Новости за 08.12.2018

Шоьтан суьйранна кхелхина 92 шо долу бакъонашларъярхо, Москохарчу Хельсинкин группан куьйгалхо Алексеева Людмила. Оьрсийчоьнан президентехула адамийн бакъонаш ларъечу Кхеташонан урхалчас Федотов Михаила бина цунах хаам, Москохарчу 15-чу дарбан цIийнан коьртачу лоьран информацина тIе а тевжина. ПIераскандийнахь а кхетамехь йолуш, шен гIоьнчана дан дезарг а хьоьхуш хилла иза, Федотовс дийцарехь. 1927-чу шарахь Евпаторехь йина яра Алексеева. Москохарчу пачхьалкхан университетехь историн факультет а... Читать дальше...

ГIалгIайчоьнна а, Нохчийчоьнна а юкъара доза ШариIатан кхелехь къастор хьехна пIераскандийнахь Нохийчуьрчу Iедалхошна гIалгIайн къоман тайпанийн Кхеташоно, шина къоман юкъаметтигаш цунах гIоьртина хилар, билгалдоккхуш. Оьрсийчоьнан Конституцин кхело низамца богIуш лору Нохчийчоьнан а, ГIалгIайчоьнан а доза къастош шина мехкан куьйгалхоша тIеэцна сацам. Оцу маьIнехь жамI дIакхайкхорца ерзийна дозан хьокъехь ши кIира хьалха ладегIарш дIадахьна кхел цуьнан куьйгалхочо Зорькин Валерийс дахначу еаридийнахь. Читать дальше...

Солсбери гIалахь хилла инцидент бахьана долуш Лондоно санкцеш тухуш ю Оьрсийчохь гоьбевллачу хьоладайшна. Оцу хьокъехь Британин къайлахчу сервисаша кечдина тептар къобалдина Великобританин премьер-министро Мэй Терезас. "Интерфакс" агенталло яздо цунах, Британин The Daily Telegraph газетана тIе а тевжаш. Тептаре язвина Абрамович Роман, Дерипаска Олег, Усманов Алишер, Ротенберг Борис а, Аркадий а. "Великобританехь а, Европехь а, кхечу пачхьалкхашкахь маьршша дIасалела а, болхбан а царна дехка Iалашонца хIоттийна и тептар"... Читать дальше...

Башкортостанерчу чоьхьарчу гIуллакхийн министро Деев Романа шен тергоне эцна, Нохчийчохь чолхе чевнаш йинчу, иза заьIапхо хиларан группа кхи дIа тIе ца чIагIйинчу полицин хиллачу белхахочун Шаймуратов Азатан гIуллакх. Министраллан пресс-гIуллакххоша Iорадаккхарца, ТАСС агенталло шоьтадийнахь бина хIара хаам. Прессано яздарехь, 2016-чу шарахь бIаьста чоьхьарчу министраллан декъан белхахо хилла Шаймуратов Азат а, цуьнан пхи накъост а лазийра Нохчийчохь ханна декхарш кхочушдан хьажийначу заманчохь. Къаьсттина чолхе хьал хиллера Шаматовгахь. Читать дальше...

Цхьа шой, ах шой колонехь яккха хан тоьхна Нохчийчуьрчу вахархочунна, РГД олу граната а йоккхуш цуьнгара. Талламчийн информацица, Соьлжа-ГIалахь эцна хилла цо и граната. ГIадужу-баттахь полисхошна каравеанчу цунна дуьхьал бехкзуламан гIуллакх долийна Оьрсийчоьнан бехктакхаман кодексан 222-чу артиклца (эца а, ларъян а, лело а бакъо йоцуш оьккхуьйту гIирс Iалашбарна) аьлла, дийцина "Кавказан узел" агенталле Талламан комитетерчу хьостано. ПIераскандийнахь Соьлжа-ГIаларчу Заводской кIоштан кхело 1... Читать дальше...

Байначу беттан 25-чохь Iаьржачу хIорда тIехь дIалецначу украинхойн тIеман кеманаша Керчан гечонехь доза дохийнера аьлла, дIахьедо Оьрсийчоьнан къайлахчу сервисаша. Шоьтадийнахь брифингехь ФСБ-н векалша дIакхайкхийна, Украинерчу хIордхоша хьалххе хаам ца бинера шайга, шаьш гечонехула дехьа довлуш ду аьлла. Цул совнах, украинхойн тIеман катерш кийча хиллера тIамна аьлла къайлахчу сервисаша. Керчан тIайна дуьхьал Украинерчу кеманаша цхьа провокаци ярна кхоьруш, инцидент хиллачу дийнахь дехьадовлийла дIакъевлинера шаьш аьлла ФСБ-н векалша. Читать дальше...

Оьрсийчоьнан Конституцин 25 шо кхочу кху беттан 12-чохь. Цу дийнахь кхайкхочу амнистига сатуьйсуш бу дуккха а тутмакхаш. Адамийн бакъонашкахула йолчу Кхеташонан векалша инициатива кховдийна, цу дийнахь амнисти йийр ю аьлла хеташ. Оьрсийчоьнан президентехула адамийн бакъонаш ларъечу Кхеташонан урхалхочо Федотов Михаила хьехна цу дийнахь зуламаш динарш а юкъабахийтар амнистина. Президентан Путин Владимиран  цIарах лерина дехар дан дагахь бу цу хьокъехь Оьрсийчохь болх бен бакъонашларъярхой. Билгалдаккха догIу... Читать дальше...

Дагестанан Эндирей олучу эвлан гонашкахь тIемало ву аьлла, стаг вер - кху шарахь хилла 4-гIа инцидент ю аьлла, хьесап дина  "Кавказан узел" агенталло. ПIераскандийнахь герзаца волу стаг вийра ницкъахоша Хаси-Юьртарчу Эндирейн гергахь дIаяьхьначу леринчу операцехь. Структурашкарчу хьостано даредарца, "эндиреевхойн" тобан тIаьххьара декъашхо вара иза. Цул хьалха ГIадужу-беттан 13-чохь хилира цхьа инцидент. Эндирейхь цхьана цIийнах хьовсучу заманчохь чевнаш йира полисхочунна. Герз деттачу хIусамна го а лаьнца... Читать дальше...

Пачхьалкхан хилла секретарь Тиллерсон Рекс "тIулг санна аьрта" а ву, "воккха малонча" а ву аьлла Iамеркан Цхьанатоьхначу Штатийн президенто Трамп Доналда. Цо бахарехь, Iамеркан дипломатин урхаллехь волчу стагна оьшу амалш яцара Тиллерсонан. ХIинца волчу пачхьалкхан секретара Помпео Майка бечу балхах дозалла до ша аьлла Трампа. ПIераскандийнахь CBS канална еллачу интервьюхь Тиллерсон Рекса дIахьедира, шен Трампца юкъаметтигаш телхина, шаьшиннан мехалаллаш кеп-кепара хиларна аьлла. Ша масийттазза президенте дIахоуьйтура... Читать дальше...

Варшавехь бусулбачу зудчунна тIелатар динчу Полшин вахархочо еша еза Чехин тIеман репортеро Прохазкова Петрас Нохчийчуьрчу тIамах лаьцна язйина книга. Ишта сацам тIеэцна Варшаверчу кхело кху кIиранах. Цул совнах, набахтехь баккха биъ бутт хан а кхайкхийна суьдхоша полшхочунна. Дахначу шеран гурахь тIелатар динера Б.Камила бусулбачийн духарца йогIучу жимчу зудчунна, шена тIехь терго латтайора цо аьлла. Ткъа кхелехь зудчо латкъамбинера, шена уллохула тIехволучу Камила, Мухьаммад Пайхамар аьшнашвеш, дешнаш аьллера шега аьлла. Читать дальше...

Кху шеран Марсхьокху-баттахь Каирехь лецна гIалгIайн студенташ тIулгийн чоьнаш чохь, буха яхка гоьнаш а йоцуш, чомахь юург а ца луш латтош бу аьлла, "Кавказан узел" агенталле латкъамаш бина лецначу кегийрхойн гергарчара. Цхьана а кепара реакци а йоцуш арахьарчу гIуллакхийн министралло тесна дитина гергарчийн кехат. Церан балхана тIехь шаьш терго латтор ю аьлла, тIелаьцна Путинан администрацехь. Маршо Радионо яздира, байначу беттан 7-чу дийнахь дийца даккхарх ГIалгIайчуьра пхи студент Мисарахь лаьцна, вигина аьлла. Читать дальше...

Нохчийчуьрчу чоьхьарчу гIуллакхийн министралло цIе яьккхина, Соьлжа-ГIалахь нах бойуш хиллачу инцидентехь бехкеволчун. Шела кIоштан администрацин куьйгалхо, Кадыров Рамзанан шича Ибрагимов Турпал-Iела ца хилла иза, цуьнан маьхча ву, бехкзуламан гIуллакх а долийна цунна дуьхьал аьлла, дIахьедина министраллехь. "Кавказан узел" агенталло хаттам бинчу политологашна хетарехь, Iедалхойх тешам бацарана, бахархоша бехкевина Шела кIоштан хьаькам. Маршо Радионо яздира, социалан машанашкахь махкахоша йозанаш дитарх... Читать дальше...