Новости за 28.03.2018

Өзбекстанда журналисттер жана башка өкмөттү сындагандар дагы деле болсо бийликтин басымына кабылып, саясий кугунтуктоолорго дуушар болуп, өзүн-өзү цензуралоо уланып жатканы “Хьюман райтс вотч” уюмунун жаңы баяндамасында айтылат.   Нью-Йоркто жайгашкан укук коргоочу уюм “ачык талкууларга жана сынчыл көз караштагы кабарларга жол берилип жатканына карабай, мындай иштер президент Шавкат Мирзиёевдин реформасына көлөкө түшүрүп жатканын” белгилейт. “Өзбекстан медиасындагы цензура жана эркиндик” деп... Читать дальше...

Орусиянын президенти Владимир Путин АКШдан 60 орус дипломатынын чыгарылышына карабай Доналд Трамп менен жолугууга даяр экенин Кремлдин маалымат кызматы билдирди. 28-мартта Путиндин маалымат катчысы Дмитрий Песков “Албетте, Орусия тарап ачык” деп жооп берди журналисттердин суроосуна. Ал ошондой эле “бардыгы америкалык кесиптештерден көз каранды” экенин айтты.    “Путин даяр жана Орусия бардык өлкөлөр, анын ичинде Кошмо Штаттар менен биздин оппоненттер жана өнөктөштөр даяр деңгээлде өз ара пайдалуу... Читать дальше...

“Азаттыктын” “Ыңгайсыз суроолор” программасы кыргыз бажысындагы коррупциялык схемаларды иликтөөгө алды. Бажы кызматы жыл башынан бери бажы төлөмдөрү дээрлик эки эсе көп чогулганын билдирген. Өкмөт башчысы Сапар Исаков муну коррупцияга каршы күрөштүн “жемиши” катары баалаган.

Президент Сооронбай Жээнбеков Улуттук коопсуздук боюнча мамлекеттик комитеттин (УКМК) башчысы менен башкы прокурорду кабыл алып, коомчулукта резонанс жараткан кылмыш иштерин аягына чыгарууну тапшырды. Муну бийликти жактагандар буга чейинки коррупцияга каршы күрөштү күчөтүү талабынын уландысы катары баалашууда. Ошол эле учурда бул убада аткарыларынан күмөн санагандар жетиштүү.

​Кемероводо бүгүн 25-марттагы өрт кырсыгынан каза тапкандардын ичинен он төрт адамдын сөөгү жерге берилди. Кырсыктан расмий маалымат боюнча 64 адам көз жумган, анын 41и балдар. 28-март Орусияда Кемероводогу «Зимняя вишня» соода борборундагы өрт кырсыгынан көз жумгандарга аза күтүү күнү деп жарыяланган.

УКМКнын расмий өкүлү Рахат Сулайманов Жогорку Кеңештин депутаты Канатбек Исаевге жана экс-депутат Өмүрбек Бабановго каршы козголгон кылмыш иштери жөнүндө “Азаттыкка” маек курду.

Улуттук коопсуздук боюнча мамлекеттик комитеттин (УКМК) басма сөз катчысы Рахат Сулаймановдун "Азаттыкка" билдиргени боюнча, "Республика - Ата-Журт" партиясынын лидери "мамлекеттик бийликти басып алууну көздөгөн" деп шектелүүдө:  - Канатбек Исаев менен кошо кармалган үч адам президенттикке талапкерлигин койгон Бабановдун тарапкерлери менен бирге бийликти күч менен басып алууга даярданышкан. Учурда Өмүрбек Бабановго карата "бийликти басып алууга даярдык көрүү" жана "массалык башаламандыкты уюштуруу"... Читать дальше...

"Кыргызстан" партиясынын парламенттеги депутаты Канат Исаевге карата козголгон кылмыш иши тергелип бүтүп, соттук өндүрүшкө берилгени турат. Бул тууралуу УКМКнын басма сөз катчысы Рахат Сулайманов "Азаттыкка" билдирди:  - Айыпталуучулар жана алардын адвокаттары иш менен таанышып жатышат. Алар таанышып бүткөндөн кийин иш сотко жиберилет.  Сулаймановдун айтымында, тергөөдө Канатбек Исаев кылмыш дүйнөсүн жана бийлик органдарындагы тааныштарын колдонуу менен бийликти күч менен басып алууну көздөгөнү аныкталды. Читать дальше...

Кемероводо сот өрт чыккан соода борборунун башкаруучусу Надежда Судденокту эки айга камакка алды. Жекшембиде болгон кырсыкта 64 киши каза тапты. Алардын 40тан ашыгы балдар экени маалым болду. Судденок сотто күнөөсү жок экенин айтып, 25-мартта күзөттөгү кызматкерлер кино залдардан бардык көрүүчүлөр чыгарылганын билдиришкенин, залдардын эшиги дайыма ачык турганын айтты. Мурдараак күзөтчү Сергей Антюшин да эч кандай күнөөсү жок экенин айткан. Тергөө өрт башталганда ал сигнализацияны иштеткен эмес деп тапкан. Читать дальше...

Таланттуу актер, сүрөтчү Сүймөнкул Чокморовдун эстелиги азырынча алынбайт. Бул тууралуу “Азаттыкка” Сүймөнкул Чокморов атындагы коомдук фонддун директору Сагынбек Абдрахманов кабарлады. Анын айтымында, айкелге байланыштуу коомчулукта ар кандай нааразы пикирлерден улам аны алмаштыруу боюнча сүйлөшүүлөр жүрүп жатат. - Мага Чокморовду тааныгандар, туугандары, достору, талантын урматтаган адамдар келип айкел окшошпой калганын айтып жатышат. "Башка эле кишини коюп коюпсуңар" дегендер болуп жатат. Бул мага катуу тийип жатат. Читать дальше...

Түндүк Кореянын лидери Бээжинде Кытайдын президенти Си Цзинпин менен жолугушту. Бүгүн Орусияда аза күтүү күнү. Кемероводогу өрттө курман болгондордун айрымдарынын сөөктөрү жерге берилди. Дүйнөгө таанымал джаз музыканттары Сауд Арабияда жыл башынан бери экинчи концертин коюшту.

Акын жана журналист Кемел Бакашев 28-мартта, 82 жашында дүйнө салды. Бул тууралуу Маданият, маалымат жана туризм министрлигинин басма сөз кызматы билдирди.  Кыргызстандын Жазуучулар жана Журналисттер бирикмелеринин мүчөсү, эл агартуунун мыктысы Кемел Бакашев 1936-жылы Ысык-Көлдүн Ак-Суу районундагы Ак-Булуң айылында төрөлгөн. Каракол шаарындагы Педагогикалык институтту аяктап, көп жыл Ыбырай Туманов атындагы мектепте эмгектенген. Анын "Он сегиз жаш" деген ырына обон жаралып, жарым кылымдан ашуун убакыттан бери ырдалып жүрөт. Читать дальше...

Өзбекстандын баш калаасында өткөн эл аралык конференциянын катышуучулары ооган өкмөтү менен «Талибан» кыймылынын бетме-бет сүйлөшүүсүн колдорун жарыялашты.  27-мартта Ташкентте кабыл алынган биргелешкен билдирүүдө ага кол койгондор «ооган өкмөтүнүн «Талибан» кыймылы менен алдын-ала шарт койбостон сүйлөшүү тууралуу сунушун чечкиндүү колдошоору» айтылат.  Конференциянын катышуучулары талибдерди Кабулдун тынчтык жараянын баштоо сунушун кабыл алууга үндөштү. Ташкенттеги иш-чарага 20дан ашуун өлкөнүн жана эл аралык уюмдардын өкүлдөрү катышты. Читать дальше...

Мамлекет башчы Сооронбай Жээнбеков башкы прокурор Индира Жолдубаеваны 28-мартта кабыл алып, жемкорлукка каршы иштердин жүрүшү тууралуу сүйлөштү.  Президенттик аппараттын басма сөз кызматы билдиргендей, Жолдубаева Коопсуздук кеңешинин быйыл 8-февралдагы чечимине ылайык, коррупцияга каршы жасалып жаткан иштер жөнүндө айтып берди.  Жээнбеков прокуратуранын бул багыттагы аракетинде жылыштар бар экенин белгилеп, жемкорлукка каршы чечкиндүү чаралардын жыйынтыгына жарандык коом көз салып жатканын кошумчалады. Читать дальше...

Түндүк Кореянын лидери Бээжинде Кытайдын төрагасы Си Цзинпин менен жолугушту. Ушул аптада болгон анын үч күндүк сапары тууралуу Кытай өкмөтү 28-мартта билдирди.

Британияда мурдагы орус тыңчысынын ууландырылышын АКШнын коргоо министри Жим Мэттис Кремлдин "Батышты бөлүп-жаруу стратегиясынын бир бөлүгү" деп атады. Пентагондун башчысы мындай билдирүүнү  27-мартта Вашингтондо жасады. Мэттис Скрипал менен кызы Юлия экөөнү "өлтүрүү аракетине" жоопкерчилик алуудан Москва баш тартканына көз жуумп койгонго болбой тургандыгын айтты. Ал Солсберидеги окуяда "кыргын салуучу курал" колдонулганы ачык көрүндү деп, британ бийлиги белгилегендей, адамдын нервин шал кыла турган... Читать дальше...

Мамлекеттик экотехинспекциянын “Азаттыкка” билдиргени боюнча, өткөн 2017-жылы өндүрүш маалында 26 кырсык катталып, жалпысынан 40 адам жабыркаган. Алардын 24ү каза болуп, 16сы оор жараат алган. Аталган мекеменин Өнөр-жай коопсуздугу жана тоо-кен тармагын көзөмөлдөө башкармалыгынын текшерүүлөрүнөн кийин 78 объектинин иши токтотулган. Жалпысынан миңден ашуун текшерүү жүргүзүлүп, 5 миңден ашуун мыйзам бузуу фактылары аныкталган. Натыйжада 2 млн. 300 миң сомдон ашуун айыппул салынган. Тиешелүү документтер... Читать дальше...

Кыргызстандагы театрларда иштеген чарбалык жана техникалык кызматкерлер сыйланышты. Маданият, маалымат жана туризм министри Султан Жумагулов Бишкек, Ош, Ысык-Көл, Нарын жана Чүйдө театрларда эсепчи, электрик, жарык коюучу, костюм менен камсыздоочу болуп иштеген бир катар жумушчуларга "Маданияттын мыктысы" ардак белгисин тапшырды.  Министрликтин басма сөз кызматы маалымдагандай, алар маянанын аздыгына карабай, өз кесибине берилип иштеп келатканы үчүн сыйлыкка татыктуу деп табылды.  Расмиий маалыматка ылайык... Читать дальше...

Евробиримдик Косовонун бийлиги сербиялык аткаминерди кармап, күч менен өлкөдөн чыгаргандан кийин башталган коңшулардын тирешин “сабырдуулук менен акыл калчап” жөндөөгө чакырды. Евробиримдиктин тышкы иштер боюнча комиссары Федерика Могерини шейшембиде чукулунан Сербияга барып, президент Александр Вучич менен жолугушту. Могерининин жолугушуудан кийинки билдирүүсүндө “кечээ Косоводо болгон окуя кайталанбашы керек" деп айтылат. Билдирүүдө Евробиримдиктин өкүлү жана Сербиянын президенти “Белград менен... Читать дальше...

Эки тараптуу мамилени өнүктүрүш үчүн Кыргызстан Израилден келчү туристтерге визаны жоюшу керек. Мындай сунушту Израил парламентинин депутаты Акрам Хассон кыргызстандык кызматташтары менен жолугушкан учурда билдирди.  Жогорку Кеңештин басма сөз кызматы кабарлагандай, Хассон мурдагы Советтер Союзуна кирген дээрлик бардык мамлекеттер менен Израилдин ортосунда визасыз режим бар экенин билдирген. Ал Кыргызстан менен Израил демократиялык жагынан окшош экенин да кошумчалаган.  Бишкекке иш сапары менен... Читать дальше...

Кыргызстан менен Өзбекстандын чектеш облустарынын жетекчилери эки өлкөнүн премьер-министрлери баштаган жыйынга чогулат. 29-мартта Фергана шаарында өтө турган жолугушууда ар тараптуу кызматташууну кеңейтүү маселеси каралат. Бул тууралуу өкмөттүн басма сөз кызматы кабарлады.  Былтыр сентябрда Өзбекстандын президенти Шавкат Мирзиёев Кыргызстанга келгенде өкмөт аралык өз ара ымала жөнүндө меморандум кабыл алынган. Макулдашууга ылайык, эки өлкөнүн чектеш облустардын бийлик өкүлдөрүнүн кеңешин түзүү маселеси каралган. Читать дальше...

"Студент, комсомол, спортчу жана жөн гана сулуу" деп Леонид Гайдайдан каарманы Нинаны сүрөттөшөт эмеспи. Мен дагы бүгүнкү маектешимди бир нече таамай сөз менен сыпаттагым келди.

Британиянын Москвадагы элчилигинде өткөн жабык жыйында көрсөтүлгөн документте Орусиянын Башкы чалгын башкармалыгынын мурдагы офицери Сергей Скрипалдын ууландырылышына Орусия «толук күнөөлүү» экени айтылат. Бет ачарды британдардын Москвадагы элчиси Лори Бристоу өткөргөн.     Лондон даярдаган документтин көчүрмөсү «Коммерсант» гезитинин колуна тийген. Буга чейин Лондон Скрипалга кол салууда Москванын тиешесинин «ыктымалдуулугу жогору» деп билдирген. Москвадагы элчиликте өткөн бет ачарды чет өлкөлүк элчиликтердин 80ден ашуун өкүлү көрүп... Читать дальше...

Жалал-Абад облусунун Кочкор-Ата шаарында жайгашкан “Кыргызмунайгаз” ишканасына Өзбекстан, Кытай жана Орусиядан инвесторлор кызыгып жатат. Бул тууралуу бүгүн Жогорку Кеңештин жыйынында мамлекеттик мүлк фондунун башчысы Ренат Түлөбердиев депутат Жанар Акаевдин суроосуна жооп берип жатып билдирди. - “Кыргызмунайгаз” өзүнүн 10% гана көлөмүндө иштеп жатат. Бул абдан аз.Түштүктө күйүүчү-майлоочу майга болгон суроо-талап жогору. Мунайды иштеп чыккандан кийин аны сактай турган жер аз болуп жатат. Инвестиция керек. Читать дальше...

Жалал-Абад облусунун Кочкор-Ата шаарында жайгашкан “Кыргызнефтегаз” ишканасына Өзбекстандан, Кытайдан жана Орусиядан инвесторлор кызыгып жатат. Бул тууралуу бүгүн Жогорку Кеңештин жыйынында Мамлекеттик мүлк фондунун башчысы Ренат Түлөбердиев депутат Жанар Акаевдин суроосуна жооп берип жатып билдирди. - “Кыргызнефтегаз” өзүнүн 10% гана көлөмүндө иштеп жатат. Бул абдан аз.Түштүктө күйүүчү-майлоочу майга болгон суроо-талап жогору. Мунайды иштеп чыккандан кийин аны сактай турган жер аз болуп жатат. Читать дальше...