Новости за 02.07.2020

Кыргызстанда коронавирус пандемиясынын жайылышы жана пневмониянын көбөйүшүнө байланыштуу "Ата Мекен" партиясынын лидери, парламенттин мурдагы депутаты Өмүрбек Текебаев 2-июлда өкмөткө, элге, ишкерлерге видеокайрылуу жасады. Ал "Фейсбуктагы" баракчасына жарыялаган видеосунда коронавирусту "адамзатка 100 жылда бир келүүчү апаат" деп сыпаттады. "Эки ай карантинде өкмөт жана эл вирус менен күрөшүүгө даяр болушу керек эле. Окумуштуулар аны менен кантип күрөшүүнү, кантип дарыланыш керектиги тууралуу... Читать дальше...

Стамбулдагы атактуу Айя-София музейинин макамы талкуу жаратууда. Түрк соту дүйнөлүк мурастардын тизмесине кирген бул жайды мечитке айландыруу маселесине жакын арада чекит койгону турат. Бирок Грекия, АКШ сыяктуу айрым өлкөлөр Айя-Софиянын музей бойдон калышын каалашат.

Дарыгерлер коронавируска байланыштуу кырдаал мындан да курчуй турганын эскертишүүдө. Мурдагы саламаттык сактоо министри Талантбек Батыралиев күнүнө жүздөгөн адам илдетке кабылып жаткан пандемияны согуш абалына теңеди.

Адвокат Кайрат Загибаев 2-июлда Бишкекте эки өпкөсү тең кагынып (пневмония) каза болду. Бул тууралуу маалыматты адвокат Канат Хасанов ырастады. Кайрат Загибаевдин «Фейсбуктагы» баракчасына тааныштары көңүл айткан билдирүүлөрдү жазып жатышат. Маркум пневмония менен беш күн мурда ооруканага түшкөнү белгилүү болду. 62 жаштагы Кайрат Загибаев бир катар чуулгандуу иштерде айыпталгандардын адвокаты болгон. Анын ичинде президенттик аппараттын мурдагы башчысы Данияр Нарымбаевдин, мурдагы депутат Хажимурат... Читать дальше...

Акыркы суткада 526 адамдан илдет аныкталды. Үч күндө пневмониядан 43 бейтап каза болду. Кырдаал күндөн күнгө курчуп, бейтаптарды дарылаганга адистер жана медициналык шаймандар тартыш болуп жатат.

Казакстандын президенти Касым-Жомарт Токаев Кыргызстандын экс-президенти Роза Отунбаевага энеси Салийка Даниярованын көзү өткөндүгүнө байланыштуу көңүл айтты. Бул тууралуу «Роза Отунбаеванын демилгелери» фондунун басма сөз кызматы кабарлады. Көңүл айтуу телеграммасында «Салийка Даниярова өмүр жолун ардактуу жана кадыр-барктуу кесипке – мугалимдикке арнап, жаш муунду тарбиялоодо айкын үлгү болду. Ал эгемен өлкөнүн өнүгүшүнө салым кошкон татыктуу муунду тарбиялаган баатыр-эне катары урматка ээ болду» деп жазылган. Читать дальше...

Кыргызстанда акыркы бир аптада үрөй учурган жол кырсыктары катталды. Президент Сооронбай Жээнбеков 30-июнда парламентте "жолдор коопсуз болуп калды" деп айтып жаткан күнү Бишкектен "Манас" абабекетине кеткен жолдогу кырсыктан эки киши көз жумду. Жол кырсыгына кабылган ырчы Асел Кадырбекованын абалы оор бойдон калууда. Акыркы бир аптада Кыргызстандагы жол кырсыгынан кеминде 11 киши өлүп, үч адам жабыркады.

Казакстандын туңгуч президенти Нурсултан Назарбаевдин басма сөз катчысы Айдос Укибай 2-июлда «Твиттердеги» баракчасына экс-президенттин коронавируска кайталап тапшырган анализдери таза чыкканын жазды. Ал Назарбаев дагы эле обочодо болорун белгилеп, мындай билдирүүсүнө спорт костюмчан, кара көз айнек тагынган Назарбаевдин сүрөтүн кошо тиркеди. Назарбаевге коронавирус жуканы 18-июнда белгилүү болгон. Басма сөз катчысы жергиликтүү басылмаларга анын оорусу жеңил өтүп жатканын билдирген. Казакстанды... Читать дальше...

«Биз жана дүйнө» берүүсүнүн бул жолку чыгарылышында коронавирустун билим берүүгө тийгизген таасирине токтолобуз. Европанын билим берүү системасынан Кыргызстан өрнөк алчу кандай мисалдар бар? Пандемия билим берүүнү канчалык өзгөртөт? Эки өлкөдө тең билим алган кыргызстандык окуучулардын көзү менен Чехиянын жана Кыргызстандын орто мектептерин салыштырабыз.

Акыркы бир нече суткада каза болгон дарыгерлер улам көбөйүп баратат.

Бишкекте медицина илимдеринин доктору, профессор Исхар Фунлоэр кайтыш болду. Мындай маалымат 2-июлда кыргызстандык дарыгерлердин «Фейсбуктагы» Doctor KG+ баракчасына жарыяланды. Ал Улуттук госпиталдын урология корпусунун кабыл алуу бөлүмүндө көз жумганы айтылып, «эң өкүнүчтүүсү, ага орун табылганча үзүлүптүр» деп жазылды. Профессордун өлүмүнө эмне себеп болгону айтылган жок, бирок азыркы тапта урология бөлүмүндө коронавируска чалдыккан бейтаптар дарыланууда. Окуу жайынан жана Саламаттык сактоо... Читать дальше...

Соңку кырдаалга байланыштуу 3-июлдан тартып Жалал-Абад шаарында олуттуу чектөөлөр киргизилди. Бул туурасында мэриянын маалымат борбору билдирди.  Коронавирус күчөп кеткенине байланыштуу Жалал-Абад шаарында кафе, ресторан, коомдук тамактануу жайларына саат 08.00дөн кечки 20.00гө чейин гана иштөөгө уруксат берилди. Тойканаларда той-аш, эскерүү иш-чараларын өткөрүүгө уруксат жок.  Ишемби, жекшемби күндөрү коомдук транспорт убактылуу каттабайт. Базарлардын иш мөөнөтү 06:00дөн 18:00гө чейин деп чектелди. Читать дальше...

Пандемия башталган март айынан бери Кыргызстандагы театрлар онлайнга көчтү. Бир нече спектаклди теле жана социалдык тармактар аркылуу элге тартуулашты.

Бишкек шаарында ишемби, жекшемби күндөрү такси кызматтарынын иштешине уруксат берилди. Бул тууралуу коронавируска каршы күрөш боюнча республикалык штаб кабарлады. Муну менен айдоочулар санитардык талаптарды так сакташы керек. Коронавирус күчөп кеткенине байланыштуу баш калаада коомдук транспорттун, коомдук тамактануучу жайлардын жана базарлардын иштөө убактысы чектелди. Бишкекте коомдук транспорт - автобустар, троллейбустар, кичи автобустар - иш күндөрү эртең менен саат 07.00дөн 10.00гө чейин... Читать дальше...

Стамбул-Бишкек аба каттамы менен 2-июлда «Манас» эл аралык аэропортуна Түркиядан 232 кыргызстандык кайтып келди. Арасында балдар бар. Республикалык ыкчам штаб тараткан маалыматка караганда, бул рейс чет мамлекеттерден Кыргызстандын жарандарын кайтаруу боюнча иштин алкагында уюштурулду.  Коронавирус пандемиясынан улам бир катар мамлекеттер аба каттамдарын токтотуп, чек араларын жапкан. Ушундан улам чет өлкөлөрдө миңдеген кыргызстандыктар калып, бийликтен өлкөгө алып кетүүнү суранып жатышат. Алардын көбү Орусияда. Читать дальше...

«Курманжан датка» кинотасмасы түрк тилине которулуп, Түркияда көрсөтүлмөй болду. Бул тууралуу «Азаттык» радиосуна фильмдин режиссёру, Жогорку Кеңештин депутаты Садык Шер-Нияз кабарлады. Анын айтымында, мындай келишим америкалык «All Right Entertainment Filmart» компаниясынын, кыргызстандык «Айтыш фильм» жана «Кыргызфильм» киностудияларынын ортосунда түзүлдү. Америкалык компания түркиялык «Фильм арт» дистрибьютерлик компаниясы менен келишим түзгөнү маалым болду. Режиссёр билдиргендей, түркиялык... Читать дальше...

Орусиянын Борбордук шайлоо комиссиясы Баш мыйзамды өзгөртүү боюнча добуш берүүнүн баштапкы жыйынтыгын жарыялады. Ага ылайык, протоколдордун 100% саналгандан кийин добуш бергендердин 77,92% Конституцияга өзгөртүүлөрдү киргизүүнү колдоду. Добуш берген жарандар жалпы шайлоочулардын дээрлик 65% түздү. Конституцияны өзгөртүүнү колдогондордун саны боюнча Чеченстан озуп чыкты. Бул өлкөдө мындай көрсөткүч 97,92% жетти. Ненец автоном окуругунда тескерисинче референдумда бийликтин сунушун колдобогондор... Читать дальше...

Кыргызстанда коронавирус пандемиясынан улам токтотулган эл аралык аба каттамдары кайра качан жанданары азырынча белгисиз. Премьер-министр Кубатбек Боронов 2-июлда онлайн брифингде бул тууралуу журналисттин суроосуна жооп берип жатып айтты.  Өкмөт башчынын маалыматына караганда, авиакаттамдардын ишин калыбына келтирүү тууралуу кээ бир мамлекеттерден сунуштар түштү. Кыргызстандын тиешелүү мамлекеттик кызматтары маселени карап чыккандан кийин гана чечим кабыл алынат. COVID-19 илдетинен улам 20-марттан тартып Бишкек... Читать дальше...

Дүйнөлүк саламатттык сактоо уюму (ДССУ) коронавирус пандемиясы мурда болуп көрбөгөндөй тездик менен жайылып жатканына кабатыр болуп жатканын билдирди. Уюмдун эсебинде, ушул тушта дүйнө жүзүндө күн сайын COVID-19 жукккан 160 миңден ашык учур катталып жатат. АКШда эле оору жугузуп алгандар бир күндө 50 миңден ашык болуп көбөйдү. Кошмо Штаттарда коронавируска кабылгандар 2,7 миллион кишиге жетти. Ушундан улам айрым штаттарда кайрадан карантин киргизиле баштады жана карантин эрежелерин жумшартуу кийинкиге калды. Читать дальше...

Казакстандын «Жибек жолу» көзөмөл-өткөрмө бекетинин жанында мекенине кайтууну көксөгөн, Өзбекстандын чек арасынан өтө албай калган жүздөгөн тажикстандык жарандар топтолуп турат. Тажикстандын Казакстандагы элчилиги автобекетке тажик жарандары дагы топтолуп калганын ырастады, бирок алардын саны 100гө чукул эле адам экенин, негизинен кары-картаңдар, жаш балдар болорун белгиледи. Ушул тушта казак-өзбек чек арасында ара жолдо калгандар аларды бул жерге Алматы аркылуу тажик элчилигинин кызматкерлери жети автобус менен алып келишкенин... Читать дальше...

Премьер-министр Кубатбек Боронов 2-июлда Бишкекте өткөн брифингде саясий партияларды парламенттик шайлоого жумшай турган каражаттарын коронавирус менен күрөшкө салууга чакырды. «Эл ар бириңиздердин эмгегиңиздерге, салымыңыздарга карап, кийин шайлоодо туура тандоого барат деп ишенем. Ошондуктан ушул күндөрү сиздерден чоң жардам күтөбүз», - деди Боронов. Ал саясий жана башка максаттарды коё туруп эпидемиологиялык абалды басаңдатканга болгон күчтү бириктирүү зарыл экенин кошумчалады. «Кандай гана саясий максаттар болбосун... Читать дальше...

3-июлда түнкүсүн Чүй, Ысык-Көл, Нарын облустарынын кээ бир райондорунда өткүн өтүп, күн күркүрөп, бийик тоолуу райондордо кар жаашы ыктымал, калган аймактарда жаан-чачын жаабайт. Күндүз Ысык-Көл, Нарын облустарынын кээ бир райондорунда, Чүй, Ош, Баткен облустарынын тоолуу райондорунда өткүн өтүп, күн күркүрөп, бийик тоолуу райондордо кар жаашы мүмкүн. Чүй, Ош, Баткен облустарынын дыйканчылык аймактарында жана Талас, Жалал-Абад облустарында жаан-чачын жаабайт. Батыш тараптан соккон шамалдын ылдамдыгы секундасына 4-9 метрден... Читать дальше...

Иран бийлиги Бириккен Улуттар Уюмунун Атомдук энергетика боюнча агенттиги (МАГАТЭ) көзөмөлдөгөн жайларынын биринде «адаттан тыш жагдай» болгонун ырастады. Бирок анда кандайдыр бир зыян болбогонун билдирди. Атом энергетикасы боюнча агенттиктин басма сөз катчысы Бехруз Камалванди Натанздагы уран байыткан заводдун жаңы курулуп жаткан бир имараты гана жабыркаганын, ал «өндүрүш кампасы» гана болгонун билдирди. Жергиликтүү жалпыга маалымдоо каражаттары Камалвандиге шилтеме кылып, «бул окуяда эч ким зыян... Читать дальше...

Бишкектеги медицина кызматкерлерине көмөк көрсөтүш үчүн аймактардан 100гө жакын ыктыярчы-дарыгер келет. Бул тууралуу премьер-министр Кубатбек Боронов 2-июлда республикалык штабдын жыйынында айтканын өкмөттүн басма сөз кызматы билдирди.  Бүгүн кечинде Талас, Ысык-Көл жана Нарын облустарынан, 3-июлда Баткен жана Жалал-Абад облустарынан дарыгерлер келиши күтүлүүдө. Алардын баары Бишкектеги медицина кызматкерлери жетишпеген ооруканаларга бөлүштүрүлөт. Бир бөлүгү 118 кеңеш берүү кызматынын ишине тартылат. Читать дальше...

АКШда Өкүлдөр Палатасы Кытайдын Гонконгдун улуттук коопсуздугу тууралуу мыйзамынан улам, Бээжинге санкция салуу боюнча мыйзам долбоорун кабыл алды. Ага ылайык, эң ириде кытай бийлигиндеги бул мыйзамдын кабыл алынышына катышы бар аткаминерлерди тейлеген банктарга чара көрүлөт. Сент бул мыйзам долбоорду бейшембиде, 2-июлда караганы жатат, эгер колдоо тапса президент Дональд Трампка кол коюуга жөнөтүлөт. Өкүлдөр Палатасынын спикери Нэнси Пелоси Гонконгдун улуттук коопсуздугу тууралуу мыйзамды «бул аймактагы элди катаал жана аёсуз куугунтуктоо... Читать дальше...