Новости за 20.04.2019

Къилба Ирландехь йийначу журналистан хьокъехь 18 а, 19 а шераш долу ши жимстаг лаьцна полисхоша. Терроризмна дуьхьало латточу низаман гурашкахь лаьцна и шиъ, цкъачунна цу шинна дуьхьал бехкаш дахаза ду аьлла, регионерчу полицин хьосташна тIе а тевжаш, The Irish News газетано. Маршо Радионо хааме даьккхира, шоьтан сарахь Къилба Ирландин Лондондерри гIалахь иккхинчу къепехь коьртах герз тоьхна Iамеркан Mediagazer хьостан журналист, 29 шо долу  Макки Лайра ерах лаьцна. Бехке "Новая ИРА" тоба ю аьлла, шеконаш ю полицин. Читать дальше...

ГIалгIайчуьрчу тайпанийн Кхеташонан куьйгалхо Ужахов Малсаг шина баттахь чохь вуьтуш, сацамбина ГIебарта-Балкхаройчоьнан кхело. Цунна бехкедуьллу, байначу беттан 27-чохь Магасехь протесташ йоьлхучу заманчохь полисхошна дуьхьало яр. "Медиазона" портале адвокато Куриев Жабраила дийцина, Ужахов диабет а, деган лазарш а токхуш хиларх, амма кхело тидаме ца эцна и шен сацамехь аьлла. Материалашкахь тIечIагIдина ду ишта, Ужахов кхелах вада там болуш а ву аьлла. Куриевна хетарехь, и тIедахкарш бух боцуш ду. Читать дальше...

Дуьненаюкъарчу могушалла Iалашъяран организацино (ВОЗ) хааме даьккхина, Ливин шахьарахь Триполехь 220 стаг вийна, 1066 вахархочунна чевнаш йина аьлла. "Байинчу маьршачу бахархошна юкъахь лоьраш а, зударий а, бераш а ду", - яздина организацино шен Твиттерехь. Карладоккху, кху беттан 4-чохь фельдмаршало Хафтар Халифа куьйгалла а деш, Ливин къоман эскар Триполи йолчу агIор дIатаьIира. Цигахь куп тоьхна бара пачхьалкхан малхбузе шайн куьйгакIел латто къаьмнийн бертан Iедалхой. ООН-ан Инарла секретаро  масийттазза кхайкхамбира... Читать дальше...

ДогIуш дац аьлла Нохчийчуьрчу бахархоша 2015-чу шарахь дуьйна "Грозный" цIарца хилла страйкболан клубан цIе "Ахмат" аьлла хийцар, яздо "Кавказский узел" агенталло. Кху беттан 18-чохь Iорадаьккхира цунах кегийрхойн гIуллакхашкахула йолчу министраллан куьйгалхочо клубан декъашхошца дIадаьхьначу цхьанакхетарехь. "Грозный" телехьожийлан суьйренан эфирехь а гайтина цунах репортаж. Клубан лидеран Магомадов СаьIидан лаам бу "Ахмат" цIе тилар аьлла, билгалдоккхуш. 2015-чу шарахь дуьйнна болх беш ю страйкболан "Грозный" клуб. Читать дальше...

Шоьтан сарахь Къилба Ирландин Лондондерри гIалахь иккхинчу къепехь коьртах герз тоьхна йийна Iамеркан Mediagazer хьостан журналист Макки Лайра. Бехке "Новая ИРА" тоба ю аьлла, шеконаш ю полицин. Теракт ду аьлла, дIакхайкхийна тIелатар. Британин Къилба Ирландин полицино Ирландин Республикан йозуш цахилар даздан кечлучу юкъанна лехамийн операци йолийнера Лондондеррехь, радикалан республиканхошна дуьхьал. ХIетахь лилхинчу къепедацаршкахь 50 бензинан бомба полисхошна тIелестийнера. Ши машен лачкъийна дIа а йиина, ягийнера. Читать дальше...

Бакъонашларъяран "Альтернатива" боламан волонтераша хааме даьккхина, ГIалгIайчохь бартаза вацош хилла Пензера Куприянов Михаил шаьш кIелхьарваккхарх. Куприяновс чIагIдо, ГIалгIайчоьнан хиллачу президентан Аушев Русланан гергарчу Руслан цIе йолчу стага мацалла а, хьогалла а хьоьгуьйтуш ша лаьмнашкахь масийтта баттахь вацийра бохуш. Жимчу стага дийцарехь, цхьана сайтехь йоI евзина хилла цунна. Цо шена вевзачу стагехула ГIалгIайчохь болх лехна хилла кхунна. "Со цига дIакхаьчча, Руслан цIе йолчу стага вузийра со, цигахь буьйса а яьккхира ас. Читать дальше...

Украинан президетан харжамашкахь дакъалоцучу Порошенко Петрон а, Зеленский Владимиран а стадионехь хиллачу дебатех шена хетарг яздина Нохчийчоьнан куьйгалхочо Кадыров Рамзана Телеграм-каналехь. Кадыровх кхеравеллера хьа аьлла, Порошенкос Зеленскийна бехкбилларца ша "урамашкахь летарна тIераниг санна" гайтира цо аьлла мехкан урхалхочо. Иштта Кадыровс яздарца, Life телеканалан журналисташ Сайченко Марат а, Сидякин Олег а оьрсийн агIоне дIалучу хенахь, Порошенкос дIахьедира, Оьрсийчоьнна Украина санна кхи гергара... Читать дальше...

Ростоверчу Къилбаседа Кавказан тIеман кхелан бехккъасторхоша вердикт йовзийтина, 2000-чу шарахь кхо эскархо вийна аьлла, кхеле хIоттийна Нохчийчуьра вахархо Бекмурзаев Расамбек бехказавоккхуш. ПIераскандийнахь журналисташка бина и хаам кхелан пресс-гIуллакххоша. Маршо Радионо яздира, 17 шо хьалха кхо полисхо вийна аьлла, 2017-чу шарахь бехке а вина ФСБ-н белхахоша лаьцна вигинера Бекмурзаев аьлла. Талламчаша чIагIдарца, ницкъаллийн структурийн кхо белхахо вийначул тIаьхьа эцна Бекмурзаев воьвзачу тIеман буьйранчан Бараев Iарбин тобан юкъа. Читать дальше...