Новости за 26.12.2018

Оьрсийчоьнан Къилбан тIеман гонан прокуратуро жамI дина, дозанхойн беркеманна урхалла деш хиллачу экипажан командиран аьтто ца хилла и хьовзам юхатоха аьлла. Дозанан урхаллан Ми-8 беркема доьхнера Нохчийчохь Итон-Кхаьллан кIоштахь Зазадоккху-беттан 7-чохь. И бахьана долуш велира цу чохь хилла 6 дозанхо, шайна юкъахь беркеманан командир а волуш. 3 эскархо кIелхьарваьллера: цхьанна еза чевнаш хиллера, кхин шиъ чуэккха кхиънера беркема галдаьлча. Интерфаксо бинчу хаамца, беркема дохаран бахьана лаьрра хенахIоттам вуно чолхе хилар.

25 шо долу Соьлж-ГIалара яхархо Джабраилова Залина шен йишийн петарера араяьлла кхушеран Дечкен-беттан 20-чу дийнахь. Цу хенахь дуьйна цуьнан кхоллам муха бу хууш дац, яздо Рrivet-rostov.ru. сайто. Жимачу зудчуьнгахь мобилан телефон йоцург кхин хIумма а ца хилла. Оханан-беттан 4-чохь иза йийна хила мега аьлла талламан комитето долийнера бехктакхаман гIуллакх. Нохчийчуьрчу полисхойн аьтто ца баьллера Джабраилован лар каро. Цара жамI дина иза республикера дIаяхана хир ю аьлла.   Цхьацца билгалонашца Джабраилова Ростох еана хила мега аьлла... Читать дальше...

Элдин Микаил Суна хьо оьшу Суна хьо мел чIогIа оьшу хьуна хууш хилча… ХIан-хIа, суна лаа-м ца лаьа кху дахаран мах хадо а, я Iожаллин къайле лаха а. Дахаро баркалла а, Iожалло неIалт а аьлла вац со, я дахаран цабезам а, Iожаллин безам а ца лайна-кх ас. Цхьа дика я вон ланза цхьа а са ма дац дуьненахь. Делахь а ахь сайна дитинарш аса-м хала лов. Сан са цхьа карзахе, со бале вожийна, цхьана даккхийчу къинойх уьдуш санна, тийжарца паналле кхийдаш мукъадала гIерта-кх. Ткъа дог?.. Дог-м шелделла Iадда дIатийна, делча санна. Читать дальше...

Нохчийчуьра схьаваьлла жима стаг лаьцна Туркойчуьрчу Адана провинцехь. Цунах лаьцна хаам бина меттиречу зорбанан гIирсаша. Цара яздарехь, туркойн ницкъаллин структураша нохчи бехкевеш ву Керла Шо даздаршкахь теракт ян кечлуш хилла аьлла. Haberturk сайто яздарехь, лаьцнарг ву "Хайят Тахрир аль-Шам" экстремистийн тобанан декъашхо. Цуьнан цIе юьйцуш яц, амма билгалйоккхуш ю А.Г. элпашца. И стаг Шемахь тIом бина ву бохуш, яздо сайто. Ша жимачу стага чIагIдо, цхьана а терроран тобанца гIуллакх деана вац ша бохуш.

Нохчийчоьнан куьйгалхочо Кадыров Рамзана шен тидаме эцна Соьлж-ГIалахь вехачу жимачу кIанта латкъам беш яьккхина видео. Кадыровс жоп делла цунна шен «ВКонтакте» йолчу агIонехь. Ша яьккхина видео тIехь кIанта хаам бина петарехь массо а биргIанаш чуьра догIуш довха хи хиларна шийлачу хица халонаш хьоьгуш бу шайн доьзал аьлла. Цо варе йина гIалахь хин латто урхалла, ша Кадыровга латкъам бийр халарна, нагахь хьал дIа ца нисдахь. "Вай, хьо ма буьрса ву, нохчийн блогер. Кхерийна хир бу ахь хаьйн блог ешархой. Читать дальше...

Михальченко Лидия                                                                                           "Кавказ.Реалии" Интерполо лехам сацийча, шайн дахарехь хуьлучу хийцамех лаьцна дуьйцу нохчийн мухIажирша Шаьш цхьана а зуламна бехке боцийла а хаийтина, Интерполан базанера дIабовларх, чекх ца йовлу шайн проблемаш, боху Оьрсийчоьнан бахархоша. Стаг вийна ала а сахьт дац Кадыров Рамзанан гергарчу стагца конфликт иккхича, Нохчийчуьра ведда, Полше кхаьчна веха вевзаш волу блогер Абдурахманов Тумсо. Читать дальше...

Уггаре йораха мобилан интернет йолчу пачхьалкхашна юкъахь ю Оьрсийчоь, амма хьал кестта хийцадала мегаш ду. Цунах лаьцна яздо "Коммерсанто", Content Review талламана тIе а тевжаш. Цу талламца а догIуш, Оьрсийчоь цу гайтамехь 8-чу меттехь ю. (Хьалхарчу меттехь ю Румыни, ткъа 10-гIа меттиг дIалоцуш ю Алжир). Делахь а Оьрсийчуьрчу мобилан интернетах кхачо ярца доьзна хьал хийцадала мегаш ду 2019-чу шеран Дечкен-беттан 1-чохь дуьйна. Иза доьзна ду керлачу шарахь НДС олучу йолан барам алсамбаккхарца - хIинца йолчу 18% тIера 20% проценте. Читать дальше...

Федералан пачхьалкхан статистикан урхалло бинчу хаамца, 2018-чу шеран 11 баттахь кхачанан сурсаташ 3,3 сиха дазделла Оьрсийчохь Евробертана юкъарчу пачхьалкхашкахьчулла а. 2018 шо доладелчхьана даар-малар дазделла Оьрсийчохь 3,3%, Евробертан территори тIехь и гайтам 1% а болуш. Уггар алсам мехаш хьаладевлла Оьрсийчохь Лахьанан-баттахь. ДIабаханчу баттахь Евробертан юкъайогIучу пачхьалкхашкахь мехаш 0,1 процентана охьадовлучу хенахь, Оьрсийчуьрчу туьканашкахь кхачанан сурсаташ дазделла 1,2%. Уггар алсам дазделлар ду жижиг а... Читать дальше...

Нохчийн блогеро Абдурахманов Тумсос дуьйцу шех хиндерг, нагахь Полшано дIалахь