Новости за 23.03.2018

Законот за јазици и национализмот на лидерите на ВМРО-ДПМНЕ, Алијансата за Албанците и на ДУИ се дел од темите со кои се занимава неделникот Фокус. Капитал ги анализира економските предизвици во новиот мандат на рускиот претседател Владимир Путин.

Претседателот на Соединетите Американски Држави Доналд Трамп го потпиша законот за буџетот во висина од 1,3 билиони долари кој претходно го усвои американскиот сенат. Со тоа се избегна блокадата во работата на администрацијата до која ќе дојдеше неколку часа подоцна. Трамп истакна дека е многу разочаран од пакетот кој го усвои и Конгресот. На својот профил на социјалната мрежа Твитер претходно напиша дека ја разгледува можноста да го блокира предлог буџетот поради недостатокот на пари за финансирање... Читать дальше...

Обилните снежни врнежи и поплавите денеска предизвикаа многу проблеми во голем дел од Балканот, каде повеќе патишта се затворени, поплавени се куќи, а во прекин е и пловидбата долж брегот на Јадранското Море. Освен во Македонија, снег денеска паѓаше и во Србија, Хрватска и Албанија, што беше изненадување за регионот во рана пролет, додека топењето на снегот во Босна и Херцеговина предизвика поплави. Хрватските власти наведуваат дека само на мали возила им е дозволено движење по главните патишта кон приморјето... Читать дальше...

Претседателот на ДУИ Али Ахмети денеска во врска со случајот „Попис“ кој го обелодени Специјалното јавно обвинителство, а во кој се осомничени тој и неговиот поранешен коалиционен партнер Никола Груевски рече дека одлуката за прекинување на пописот во 2011 година ја донело Собранието. „Тоа е одлука на Собранието на Република Македонија, а јас сум погрешна адреса“ рече Ахмети.  СЈО неделава го објави предметот "Попис" во кој ги сомничи Ахмети и Груевски дека ја злоупотребиле својата службен положба... Читать дальше...

Решението за кое преговара македонската влада треба да ги запазува државните и националните интереси, истакнал претседателот на ВМРО-ДПМНЕ Христијан Мицкоски на попладневната средба со министерот за надворешни работи Никос Коѕијас кој престојува во Скопје. Како што соопшти опозициската партија, Мицкоски истакнал дека ВМРО-ДПМНЕ е за развивање на добрососедски односи, базирани на искрено пријателство и меѓусебно почитување. „Претседателот на ВМРО-ДПМНЕ Мицкоски посочи дека Република Македонија мора... Читать дальше...

Автомобил бомба експлодирал денеска на влезот на спортски стадион во Лакшар Гар, главен град на авганистанската југозападна провинција Хелманд. Во нападот, како што се јавува, загинале најмалку 12 луѓе, а повредени се десетици во моментот кога го напуштале натпреварот во борење кој се одржувал на стадионот. Омар Завак, портпаролот на гувернерот на провинцијата Хелманд, за РСЕ реќе дека нападот го извршил бомбаш самоубиец кога упаднал со возилото во групата луѓе која поминала низ излезот на стадионот кратко време по завршувањето на натпреварот. Читать дальше...

За Грција има два клучни услови околу компромисот за името - едниот е сложеното име со географска одредница, а вториот е тоа да биде одржливо решение. Ова го изјави грчкиот премиер Алексис Ципрас, по завршувањето на европскиот Самит на прашање на дописничката на МИА од Брисел за посетата на Никос Коѕијас денеска во Скопје. „Не треба да биде „олеснета верзија“, туку одржливо решение за да се создаде силен дијалог меѓу народите, името треба да биде за секоја употреба, меѓународна, билатерална, но и за внатрешна употреба. Читать дальше...

Македонија по гласањето на законот за јазиците треба да се посвети на реформите, изјави францускиот амбасадор Кристијан Тимоние денеска во Тетово, одговарајќи на новинарско прашање во врска со законот за јазиците. „Во Македонија треба да се почитува дијалогот и во секој случај овој закон е изгласан, меѓутоа при неговата примена треба да се почитува духот на консензусот. По овој закон треба да се сработи тоа што е зацртано и да се стави фокус на реформите“, истакна Тимоние, кој беше во посета на тетовската гимназија „Кирил Пејчиновиќ“. Читать дальше...

Вицепремиерот за европски прашања Бујар Османи денеска се сретна со шефот на грчката дипломатија Никос Коѕијас. Двајцата разговарале за напредокот во меѓусебната соработка, активностите на двете земји за унапредување на комуникацијата, како и мерки за градење доверба меѓу двете земји. „Имаме голем напредок во комуникацијата меѓу двете земји, што води кон очигледно зголемување на довербата меѓу државите, но и севкупно, зголемување на довербата меѓу двете општества“ , рекол Османи, изразувајќи надеж... Читать дальше...

Американските власти обвинија девет Иранци и ирански компании за, како што соопштија, шема за хакирање и крадење голем број податоци од стотици универзитети, десетици компании, Обединетите нации и делови од американската влада, а во корист на иранската влада. Заменикот јавен обвинител Род Розенстајт денеска го објави обвинението. Тој тврди дека многу од тие напади обвинетите ги вршеле по налог на иранската влада, конкретно, како што рече на Исламската револуционерна гарда. Според американските власти тие биле поврзани со Мабна институтот... Читать дальше...

Францускиот министер за внатрешни работи Жерард Коломб изјави денеска дека полицијата го убила напаѓачот на супермаркет во градот Треб, кој се наоѓа во јужниот дел на земјата. За време на заложничката криза, според него, загинале најмалку три лица, а три биле повредени од кои едното лице е во тешка состојба. Францускиот премиер Едуард Филипе изјави дека најверојатно се работи за акт на тероризам. Се уште не се знае идентитетот и мотивот на напаѓачот. Коломб посочи дека тој и бил познат на полицијата... Читать дальше...

Иднината на Македонија и Грција треба да биде во фокусот на преговорите на двете земји за решавање на спорот за името, му порача денеска премиерот Зоран Заев на грчкиот министер за надворешни работи Никос Коѕијас. Како што се наведува во владиното соопштение испратено по средбата, Заев рекол дека треба да се одлучни и да прават чекори кои водат поблиску до решението на единственото отворено прашање меѓу двете земји. " Уверен сум дека овој пристап ќе доведе до решение кое ќе им даде доволно прифатливи аргументи на институциите во двете земји... Читать дальше...

Американскиот претседател Доналд Трамп се закани со вето на буџетот во износ од 1,3 билиони усвоен од Конгресот, што е неочекуван чекор кој може да резултира со прекин на работа на федералната влада. Трамп на Твитер напиша дека размислува за вето на буџетот. Тој упати критики за буџетот бидејќи не овозможува целосно финансирање на изградбата на ѕид на границата со Мексико и за тоа што не се осврнува на прашањата на оние лица кои илегално биле донесени во САД кога биле деца. Трамп напиша дека ѕидот е потребен за одбрана на земјата.

Рускиот претседател Владимир Путин им се заблагодари на гласачите за нивната безрезервна поддршка и ги повика граѓаните да ги стават настрана нивните политички разлики во име на напредокот. Путин и се обрати на нацијата откако изборната комисија и официјално го прогласи за победник на изборите со освоени 76,69 од гласовите. Во неговото телевизиско обраќање Путин порача дека властите ќе направат се со цел да им го подобрат животот на граѓаните, но и дека има проблеми со кои се соочуваат кои не можат веднаш да бидат решени. Читать дальше...

Украинската пратеничка Надја Савченко изјави денеска дека ќе штрајкува со глад додека судот одлучува дали ќе и изрече мерка притвор поради обвинувањата дека планирала терористички напад. Одбраната на Савченко на денешното рочиште соопшти дека таа е невина и оти нејзиното приведување во Парламентот е незаконско. Украинската безбедносна служба вчера ја притвори Савченко откако нејзините колеги и го укинаа имунитетот. Генералниот обвинител Јури Луценко на 15 март тврдеше дека Савченко планирала... Читать дальше...

Најмалку едно лице загинало кога вооружен напаѓач отворил оган во супермаркет во југозападна Франција и се заколнал на верност на милитантната група Исламска држава. Полицијата соопшти дека го опколила супермаркетот во Треб, јужно од Тулуз при што напаѓачот има и заложници. Според градоначалникот Ерик Менаси повредени се 12 лица, а напаѓачот извикувал Алах Акбар, односно Господ е голем.  Пред нападот, вооружен маж отворил оган кон четворица полицајци во соседниот град Каркасон, при што еден од нив е повреден. Читать дальше...

Македонија ја отфрла идејата за слеано и непреведено име, a Грција инсистира на промена на Уставот. Ова се дел од поентите на шефовите на дипломатиите на двете земји, Никола Димитров и Никос Коѕијас во Скопје.

Постојат готови проекти за изградба на регионални депонии во Македонија, за кои се обезбедени и средства, но нема реализација бидејќи некои општини не се задоволни од одредените локации, велат експерти. Од Министерството за животна средина велат: граѓаните не се доволно информирани за проектите.

Кремљ изрази жалење за одлуката на ЕУ да го повлече својот претставник во Русија откако европскиот блок донесе заклучок оти е многу веројатно дека Москва е одговорна за труењето на поранешниот двоен агент во Англија. Портпаролот на Кремљ, Дмитри Песков посочи дека жалат што одлуката е донесена врз основа на веројатност и осудата на ЕУ се базира врз тоа. Лидерите на ЕУ соопштија дека нема друго прифатливо објаснување освен дека Русија стои зад нападот со нервен гас на Сергеј Скрипал и неговата ќерка Јулија во градот Салсбери.

Министерот за надворешни работи на Србија, Ивица Дачиќ изјави денеска дека иако постојат притисоци властите никогаш нема да ја прифатат еднострано прогласената независност на Косово. Тој во интервју за телевизијата РТС посочи и дека не очекува ништо спектакуларно од денешните разговори во Брисел. Според него, Србија нема заради европскиот пат да ги жртвува националните интереси. Српската премиерка Ана Брнабиќ изјави дека за решавање на проблемот со Косово „мора да се земат во предвид позициите и на двата народа“. Читать дальше...

Министерот за надворешни работи Никола Димитров денеска по средбата со неговиот грчки колега Никос Коѕијас во Скопје ја отфрли можноста решението за спорот да биде име споено со придавка. Според него, би било тешко да му се каже на македонскиот народ дека таквото име е прифатливо кое доколку се изговори брзо може и да не звучи како Македонија. „Имам многу аргументи да објаснам зошто тоа не е добриот правец. Важно е дистинкцијата која се обидуваме да ја најдеме да биде достоинствена и да можеме од овој спор да излеземе со кренати глави“... Читать дальше...

Синдикатот на прилепски „Еурокомпозит“ од денеска е на штрајк и не дозволува влез во фабриката. Претседателот на синдикатот, Роберт Богданоски изјави дека донеле одлука за штрајк поради тоа што Владата во дадениот рок не го сменила раководството на „Еурокомпозит“. По нивната одлука, според него, раководството им дало отказ и суспензија на 10 од 11 членови на синдикалната организација. Богданоски посочи и дека се обиделе да воспостават контакт со кабинетот на вицепремиерот Кочо Анѓушев од каде добиле совет да не штрајкуваат. Читать дальше...

Портпаролот на Кремљ, Дмитри Песков запрашан за назначувањето на поранешниот амбасадор во ОН Џон Болтон за советник за национална безбедност на САД, изјави дека тоа не е прашање за руските власти, туку за американската администрација. Според него, Кремљ се надева оти ќе има повеќе луѓе во Белата куќа кои може да погледнат подалеку од русофобијата, која ги зафатила западните земји. Американскиот претседател Доналд Трамп го смени советникот за национална безбедност Х.Р. МекМастер со Болтон, кој... Читать дальше...

Судењето за „Тортура“ денеска беше одложено поради отсуство на поранешниот директор на УБК, Сашо Мијалков, кој е обвинет во предметот на СЈО. Судот, како што беше посочено, не добил доказ за уредна достава на поканата за Мијаков за денешното рочиште. Обвинителите од СЈО побараа поканите да му се доставува во четврток, кога Мијалков се пријавува во Кривичниот суд. Судењето е одложено за 7 мај.

Ниту еден закон не може да гарантира дека нема да има злоупотреби во постапките за јавни набавки, но добар закон и политичка волја можат да ги намалат злоупотребите, велат упатените. Според нив, Алатката за транспарентност на функционерите е добра, но и недостасуваат правила на однесување