Новости за 27.12.2019

Бишкектеги Биринчи май райондук соту бүгүн, 27-декабрдын кечинде мурдагы президент Алмазбек Атамбаевди колдогон Кыргызстан Социал-демократтар партиясынын төрагасынын милдетин аткаруучу, депутат Асел Кодуранованын, партия төрагасынын орун басарлары, депутат Ирина Карамушкина менен Кундуз Жолдубаеванын бөгөт чарасын карап, үй камагында калтырды. Ал эми экс-депутат Мээрбек Мискенбаевди сот камакка алды. Алардын адвокаты Замир Жоошев бул төрт адамга Кой-Таш окуяларында "бийликти күч менен басып алууга аракет кылуу"... Читать дальше...

Бишкектеги Биринчи май райондук соту бүгүн, 27-декабрдын кечинде мурдагы президент Алмазбек Атамбаевди колдогон Кыргызстан Социал-демократтар партиясынын төрагасынын милдетин аткаруучу, депутат Асел Кодуранованын, партия төрагасынын орун басарлары, депутат Ирина Карамушкина менен Кундуз Жолдубаеванын бөгөт чарасын карап, үй камагында калтырды. Ал эми экс-депутат Мээрбек Мискенбаевди сот камакка алды. Алардын адвокаты Замир Жоошев бул төрт адамга Кой-Таш окуяларында "бийликти күч менен басып алууга аракет кылуу"... Читать дальше...

Бишкек шаарында Футбол борборун куруу маселеси шаардык кеңеште 27-декабрда да каралбай калды. Депутаттар сессияны 2020-жылдын 14-январына жылдырды.  "Республика-Ата Журт" фракциясынын лидери Асылбек Кадыралиев сессияда Бишкек шаарынын мэрине ишенбестик көрсөтүү демилгеси менен чыкты. Бишкек мэриясы бүгүн билдирүү таратып, Бишкек шаардык кеңешинин токтомуна ылайык жер тилкелерин берүүгө мораторий жарыяланганын, ушундан улам шаар мэри жер тилкелерин жана муниципалдык мүлктү өзүмбилемдик жолу менен берүүгө укугу жок экенин билдирди. Читать дальше...

Алмамбет Шыкмаматов "Ата Мекен" фракциясынын лидерлигинен кетип, анын ордуна депутат Айсулуу Мамашева шайланды.

Алматы шаарынын жанына кулаган учактын ичинде 95 жүргүнчү жана экипаждын беш мүчөсү болгон. Казак бийлиги кырсыктан кеминде 12 адам каза тапканын кабарлады. 28-декабрь Казакстанда жалпы улуттук аза күтүү күнү деп жарыяланды. Жабыр тарткандардын арасында бир кыргыз жараны бар экени маалым болду.

WADA россиялык спортчуларды  эмне мынча жек көрөрүн жана буга Улуу Британиянын кандай тиешеси бар экенин Sputnik колумнистинин материалынан окуңуздар.

Президент Сооронбай Жээнбеков 27-декабрда Апрель окуясынын катышуучулары, жабыркагандар жана курман болгондордун туугандары менен жолугушту. Мамлекет башчынын басма сөз кызматы кабарлагандай, Жээнбеков “Апрель революциясынын идеяларын бекемдөө жана толук ишке ашыруунун маанисин баса белгиледи”. Бул окуянын 10 жылдыгына даярдануу жана аны өткөрүү боюнча иш-чараларды уюштуруу комитети тийиштүү деңгээлде иш жүргүзүп жатканын белгиледи. Жолугушууга «Мекен Шейиттери», «Эр Теги», «Баатырларга таазим»... Читать дальше...

БУУнун Башкы катчысы Антониу Гутерриш Американын орусиялык жана башка өлкөлөрдүн дипломаттарына БУУнун Нью-Йорктогу жыйындарына катышуусу үчүн виза бербей жаткандыгына  тынчсыздануусун билдирди.

“Ата-Мекен” партиясынын лидери Өмүрбек Текебаев парламенттеги фракциянын лидерлигинен кеткен Алмамбет Шыкмаматовдун чечими боюнча комментарий берди. Бүгүн журналисттердин суроолоруна жооп берип жатып Текебаев төмөнкүлөрдү билдирди: - Мындан бир топ убакыт мурун Алмамбет Шыкмаматов өз мандатын менин көзүмчө Нурбек Сыдыгалиевге өткөрүп берем деп чечкен. Сыдыгалиев тизмеде 21-болуп турат. Бирок анын алдындагы адамдар орун бошотуудан баш тартып жүргөн. Оор, татаал сүйлөшүүлөр бул боюнча тынбай болуп турган. Читать дальше...

2019-жыл Кыргызстанда талаштуу саясий окуяларга бай болду. Өлкөнүн жетекчилиги өнүгүүнүн жылы болду деп сыпаттаса, жарандык коом бийликтен коррупцияга каршы чечкиндүү кадамдарды талап кылууда.

"Азаттык +" бир жыл ичиндеги берүүлөргө саресеп салып, эң кызыктуу, эфир сыртында калган учурлар менен бөлүшөт. Өткөрүп жибербеңиз! Саат 21:30да төмөнкү даректерден көрүңүз: ЭлТР, Youtube: Azattyk каналы, сайт: azattyk.org, Instagram: azattyk.kg, Facebook: Kyrgyz Azattyk Unalgysy.

Мамлекет башчысы Сооронбай Жээнбеков Казакстандын президенти Касым-Жомарт Токаевге жана Казакстандын элине учактын кулашынан улам адам курмандыктарына байланыштуу көңүл айтты. «Кырсыктын кесепетинен адамдардын каза болгондугу тууралуу суук кабарды терең кайгыруу менен кабыл алдым. Кыргызстандын элинин жана жеке өзүмдүн атымдан каза болгондордун туугандарына жана жакындарына көӊүл айтам жана орду толгус жоготуу азасын тең бөлүшөм. Бардык жабыр тарткандарга жана жаракат алгандарга тез сакаюуну каалайм»... Читать дальше...

Орусиянын Кызытмага каршы агенттиги (РУСАДА) Кызытмага каршы дүйнөлүк агенттиктин (WADA) Орусия тууралуу чечимине каршылык билдирип, расмий кат жолдоду. Бул тууралуу РУСАДАнын башчысы Юрий Ганус билдирди. Мунун алдында Москва орус спотчуларын Олимп оюндарынан жана ири спорттук мелдештерден четтеткен чечими боюнча эл аралык сотко кайрыларын айткан. Ушул айдын башында WADA РУСАДА Допингге каршы дүйнөлүк кодекстин талаптарына жооп бербейт деп таап, Орусияны Олимп оюндарынан жана эл аралык ири спорт мелдештеринен төрт жылга четтеткен. Читать дальше...

Бишкек милициясы активист Айгүл Карабалинанын билдирүүсү боюнча текшерүү жүргүзө баштады. Бул тууралуу “Азаттык” радиосуна мекеменин басма сөз катчысы Улан Жумаков билдирди: - Милицияга бул тууралуу эч кандай арыз түшкөн жок. Билдирүү боюнча тактоо иштерин жүргүзө баштадык. Кыргызстанда жакында уюштурулган алгачкы феминисттик көргөзмөнүн куратору, активист Айгүл Карабалина 26-декабрда кечинде ага кол салуу болгонун Фейсбуктагы жеке баракчасына жазды. Эки эркектин кол салуусунан мээси чайкалганын... Читать дальше...

Орусиянын коргоо министринин орун басары: Америка дүйнөдө курал-жарактардын көзөмөлүн камсыз кылуу боюнча эл аралык эрежени бузууда.

Ооганстандын түндүгүндөгү Фарах провинциясынын Бала-Булук районунда "Талибандын" жоочулары Тынчтык үчүн улуттук кыймылынын 27 мүчөсүн жүрүшкө чыккан маалда уурдап кетишти. Бул тууралуу ооган бийлиги кабарлады жана ал жарандарды издөө башталганын билдирди. "Талибан" буга байланыштуу азырынча комментарий бере элек. Тынчтык үчүн улуттук кыймылы алардын мүчөлөрүн талиб жоочулары ушуну менен төртүнчү ирээт уурдап жатканын белгиледи. Акыркы окуя ушул жылдын июнь айында Гилменд провинциясында катталган жана анда 25 адам уурдалып... Читать дальше...

“Жаман дос көлөкөдөй: күн ачыкта артыңан калбайт, күн бүркөктө жаныңан таппайсың”. Абай КУНАНБАЕВ

Американын коргоо министрлигинин басма сөз өкүлү өлкөсү Иран, Кытай жана Орусиянын көп тараптуу машыгууларынан кабардар экенин жана ага байкоо жүргүзөрүн билдирди.

БУУнун Ооганстанга жардам көрсөтүү боюнча атайын миссиясы (UNAMA) он жылдын ичинде өлкөдө 100 миңден ашык карапайым жарандар каза болуп же жарадар болушканын маалымдады.

Ливия бийлиги генерал Халиф Хафтардын чабуулунун мизин кайтаруу үчүн аскердик жардам сурап, Түркияга расмий кайрылды. Мунун алдында түрк президенти Режеп Тайып Эрдоган Ливиядагы улуттук ынтымак өкмөтүн колдой турганын айткан жана аскер жөнөтүүгө макулдук алуу үчүн парламентке кайрылган. Эрдоган бул өлкөдө Орусиядагы "Вагнер" жеке аскердик компаниясынын 2 миңден ашык жалданма аскери жүргөнүн айтып чыккан. Аларды "козголоңчу генералга колдоо көрсөтүп жатат" деп күнөөлөгөн. Эрдоган Орусиянын... Читать дальше...

Казакстанда учак кырсыгынан жабыркаган кыргыз жараны ооруканада жатат. Абалы канааттандырарлык. Бул тууралуу 27-декабрда "Азаттык" радиосуна Кыргызстандын тышкы иштер министрлигинин расмий өкүлү Уланбек Дыйканбаев билдирди. - Такталган маалыматка караганда, кыйраган учактын ичинде бараткан 36 жаштагы кыргызстандык Алматы шаарынын Тез жардам ооруканасынын Травматология бөлүмүндө жатат.   Кыргызстандын Алматыдагы Башкы консулдугунун кызматкерлери ооруканага барып, ал адамдан  кабар алып келишти. Читать дальше...

Таймаштын аралаш түрлөрү боюнча орусиялык мушкер, UFC уюмунун жеңил салмактагы чемпиону Хабиб Нурмагомедовдун 100 миң долларлык футболкасы Өзбекстандын президенти Шавкат Мирзиёевдин кенже күйөө баласы Атабек Умаровдо экени белгилүү болду. Муну Орусиянын "RT Sport" телеканалы маалымдады. 24-декабрда чыккан берүүдө Нурмагомедовдун америкалык мушкер Дастин Порье менен таймашканда кийген футболкасы Ташкенттеги "BeFit" спорт клубунун дубалында илинип турганы айтылат. Быйыл сентябрь айында өткөн кайрымдуулук... Читать дальше...

Мамлекет башчысы Сооронбай Жээнбеков бүгүн 27-декабрда Кыргызстандын алдыңкы студенттерине стипендия тапшырды. Жээнбеков алар 160 миңден ашык студенттин арасынан билими, аракети менен суурулуп чыгып, сыноодо татыктуу жеңишке жеткенин белгиледи. Стипендиянын лауреаттарына өзгөчө үмүт артыларын айтты. Президенттик стипендия өлкөнүн жогорку окуу жайларынын мыкты студенттерине окуудагы жана коомдук иштеги жетишкендиктери үчүн жыл сайын тапшырылат. Быйыл жарыяланган сынактын натыйжасында республика... Читать дальше...

Айсулуу Мамашова Жогорку Кеңештеги "Ата-Мекен" фракциясынын лидери болду. Анын талапкерлиги бир добуштан колдоо тапты. Бүгүн 27-декабрда фракция лидери Алмамбет Шыкмаматов мандатын өз ыктыяры менен тапшырып берди. Талапкерлердин тизмесиндеги үч адам – Талант Узакбаев, Ташполот Балтабаев, Рысбек Мирзаматов жана Болот Шер депутат болуудан баш тартып коюшканы белгилүү болду. Ошондуктан Шыкмаматовдун ордуна тизме боюнча жогорудагы үч талапкерден кийинкиси – Нурбек Сыдыгалиев депутат болду. 120... Читать дальше...

Израилдин премьер-министри Биньямин Нетаньяху өзүнүн "Ликуд" партиясындагы ички добуш берүүдө жеңүүчү болду. Аны партия мүчөлөрүнүн 72,5 пайызы колдоду. Эми Нетаньяху бир жылдын ичинде мөөнөтүнөн мурда дайындалган үчүнчү парламенттик шайлоодо партиясын жетектеп барат. Шайлоо келерки жылдын 2-мартында өтмөкчү. Изарил парламенти коалициялык көпчүлүк курап, өкмөт түзүү аракетинен экинчи ирээт да майнап чыкпаганынан улам, ушул айдын башында өзүн өзү тараткан. Сентябрдагы мөөнөтүнөн мурда шайлоодо «Ликуд» партиясы 31 орун... Читать дальше...