Новости за 04.04.2019

Хаамийн гIирсашкахь Кадыров Рамзан вехачу Хоси-Юьртахь цIенош дIахьокхуш ду парк шоръян аьлла, Iораяьккхинчу информацех комментари йитина Нохчийчуьрчу зорбан министро Умаров Джамбулата. "Сан хаттар кхоллало: Кадыров Рамзанан юьртахь хила бакъо яц парк, бакъо яц ораматаш ден?- аьлла Умаровс. - ЦIенош дехьадохуш ду, документаш а кечдеш, тIейогIучу хенахь компенсаци а луш. Цецвала хIуммаъ дац кхузахь, оха магийна ишта гIуллакх". "Схьаэца Бостон, Нью-Йорк. Паркаш, "диснейлендаш" хьалаярхьама бIеннаш... Читать дальше...

Iедалхошкара бакъо а йоцуш хIоттийначу митингехь дакъалацарна ГIалгIайчоьнан муфтийн гIовсах Мейриев Мусах 20 эзар сом гIуда хьарчийна Магасан кхело, дIахьедина суьдхойн векало. Кхааридийнахь цIийнах а хьуьйсуш, цхьа могIа гIалгIайн жигархой дIа а лоьцуш, чохь даккха итт дей, буьйсий хенаш йиттира  протестхойн хьалханчашна: Барахоев Ахьмадна а, Ужахов Малсагна а. 150 эзар сом гIуда тоьхна Ужахов Малсагна. Саутиева Зарифан а, Нальгиев Исмаилан а охьадилла деза ткъа-ткъа эзар сом Магасан кхелан векало "Интерфакс" агенталле дийцарехь... Читать дальше...

Шайн аьтто баьлча Оьрсийчуьра эмиграци йийр йолуш ву хIора пхоьалгIа вахархо. Кхечу пачхьалкхе дIабаха луучу 49 шаре бевллачу нехан терахь 44 проценте хьаладьалла. Адамийн дог-ойла толлучу Iамеркарчу Gallup университето дахначу шеран бинчу талламийн жамI ду ишта. "Шайн таро хилча, гуттаренна а даха кхечу пачхьалкхе дIагIур дарий шу?" аьллачу хаттарца зийна респонденеташ талламчаша. Къаьсттина пачхьалкхера дIабаха лууш бу 15 шарера 49 шаре бовллалц болу бахархой. Царлахь 44 процент ву эмиграци ян луурш. Читать дальше...

Москварчу цхьана отелехь хиллачу криминале хиламех яздо "Московский комсомолец" газетано. Хьешан цIенна уллохь лаьттачу наха терго йина, цу хIусаман корах ара тIоьрмиг кхусуш. Дийцарехь, 21 миллион сом ахча хилла цу чохь. Baza телеграм-канало шен агIонехь а яздо кхунах лаьцна. Церан информацица, Нохчийчуьрчу Хьалха-Мартанарчу бахархоша Iабдул-Iела цIе йолчу курьерца Москва кхачийна хилла и ахча. Стенна вовшахтоьхна хилла ахча, дуьйцуш дац цкъачунна. Отеле тIоьрмиг бахьаш веанчу Iабдул-Iелина дуьхьадаьлла зуда а, стаг а. Читать дальше...

Протестхойн боламан хьалханчийн цIийнех хьовса баьхкинера полисхой. Жигархошкара а, церан гергарчу нахера а дIаяьхна телефонаш а, техника а. Талламаш бинчул тIаьхьа пхи стаг лаьцна витина.

Нохчийчуьрчу Iедалхоша махкахь лелочу харцонех интернетехь даржочу, Германехь вехачу Мализаев Минкаилца къийсам латто дикка хан ю. Даймахкахь бехачу цуьнан гергарчу наха иза сийсазвохуш, долара вохуш видеош яржийра стохка. Кху деношкахь социалан машанашкахь йийцарейо, Мализаевн вашас а, хIусамнанас а дIаязйина рогIера видео. Лаамехь дина дIахьедар ду-те и, йа даим санна, Iедалхоша бертаза дайтина хIума ду? Мализаев Минкаила дуьйцу цунах ма-дарра.

UFC-н чемпионо Нурмагомедов Хьабиба жоп делла ирландхочо МакГрегор Конора, шена зуда а, дин а сийсаздан а гIерташ, Твиттерерчу аккаунтехь хIоттийначу постна, яздо "Советский спорт" хьостано. "Хьо шалхо лелориг ву, хьайн дешнех а, хьайгара даьллачух а жоп ца луш. Амма хьо кхелах вер ву бохург, бакъ дац. Кхечун дин аьшнашдеш, хьо кхерамзаллехь ву моьттуш хьо велахь, галваьлла хьо", - яздина Нурмагомедовс Твиттерехь. ММА юкъара ша дIавоьдуш ву аьлла, МакГрегора байначу беттан 26-чохь хаамбича... Читать дальше...

Дахначу шарахь "Роспотребнадзоран" СПИД-ца къийсам латточу центро бинчу талламашца, Оьрсийчоьнан бахархошлахь иммунодефицитан цамгар (ВИЧ) кхеттачийн терахь миллионал тIехдаьлла. Документ ду РБК агенталлан долахь. "2018-чу шеран чакхенехь пачхьалкхехь верриг а ВИЧ-инфекцин диагнозца вара 1 007 369 стаг. Велла 318 870 вахархо а ца лерича а", аьлла, яздина ду документ тIехь. Динчу зерашца, алсам бу иммунодефицитан лазар токхурш Кемеровн, Иркутскан, Самаран, Оренбурган кIошташкахь.

Нохчийчохь дешаран хьукматашкахь ира лаьтташ ду, школашкахь бераша кхаа рожехь доьшуш хиларца доьзна хьал. Дахначу шеран ГIура-баттахь Маршо Радионо яздира, Оьрсийчоьнан премьер-министрца Медведев Дмитрийца Москох хиллачу цхьанакхетарехь Нохчийчоьнан куьйгалхочо Кадыров Рамзана дийцаредарх, махкара школаш тIехъюьзна хиларх. Оьрсийчоьнан премьер-министро Медведев Дмитрийс дош деллера хIетахь, регионна оьшу гIо дан. Кху деношкахь юха а гIаттийна изза хаттар. Оьрсийчоьнан урхаллан аппаратан куьйгалхочун... Читать дальше...

Юьрта юккъера парк шоръян Iалашонца Хоси-Юьртарчу Кадыров Рамзанан дай баьхначу хIусамна гергара цIенош дIахьакха долийна меттигерчу Iедалхоша.  Ши кIира хан елла бахархошна шайна оьшург хIусамашкара схьаэца, цул тIаьхьа йохор йолуш ю гIишлош аьлла, хааме даьккхина "Кавказский узел" агенталло шайн хьосташна тIе а тевжина. Иттех цIа шаьш вовшахдаккха буьйлабелла хIусамдай. Юьрта юккъехь хIинцале а ян йолийна парк. Дукха хан йоццуш шаьш йолийна проект хийца а хийцина, территори кхи тIе а шоръян лаам хилла Iедалхойн, боху хьостано. Читать дальше...

Интернетан машанехь видео яржийна, Куьршала кIоштарчу спортан школехь 17- 15 шераш долчу спортхошлахь дIахьочу маьршачу латаран турнирехь иккхинчу инцидентех, яздо Lenta.ru хьостано. Лазийна стаг вац тасадаларшкахь, зулам эккхаран бахьанаш толлуш ду полисхоша аьлла, дуьйцу шен сайтехь "360" телеканало. Инстаграмерчу chechnya_life аккаунтехь зорбане яьккхина видео. Цу тIехь гуш ду, спортсменашна юкъахь конфликт иккхинчул тIаьхьа, хьовсархошлахь тасадаларш дуьйлалуш. Нохчийчуьрчу чоьхьарчу гIуллакхийн сайтехь хиллачух информаци яц.