Новости за 07.04.2019

Дрон-атака а йина, ша эккхийтарна кхоьруш ву Орсийчоьнан президент Путин Владимир аьлла, Iорадаьккхина Iамеркан талламчаша. Цара къастийна, пачхьалкхан урхалхочо GPS-навигаторш тилорхьама даим а шеца лелош гIирс хилар, ша волу меттиг мостагIех къайлахьош. Ишта бу гIирс: нагахь Путин хIорда тIехь велахь, GPS системано иза гергарчу аэропортехь ву олий, гойту. Кхерамзаллехула йолчу C4ADS группан эксперташа хIоттийначу рапортна тIе а тевжаш, Foreign policy хьостано дуьйцу, оцу кхоьллинчу гIирсо гIо до Путинна... Читать дальше...

ГIалгIайчоьнан чоьхьарчу гIуллакхийн министралло республикан бахархошка кхайкхамбина, шайн лаамехь пIелгийн лараш яла еза аьлла. Урхаллан сайтехь кIирандийнахь бина и хаам. Процедура маьхза хир ю аьлла, чIагIо йо полицино. Нагахь документаш дайна, талхийна меттиг нислахь, хи тIе даьлла, мохкбегийна, цIеяьлла зулам далахь, теракт нислахь, авиацин, йа цIерпоштнекъаца зулам Iотталахь а атта хир ду боху хьаькамаша, стаг мила ву билгалдаккха бахархоша йитинчу пIелгийн таммагIашца.

КъахIирехь набахтехь латточу ГIалгIайчуьрчу кегийчу наха мацалла кхайкхийна, шаьш лецарна протест еш. ТАСС агенталло бина и хаам, цхьахволчу кIентан нанас Дзейтова Марема дийцарца. "Тхан берашкахь ледара хьал ду аьлла, хабар кхаьчна тхоьга. Сан цIийнда вахана Мисара, тхан доьзалхо ган. Цо а дуьйцу, юучуьнца бала хьоьгуш бу уьш. Де эшна церан бохура. Пхи де хьалха мацалла кхайкхийна цара- юучух дIахаьдда, лоьраш тIе ца буьту" , - аьлла, дийцина Дзейтовас. Стохка аьхка дуйна лецна бу ГIалгIайчуьра КъахIирехь доьшуш хилла студенташ... Читать дальше...

Дагестанхойн агIонца шина республикана юкъара дозанаш къастош дийцарш дIадаьхьна Нохчийчоьнан парламентан спикеро Даудов Мохьмада. Кизляран гергара латтанаш дара дуьйцурш. Кизляран кIошта чудогIу лаьттан дакъа нохчийн Росреестре цIартIе даккхийта хьалхо дуьхьало йира Дагестанан парламенто. Амма шолгIачу дийнахь Нохчийчоьнан куьйгалле бехкбоккхуш дина дIахьедар Дагестанан Халкъан собранин официалан сайтера дIадаьккхира. "Нагахь и латта аша шайн ду бахахь, гайтийша документаш. Охьа а хевшина, цхьа барт бийр бу-кх вац. Читать дальше...

Украинан президентан харжамашкахь кандидат волчу Зеленский Владимирна дуьхьал бехкзуламан гIуллакх айдар дехна Лакхарчу Радан вице-спикеро Геращенко Иринас. Фейсбукехь бинчу шен хаамехь Геращенкос яздо, пачхьалкхан чоьхьарчу гIуллакхийн министралле кехат дIакхачор ду ша оршотдийнахь аьлла. Вице-спикерна хетарехь, Зеленскийс "Слуга народа 3" кино чохь Голобородько Василийн рол ловзочу хенахь "олигофренаш", "даунаш" дешнаш баьхна, инвалидаш аьшнашбарца. "Европан Украина, толеранте пачхьалкх кхуллуш ду вай... Читать дальше...

Бельгехь, Голландехь, Францехь 60 сов "албанхойн зуламан тобан" векалш дIалецна. Уьш шеконашка эцна, наркотикаш йохкарна а, нелегалан миграци ярна а. Дахначу кIиранчохь Европоло гIо а деш, дIаяьхьначу операцехь дакъалецира еа пачхьалкхан 600 сов полисхочо. "Новости" агенталло, мафица къийсам латточу Италин урхаллан информацина тIе а тевжаш дийцина, оцу тобанхоша йоллу Европа дIалаьцна хилла аьлла. Бельгехь веха 8 стаг а хилла оцу лецначу 60-нна юкъахь.

"Вахта памяти" акци дIахьочу юкъанна Ноьвран кIоштахь бинчу лехамашкахь 21 салтичун чалхаш хьалаяьхна аьлла, Iорадаьккхина Нохчийчуьрчу оьрсийн тIеман-историкан юкъараллан декъан куьйгалхочо Алаудинов Iабдуллас. Цо бахарехь, Подмосковьера а, Ставрополера а лехамчаша Соьлжа-ГIаларчаьрца юкъахь кху беттан 4 дийнера схьа 6-чу дийне кхаччалц 21 тIемалочун чалх хьалаяьккхина. Даймехкан Сийлахь тIамехь мостагIчун летчикаша йина аэрофотосъемка бахьанехь аьтто хилла эскарийн позицеш мичахь хилла хаа аьлла, дийцина Алаудиновс. Читать дальше...

Туркойчохь еххачу заманчохь уггар а йоккхачух леринчу Станбулерчу Ататюрк аэропорто шен болх сацийна шоьтадийнахь дуьйна. Керлачу дуьненаюкъарчу Стамбулерчу аэропорте къоман Turkish Airlines компани дехьаяларца доьзна ду и. Iаьржачу хIордана гена йоццучу, Стамбул гIалина къилба-малхбузехь лаьттачу керлачу аэропорте пIераскандийнахь дуьйна дIакхелхаш бара. Turkish Airlines компанин 300 кема а дIакхачийна цига. Шоьтан делккъалц къевлина яра ший а аэропорт, делкъал тIаьхьа керлачу аэропорто болийна шен болх. Читать дальше...

ХIора кIиранах Францехь хIоттош йолу 21 акци дIаяьхьна "Желтые жилеты" олучу боламо. Делкъанна Парижехь акцехь вовшахкхеттера масех бIе стаг. ГIали юккъехь а, цуьнан коьртачу майданашкахь а дихкина ду демонстрацеш хIиттор. Байначу беттан 16-чохь Елисейн майданахь къепе йохийначул тIаьхьа дуьйна дихкина ду цигахь гулбалар. Иштта бехкам хьакхало Францин кхи а масех гIаланах а, цигахь а "можачу жилеташа" шайн жигаралла гайтинера. Шоьтан суьйранна хаам хилира, Парижехь 43 стаг дIа а лаьцна, Руанехь полисхошца тасадаларш а хилла аьлла. Читать дальше...

Европан шина шахьарахь шоьтадийнахь митингаш дIаяьхьна цигахь бехачу гIалгIаша, Нохчийчоьнца дозанаш хийцарна дуьхьал шаьш дуй хоуьйтуш. БIе гергга стаг гулвеллера Хельсинкерчу Оьрсийчоьнан векалтна хьлха а, Брюсселерчу Шуманан майданахь а. ГIалгIайчоьнан куьйгалхочуьнга Евкуров Юнус-Беке дарж дитар а, керла харжамаш дIабахьар а тIедожийра гулбеллачара. Ишта жигархоша кхайкхамбина Оьрсийчоьнан Iедале, ГIалгIайчуьрчу оппозицин жигархошна тIаьхьабевлла лелар а сацаде аьлла. Евкуровс тIеэца баьхна... Читать дальше...