Новости за 06.09.2019

Ички иштер министрлигинин Баңгизаттарды мыйзамсыз жүгүртүүгө каршы күрөш кызматы баңгизаттарды даярдап сатып жүргөн кылмыштуу топту колго түшүргөн. Бул тууралуу министрликтин басма сөз кызматы маалымдады.  ИИМдин аталган кызматынын ыкчам иликтөө кызматкерлери атайын операциянын алкагында шектүүлөрдүн биринин үйүнөн 49 киллограмм 600 грамм салмагында марихуана (кара куурай) табышкан. Ошондой эле алар атайын талаада Индия кара куурайын эгип, өстүрүп жүрүшкөнү аныкталган. Жалпы жолунан ыкчам иликтөө... Читать дальше...

Ооганстандын баш калаасындагы жардырууларда бери дегенде 12 адам өлдү. Алардын арасында америкалык жана руминиялык аскерлер бар экени кабарланды. Маалыматтарга караганда, 5-сентябрдагы жардыруу өкмөттүк мекемелер, элчиликтер, НАТОнун штаб-квартирасы жана «Азаттыктын» ооган кызматынын кеңсеси жайгашкан аймакта болгон. Жабыркагандардын саны такталууда. Жардырууга жоопкерчиликти «Талибан» радикал кыймылы алып, аны жанкечти ишке ашырганын маалымдады. Апта башынан бери Кабулда ушуну менен үч жардыруу болду.

Бишкек шаардык ичик иштер башкармалыгы банктын айнегин талкалаганы кабарланган кыздын тек-жайы аныкталып, кармалганын билдирди. Бирок азырынча шектүүнүн аты-жөнү айтыла элек.  9-августта «Оптима Банктын» өкүлдөрү имаратынын терезесин талкалап кеткен белгисиз кызга чара көрүп берүүнү өтүнүп милицияга арыз жазышкан. 9-август түнү саат 12лер чамасында 20-25 жаштагы кыз Панфилов-Киев көчөлөрүнүн кесилишинде жайгашкан «Оптима Банктын» эшигинин айнегин талкалап кеткен. Бул факт Кылмыштар менен жоруктардын бирдиктүү реестрине катталып... Читать дальше...

Москванын арбитраждык сотуна Алексей Навальныйдын Коррупцияга каршы күрөш фондуна жана «Дождь» телеканалына каршы 1 миллиард рублга доо арыз жазылган. Ал арыздын ээси «Флай-авто» компаниясы «27-июль, 3-август жана 10-август күндөрү массалык башаламандыкта чыгашага учурадым» деп кенемте талап кылууда. Москвада катталган бул компания жеңил автоунааларды лизингге жана ижарага берип иштейт. Буга чейин Москва метрополитени Навальныйды жана Москванын жергиликтүү шайлоолоруна катталбай калган бир нече талапкерлерди сотко берген. Читать дальше...

Жогорку Кеңештин мурдагы президент Алмазбек Атамбаевди колдогон депутаты, КСДПнын мүчөсү Ирина Карамушкина тергөөчүлөр чөнтөк телефонун алып коюшканын «Фейсбуктагы» баракчасына жазды. Анда эл өкүлү «тергөөчүлөр сүйлөшүүлөрдү жана жазышкан каттарды алыш үчүн телефонумду алып коюшту. Алар депутаттык статусту бузушту. Мен мыйзам чыгаруучу органдын өкүлүмүн, мага шайлоочулар, журналисттер чалышат. Сотко кайрылууну сунуш кылышты. Бүгүн ким сотторго ишенет?» деп жазган. 4-сентябрда Ирина Карамушкина Ички иштер министрлигине суракка кирип чыккан. Читать дальше...