Новости за 21.07.2022

АКШнын президенти Жо Байдендин COVID-19 вирусун жугузуп алганы аныкталды. Бул тууралуу Ак үй кабарлады. Байден обочолонуу режимине өттү. Ал буга чейин эки жолу вакцина алган, учурда оорунун белгилери жеңил өтүп жатканы айтылды. Кызматкерлер менен телефондон байланышып, кызматын аткарууну улантып жатат. Алдын ала белгиленген жолугушууларга видео аркылуу байланышка чыгууда. Президент тапшырган тесттен коронавирустун терс жыйынтыгы чыккан учурда кадимки режимге кайтып келет. Байден 13-июлдан 16-июлга чейин Жакынкы Чыгышта иш сапарда болгон. Читать дальше...

Иранда ондогон адамдын өлүмүнө алып келген жана ири нааразылык акцияларына себеп болгон имараттын урашы боюнча окуяга байланыштуу 20 кишиге айып тагылды. “Фарда” радиосу кабарлагандай, алардын үстүнөн соттук кароо башталды. 23-майда Абадан шаарындагы курулушу толук бүтө элек он кабаттуу имарат урап түшкөн. Башында 20 киши набыт кетип, кырктайы жараат алганы кабарланган. Урандылардын астынан дагы сөөктөр табылып, өлгөндөрдүн саны 43кө жетти. Бул кырсыктан кийин тургундар нааразылык акцияларын өткөрүшкөн. Читать дальше...

Быйыл жогорку окуу жайга тапшырган абитуриенттер үчүн Билим берүү жана илим министрлиги гранттык орундардын санын көбөйттү. Анда педагогика адистигине басым жасалган. Ал арада мектеп бүтүрүүчүлөрүнүн арасында IT тармагында билим алууга суроо-талап күч болууда. Билим берүү жана илим министрлигинин маалыматына караганда, 2022-2023-окуу жылына жогорку окуу жайларына абитуриенттерди каттоонун биринчи айлампасы 18-июлда башталып, 20-июлда бүттү. Соңку айлампа 15-августтан 20-августка чейин деп бекитилген. Читать дальше...

Өзбекстандын курамына кирген Каракалпакстанда кандуу окуялардан кийин өзгөчө абал режими алынды. Бирок автономдук республикада интернет дале үзгүлтүк менен берилүүдө. Нукустагы окуяларды Өзбекстандын президенти Шавкат Мирзиёев Борбор Азия мамлекеттеринин башчыларынын Чолпон-Ата шаарында өткөн кеңешмесинде көтөрүп, муну деструктивдүү күчтөрдүн аракети катары баалады.  Каракалпакстанда өзгөчө абал алынды Каракалпакстан автономдук республикасынын аймагына киргизилген өзгөчө абал режими 21-июлдан тартып алынды. Читать дальше...

Бүгүн 21-июлда Чолпон-Атада Кыргызстандын жана Тажикстандын президенттери Садыр Жапаров менен Эмомали Рахмондун жолугушуусу өттү. Мамлекет башчынын маалымат кызматы билдиргендей, эки тараптуу кызматташтыктын актуалдуу маселелери, аймактык жана эл аралык проблемалар талкууланды. Эки тараптуу кызматташуу маселелерин комплекстүү кароо боюнча өкмөт аралык комиссиянын жана мамлекеттик чек араны делимитациялоо жана демаркациялоо боюнча өкмөт аралык комиссиянын ишин активдештирүү макулдашылды. Чектеш... Читать дальше...

Бүгүн 21-июлда Чолпон-Ата шаарында Казакстандын президенти Касым-Жомарт Токаевдин катышуусунда белгилүү казак жазуучусу Мухтар Ауэзовдун үй-музейинин алдында ага арналган бюст орнотулуп, ачылышы өттү. Бул тууралуу Маданият, маалымат, спорт жана жаштар саясаты министрлиги билдирди. Иш-чарага Кыргызстандын экс-президенти Роза Отунбаева да катышты.  Мекеменин маалыматына караганда, Ауэзов 1959-жылдан 1961-жылга чейин бул үйдө жашап, иштеген. 1970-жылы анын урпактары үйдү Чолпон-Ата шаарынын музей фондуна өткөрүп берген. Читать дальше...

Шри-Ланканын парламенти премьер-министр Ранил Викрамасингхени өлкөнүн президенти кызматына дайындады. Ал өткөн аптадан бери президенттин милдетин да кошо аркалап жаткан. Викрамасингхе 2024-жылы шайлоо өткөнгө чейин мамлекет башчы болуп турат. Парламенттин тандоосу нааразылыкка чыккан жергиликтүү тургундар сынга алышты. Би-Би-Синин маалыматына караганда, олуттуу митингдерден чочулап бийлик шайлоо өткөн күнү Коломбодо парламенттин имаратын темир коргондор менен тосуп коюшту. Чоң нааразылыктар өткөн жок. Читать дальше...

Билим берүү министрлиги быйыл Кыргызстандагы жалпы билим берүүчү эки миңден ашык мектептин көпчүлүгүндө директорлорду сынак аркылуу кайра дайындаганы турат. Мындай дымактуу демилге коомчулукта түрдүү пикирлерди жаратууда. Министрлик жаңы окуу жылына карата миңге чукул мектептин директору алмашарын билдирген. “Роза Отунбаеванын демилгеси” фондунун аткаруучу директору Догдуркүл Кендирбаева "Азаттыкка" курган маегинде конкурстук тандоо жаңылык экенин белгилеп, бирок айрым тобокелчиликтерди атады.... Читать дальше...

Журналист Арзыгүл Галымбетованын өлүмүнө шек саналып абакта отурган блогер Батмакан Жолболдуеванын бүгүн 21-июлга белгиленген соту жабыркаган тарап катышпагандыктан башка күнгө которулду. Баткен облустук сотунун басма сөз кызматы билдиргендей, кийинки отурум 28-июлга белгиленди. Иш Баткен райондук сотунда каралууда. Жолдубаева Жалал-Абаддагы тергөө абагында отурат. Ош облустук ички иштер башкармалыгы ага карата Кылмыш-жаза кодексинин "Этиятсыздыктан өлүмгө алып келүү”, "Жеке жашоонун кол тийбестигин бузуу”... Читать дальше...

Борбор Азия мамлекеттеринин башчыларынын кеңешмесине төрагалык кылуу Тажикстанга өттү. Бул тууралуу Кыргызстандын президенти Садыр Жапаров бүгүн, 21-июлда Чолпон-Атадагы саммит учурунда билдирди. Анын айтымында, Азербайжан кийинки консультативдик жолугушууга ардактуу конок катары катышууга кызыкдар. Азербайжан төртүнчү жолугушууга да катышууга каалоосун билдирген. “Бирок, алдын ала кеңешүүчүлөр азырынча консенсус жок экенин көрсөттү. Буга байланыштуу каршылык болбосо, тышкы иштер министрлерине маселени иштеп чыгып... Читать дальше...

Кытай Бириккен Улуттар Уюмунун (БУУ) Адам укуктары боюнча башкы комиссары Мишель Бачелеттен Шинжаң-Уйгур автоном районундагы адам укуктарынын бузулушу боюнча баяндамасын жарыялабоону талап кылды. Бул тууралуу кытай дипломаттарынын жазган катында айтылганын анын мазмуну менен таанышкан Reuters маалымат агенттиги кабарлады. Жаңы баяндамада Кытайдагы уйгур азчылыгынын соңку үч жылдагы абалы жөнүндө эксперттер тобунун изилдөөлөрү камтылган. Бачелет аны 2022-жылдын августунун аягында өзү кызматтан кеткенге чейин жарыялоого убада берген. Читать дальше...

Энергетика маселелери боюнча эксперт Жаныбек Оморов "Камбар-Ата-1" ГЭСин куруу тууралуу Кыргызстан, Өзбекстан жана Казакстандын алдын ала макулдашып, орток пикирге келгенин оң баалады. Долбоордун аймакка тийгизген пайдасына токтолду. "Буга чейин долбоорго саясий каршылыктар болуп, саясий кызыкчылыкка басым жасалып келген. Азыр эми шарт, геосаясий абал өзгөргөнүнө жараша колдоо таап жатканы абдан жакшы. Эгер курулса, Кыргызстанга эле эмес, жалпы чөлкөмгө пайдасы тие турган ири ГЭС болот. Ошон үчүн... Читать дальше...

Борбор Азия мамлекет башчыларынын 21-июлда Чолпон-Ата шаарында өткөн төртүнчү Консультативдик жолугушуусунун жыйынтыгында жыйынтыктоочу документтер кабыл алынды. Чөлкөмдүн лидерлери биргелешкен билдирүү  кабыл алышты. Кыргызстан, Казакстан жана Өзбекстандын президенттери Садыр Жапаров, Касым-Жомарт Токаев, Шавкат Мирзиёев XXI кылымда Борбор Азияны өнүктүрүү максатында достук, ынак коңшулук жана кызматташтык жөнүндө келишимге кол коюшту. Президенттин басма сөз кызматы билдиргендей, Тажикстан менен... Читать дальше...

Мурдагы тышкы иштер министри Руслан Казакбаев Чолпон-Ата шаарындагы Борбор Азия мамлекеттеринин башчыларынын саммити тууралуу пикирин билдирди. Ал "Азаттыкка" комментарий берип жатып, аталган аймакта күчтүү саясий бирикме болушу керектигин белгиледи.  "Бул саммит Борбор Азиядагы бардык лидерлер үчүн маанилүү. Бизди жалпы тарыхыбыз, каада-салтыбыз, керек болсо динибиз бириктирип турат. Жайгашкан аймагына жараша геосаясий ролу, кадыры дагы өсүп атат. Келечекте Борбор Азия бардык жагынан, саясий-экономикалык... Читать дальше...

Өзбекстандын курамына кирген Каракалпакстан автономдук республикасынын аймагында киргизилген өзгөчө абал режими 21-июлдан тартып алынды. Бул тууралуу Өзбекстандын президенти Шавкат Мирзиёевдин басма сөз кызматы кабарлады. Анда аталган республиканын Жогорку Кеңешинин кайрылуусун, аймакта коомдук кырдаалдын турукташуусун эске алуу менен президент режимди мөөнөтүнөн мурда токтотуу чечимин кабыл алганы белгиленет. Мурдараак Каракалпакстандын парламенти өзгөчө абал режимин алууну жана тополоңго тиешеси жок жарандарга ырайым кылууну өтүнгөн. Читать дальше...

Президент Садыр Жапаров Кыргызстан Борбор Азиядагы азык-түлүк коопсуздугун жана айыл чарбасын өнүктүрүү үчүн бардык багыттар боюнча кеңейтилген кызматташтыкты жактай турганын билдирди. Бул багыттардын бири суу ресурстары экенин, анын көлөмү климаттын өзгөрүшүнө байланыштуу кыскарганын айтты. Мамлекет башчынын айтымында, суу ресурстарын башкаруунун колдонуудагы механизмдери азыркы учурдун реалдуулуктарына жооп бербейт жана Борбор Азия өлкөлөрүнүн керектөөлөрүн канааттандырбайт. "Кыргызстандын... Читать дальше...

22-июлда Кыргызстандын аймагында жаан-чачын жаабайт. Түштүк-батыш тараптан келген шамалдын ылдамдыгы секундасына 3-8 метрге жетет.​ Абанын температурасы: Чүй облусунда түнкүсүн 19...24, күндүз 36…41; Талас жергесинде түнкүсүн 14...19, күндүз 34…39; Баткен, Ош, Жалал-Абад дубандарында ​түнкүсүн 21…26, күндүз 37…42; Ысык-Көл облусунда түнкүсүн 12...17, күндүз 28...33; Нарын облусунда түнкүсүн 10…15, күндүз 31…36; Бийик тоолордо түнкүсүн 1…6, күндүз 15…20 градус. Бишкекте жаан-чачын жаабайт. Читать дальше...

Президент Садыр Жапаров бүгүн, 21-июлда Чолпон-Ата шаарында өтүп жаткан Борбордук Азия мамлекеттеринин башчыларынын төртүнчү консультативдик жолугушуусунда сүйлөп жатып, чек ара аймактарын достук менен ишенимдин көпүрөсүнө айлантууну сунуштады. Ал аймакта болгон кайгылуу окуялар "деструктивдүү күчтөрдөн, анын ичинде диний фанаттарды жана кылмышкерлерди өз тарабына тарткан тышкы күчтөрдөн коопсуздукту камсыздоо маселелерин алдыңкы планга чыгарганын" белгиледи. "Кыргызстан коңшу мамлекеттердин жетекчилигинин... Читать дальше...

Кыргызстандын президенти Садыр Жапаров Чолпон-Ата шаарындагы Борбор Азия лидерлеринин саммитинде сөз сүйлөп, аймактагы коопсуздук тууралуу маселе көтөрдү. Буга байланыштуу Ооганстандагы кырдалга токтолду. "Ал жакта кырдаал татаал жана алдын ала болжоп айтууга болбой турат. Биздин оюбузча талибдердин бийликке келиши жана алар түзгөн өкмөт бул азыркы катаал реалдуулук. Мындан улам биз бул багытта биргелешкен жолду аныктап алышыбыз керек. Ошол эле маалда коңшубуз Ооганстандын туруктуу өнүгүүгө бет алышына болгон аракетибизди жумшашыбыз керек. Читать дальше...

Тажикстандын президенти Эмомали Рахмон Борбор Азия лидерлеринин жыйынында сөз сүйлөп, Ооганстандагы кырдаал дайыма чөлкөмдүн көңүл борборунда болушу керектигин белгиледи. Ал бул өлкөдө болуп жаткан окуялар жалпы Евразия аймагынын геосаясий абалдын туруктуулугуна таасирин тийгизиши мүмкүн экенин айтты. "Биздин божомолдор боюнча Ооганстандагы абал мындан дагы начарлайт. Өткөн убакыт ичинде "Талибан" Кыргызстанда тыюу салынган - ред.) кыймылынын жетекчилиги дүйнө коомчулугун жана ооганстандыктарды коопсуздукту камсыз кылуу... Читать дальше...

Чолпон-Ата шаарындагы Борбор Азия лидерлеринин саммитинде Түркмөнстандын президенти Сердар Бердымухамедов аймактагы туруктуулук, ишеним тууралуу сөз кылды. Анда беш мамлекеттин Тышкы иштер министрликтери аркылуу кызматташууну күчөтүү керектигин белгиледи. "Биз баарыбыз чогуу Борбор Азия стабилдүүлүктүн жана ишенимдин аймагы болушуна аракет жасашыбыз керек. Ушундан улам саясий жана дипломатиялык алака-катышты активдештирүү жана күчөтүү керек. Бул иштерди координациялоону биздин мамлекеттердин тышкы саясат мекемелерине жүктөп... Читать дальше...

Чолпон-Ата шаарында Борбор Азия мамлекеттеринин башчыларынын жыйынында Казакстандын президенти Касым-Жомарт Токаев аймактагы гидроэнергетикалык ресурстарды пайдалануу маселесине токтолду. Анда саммитти утурлай Кыргызстан, Казакстан жана Өзбекстандын президенттеринин жолугушуусунда "Камбар-Ата-1" ГЭСин курууга байланыштуу алдын ала макулдашуу болгонун билдирди. "Казакстан транс чек аралык дарыялардагы суу ресурстарын бири-бирине пайдалуу шартта пайдалануунун алкагында биргелешкен гидроэнергетикалык... Читать дальше...

Казакстандын президенти Касым-Жомарт Токаев Борбор Азия мамлекеттеринин лидерлеринин кеңешмесине Орусия менен Кытай байкоочу катары катышса болорун билдирди. Мындай пикирин казак лидери 21-июлда Чолпон-Ата шаарында өтүп жаткан чөлкөмдүн лидерлеринин жыйынында сүйлөп жатып билдирди. Ал чек араны тынчтык жолу менен чечүү керектигин, бул маселени кечиктирүү жакшылыкка алып келбесин айтты. Токаев Казакстан коңшулары менен чек арасын толук чечкенин белгилеп, бул багытта жардам бере ала турганын кошумчалады. Читать дальше...

Москвада Кыргыз диаспорасынын Аксакалдар кеңешинин демилгеси менен мигранттар арасындагы кылмыштын алдын алуу маселеси талакууланды. Бул тууралуу Кыргызстандын Орусиядагы элчилиги кабарлады. Маалыматка караганда, ага консул Манас Жолдошбеков, Москва шаарындагы жана Москва облусундагы кыргыз диаспора уюмдарынын жана коомдук бирикмелеринин өкүлдөрү катышты. Алар Кыргызстандын жарандарынын катышуусундагы баңгизатка байланыштуу кылмыштарынын өсүшүнө тынчсызданууларын билдирип, алдамчылык аракеттери көп катталып жатканына көңүл бурушту. Читать дальше...

Кыргызстандын президенти Садыр Жапаров, Казакстандын президенти Касым-Жомарт Токаев, Өзбекстандын президенти Шавкат Мирзиёев 20-июлда, Ысык-Көл облусунун Бостери айылындагы Nomad этнокомплексинде уюштурулган этномаданий программа менен таанышты.