Новости за 30.11.2018

Бишкек шаарында адамдарга тапанча такап, тоноп жүргөн 18 жаштагы төрт бала кармалды. Бишкек милициясынын маалымат кызматы билдиргендей, алардын жашаган жерин тинтүү маалында тапанча, союл, бир нече беткап менен гашиш табылган. Маалыматка караганда, Бишкек шаарынын тургуну 27-ноябрда милицияга арыз менен кайрылып, көчөдөн бейтааныш төрт бала тапанча такап, 18 миң сомдук телефонун тартып алганын айткан. Аларга карата Кылмыш-жаза кодексинин “каракчылык” беренеси боюнча кылмыш иши козголуп, соттун... Читать дальше...

Тажикстанда Хожент шаарындагы №3 күчөтүлгөн режимдеги абактагы тополоңго катышты деп айыпталып жаткан соттолуучуларга кылмыш иши козголду. “Азаттыктын” тажик кызматынын маалыматына караганда, 29-ноябрда Хоженттин тергөө абагына тогуз соттолуучу жеткирилди. "Алар адам өлтүрүү", "денеге оор залал келтирүү", "бийлик өкүлүнө каршылык көрсөтүү", "абактын тартибин бузуу" сыяктуу беренелер менен айыпталып жатат. Булар тополоңду уюштургандар эмес, ага катышкандар" деп айтты "Азаттыктын" тажик кызматына атын атагысы келбеген адам. Читать дальше...

"Кызга 40 тыюу” аттуу жазуусу бар баракча шаардагы мектептердин дубалдарында илинген эмес. Ал жазуу №3 Жусупбек Бакиев атындагы мектепте социалдык педагогдун тарбиялык иштер саатындагы колдонмосу. Бул тууралуу "Азаттык" радиосуна Жалал-Абад шаардык билим берүү бөлүмүнүн башчысы Рысбек Калчаев билдирди. - Ал жерде жазылгандар тууралуу мугалимдер тарбиялык сааттарда жана дин таануу сабагында окуучуларга айтып берет. Андан эч кандай коркунуч жараткан жазууларды таба алган жокпуз. Ал баракчалар “Кыргызстан ... Читать дальше...

Бириккен Улуттар Уюмунун Ооганстанга колдоо көрсөтүү миссиясынын маалыматына караганда, ушул аптада өлкөнүн түштүгүндөгү аба чабуулдарынан эң аз дегенде 23 жайкын тургун каза тапты. 27-ноябрда ооган аскерлери менен америкалык кеңешчилер Гилменд провинциясынын Гармсир аймагында “Талибандын” жоочуларынын чабуулуна кабылып, НАТОнун “Чечкиндүү колдоо” миссиясынан абадан чабуул жасоону сураган. Бирок алардын аймакта карапайым тургундар да бар экени тууралуу маалыматы болгон эмес. Жергиликтүү бийликтин кабарлашынча... Читать дальше...

Майлуу-Суу шаарында №30295 аскер бөлүгүндө кызмат учурунда токко урунуп, эки колу кесилген жоокер Руслан Сапарбаевдин окуясына байланыштуу аскер бөлүктүн командиринин техникалык маселелер боюнча орун басары жана курулуш маселелери боюнча сержант үч жылга шартүү кесилди. Мындай чечимди Майлуу-Суу шаардык соту бүгүн чыгарганын “Кылым шамы” уюмунун кызматкери Абдуназар Маматисламов “Азаттыкка” билдирди. - Жогорудагы эки кызматкер окуяга түздөн-түз тиешеси бар, өз учурунда алдын алган эмес деп “Шалаакылык” беренеси менен күнөөлөнүп... Читать дальше...

Кремл АКШ президенти Дональд Трамптын “Чоң жыйырманын” саммитинин алкагында Владимир Путин менен мерчемделген жолугушуудан баш тартканы үчүн "өкүнөрүн" билдирди. “Бул деген дүйнөлүк жана эки тараптуу күн тартибиндеги маселелерди талкуулоо белгисиз мөөнөткө жылып калды дегенди билдирет” деди президенттин маалымат катчысы Дмитрий Песков 30-ноябрда. Буга чейин Орусиянын президенти жолугушууга даяр экенин билдирген. Москванын кабарлашынча, эки лидер 1-декабрда жолугуп, Сирия, Иран жана Түндүк Корея маселесин талкуулашмак. Читать дальше...

Германия канцлерин “Топ 20” жыйынына алып бараткан учак техникалык мүчүлүштүктөрдөн улам кайра ордуна конгон.

Сүрөтчүлөр Чыңгыз Айтматовдун жан дүйнөсүн кандай түшүнөт? Аны билүү (көрүү) үчүн залкар жазуучунун 90 жылдыгына карата Бишкекте өтүп жаткан республикалык күзгү көргөзмөгө барыңыз.

Тажикстанда Борбордук Азиядагы суу маселелерин карап чыгуу максатында өкмөттөр аралык комиссиянын жетимиш бешинчи жыйыны болуп өттү.

Украина аскердик абал учурунда Орусиянын 16 жаштан 60 жашка чейинки эркек жарандарына өлкөгө кирүүгө тыюу салды. Бул тууралуу президент Петро Порошенко билдирди. Анын 30-ноябрда “Твиттерге” жазганына караганда, бул чектөө украин жергесинде жеке “жалданма аскерлерди” түзүүнү токтотуу максатында киргизилди. Украинада аскердик абал 25-ноябрда Керч кысыгында Украина менен Орусиянын кемелеринин ортосундагы жаңжал чыгып, Украинанын үч кемеси жана 24 деңиз аскери кармалгандан кийин киргизилген. Алар... Читать дальше...

Президент Сооронбай Жээнбеков Грузиянын жаңы шайланган президенти Саломе Зурабишвилини шайлоодогу жеңиши менен куттуктады. “Сиздин тажрыйбаңыз Грузиянын мындан ары да экономикалык гүлдөп өсүшүнө жана эл аралык аренада кадыр-баркынын жогорулашына түрткү берерине терең ишенем”, - деп жазылат куттуктоо телеграммасында. Кыргызстан менен Грузиянын ортосундагы достук жана кызматташтык жаңы деңгээлге чыгат деген тилегин да айткан. 28-ноябрда өткөн президенттик шайлоонун экинчи айлампасында “Грузин кыялы” партиясы колдогон талапкер... Читать дальше...

Кыргызстанда “Санариптешкен Кыргызстан – 2019-2023” улуттук программасынын концепциясы талкууланууда.

Европа Биримдиги 2019-жылы Виза режимин кайра карап чыгууну көздөп жатат. Ага ылайык, виза алуу жеңилдеши ыктымал. Бул тууралуу Европа Биримдигинин Борбор Азия боюнча атайын өкүлү Петер Буриан 30-ноябрда Бишкекте журналисттердин суроолоруна жооп берип жатып билдирди.  “Европа Биримдиги айрым бюрократиялык процесстерди жоюп, жеңилдете турган жаңы виза режимин даярдап жатат”, - деди Буриан. Ошону менен катар Буриан ​Европа Биримдиги мигранттарга муктаж экенин кошумчалады.  "Биз дагы билимдүү, жаш адамдарга муктажбыз. Читать дальше...

Экономика министрлиги чет өлкөдө иштеп жүрүп, Кыргызстанга инвестиция салууну каалаган мигранттарга жардам берүү максатында “Мекеним” программасын иштеп чыкты. Ага ылайык, ишкерлер “1+1” принцибине ылайык 36 айга 1 млн. долларга чейин жеңилдетилген насыя ала алат. Башкача айтканда, мигрант бизнес долбоорго канча акча салса, ошончо каражат “Мекеним” программасынын алкагында бөлүнүп берилет. Жеңилдетилген насыяны коммерциялык банктар берет. Өкмөт республикалык казынанын эсебинен насыянын үстөк пайызын колдоого алат. Читать дальше...

Ноокендик 42 жаштагы айдоочу Бакыт Сулайманов райондогу майып балдар билим алган мектепти жыл сайын камкордукка алат. Маршруттук такси айдаган жөнөкөй айдоочу бул жолу балдарга белек тартуулап, жакынкы күндөрү достору менен бирге кышкы кийим-кечек алып бере турган болду. Жалал-Абад облусундагы бул жатак мектеп 38 жылдан бери мүмкүнчүлүгү чектелген балдарга билим берип келет.

Мамлекеттик салык кызматы экс-президент Алмазбек Атамбаевдин киреше жана чыгашасын көрсөткөн декларациясы сыр экенин айтып, маалымат берүүдөн баш тартты. Аталган кызматтын “Азаттыкка” жөнөткөн расмий катында жеке жактардын байлыгы тууралуу маалымат берилбей турганы айтылган. Анда Атамбаев мурдагы президент катары катары эмес, жөнөкөй жаран катары белгиленип калган. “Азаттык” мурдагы президент Алмазбек Атамбаевдин байлыгы боюнча коомчулукта айтылып жаткан кептердин чын-бышыгын аныкташ үчүн журналисттик иликтөө жүргүзүп жаткан. Читать дальше...

Сот реформасына мониторинг жүргүзгөн жумушчу топко бир да укук коргоочу кирген жок. Бул тууралуу "Азаттыкка" укук коргоочу Рита Карасартова кабарлады. - "Сот реформасы боюнча алгылыктуу кадамдар" жөнүндө президенттин жарлыгы чыккан. Жарлыктын 6-пунктунда Коопсуздук кеңешинин секретариатына байкоо жүргүзгөн топту түзүү бекитилген. Алар жумушчу топ түзүшүптүр, бирок ал жерге сот реформасына байкоо жүргүзүп келген бизди киргизбептир. Бул баягы эле саясий оюндар. Эгер бийлик чынында эле реформа туура болуп жатабы дегенди билгиси келсе... Читать дальше...

Кыргызстанда “Кытайдагы кыргыздарды колдоо” комитети түзүлдү. Алар коңшу өлкөдөгү кыргыздардын көйгөйүн бийликке, коомчулукка жеткирүү үчүн 29-ноябрда жыйын өткөрүштү.

Орусиянын президенти Владимир Путин Кыргызстан менен аскердик-техникалык кызматташууну ишке ашыруу боюнча келишимге кол койду. Документ Орусиянын расмий Интернет-порталына жарыяланды. Тишелүү жарлык 28-ноябрда жарыяланган. Анда “2017-жылдын 20-июнунда кабыл алынган Орусия менен Кыргызстандын аскердик-техникалык кызматташуусу жөнүндөгү келишим бекитилсин”, - деп жазылган. Кыргызстандын президенти Сооронбай Жээнбеков келишимге 2018-жылдын январь айында кол койгон. Буга байланыштуу мыйзам былтыр 21-декабрда кабыл алынган. Читать дальше...

Грузиянын тарыхында биринчи жолу аял саясатчы президент болуп шайланды. 66 жаштагы Саломе Зурабишвили Грузиянын чет өлкөдө төрөлгөн алгачкы президенти да болуп калмакчы.

Жалал-Абад шаарындагы мектептердин бириндеги "Кызга 40 үйдөн тыюу" деп аталган дубалдагы жазуу Интернетте кызуу талкуу жаратты. Укук коргоочулардын пикиринде, эреже түрүндө жазылган 40 пункттан турган тизмеде кыздардын укуктарын басмырлаган, гендердик теңдикти одоно бузган жазуулар да бар. Тизмеде кыздар "жылаң баш жүрбөйт", "кечкисин үйдөн чыкпайт", "эркектерге жанашпайт", "күйөөсүнүн тилинен чыкпайт" деген жазуулар менен кошо "чалкалап жатпайт", "бутун бутуна ашырып отурбайт" деген да эрежелер бар. Читать дальше...

Америка Кошмо Штаттарындагы эң атактуу "Sports Illustrated" спорт журналы Үчүнчү Дүйнөлүк көчмөндөр оюну тууралуу даректүү тасмасын америкалык көрүүчүлөргө сунуш кылды. Тасмада спорттун бардык түрлөрү оболу этноспорт болуп жаралгандыгы, кийин гана дүйнөгө кеңири жайылып, башка элдерден колдоо тапканы айтылып, Көчмөндөр оюну Дүйнөлүк Олимп оюндарына альтернатива катары платформа болуп түзүлгөнү көрсөтүлгөн. "Унутулган оюндар" деп аталган 17 мүнөттүк тасманын өзөктүү бөлүгү Орто Азиядагы элдердин көк бөрү оюнуна арналган. Читать дальше...

Кыргызстанда “Кытайдагы кыргыздарды коргоо” комитети түзүлдү. Алар коңшу өлкөдөгү кыргыздардын көйгөйүн бийликке, коомчулукка жеткирүү үчүн 29-ноябрда жыйын өткөрүштү.

Мушкер кыздардын беттеши ишемби күнү эртең менен TUF 28 Finale турниринин алкагында Лас-Вегаста өтөт.

Жалал-Абад облусунун Токтогул району жана Майлуу-Суу, Таш-Көмүр, Кара-Көл шаарларында өткөн рейд учурунда баалуу дарактарды кыюу фактысы аныкталды. Бул тууралуу Экономикалык кылмыштарга каршы күрөшүү боюнча мамлекеттик кызматынын басма сөз кызматы кабарлады. Маалыматка караганда, рейд учурунда грек жаңгагынын уюктарын жана кесилген тактайларын машинасына жүктөп бараткан К.Ш. аттуу жаран кармалган. Ага карата “өзгөчө баалуу дарактарды кыюу” беренесинин негизинде кылмыш иши козголду. Кыргызстандын мыйзамдарына ылайык... Читать дальше...