Новости за 05.03.2018

Гуманитардык жардам алып келаткан кербен 5-мартта козголоңчулардын колундагы Чыгыш Гута аймагына кирди. Эки аптадан бери президент Башар Асаддын армиясы бул жерге чабуул коюп жатат. Аба соккуларынан 700дөн ашуун карапайым адамдын өмүрү кыйылды.   Сирия армиясы камоодо калган 27 миңдей кишиге тамак-аш жүктөгөн кербенди анклавга киргизди. Гуманитардык миссиянын жетекчилигинин билдирүүсүнө караганда, сириялык аскерлер жарадар болгондорго жана оорулууларга делген дары-дармекти түшүртпөй коюшту. Чыгыш Гутада 400 миңге чукул киши жашайт. Читать дальше...

Өзгөчө кырдаалдар министрлигинин маалыматы боюнча, өрт тууралуу алгачкы маалымат 5-март күнү саат 21:00дө түшкөн. Ошол замат кырсык болгон жерге өрт өчүрүү кызматынын үч бригадасы жөнөп кетишкен. Өрттүн чыгышына эмне себеп болгону азырынча белгисиз. Алдын ала маалыматтар боюнча өрттөн жабыркагандар жок. Учурда өрттү өчүрүү иштери уланууда. Кырсык болгон жерде ИИМдин кызматкерлери, Тез жардам кызматынын өкүлдөрү жүрүшөт. Быйыл 30-январда ушул эле соода түйүндө өрт чыгып, 108 күркө толугу менен өрттөнүп кеткен. Читать дальше...

Казакстанда саясий бийлик алмашуу болушу мүмкүн деген сөздөр жүрүп жатканда президент Нурсултан Назарбаев эч жакка кетпей турганын айтты. “Элибиздин ишенимдүү келечеги үчүн иштегем, иштеп жатам жана иштей берем”, – деди казак лидери парламенттин эки палатасынын биргелешкен сессиясында. Назарбаев парламенттин мүчөлөрүнө кайрылып, “чоң долбоорлорго көңүл бурууга мезгил жеткенин”, стратегиялык программаларга өзү жетекчилик кылаарын билдирди. Өткөн айда казак парламенти Назарбаевди өлкөнүн Коопсуздук... Читать дальше...

Түрк полициясы “Ислам мамлекети” террордук тобуна мүчө деп шектелген төрт кишини Анкарадагы АКШ элчилигине ыктымал чабуулду иликтөөнүн алкагында кармады. Бул тууралуу Түркиянын өкмөттүк медиасы 5-мартта кабарлады.    Анкарадагы АКШнын элчилиги дүйшөмбүдө коопсуздук чараларынан улам ачылган жок. Элчиликтин имаратынын сырты катуу көзөмөлдөнүп, полиция көчөдөн өтүп бараткан кишилерди текшерип жатты.   “Анадолу” жаңылыктар агенттиги полиция ирактык төрт кишини кармаганын билдирди. Алардын экөө Самсундагы... Читать дальше...

Биринчи май райондук сотунун 5-марттагы чечими менен "Электр станциялары" ишканасынын жетекчисинин мурдагы биринчи орун басары Бердибек Боркоев эки айга камалды. Бул убакытта ал Улуттук коопсуздук боюнча мамлекеттик комитеттин тергөө абагында болорун аталган комитеттин басма сөз кызматы маалымдады. "Электр станциялары" ишканасынын жетекчисинин мурдагы биринчи орун басары Бердибек Боркоев 3-мартта Бишкек жылуулук электр борборун оңдоодо ири суммадагы уурулук фактысына шектелип, камакка алынган.... Читать дальше...

Кыргызстанда бүгүн Ак калпак жана улуттук кийимдер күнү белгиленди. Эл арасында бул багытта өтүп жүргөн иш-чаралар тууралуу эки ача ойлор айтылып келет. Айрымдар мындай демилге жаштардын өз элине, мекенине болгон сүйүүсүн ойготоорун айтышса, кай бирөөлөр ага карама-каршы пикирде. Ушул өңдүү аракеттер улуттук баалуулуктардын кадырын көтөрүүгө канчалык салым кошуп жатат?

Бишкектеги маданий жайлардын биринде эртең, 6-мартта өтө турчу WEF Global 11 турниринин көз караштар таймашы болуп өттү.

Балыкчыларды кызыктырган тоо арасындагы Ара-Көл, Баткендеги курулушу бүтпөй жатып бузула баштаган “жаңы” мектеп, жаш инженердин кыргызча сүйлөп, кызмат көрсөтө турган роботу, Кыргызстандагы аутист балдар үчүн жаңы окууларды сунуштаган британ жигит, Жумгалдагы тендер чыры жана башка баяндарды “Данисте” телетоптомунан көрүңүздөр.

АКШ Сириянын режиминин Чыгыш Гута аймагына чабуул коюп жатканын айыптады. Словакияда журналисттин киши колдуу болушу саясий чыңалууга алып келди. Түштүк Кореянын Пхеньянга барган делегациясы Ким Чен Ын менен жолукту. Македониялыктар өлкөнүн аталышын коргоп чыгышты.

Бишкек менен Нарында сот жана укук коргоо органдарындагы тутумдашкан коррупцияны ооздуктоо боюнча тынчтык митинги өттү.

Македонияда он миңдей киши өлкө аталышын өзгөртпөө чакырыгы менен нааразылык акциясына чыгышты. Мурдагы Югославиянын курамында болуп келген жумурияттын аталышын өзгөртүүнү кошуна Греция талап кылууда. Себеби Грециянын бир облусу дал ушундай аталат. 4-мартта улуттук тууларын көтөргөн демонстранттар баш калаа Скопьедеги борбордук аянтка, Улуу Александр – Искендер Зулкарнайындын эстелигинин жанына чогулушту. “Биз – македониялыкпыз!” деген ураан чакырган адамдар өлкө аталышын коргоп жатышканын айтышты. Читать дальше...

4-мартта Лос-Анжелесте Америка киноакадемиясынын сыйлыгы тапшырылды. Түштүк Кореяда өткөн кышкы Олимпиадага өз туусу менен чыга албай калган орус спортчулары быйылкы "Оскардын" да башкы темасына айланды. Орусиянын спортундагы кызытма колдонуу жөнүндө "Икар" деп аталган документалдык тасма киноакадемиянын сыйлыгына татыды.  Тасманын режиссеру Брайан Фогель: ​"Биз бул жакта сүйүнүп, сыйлык алып турган кезде, тигил жакта өмүрүнө кооптонгон тирүү адам бар, алданган таза спортчулар бар жана өз күнөөсүн мойнуна албай... Читать дальше...

Президент Владимир Путин "2016-жылы АКШда болгон шайлоо өнөктүгүндө хакерлик чабуул койгон" деп айыпталган орусиялык жарандарды Москва эч качан бербей турганын америкалык NBC телеканалы менен болгон маегинде айтты.  «Алардын орус өкмөтүнө же орус бийлигине тиешеси жок. Алар эмне кылышканын билбейм. Эгер күмөн саноо болсо америкалык кызматташтар бизге толук маалымат беришсин, карап чыгабыз" – деп Путиндин айтканын “Интерфакс” агенттиги жазып чыкты. "Москва хакерлерди береби?" деген суроого ал... Читать дальше...

Баткенде балдарды урган медресе мугалими иштен алынып, Араванда опузалоого шектүү имамга кылмыш иши козголду.

Словакияда иликтөөчү журналисттин киши колдуу болушу саясий араздашууга алып келди. Президент өлкөнү саясий кризиске кептебеш үчүн өкмөттү өзгөртүүнү талап кылса, премьер-министр бул маселени коалициялык өнөктөштөр же парламент гана чечээрин айтты. Премьерге жакын адамдардын мафия менен байланыштарын иликтеген Ян Куциакты белгисиз бирөөлөр 25-февралда үйүнөн атып кетишкен.

Ош шаарынын борбордук базарында аялды бычактап салган киши кармалды. Бул тууралуу Ош шаардык ички иштер башкармалыгы билдирди. Маалым болгондой, 4-мартта базарда майда мантуу сатып отурган 29 жаштагы келинди белгисиз бирөө аркасынан келип, бычак сайып качып кеткен. Тергөө иштеринин натыйжасында бүгүн кылмышка шектүүкатары жабырлануучунун өзүнүн 52 жаштагы жездеси колго түшкөн. Сурак учурунда шектүү Ж.К. анын аялын балдызы ортого түшүп чоң суммага карыз кылып койгондугу үчүн аны бычактап салганын билдирген. Читать дальше...

Түркиянын Стамбул шаарында жашап жатышкан кыргызстандык студенттер, мигранттар жана ишкерлер шаардын тарыхый аймагы Таксимде калпак кийип жөө жүрүш жасашты. Чогулган жоон топ тарыхый Истиклал көчөсү менен жөө басып баратып, жергиликтүү тургундарга жана шаардын туристтерине кыргыз калпагы тууралуу түшүндүрмөлөрдү беришти. Мындан тышкары алар жергиликтүү мэриянын өкүлдөрүнө калпак белек кылышты. Түркиянын миграция департаментинин маалыматы боюнча өлкөдө 19 миңден ашык кыргызстандык катталган. Алардын үч миңге жакыны студенттер. Читать дальше...

Түштүк Кореянын Пхеньянга барган делегациясы Ким Чен Ын менен жолукту. Бул Сеулдун чабармандары Түндүк Кореянын азыркы лидери менен кездешкен алгачкы учур жана өтө сейрек болуучу иш сапарлардын бири. Анын жүрүшүндө Түштүк Кореянын билдиргенине караганда, Түндүк Корея менен Кошмо Штаттардын ыктымал сүйлөшүүсү үчүн шарт түзүү аракети көрүлөт.

Өзгөчө кырдаалдар министрлигинин Бишкек шаардык бөлүмүнүн элүүдөн ашуун кызматкери маяналарын көтөрүүнү  талап кылып чыгышты. Бул тууралуу борбор калаадагы өрткө каршы күрөш бөлүмүнүн атын атабаган кызматкерлери кабарлашты. Министрликтин башкы мекемесине бүгүн чогулгандар иш түйшүктүү экенине карабай, маяна жетишсиз экенине даттанышкан. Алар ошондой эле зыяндуулук үчүн жана сыр сактоо үчүн кошумча берилчү акыларга да ээ болбой жатканына нааразы болуп, ал суммаларды өз убагында берүүнү талап кылышкан. Читать дальше...

Бийликти тартып алууга аракет кылганы айтылып жаткан өзбек журналисти Бобомурод Абдуллаевдин соту Ташкентте 5-мартта башталат. Аны менен кошо блоггер Хает Хан Насриддинов жана ишкерлер Равшан Салаев менен Шавкат Оллоёров да сот жообуна тартылууда. Абдуллаевдин адвокаты Сергей Майоров журналист менен 3-мартта жолукканын, журналист Улуттук коопсуздук комитети кармагандан кийин бир нече жолу кыйноого кабылганын билдирди. “Алар аны желим таяк менен далыга, колго-бутка койгулашкан. Алты күн уйку бербей коюшкан. Читать дальше...

Франциянын тышкы иштер министри Жан-Ив Лё Дриан Ирандын өзөктүк программасы жөнүндө жана Сирия согушундагы Ирандын ролуна байланышкан талкуу күчөп турган маалда Тегеранга барды. Француздардын тышкы иштер мекемесинин жетекчисинин Ирандагы иш сапары январь айына пландалган, бирок жыл башында бул өлкөдөгү массалык нааразылыктардан улам кийинкиге жылдырылган. Эки күндүк сапардын алкагында Жан-Ив Лё Дриан Ирандын президенти Хасан Роухани жана тышкы иштер министри Мохаммад Жавад Зариф менен жолугуп... Читать дальше...

Бүгүн Ак калпак жана улуттук кийимдер күнү белгиленди.

Мамлекеттик мүлк фонду өлкө эгемендик алгандан бери биринчи жолу Кыргызстандын энергосекторунун активдерин баалоо жана жабдууларын инвентаризациялоо иштерин баштады. Бул тууралуу “Азаттыкка” фонддун өкүлдөрү кабарлашты. Билдирүүдө айтылгандай, процесс учурунда “Электр станциялары”, “Чакан ГЭС”, “Кыргызстандын улуттук электр тармактары”, “Түндүкэлектр”, “Ошэлектр”, “Жалалабадэлектр”, “Чыгышэлектр” ачык акционердик коомдору жана Бишкек Жылуулук электр борбору текшерилет. Энергокомпаниялардын активдерин... Читать дальше...

Парламенттеги "Ата Мекен" фракциясынын лидери, депутат Алмамбет Шыкмаматов инфаркт коркунучуна байланыштуу ооруканада жатат. Бул тууралуу депутаттын адвокаты Чынара Жакупбекова "Азаттык" радиосуна билдирди. Анын айтымында, Шыкмаматов оорусунан улам келе албай, Бишкек шаардык сотунда бүгүнкү жараян болгон жок. Сот  ишти кароону токтотуу тууралуу өтүнүчтү четке какты:  - Мыйзамда ооруканада жатканда сот сөзсүз токтотулушу керектиги жазылган. Ошол мыйзамдын негизинде өтүнүч келтиргем. Ага карабай кийинки жараянды 13-мартка белгилеп койду... Читать дальше...

Ош шаардык санэпидемстанциянын коомдук дааратканасынын сүрөттөрү социалдык түйүндөрдө кызуу талкуу жаратты.