Новости за 21.08.2019

Прашумите на Амазон и Пантанал во Бразил ги погодија најстрашните пожари во последните пет години, соопшти Националниот институт за вселенски истражувања кој регистрирал повеќе од 72.000 жаришта во периодот од 1. јануари до 19.август што е за 82 проценти повеќе отколку истиот период во 2018 година. Најтешко погодени подрачја се Амазон, кој зазема голем дел од северот и северозападот на земјата, а следи Пантанал каде исто така во налети избиваат пожари околу некои големи градови, како Сао Пауло. Читать дальше...

Најдобра опција е консензусот да се прави во Собрание, велат од Министерството за правда откако работните групи не постигнаа договор за законот за ЈО. Според упатените, аферата „Рекет“ го демотивирала процесот. Од ВМРО-ДПМНЕ велат дека не прифаќаат скриена амнестија во законот за инволвираните во Рекет.

Прекршување на владеењето на правото  и појава на иредентизам може да имаат директно влијание врз пристапниот процес во ЕУ за соседната земја, вели алтернативниот министер за надворешни работи на Грција, Милтиадис Варвициотис, во интервјуто за грчкиот весник „Реал њуз“. Затоа, како што вели тој, актуелната грчка влада „го следи секој чекор на владата на Скопје“, jави дописничката на МИА од Атина. Варвициотис го повторува ставот дека наследиле лош договор кој владата на СИРИЗА го потпиша „откажувајќи... Читать дальше...

Српскиот претседател Александар Вучиќ изјави дека дијалогот меѓу Белград и Приштина во најдобар случај ќе продолжи во декември. „Тешко може да се очекува тоа да се случи пред одржувањето на изборите (во Косово), за кои верувам ќе бидат на 6 октомври, иако се уште не се распишани. Тоа значи, во најдобар случај, на почетокот на декември, но пред тоа е важно да се зборува за укинување на таксите“, истакна Вучиќ по неговата средба со Њујорк со американскиот државен секретар Мајк Помпео. Српскиот претседател додаде дека... Читать дальше...

Австралија им се придружува на САД во „обезбедување на безбедна навигација“ во Ормускиот Теснец и ќе испрати ограничен воен контингент во Персискиот Залив, соопшти австралискиот премиер Скот Морисон. „Треба да дадеме свој придонес во меѓународната мисија за одржување мир и безбедна пловидба во Ормускиот Теснец“, рече Морисон, и додаде дека околу 25 отсто од нафтата доставена до Австралија поминува низ теснецот.

Каде е торбата со парите, каква е вклученоста на специјалната обвинителка Катица Јанева, дали и кои политичари се вмешани се дел од клучните прашања, кои според упатените, се уште не се одговорени. Тие сметаат и дека истрагата за случајот „Рекет“ се води бавно и остава вакуум простор за гласини.

Над 200 луѓе загинале, а 63 се водат како исчезнати во големите поплави кои ја погодија Кина во текот на јули и август, соопштија локалните власти. Последните поплави се случија во провинцијата Сичуан, каде според последните податоци загинаа осум луѓе, а 23 се водат како исчезнати. Претходно овој месец загинаа 39, а исчезнаа девет лица при ударот на тајфунот Лекима. Вкупниот биланс на жртвите минатиот месец изнесува 154, а повеќе од 1,3 милиони луѓе се раселени поради невремето, пренесуваат светските новински агенции.

Полициските билтени покажуваат дека лани биле евидентирани 1239 кривични дела сторени од малолетници. Социолозите велат дека насилството кај младите ја одразува сликата на општеството.

Претседателот на Одборот за надворешна политика во хрватскиот Сабор, Миро Ковач, денеска оцени дека Хрватите во БиХ со преуредувањето на оваа земја во три региони, по примерот на Белгија, би можеле остварат еднакви права со Бошњаците и Србите. „БиХ би можела да се инспирира од белгиското уредување, земјата која има три јазични заедници и постојат три региони. Истото може да се направи и во БиХ за Хрватите да можат да бидат во целост рамноправен народ со другите два уставотворни народа Бошњаците и Србите“... Читать дальше...

Претседателот на САД Доналд Трамп изјави дека би било соодветно Русија повторно да биде примена во Групата седум индустриски најразвиени земји. Тој в сабота ќе отпатува за Франција на годишниот состанок на Г7, која се нарекуваше Г8 додека Русија беше членка. Лидерите на САД, Британија, Франција, Германија, Италија, Канада и Јапонија ја исфрлија Русија од групата во март 2014 година откако Москва го анектира полуостровот Крим од Украина.

Рускиот амбасадор во Белград Александар Харченко изјави дека очекува на 25 октомври Србија да потпише договор за слободна трговија со Евроазиската економска унија која е предводена од Москва. „Ова е значаен настан“, напиша на твитер амбасадорот Харченко, наведувајќи дека со влегувањето во оваа унија на Србија ќе и биде дозволен слободен влез на пазар со над 180 милиони луѓе. Во Евроазиската економска унија се Русија, Ерменија, Белорусија, Казахстан и Киргизстан.

Министерот за внатрешни работи на Италија и лидер на десничарската партија Лига Матео Салвини изјави во италијанскиот Сенат дека предизвикал владина криза, бидејќи не се плаши од вонредни избори. Откако италијанскиот премиер Џузепе Конте во Сенатот објави дека поднесува оставка Салвини кој е и заменик премиер изјави декае „слободен човек“ и оти не се плаши од мислењето на Италијанците. Со оставката Конте стави точка на популистичката влада формирана прд 14 месеци и го обвини Салвини дека се водел од лични интереси.

Италијанскиот претседател Серџио Матарела денеска ги започнува разговорите со клучните играчи во обид да и стави крај на италијанската политичка неизвесност, ден откако премиерот Џузепе Конте поднесе оставка.

Американскиот претседател Доналд Трамп на Твитер напиша дека нема да оди на планираната посета на Данска откако данската премиерка Мете Фредериксен изјави дека Гренланд е територија на Данска и оти не е на продажба. „Данска е многу специјална земја со неверојатни луѓе, но врз основа на коментарите на премиерката Фредериксен дека нема намера да разговара за продавање на Гренланд ја одлагам средбата со неа за друго време“, пишува Трамп.

Американскиот државен секретар Мајк Помпео изјави по разговорите со српскиот претседател Александар Вучиќ во Њујорк, дека нормализацијата на односите со Косово ќе ја зголеми стабилноста на Србија, на Западен Балкан и на трансатлантската заедница. Помпео оцени дека со Вучиќ имал продуктивен ручек на кој разговорале за дијалогот меѓу Косово и Србија и пристапувањето на Србија во ЕУ. Тие разговараа на маргините на седницата на Советот на безбедност на ОН за ситуацијата на Блискиот исток.

Ќе биде сончево со мала до умерена облачност. Ќе дува слаб до умерен ветер претежно од источен и североисточен правец. Утринската температура ќе биде од 10 до 16, а дневната од 28 до 35 степени. Во Скопје и околината слично време. Утринската температура ќе биде околу 15, а дневната до 34 степени.