Новости за 22.06.2018

Маршо Радионо бовзуьйту таханлера боцца хаамаш

ГАЙТУКАЕВА БАНА КЪОЬЖА IИНДАГIАШ ДIаоьху со меллаша. ДIаоьху жима йолуш хезна назманаш денлучу кхерча. Ас сица садоIу, со денло кху новкъа яьлча. Ас дагца дог оьцу, дIаоьхуш кху лаьмнийн новкъа. Суна аьтто агIор цхьа гIаларт хIутту. Кхерало со, амма йоха ца юху. Хотту ас: «ХIун ю хьан цIе, мичара яьлла хьуна бакъо, сан хенах ха тухуш, хIотта?» Дист а ца хуьлуш, лаьтта иза. Юха а хотту ас изза. Цуьнан бIаьргаш чохь къоьжа IиндагIаш го. Эххар а: «Со шун цIийнан гIайгIа ю, – эли цо. – Со лела дукха хан ю... Читать дальше...

Филимонов Андрей Назино юьртара трагеди. Оьрсийчоьнан XX бIешарера къиза сурт. Паччхьалкхо шен набахтешкахь латтийначу Iазапах тоьшалла. 1933-чу шеран бIаьста Обь хица лаьттачу гIайри тIехь мацалла велла пхи эзар гергга тутмакх. Царех цхьа дакъа диина вукху декъо. Наха гулдинчу ахчанах тутмакхийн хьомара хIинца килс ю юьллуш Назинохь. Революци тоьлча йоьхна хилла паспортан система меттахIоттийра Советан Iедало 1930-гIачу шерийн юххьехь. Иза юкъайоккхушехь леца болийра гIаланашкахь "паспортан раж" йохийна нах. Читать дальше...

Хийла воккхачуьнга балуш боцу болх бо Соьлж-ГIаларчу берийн кхоллараллан ЦIийно – йовзуьйту, езайолуьйту кхечу къаьмнийн векалшна нохчийн синмехаллаш – куьйга дина тоьганаш, йийбар, пхьегIа, къоман хатI гойту тайнигашца, хелхаршца, эшаршца. Оьрсийчохь дIахьочу къовсамашкахь дуккхаза а шаьш хьалхара меттигаш бахарх дозаллица дийцира Маршо Радион корреспонденте берийн кхоллараллан ЦIийнерчу педагого Аюбова Маликас.

Оьрсийчоьнан президенто Путин Владимира шен гIоьнча хIоттийна Эдельгериев Абубакар. Цунах лаьцна Мангал-беттан 22-чу дийнахь хаам бина Кремлан зорбанан сервисо. 2012-чу шарахь дуьйна тахханалц Нохчийчоьнан Iедалан куьйгалхо вара Эдельгериев. Жимма хьалхо хаам баьржинера президентан Ельцинан администрацин куьйгалхо хилла Юмашев Валентин Путина шен, ахча а ца оьцуш болх бийр болу, хьехамча хIоттийна хиларх.

"Солнцевская" лерринчу Iалашонна вовшахкхеттачу талорхойн тобанан хьалханчан Михайлов Сергейн (Михась) гIоьнчин Тамм Арнолдан (Спиваковский Андрей) мобилан телефонера Испанин полицино схьэцна сурташ зорбане даьхна The Insider-о. Оьрсийн мафица доьзначу бехктакхаман гIуллакхна юкъатоьхначу масийтта сурта тIехь Михасьца цхьаьна дIахIоьттина ву цу Оьрсийчоьнан турпалхо Пачхьалкхан Думан депутат инарла Шаманов Владимир. The Insider-ро бинчу хаамца, и сурташ даьхна ду Москох Lotte Hotel цIе йолчу хьешан хьусамехь. Читать дальше...

Кху беттан 8-чу дийнахь ГIалгIайчохь байинарш а, лецнарш а интернетерчу ницкъаллийн структурийн белхахоша лелочу цхьана тобане язбелла хилла. Оцу группи чохь дIасакхехьийтина хаамаш бахьанехь йолийнера спецопераци, дIахьедо бакъонашларъярхочо Муцольгов Мохьмада. Контртерроризман конвейер Верриг а цу тасадаларшкахь вийнарг ву Несарара виъ вахархо. Шайн цIа чохь дийра АюповгIеран доьзалера кхо адам (Iумар, Мохьмад, церан нана Медна а), ткъа Алиев ИбрехIим дIавигинчул тIаьхьа вийра полисхоша. ... Читать дальше...

Дуьненан чемпионатехь финалан 1/8 декъе яьллачул тIаьхьа Оьрсийчоьнан футболан тобано даьккхина 12 миллион доллар, хаам бо Sport.rambler.ru сайто. 8 миллион доллар лур ду цу тобанна дуьненаюкъарчу футболан федерацино (FIFA) хьалхарчу ловзаршкахь дакъалацарна. Кхин а 4 миллион – рогIерчу муьре яларна. Финалан ¼ декъе яьллачу тобанашна лур ду кхин а 4 миллион доллар. Цу кепара, хир болчу чемпионаша доккхур ду 38 миллион доллар. Дато мидал яьккхинчу тобанна лур ду 28 миллион доллар. Ткъа кхоалгIа... Читать дальше...

Оьрсийчоьнан тIеман министралло юкъаяьккхина лейтенанташ кечбон керла график. 2018-чу шарахь эскаран лаккхарчу дешаран школаша шозза арахоьцур бу курсанташ. Иза доьзна ду лаккхара дешаран меттигаш деа шеран программина тIе йовлуш хиларца, яздо "Известия" газето. Цо дийцарехь, цу кепара 2018-чу шарахь эскаре хьажор ву 2 эзар гергга лейтенант, вуьшта аьлча стохка хиллачул а кхузза алсам. 4 шарахь эпсарш кечбон система хилла Своетан Пачхьалкхехь. И хан тоьара эскаран лаккхарчу дешаран школашна говза эпсарш арахеца. Читать дальше...

Гергарчу мукъачу деношкахь кху дуьнентIехь уггаре а еха хир йолу шашлык ян дагахь бу Дагестанера кхачакечбархой. Цунах лаьцна хаам бина "Интерфаксо", Оьрсийчоьнан шашлыкъярхойн цхьаьнакхетараллан векалшна тIе а тевжаш. Мангал-беттан 23-24-чу деношкахь фестивал хир ю Дагестанехь, доьзалан мехаллашна а, кхоллараллана а, културана а хьажийна. Цуьнан декъашхой къовсалур бу, уггаре еха шашлыкаш а, шаурма а ярехула. Нагахь аьтто балахь, шайн кхиам Гиннесан рекордийн жайне дIаязбайта хьажо дагахь бу уьш... Читать дальше...

Футболан дуьненан чемпионат йоьдуш Соьлж-ГIалахь дIатарйинчу Мисаран тобанан футболхой рузбан ламаз дан гIур бу Нохчийчоьнан коьрта гIаларчу коьртачу маьждиге. Цунах лаьцна хаам бина РИА Новости агенталло. Цу хеннахь, Мисаран юкъаралла бахьанаш лоьхуш ю шайн тоба цу чемпионатехь эгIаза ловзуш хиларан, яздо Кавказ.Реалиино. "Аль-Мысри аль-йоум" газетан авторна хетарехь, коьрта гIалат дара Мисаран футболан тобано чемпионат дIайоьдучу юкъана футболхой Iаш болу меттиг Соьлж-ГIала харжар. Чемпионат йолаелчхьана мисархой шозза эшна ... Читать дальше...

БархI шо долу кIант велла Мангал-беттан 19-чохь Шелан кIоштарчу БелгIатахь. Иза хи чу вахана цу эвлан йистерчу Iома чохь луьйчуш. Оццу дийнахь цу тайппа бохам хилла Невран кIоштахь а. Капустино эвлан йистехь хи чу а вахана кхелхина 10 а, 11 а шераш долу ши кIант. И шиъ а хилла цигахь луьйчуш, тIухьожуш воккханиг а воцуш.