Новости за 06.07.2020

Кыргызстандын Жогорку Кеңешинин депутаты Чыныбай Акун уулу Турсунбеков 6-июлда түнгө маал өпкө кагыны илдетинин айынан каза болду.

Кыргызстандын Жогорку Кеңешинин мурдагы төрагасы, учурда Жогорку Кеңештеги КСДП фракциясынын мүчөсү, акын, илимпоз жана ишкер Чыныбай Акун уулу Турсунбеков 6-июлда түнгө маал өпкө кагыны илдетинен каза болгонун парламенттен ырасташты. Буга чейин Чыныбай Турсунбеков эки өпкөсү кагынып, Бишкектеги Улуттук госпиталда дарыланып жаткан. Акыркы күндөрдө анын абалы оор экени жана жасалма дем алдыруу аспабынын (ИВЛ) көмөгү менен дем алып жатканы айтылган. 5-июлда Жогорку Кеңештин басма сөз катчысы Ибраим Нуракун уулу Ч.Турсунбековдун кан басымы... Читать дальше...

Президент Сооронбай Жээнбеков Коопсуздук кеңешинин 6-июлдагы жыйынында Коронавируска каршы күрөшүү боюнча республикалык  штабды дары-дармектердин, беткап жана тазалоочу, коргоочу каражаттардын жетишсиздигин алдын алууга чакырды. Президенттик аппараттын маалыматтык-саясат бөлүмү билдиргендей, Жээнбеков күзгү-кышкы мезгилге, сезондук илдеттерге, жер-жерлердеги ооруканаларды жабдууга өз маалында даярдыктарды көрүүнү талап кылды. Заманбап шартта Саламаттыкты сактоо министрлиги Маалыматтык технологиялар... Читать дальше...

Орусиянын Псков шаарында аскердик сот журналист Светлана Прокопьеваны терроризмди актагандыгы үчүн айыптуу деп таап, 500 миң рубль айыпка жыкты. «Радио Свобода» менен кызматташкан Прокопьева күнөөсүн моюнга алган жок жана өкүмгө каршы жогорку инстанциядагы сотко кайрыларын айтты.

Коронавируска каршы түзүлгөн республикалык штабдын маалыматы боюнча 18-марттан 6-июлга чейин өлкө боюнча 7691 кишиге COVID-19 жукса, анын 3305и Бишкек шаарынан чыккан.

Мамлекеттик каттоо кызматы билдиргендей, Кыргызстандагы эпидемиологиялык кырдаалга байланыштуу Бишкекте жайгашкан Архив агенттиги карантинге жабылды. Ал эми республикадагы архив кызматтары аралыктан иштөөгө өтүштү. Архив кызматтарынан маалымат жана кеңеш алыш үчүн жарандар Мамлекеттик каттоо кызматына же 119 номерине кайрылса болору айтылды. Кыргызстанда 6-июлга карата коронавирустан дагы төрт адам, ал эми пневмониядан 18 адам каза болду. Ушуну менен Кыргызстанда СОVID-19 вирусунан набыт болгондордун жалпы саны 92 адамга жетсе... Читать дальше...

Экс-президент Роза Отунбаева Казакстандын мурдагы президенти Нурсултан Назарбаевдин 80 жылдык мааракесине байланыштуу 6-июлда куттуктоо катын жолдоду.  Анда Назарбаевдин Казакстандын тарыхындагы орду чоң экени белгиленген. Назарбаев республиканы СССР ыдыраганга чейин эле партиялык лидер катары башкарып, кийин президент болуп шайланганы, өлкөдө көптөгөн ийгиликтер болгону айтылган. Ал башкарган жылдары Казакстанда олуттуу реформалар жасалып, ийгиликтер жаралганы жазылган.   Казакстанды дээрлик... Читать дальше...

Орусиянын президенти Владимир Путиндин аталаш тууганынын баласы Роман Путин «Эл коррупцияга каршы» партиясынын төрагасы болуп шайланды. Бул тууралуу аталган партиянын башкы саясий кеңешинин жетекчиси Григорий Анисимов билдирди. Добуш берүү жашыруун өттү жана Роман Путин беш жылдык мөөнөткө шайланды. Ал бул партиянын төрагасынын кызматына киришип жатып, башкы максат сентябрь айындагы аймактык шайлоого, андан кийин Мамлекеттик Думага шайлоого катышуу экенин белгиледи. Путиндин тууганы «Эл коррупцияга каршы» партиясына өткөн айда мүчө болгон. Читать дальше...

Чет өлкөдөн Кыргызстанга келе албай жаткан мекендештердин аягы сууй элек.

Иранда соңку бир күндүн ичинде коронавирустан 163 адам көз жумду жана бул пандемия маалындагы эн чоң көрсөткүч болуп калды. Буга чейинки эң чоң көрсөткүч 29-июнда катталган. Анда бул илдеттен өлкөдө 162 бейтап жан берген. Ирандын расмий бийлик өкүлдөрүнүн маалыматына ылайык, акыркы бир күндө COVID-19 дагы 2560 адамдан табылды жана өлкөдө ооругандардын жалпы саны 240 миңден ашты. Коронавирустан 11,5 миңден көп бейтап көз жумду. Өлкөдөгү оору жуккан учурлар бийлик быйыл апрель айында киргизген... Читать дальше...

Бул тууралуу Кыргызстандын Анкарадагы элчилиги маалымат таратты. Анда 8, 15, 22 жана 29-июлда Стамбул-Бишкек каттамы боюнча атайын чартердик рейстер пландаштырылганы жазылган. Чартердик каттам Анкарадагы элчилик жана Стамбулдагы башкы консулдук түзгөн тизмеге жараша аткарылат. Ошондой эле «Түрк аба жолдору» авиакомпаниясынын 2020-жылдын 8-июлуна чейинки регулярдуу рейстерине жарандардын мурун сатып алган билеттери 8-июлдагы чартердик авиарейске жарактуу болору кабарланды. Буга чейин коронавирус... Читать дальше...

Италиялык атактуу музыкант Эннио Морриконе 91 жашында дүйнөдөн кайтты. ANSA маалымат агенттиги белгилүү италиялык композитор жана дирижёр Эннио Морриконе мындан бир канча күн мурда жамбаш сөөгү сынып Римдеги ооруканага жаткырылганын жазды. Маркум «Бир жолу Жапайы Батышта», «Пианист жөнүндө уламыш», «Кесипкөй», «Бошогон Жанго» сыяктуу баш-аягы 500дөн ашык тасмага жана сериалдарга музыка жазган. Атактуу музыкант Оскар сыйлыгын эки жолу алган. Алгач Морриконеге бул сыйлык 2007-жылы кинематографияга кошкон салымы... Читать дальше...

Чолпон-Ата шаарында күндүзгү стационар үчүн үч чатыр тигилди. Бул тууралуу Ысык-Көл райондук өзгөчө кырдаалдар бөлүмү кабарлады. Мекеменин маалыматына караганда, жалпысынан үч чатырда 15 бейтап үчүн орун даярдалды. Мындан тышкары, райондун акими Данир Иманалиев «Азаттыкка» билдиргендей, эс алуучу жайларда да өзүнчө изоляторлор даярдалды.  «Жалпы район боюнча ар бир пансионат, санаторий жана эс алуу жайында бештен 40ка чейин бейтапты кабыл алууга жарай турган изоляторлор даярдалды. Жалпысынан район боюнча 935 адамга эсептелген изолятор бар. Читать дальше...

Президент Сооронбай Жээнбеков бүгүн, 6-июлда Коопсуздук кеңешинин жыйынында элге алгачкы медициналык жардам берилбегени жана алдын алуу иштери жасалбаганы үчүн өкмөттү сындады. Мамлекет башчы Саламаттык сактоо министрлигин жана Коронавируска каршы республикалык ыкчам штабды дарыгерлердин запасын толуктай албаганы үчүн айыптады. «Бүт дили менен иштеп жаткан дарыгерлерибизди бардык зарыл нерселер менен камсыз кылуу, алардын муктаждыктары боюнча так, туура маалыматты Саламаттыкты сактоо министрлиги Республикалык штабга... Читать дальше...

Ысык-Көлдү өнүктүрүү фонду облустун ар бир райондук ооруканасын суюк кычкылтек берип туруучу орнотмо менен жабдымай болду. Бул тууралуу 6-июлда «Азаттыкка» өкмөттүн облустагы ыйгарым укуктуу өкүлүнүн басма сөз катчысы Жаныбек Кожоев билдирди.  Анын айтымында, фонддун байкоочу кеңеши кезексиз жыйынга чогулуп, бул максатта 10 миллион сом бөлүп берүү тууралуу чечим кабыл алды. «Кычкылтек концентраторунан да натыйжалуу атайын орнотмо бар экен. Суюк кычкылтекти толтуруп алып, аны ар бир бөлмөгө өзүнчө түтүк аркылуу тарттырып алса болот. Читать дальше...

Ысык-Көл облусунда эпидемиологиялык абал туруктуу, бирок курчуп кетиши ыктымал болуп турат. Бул тууралуу 6-июлда «Азаттыкка» өкмөттүн облустагы ыйгарым укуктуу өкүлүнүн басма сөз катчысы Жаныбек Кожоев билдирди. Анын айтымында, бүгүн коронавируска каршы ыкчам штабдын отуруму өтүп, облусту жабуу маселеси көтөрүлдү, бирок андай чара көрүлбөй турган болду. Кожоев белгилегендей, облустун ар бир тургуну өз ден соолугуна өзү кам көрүшү керек деген чечим кабыл алынды. «Буга чейин инфекция жугузуп алгандар бирин-серин эле катталып жаткан болсо... Читать дальше...

Капысынан келген илдет кыргыз журналистикасынын чыгааны, кесиптешибиз Бүбүкан Досалиеваны арабыздан алып кетти.

Коронавируска каршы күрөш үчүн ыктыярдуу түрдө элден түшкөн акча медицина кызматкерлерине кошумча акы төлөөгө сарпталды. Бул тууралуу финансы министри Бактыгүл Жээнбаева 6-июлда брифингде билдирди. Анын айтымында бул боюнча бардык документтер бар. «Бул акчанын баары атайын комиссиянын чечими менен сарпталган. Комиссиянын курамында, өзүңүздөр билгендей, Жогорку Кеңештин депутаттары, өкмөттүк эмес уюмдардын өкүлдөрү да бар», - деди Жээнбаева. Министрдин маалыматына караганда, Саламаттык сактоо министрлигине кошумча 391,7 млн. Читать дальше...

Кыргызстанда акыркы күндөрү коронавирустан каза болгондорго караганда пневмониядан өлгөндөр көп эсе болууда. Бирок өкмөт өпкөсү кагынып кайтыш болгондорду COVID-19дун расмий статистикасына кошкон жок. Буга эмне себеп?

7-июлда Ысык-Көл облусунан башка аймактарда күн ачык болот. Түнкүсүн Ысык-Көл облусунун кээ бир райондорунда жаан жаап, күн күркүрөйт. Бийик тоолуу райондордо карга айланат. Абанын температурасы: Чүй өрөөнүндө түнкүсүн 11...16, күндүз 28...33; Талас облусунда түнкүсүн 9...14, күндүз 26...31; Баткен, Ош, Жалал-Абад облустарында түнкүсүн 13...18, күндүз 30...35; Ысык-Көл облусунда түнкүсүн 7...12, күндүз 22...27; Нарын облусунда түнкүсүн 3...8, күндүз 22...27; 7-июлда Бишкек шаарында күн ачык болот. Читать дальше...

Өзбекстандын Тышкы иштер министрлиги (ТИМ) орус-казак чек арасы аркылуу мекенине кайтууну каалаган жарандарга кайрылды. Анда бул чек аралар ачылганы тууралуу маалыматтар жалган экенин белгилеп, ага ишенбөөгө, алдамчыларга жем болуп калбоого жана сак болууга чакырды. Министрликтин маалыматына караганда, кийинки күндөрү социалдык тармактарда, мессенжерлерде Орусия менен Казакстандын чек арасынан өтүп Өзбекстанга кайтса болору тууралуу жалган маалымат тарап жатат жана чек арадан акчага өткөрө аларын айткан шылуундар пайда болду. Читать дальше...

Саламаттык сактоо министрлиги убактылуу ачылган стационарга жакындарын өз алдынча алып баргандарды кооптуу зонага өтпөөгө чакырды. 6-июлда министрдин орун басары Мадамин Каратаев түз эфирдеги брифинг учурунда элге кайрылп, бейтаптардын жакындарына санитардык-эпидемиологиялык эрежелерди так сакташ керек экенин эскертти. Анын айтымында, «Манас» аэропортунун жанындагы мурдагы «Ганси» базасында ачылган убактылуу жайда айрым бейтаптардын жакындары оору жугушу ыктымалдыгы жагынан кооптуу деп эсептелген зонага өтүп кетүүдө. Читать дальше...

Бүгүн 6-июлда, Кыргызстандын президенти Сооронбай Жээнбеков Казакстандын туңгуч президенти Нурсултан Назарбаев менен телефон аркылуу сүйлөштү. Сүйлөшүү учурунда президент Сооронбай Жээнбеков Казакстандын туңгуч президентин 80 жылдык мааракеси жана Казакстандын баш калаасынын күнү менен куттуктады. Ошондой эле ага чың ден соолук, бакыт жана бакубатчылык, ал эми боордош Казакстан элине - тынчтык жана өсүп-өнүгүү каалады. Мындан тышкары мамлекет башчы Сооронбай Жээнбеков Нурсултан Назарбаевдин Кыргызстан... Читать дальше...

Индия коронавирус жуккан адамдардын саны боюнча Орусияны басып өтүп, үчүнчү орунга чыкты. Бул өлкөдө илдетке 697 миңдей киши кабылды. Орусияда соңку бир күндө COVID-19 дагы 6600дөн ашык адамдан табылды жана ооругандардын жалпы саны 688 миңге чукулдап калды. COVID-19дан 10 миңден көп бейтап кайтыш болду. Ооругандардын жана бул илдеттен кайтыш болгондордун санына карап дүйнөдө биринчи орунда турган АКШда коронарус 2,8 миллиондон ашык адамдан табылып, 130 миңдей бейтап көз жумду. Дүйнө жүзүндө... Читать дальше...

Испаниянын Барселона шаарында мындан төрт ай мурун коронавирус пандемиясына байланыштуу жабылган белгилүү Саграда Фамилия чиркөөсү көрүүчүлөр үчүн кайрадан ачылды. Шаар бийлиги алдыдагы эки аптанын ишемби жана жекшемби күндөрү бул жайга эң биринчи кезекте COVID-19га каршы күрөшкөн дарыгерлер үчүн турлар уюштуруларын билдирди. Андан кийин полиция кызматкерлери жана кайрымдуулук менен алектенген өкмөттүк эмес уюмдарда иштегендер киргизилет. Алардан соң барселоналыктар үчүн эшигин ачат. Жергиликтүү... Читать дальше...