Новости за 17.09.2019

Кыргызстандын премьер-министри Мухаммедкалый Абылгазиев менен Тажикстандын өкмөт башчысы Кохир Расулзоданын жолугушуусу аяктады. Бул тууралуу кыргыз өкмөтүнүн маалымат кызматы кабарлады. Кыргыз-тажик мамлекеттик чек арасындагы «Кызыл-Бел» көзөмөл пунктунда өткөн жолугушууда эки өкмөт башчы акыркы окуяга өкүнүчүн билдирген. Жолугушуунун жүрүшүндө чек араны тактоо иштерин активдештирүү жана топтолгон маселелерди жоюу боюнча сүйлөшүү жүргөн. “Тараптар эки өлкөнүн элдеринин кызыкчылыгы үчүн чек арага... Читать дальше...

Кыргыз-тажик чек арасындагы кырдаалды жөнгө салуу үчүн Кыргызстан менен Тажикстандын премьер-министрлери 17-сентябрда Баткенде жолугушту. Кыргызстандын өкмөт башчысы Мухаммедкалый Абылгазиев менен тажик премьери Кохир Расулзада Баткен районунун Кызыл-Бел айылында кездешти.

Орусиянын аймагына таандык сууларда мыйзамсыз балык уулап жүргөн түндүк кореялык куралчан балыкчыларды кармоо учурунда орусиялык үч чек арачы жаракат алды. Федералдык коопсуздук кызматынын 17-сентябрдагы маалыматына караганда, орус чек арачылары Жапон деңизинин Орусияга таандык аймагында жүргөн 13 моторлуу кайыкты байкашкан. Андан кийин 45тей куралдуу каракчы орус чек арачыларын көздөй ок атышкан. ФСБ-21 түндүк кореялык жаран жана эки кайык кармалганын, калганы качып кетүүгө үлгүргөнүн билдирди. Читать дальше...

Баткенде куралдуу жаңжалдан качкан элдин абалы. Нарында талаада жалданып иштеп, алты баласын баккан эне. Ысык-Көлдө он баланы тарбиялап, эмгекке, кайрымдуу болууга үйрөткөн ата-эненин таржымалы. Жалал-Абаддагы зордук-зомбулукка кабылган аялдарга жана балдарга психологиялык колдоо көрсөткөн борбор. Москвада ашлям-фу ашканасын ачкан жубайлар.

Кыргыз-тажик чек арасындагы ок атуудан соң абалды жөнгө салуу боюнча Кыргызстан менен Тажикстандын премьер-министрлери жолугушту. Бул тууралуу өкмөттүн Баткен облусундагы өкүлү Акрам Мадумаров билдирди.

Еревандын соту «1-март» иши боюнча камакта отурган Армениянын мурдагы президенти Роберт Кочарянды бошотуу тууралуу өтүнүчтү канааттандырган жок. Бул чечимди ишти карап жаткан судья Анна Данибекян 17-сентябрдагы сот жараянында окуду.  Ушул эле күнү мурдагы президенттин адвокаттары Кочарянды күрөөгө бошотуу же бөгөт чарасынын камакка алуудан башка түрүн тандоо боюнча дагы бир өтүнүч келтирди.  Кочарян жана дагы мурдагы үч жогорку кызмат адамынын үстүнөн сот иши 12-сентябрда кайра жанданган. 1998-2008-жылдары... Читать дальше...

17-сентябрда Израилде парламенттик шайлоо өтүп жатат.

17-сентябрда Ооганстандын Парван провинциясында президент Ашраф Гани катышып жаткан жыйын маалында бомба жарылып, андан кеминде 24 киши курман болду. Жергиликтүү ооруканадан билдиргендей, бул чабуулдан дагы 30дан ашуун адам жарадар болду. Алардын арасында аялдар менен балдар да бар.  Президент Гани өзү жабыркабаганын жергиликтүү маалымат каражаттары кабарлашты. Ички иштер министрлиги Насрат Рахиминин айтымында, мотоцикл айдаган жанкечти өзүн жардырып жиберген. Гани провинциянын борбору Чарикарга... Читать дальше...

Тажикстандын Тышкы иштер министрлиги (ТИМ) 17-сентябрда Кыргыз Республикасынын Тажикстандагы иштериндеги ишенимдүү өкүлү эки өлкөнүн жарандарынын ортосунда 16-сентябрда кыргыз-тажик чек арасында болгон чатакты  талкуулаш үчүн чакырылганын билдирди. Эки тараптын маалыматына караганда, чатактын натыйжасында төрт чек арачы, анын ичинде Кыргызстандын бир, Тажикстандын үч чек арачысы курман болгон. Эки тарап жоопкерчиликти бири-бирине жүктөдү.  Жолугушууда тажик тарап кыргыз тараптын аракеттерине нааразылыгын билдирип... Читать дальше...

Кыргыз-тажик чек арасындагы ок атуудан соң абалды жөнгө салуу боюнча Кыргызстан менен Тажикстандын премьер-министрлери бүгүн жолукканы жатышат. Бул тууралуу өкмөттүн Баткен облусундагы өкүлү Акрам Мадумаров билдирди. Анын айтымында, жолугушуу Баткен облусу менен Тажикстандын Согди облусу чектешкен жерде өтөт жана 16-сентябрдагы окуядан кийинки кырдаалды жөнгө салуу чаралары талкууланат. Жолугушууга эки өлкөнүн тиешелүү мамлекеттик органдарынын жетекчилери катышат. Мадумаров учурда сүйлөшүүлөрдө... Читать дальше...

Баткен облусунда кыргыз-тажик чек арасындагы атышуудан каза болгон прапорщик Равшан Муминовдун Исфана шаарындагы тажиясына премьер-министр Мухаммедкалый Абылгазиев баштаган өкмөт өкүлдөрү, Жогорку Кеңештин депутаттары катышты. Бул тууралуу өкмөттүн басма сөз кызматы кабарлады. Премьер-министр каза болгон аскердин жакындарына көңүл айтып, «мамлекеттик кызыкчылыкты коргош үчүн жанын берген мекенчилден айрылдык» деп айтты. Маркумдун үй-бүлөсүнө өкмөт менен парламенттин атынан материалдык жардам көрсөтүлдү. Читать дальше...

Мамлекеттик чек ара кызматынын төрагасынын орун басары Абдикарим Алимбаев кыргыз-тажик чек арасындагы чатак боюнча эки өлкөнүн чек ара кызматтарынын жолугушуусунан кийин «Азаттыкка» комментарий берди.

Кыргызстандык балбан Атабек Азисбеков Күрөш боюнча дүйнө чемпионатында 5-орунду ээлеп, 2020-жылы Жапонияда өтө турган Олимпиада оюндарына жолдомого ээ болду.

Кыргыз-тажик чек арасындагы атышуудан кийин кыргыз президенти чукул кеңешме өткөрүп, премьер-министр баш болгон кызмат адамдары Баткенге барышты.

Премьер-министр Мухаммедкалый Абылгазиев жана Жогорку Кеңештин депутаттары Лейлек районунун аймактык ооруканасына барып, кыргыз-тажик чек арасындагы атышуудан жабыркагандардан кабар алышты. 16-сентябрда кечке маал Баткен облусунун Лейлек районундагы Максат айылына жакын жерде Кыргызстан менен Тажикстандын чек арачыларынын ортосунда атышуу болуп, Кыргызстандын Мамлекеттик чек ара кызматынын атайын даярдыктагы «Бөрү» отрядынын аскер кызматчысы Равшан Муминов курман болду. Андан тышкары 13 адам ар түрдүү даражадагы жаракаттарды алышкан... Читать дальше...

Ооган президенти Ашраф Ганинин үгүт жыйыны башталганда бомба жарылып, кеминде 30 киши мерт болду. Кыргыз-тажик чегиндеги атышуудан Кыргызстандын бир аскери, Тажикстандын үч чек арачысы курман болгону ырасталды. 17-сентябрда Израилде парламенттик шайлоо өтүп жатат.

Кыргызстанда мыйзамга ылайык, мамлекеттик мектептерде билим берүү акысыз. Бирок окуучулардан акча чогултуу боюнча нааразылык басылбай келет. Бишкектин тургундары арасында сурамжылоо жүргүздүк.

16-сентябрдын кечинде, Лейлек районундагы Максат айылына жакын жерде, кыргыз-тажик чек арасындагы атышууда курман болгон Мамлекеттик чек ара кызматынын «Бөрү» атайын тобунун кызматкери, прапорщик Равшан Муминовдун сөөгү бүгүн Исфана шаарында жерге берилүүдө.  - Чечилбеген чек аранын айынан бир азаматыбыз кайтыш болду, - деди тажияга катышкан аким Баймурат Бекмуратов.  Мамлекеттик чек ара кызматынын маалыматына ылайык, ал Максат айылындагы чатакта кызматтык милдетин аткарып жатып, тажик тараптын гранатомёттон аткан огунан көз жумган. Читать дальше...

Тажикстан 16-сентябрда кыргыз-тажик чек арасындагы атышуудан үч чек арачысы каза болгонун тастыктады. «Азаттыктын» тажик кызматы бул маалыматты 17-сентябрда Согди облусунун акиминин басма сөз катчысы Музаффар Юнусов ырастаганын жазды. Ал телефондон кыска гана маалымат берип, каза болгондордун бирөө полковник, экөө катардагы жоокер экенин айткан. Алар: Овчи-Калача өткөрмө жайынын жетекчиси Рустам Убайдуллоев (35 жаш), Рамазон Исломов (21 жаш) жана Гиёсиддин Суванов (19 жаш). 16-сентябрда кечке... Читать дальше...

Улуттук коопсуздук боюнча мамлекеттик комитет (УКМК) кыргыз-тажик чек арасындагы соңку окуяларга байланыштуу эки мамлекеттин кызыкчылыгына доо кетирген жана улут аралык кастыкты козуткан комментарийлер менен чагымчыл маалыматтарды жайылтуудан оолак болууга чакырды. Мекеме эки тарап атышуу болгон аймактагы кырдаалды жөнгө салуу боюнча жолугушууларды жана сүйлөшүүлөрдү өткөрүп жатканын кабарлады. УКМКнын маалыматына караганда, өлкөдөгү коомдук-саясий кырдаалды атайын курчутуп, улут аралык кастык... Читать дальше...

Климаттын өзгөрүшүнө каршы миңдеген мектеп окуучуларынын башын бириктире алган 16 жаштагы швециялык Грета Тунбергге «Абийир элчиси» наамы ыйгарылды. Ал «Fridays for Future» же «Жума күндөрүн келечекке арнайлы!» аттуу кыймыл түзүп, дүйнөнүн булуң-бурчундагы теңтуштарын экологияны сактоого чакырып келет.  «Amnesty International» укук коргоо уюму өзүнүн эң жогорку наамын активист кызга жана анын кыймылына 16-сентябрда Вашингтон шаарында ыйгарды. Грета Жер шары экологиялык кыйроо алдында турганын,... Читать дальше...

Мушкерлер беттештен кийин бири-биринин аты жазылган футболкаларды алмашып кийишкен. Көп өтпөй Хабиб футболканы аукционго коюп, түшкөн акчаны атаандашынын кайрымдуулук фондуна которо турганын убадалаган.

Зеренин “Сүйүнчү” деген ыры жарык көргөнүнө үч күн болсо да интернет колдонуучулардын арасында, айрыкча ырдын аталышы менен клибин жактыргандар арбын. “Азаттык” ырчы Зере менен маектешти.

Америкалык жазуучу жана журналист Дэниел Лазар АКШ президенти Дональд Трампты радикал деп атап, Иран элине каршы максималдуу кысым саясаты «коркунучтуу кылмыш» болуп саналат деди.

Кыргызстандын аймагында 18-сентябрда жаан жаабайт. Түштүк-чыгыштан соккон шамалдын ылдамдыгы секундасына 5-10 метрге жетет. Түнкүсүн Ысык-Көл, Нарын облустарынын дыйканчылык аймактарынын айрым жерлеринде абанын температурасы 0…-2° болуп, үшүк жүрүшү мүмкүн. Абанын температурасы: Чүй өрөөнүндө түнкүсүн 9…14, күндүз 23…28; Таласта түнкүсүн 5…10, күндүз 22…27; Ош, Жалал-Абад жана Баткен аймактарында түнкүсүн 10…15, күндүз 24…29; Ысык-Көл дубанында түнкүсүн 1…6, күндүз 15…20; Нарында түнкүсүн 1…6... Читать дальше...