Новости за 01.04.2019

Террорхойн могIарш дузуш хилла аьлла, дIалаьцначу блогере Мирзеханов Алибеке Оьрсийчуьрчу къайлахчу сервисаша бехк кховдийна. ТАСС агенталло бина и хаам, шайн ницкъаллийн структурашкарчу хьосташна тIе а тевжаш. Террорхойн организаци юкъахь лаьттина, цуьнан гонаш дузуш хилла цо аьлла, бехкала воьллина Мирзеханов. Блогеро бехк тIе ца лоцу. Талламчийн версица, 2014-чу шарахь "Исламан пачхьалкх" шех олучу организацех дIакхета бохуш, кхайкхамаш бен видео гайтина хилла блогеро шен шина накъостана. Читать дальше...

"Исламан пачхьалкх" шех олучу тобанах дIакхеттачу дас-нанас дIадигина хилла кхо бер юхадерзо аьтто баьлла Къилба ХIирийчоьнан цIарах Оьрсийчоьнан пачхьалкхан Думан депутатан Макиев Зурабан. "Кавказ.Реалии" портале берийн гергарчара дийцарехь, оцу берийн да а, нана а 2014-чу шарахь дIадаханера Оьрсийчьура.  Да дукха хан ялале вийнера, ткъа нана стохка йийра. Цул тIаьхьа, дех-ненах хедда бераш латточу куьпахь хан яьккхинера кхаа беро. Ши бутт бара бераш цIа дерзо Iалашонца операци йолийна. Карарчу хенахь бераш Москвахь ду. Читать дальше...

Аниматоро Шамилов Сахьаба дуьйцу, нохчийн маттахь ша мультфилмаш стенна йоху.

Кхин цкъа а ша ца везачу нехан дегнаш тIера воьжна Евкуров Юнус-Бек – махкахь референдуме дахка догIучу гIуллакхийн кочар дацдан гIортарна бехкево иза Магасехь гуламашка буьйлучу наха.

ГIалгIайчоьнан чоьхьарчу гIуллакхийн министраллан урхалллехь лаьттинчу Кава Дмитрийн метта декхарш ханна кхочушдан векал вина Муравьев Юрий. Regnum агенталло бина и хаам. Цул совнах, дIайохийна административан дозанехула хилла къаьстина патрулан батальон (ДПС) а. ГIалгIайчоьнан дозанашкарчу кIошташкахь къепе латторхьама 2011-чу шарахь вовшахтоьхна яра и батальон. Чоьхьарчу гIуллакхийн министралло билгалдаккхарца, "ницкъаллийн структураша жигараллица гIаттамхошна дуьхьало латтина хиларца, регионан территори тIехь къепе дIахIоьттина"... Читать дальше...

Баккхийчу барамашкахь наркотикаш лелийна аьлла, бехк тIечIагIбинчу Шела кIоштан кхелан сацамна латкъамбан Iалашо яц Соьлжа-ГIаларчу "Мемориал" офисан куьйгалхочун Титиев Аюбан. Гергарчу заманчохь тоьхначу хенал а хьалха (УДО) бакъонашларъярхо аравоккхуш, кехаташ кечдан лаам бу цуьнан адвокатийн. Байначу беттан 18-чохь набахтехь даккха 4 шо хан кхайкхийра, стохка Iай дуьйнна лаьцна латтийначу Титиевна. Стигалкъекъа-беттан 9-чохь бакъо хир ю Титиевн УДО еха. Бакъонашларъярхочо Титиев Аюба а, цуьнан белхан накъосташа а... Читать дальше...

Нохчийчуьра а, ГIалгIайчуьра а 1000 сов гектар латтанаш минех дIацIандан буьйлабелла сапераш аьлла, хаамбина Къилберчу тIеман гонийн пресс-гIуллакххоша. Грозненск, Хьалха-Мартанан, ТIехьа-Мартанан, Шуьйтан кIошташкара латтанаш тахана дуьйнна минех цIандан буьйлабелла Нохчийчуьра тIемалой. ТIеоьзна 100 сов сапер, 20 гергга тIеман техника, талламаш бен жIаьлеш, дийцина ТАСС агенталле Къилберчу тIеман гонийн пресс-гIуллакххоша. Бутт байча буьйлалур бу ГIалгIайчуьрчу Джейрахан кIоштара латтанаш талла. Читать дальше...

Талламан комитете тIекхойкхуш кехаташ даьхкина ГIалгIайчоьнан виъ жигархочуьнга аьлла, хаамбина шоьтадийнахь "Выборы Ингушетии" юкъараллан организацин куьйгалхочо Нальгиев Исмаила. Мехкан куьйгалхочуьнга дарж охьадиллар доьхуш, Iедалшкара пурба а доцуш митинг хIоттийнера Магасан майданахь меттигерчу бахархоша аьлла, хааме даьккхира "Маршо Радионо". Протестхойн тасадаларш хилира полисхошца дахначу кхааридийнан Iуьйранна. ГIалгIайчоьнан куьйгалхочо Евкуров Юнус-Бека республикан Кхерамзаллан Кхеташонан... Читать дальше...

400 гергга еакIов метар латта дIалаьцна хилла шира маьждиг даьгна Гуьмсехь кIирандийнахь аьлла, хаамбина республикерчу орцан министралло. Адамашлахь лазийна стагга а вац. Дерриг даьгна маьждиг аьлла, билгалдаьккхина махкарчу муфтиятан пресс-гIуллакххоша а. 6 техника тIе а оьзна, 30 орцанхочун гIоьнца яйина цIе. "Лазийна, велла стаг вац", - аьлла бу орцан министраллан сайтехь бина хаам. 580 вахархо чутарлуш хIусам яра иза. Ишта муфтиято бинчу хаамца, регионерчу Кадыров Ахьмадан цIарахчу фондо дIахьедина... Читать дальше...