Новости за 19.07.2020

Орусиянын ыраакы чыгышындагы Хабаровск шаарында чөлкөмдүн оппозициячыл губернатору Сергей Фургалды камактан бошотууну талап кылган көчө акциялары 9 күндөн бери уланып жатат. Бул жекшембиде демонстранттардын саны 50 миңден ашканы кабарланды. Бул Хабаровкс шаарынын тарыхындагы эң ири митинг деп бааланууда. Ал эми жергиликтүү полиция митингчилердин саны тууралуу эч кандай билдирүү тарата элек. Жекшембидеги митингде «Эркиндик» жана «Мен/биз Фургал» деген ураандарга эми саясий туткундардын аттары да кошулду. Читать дальше...

Өзгөчө кырдаалдар министрлиги (ӨКМ) көчөлөрдү, имараттарды дезинфекциялоонун адамдын ден-соолугуна тийгизген таасири жөнүндө түшүндүрмө таратты. ӨКМ дезинфекция каражаттары Саламаттык сактоо министрлигинин, эпидемиологлордун көрсөтмөсү менен даярдалып, бардык талаптарды аткаруу менен жүргүзүлөөрүн билдирди. Курамында хлор бар дезинфекция үчүн даярдалган каражаттардын сертификаттары бар. Интернетте айрым социалдык тармактардын колдонуучулары дезинфекциялоодон кийин булганган аба пневмониянын күчөшүн шарттап жатканын жазып чыгышкан. Читать дальше...

19-июлда Нарын облусунун Нарын районунда саат 11:00 чамасында катуу жааган жамгырдан коктулардан суу түшүп, Нарын-Оруктам жолунун 50-55-чакырымы кум-шагыл менен жабылып калды. Бул тууралуу Өзгөчө кырдаалдар министрлиги (ӨКМ) билдирди. Учурда ӨКМнин Нарын райондук бөлүмү жана Жарандык коргоо комиссиясы жеринде иш жүргүзүп жатат. Бул тууралуу кошумча маалымат берилет. Ушул эле күнү Ысык-Көл облусунун Ак-Суу районунда саат 12:40 чамасында катуу жааган жамгырдан коктудан суу түшүп, Каракол-Эңилчек жолунун 6 чакырымы кум шагыл менен жабылып калды.

19-июлга карата Кыргызстанда COVID-19 вирусуна жана пневмонияга кабылгандардын жалпы саны 26 532 адамга жетти. Коронавируска каршы ыкчам штабдын маалыматы боюнча, 19-июлга карата Кыргызстанда коронавирус жуктуруп жана өпкөсү кагынып 70 адам каза болду. Ушуну менен пандемиянын башынан бери бул илдеттерден каза тапкандардын жалпы саны 1003 адамга жетти. Ал эми акыркы суткада коронавирустан жана пневмониядан 1162 адам сакайды. Жалпысынан март айынан бери 12 328 адам айыгып чыкты. Бишкек шаарында ... Читать дальше...

Кыргызстандык мушкер Рафаэль Физиев UFC уюмунда экинчи ирет жеңишке жетти. UFC Fight Island 2 деген аталыштагы мелдеш 19-июлда Абу-Даби шаарында өттү. Мында Физиев 70 килограммга чейинки салмакта британиялык мушкер Марк Диакиез менен беттешти. Үч раундга созулган беттеште калыстар бир добуштан Физиевди жеңүүчү деп тапты. Беттештен соң спортчу алып баруучунун суроолоруна жооп берип жатып, учурда Кыргызстан кыйын кырдаалды баштан өткөрүп жатканын айтты. "Менин Кыргызстаным учурда оор абалды баштан кечирип жатат. Читать дальше...

Мындай чечим мушкердин медициналык көрсөтмөлөрүнүн негизинде кабыл алынган. Ага 21 күнгө чейин машыгууда да контактка барууга тыюу салынган.

Коронавируска каршы ыкчам штабдын маалыматы боюнча, 19-июлга карата Кыргызстанда коронавирус жуктуруп жана өпкөсү кагынып 70 адам каза болду. Ушуну менен пандемиянын башынан бери бул илдеттерден каза тапкандардын жалпы саны 1003 адамга жетти. Ал эми акыркы суткада коронавирустан жана пневмониядан 1162 адам сакайды. Жалпысынан март айынан бери 12 328 адам айыгып чыкты. Бишкек шаарында – 495, Чүй облусунда – 188, Ош облусунда – 233, Талас облусунда – 31, Нарын облусунда – 26, Ысык-Көл облусунда ... Читать дальше...

Косовонун президенти Хашим Тачи Гааганын аскер сотунда төрт күнгө созулган суракта 22 жыл мурда кылган аракеттерин коргой алды. Ал 18-июлда сурактан чыгары менен кайрылуу жасап, Гаага сотунун чындыкка жетүү аракетин урматтай турганын, бирок ошол согушта Косовонун эркиндиги үчүн күрөшкөнүн айтты. 1998-1999-жылдары Косово Сербиядан бөлүнүп чыгуу үчүн күрөшкөн. Эки жылга созулган согуш НАТОнун аскерлери кийлигишкенден кийин токтогон. Косовонун президенти Хашим Тачи ошол согушта адам өлтүрүүгө шектүү... Читать дальше...

Коронавируска каршы ыкчам штабдын маалымдашынча, 19-июль, саат 17:30га карата Кыргызстанда COVID-19 жана пневмонияга 1020 адам кабылганы аныкталды. Анын ичинде: Бишкек шаарында - 369 Ош шаарында – 151 Чүй облусунда – 123 Ош облусунда - 178 Талас облусунда – 37 Нарын облусунда – 31 Ысык-Көл облусунда – 31 Жалал-Абад облусунда – 40 Баткен облусунда - 60 Ушуну менен март айынан бери Кыргызстанда коронавируска жана пневмонияга кабылган адамдардын жалпы саны 26 532 болду. Штабдын маалыматына караганда... Читать дальше...

Москванын Соода департаментинин башчысы Алексей Немерюк Армениядан келген товарларды сатууга эч жерде тыюу салынбаганын, алар «Фуд Сити» соода борборунда эркин сатылып жатканын билдирди. Буга чейин Армениянын Орусиядагы элчиси Вардан Тоганян Москвадагы «Фуд Сити» соода борборунун азери жетекчилери Год Нисанов жана Зарах Илиев Армениядан келген товарларды саттырбай жатканын билдирген. Армениянын элчиси президент Владимир Путинге кайрылып, «Орусияда Азербайжан бийлигинин кабагын карап, ошол өлкөнүн... Читать дальше...

Максат Курманалиев жана Элиза Койлубаева элет жергесинде тең укуктуу үй-бүлө түшүнүгүн жайылткысы келген жубайлар.

20-июлда күндүз Кыргызстандын көпчүлүк аймактарында жаан жаайт. Айрым райондордо өткүн өтөт. Батыштан соккон шамалдын ылдамдыгы секундасына 4-9 метрден, кээ бир райондордо 20 метрге жетет. Абанын температурасы: Чүй өрөөнүндө түнкүсүн 17...22, күндүз 32...37 градус, Талас жергесинде түнкүсүн 14...19, күндүз 29...34, Баткен, Ош, Жалал-Абад облустарында түнкүсүн 18...23, күндүз 32...37 градус, Нарын облусунда түнкүсүн 9...15, күндүз 21...26, Ысык-Көл дубанында түнкүсүн 11...16, күндүз 22...27... Читать дальше...

Москва-Бишкек багытындагы чартердик каттам менен 19-июлда 21 медицина кызматкери учуп келди. Дарыгерлер коронавирус инфекциясына жана өпкөнүн сезгенишине чалдыккан бейтаптарды айыктырууда Кыргызстандагы кесиптештерине жардам беришмекчи. Алардан тышкары учактын бортунда 403 кыргызстандык мекенине кайтып келди. Арасында оорулуу, улгайган адамдар, кош бойлуу жана балалуу кыз-келиндер бар. Кыргызстандагы кесиптештерине жардам берүү максатында июль айында эле Орусияда жана Түркияда иштеген кыргызстандык 100дөн ашуун дарыгер келишкен. Читать дальше...

Бул маалыматты Бишкек мэриясынын коомчулук менен байланыш бөлүмүнүн кызматкери Гуля Алмамбетова “Фейсбуктагы” баракчасына жазды. “Бактыга жараша, акыркы суткада бир дагы стационарда адам өлүмү катталган жок”, деп жазган ал. Алмамбетованын маалыматына ылайык, өткөн суткада борбор калаадагы күндүзгү стационарларга 3 833 адам кайрылып, 2 989у дарыланды. 827 адам дарыгерлердин кеңешин алды. 17 адам ооруканага жаткырылды. Түнкү стационарга 650 адам кайрылып, 296 адам инфузиондук терапия алышты, 352 адамга дарыгерлер кеңеш беришти. Читать дальше...

19-июлда Көк-Жар айылындагы мектепте Уланбек Эгизбаев атындагы кезектеги стипендия тапшырылды. Бул тууралуу маркум журналисттин жубайы Сапаргүл Абдинабиева билдирди. Стипендия Жалпы республикалык тестирлөөнүн жыйынтыгы боюнча кыргыз тилинен эң көп упай алган Жылдыз Мукановага жана Айназик Таалайбековага ыйгарылды. “Жеңүүчүлөрдү куттуктайбыз! Келечекте кыргыз тилин өнүктүрүүгө чоң салым кошот деп терең ишенебиз. Улан өзүнүн кыска өмүрүндө кыргыз тилин өнүктүрүүгө өзгөчө салым кошту. Интернетте “Кыпкыргызча” деген топ түзүп... Читать дальше...

“Кыргызстан дунгандары ассоциациясынын” экс-вице-президенти, Жогорку Кеңеште “Кыргызстан” фракциясынын мурдагы депутаты Насыр Мусаев узак оорудан кийин кайтыш болду. “Кыргызстан” фракциясынын катчылыгы депутат мурдатан ооруп жүргөнүн “Азаттыкка” маалымдады. Маркум 62 жашта болчу. Насыр Мусаев 1958-жылы Токмок шаарында туулган. Жеке ишкерлик менен алектенип, туристтик ишканаларды түптөгөн. Чүй облустук кеңешинин, Токмок шаардык кеңешинин депутаты болуп жүргөн. 2018-жылы Жогорку Кеңешке маркум... Читать дальше...

Кытайдын батышындагы Шинжаң чөлкөмүнүн бийликтери жекшембиде 17 кишиде коронавирус аныкталганын, дагы 23 адамда симптомдору белгисиз оору табылганын, бардыгы 269 жаран обсервацияга алынганын, ушу тапта аймакта "согуш абалындагыдай" аракеттер көрүлүп жатканын билдиришти. 16-июлда алгачкы оорулуулар катталгандан тартып чөлкөмдүн борбору Үрүмчүдө метро, поезд жана башка коомдук транспорт токтотулган. Коомдук түрдүү жыйындарга тыюу салынды. Ишембиде Кытайдын Улуттук саламаттык комиссиясы бүткүл өлкөдө... Читать дальше...

Кыргызстандын мурдагы премьер-министри Николай Танаев 75 жаш курагында узакка созулган оорудан улам Орусияда каза болду. Бул тууралуу экс-премьердин жакындары “Азаттык” радиосуна кабарлады. Анын сөөгү Орусиянын Санкт-Петербург шаарында жерге берилет. Николай Танаев 2002-жылдын 30-майынан 2005-жылдын 24-мартына чейин Кыргызстандын өкмөт башчысы болгон. Ал март окуясында ошол кездеги президент Аскар Акаевдин бийлиги кулаганда кызматынан чегинип, Орусияга чыгып кеткен. 2003-жылы Николай Танаевдин... Читать дальше...

Кыргызстандык мушкер Рафаэль Физиев UFC мелдешиндеги жеңишинен кийин өлкөдөгү эпидемиялык кырдаалга байланыштуу Кыргызстандын элине колдоо сөзүн айтты.

Саламаттык сактоо министрлигинин басма сөз кызматы маалыматты республикалык штаб берерин билдирди. Ыкчам штаб маалымат толукталып жатканын, бир аздан кийин берилерин кабарлады. Кечигүүнүн себеби түшүндүрүлгөн жок. Бирок 19-июль, саат 14:00гө карата Кыргызстанда акыркы суткада канча адам коронавируска жана пневмонияга кабылганы тууралуу маалымат жарыяланган жок. 18-июлга карата Кыргызстанда коронавируска жана пневмонияга кабылган 1264 адам катталган. Бул илдеттерден бир суткада 73 адам көз жумган. Читать дальше...

Россиялык мушкер Хабиб Нурмагомедовдун атасы Абдулманап көз жумганда ал карьерасын жыйынтыкташы мүмкүндүгү айтылган, бирок божомолду менеджери төгүндөдү.

Ош шаардык ички иштер башкармалыгынын жол кыймылынын коопсуздугун камсыздоо башкармалыгынын (ЖКККБ) кызматкери, улук лейтенант Чыңгыз Оморов 19-июль күнү коронавирустан каза болду. Бул маалыматты ЖКККБнын басма сөз катчысы Тилек Оторов “Азаттыкка” ырастады. Анын айтуусунда, каза болгон милиция кызматкери 32 жашта болчу. ЖКККБнын Ош шаар башкармалыгынын дагы бир кызматкери Улукбек Умаров 9-июлда коронавирустан көз жумган. Ага чейин Бишкекте үч милиция кызматкери коронавирус жугуп каза болгон. ИИМдин... Читать дальше...

Премьер-министр Кубатбек Боронов Республикалык ыкчам штабдын жыйынында медициналык мекемелерге борборлоштурулган кычкылтек киргизүү иштерин тез арада жүзөгө ашыруу зарылдыгын билдирди. Бул тууралуу кабарды өкмөттүн маалыматтык камсыздоо бөлүмү таратты. «Өкмөткө караштуу Архитектура, курулуш жана турак-жай коммуналдык чарба мамлекеттик агенттиги борборлоштурулган кычкылтек киргизүү үчүн өлкө аймагындагы ооруканаларга ревизия жасап, схемасын түзүү керек. Ушундай эле иштерди Бишкек шаардык мэриясы да жүргүзүүсү зарыл. Читать дальше...

Ирандын соту былтыр ноябрь айындагы нааразылык акцияларына катышты деп айыпталган үч адамды дарга асуу тууралуу өкүмүн кайра карап чыгат. Бул тууралуу айыпталуучулардын адвокаты "Твиттердеги" баракчасына жазды. Иран соту 25 жаштагы Амир Хусейн Марадини, 27 жаштагы Саида Тамжидини, 25 жаштагы Мухаммад Ражабини дарга асуу тууралуу өкүм чыгарган эле. Ирандын мурунку саясатчылары, маданият жана интеллигенция өкүлдөрү өлүм жазасына өкүм кылынган бул үч адамды колдоп чыгышкан. Эл аралык Мунапыс уюмунун маалыматына караганда... Читать дальше...

Бул тууралуу “Демилгечи жаштар борборунун” мүчөсү, ыктыярчы София-Айдана Мурзаева “Твиттердеги” баракчасына жазды: “Силерге кубанычтуу кабар айткым келет. Бизде эми 20 кычкылтек аппараты бар. 20 мобилдик топ түнү-күнү иштеп жатат!”. Буга чейин “Демилгечи жаштар борборунун” мүчөсү София-Айдана Мурзаеванын оор абалдагы бейтаптын өмүрүн сактап кала албаганына ыза болуп, ыйлап жатканы тартылган тасма Интернетте тараган. Ыктыярчы кыз бейтаптын өмүрүн кычкылтек аппараты жетишсиздигинен улам сактай албай калышканын “Азаттыкка” билдирген. Читать дальше...