Помпео да имаат успешна средба. Апел Турција да запре со воена офанзива во Сирија повторно упати и германската канцеларка Ангела Меркел.

За прашањето на почнувањето на преговорите со Скопје и Тирана, лидерите на земјите-членки на ЕУ ќе зборуваат вечерва во Брисел. По пораките од официјален Берлин и Париз, домашните политичари и аналитичари се уште имаат надеж за можна позитивна одлука.

Лидерот на британската опозицијата, Џереми Корбин изјави дека неговата партија не може да го поддржи договорот за Брегзит. Лабуристичка партија не може да го поддржи договорот постигнат меѓу Европската унија и британскиот премиер Борис Џонсон, рече Корбин. Тој вели дека како што стојат работите не може да го поддржат договорот, а не е ни јасно дали Џонсон има поддршка од неговите сојузници. Запрашан дали ќе побара да се гласа недоверба на владата на Џонсон на вонредната седница планирана за в сабота... Читать дальше...